Шымкент қаласы әкімдігінің кейбір қаулыларының күші жойылды деп тану туралы

«Құқықтық актілер туралы» Қазақстан Республикасы Заңының 27-бабына сәйкес Шымкент қаласының әкімдігі ҚАУЛЫ ЕТЕДІ:

1. Шымкент қаласы әкімдігінің мынадай қаулыларының күші жойылды деп танылсын:

1) «Шымкент қаласының су объектілері мен су шаруашылығы құрылыстарындағы көпшіліктің демалуына, туризм мен спортқа арналған жерлерін белгілеу туралы» Шымкент қаласы әкімдігінің 2021 жылғы 13 мамырдағы № 289 қаулысы (Нормативтік құқықтық актілерді мемлекеттік тіркеу тізілімінде № 167 болып тіркелген);

2) «Шымкент қаласының су объектілері мен су шаруашылығы құрылыстарындағы көпшіліктің демалуына, туризм мен спортқа арналған жерлерін белгілеу туралы» Шымкент қаласы әкімдігінің 2021 жылғы 13 мамырдағы № 289 қаулысына өзгеріс енгізу туралы» Шымкент қаласы әкімдігінің 2025 жылғы 5 наурыздағы № 796 қаулысы (Нормативтік құқықтық актілерді мемлекеттік тіркеу тізілімінде № 232-17 болып тіркелген).

2. «Шымкент қаласының қалалық жайлы ортаны дамыту басқармасы» мемлекеттік мекемесі Қазақстан Республикасының заңнамасында белгіленген тәртіпте:

1) осы қаулыны Қазақстан Республикасы Әділет министрлігінде мемлекеттік тіркеуді;

2) осы қаулыны ресми жарияланғанынан кейін Шымкент қаласы әкімдігінің интернет-ресурсына орналастыруды қамтамасыз етсін.

3. Осы қаулының орындалуын бақылау Шымкент қаласы әкімінің жетекшілік ететін орынбасарына жүктелсін.

4. Осы қаулы алғашқы ресми жарияланған күнінен кейін қолданысқа енгізіледі.

Шымкент қаласының әкімі

Ғ. Сыздықбеков