«Спорттық және спорттық-бұқаралық, ойын-сауық мәдени-бұқаралық іс-шараларды өткізу қауіпсіздігін қамтамасыз ету жөніндегі нұсқаулықты бекіту туралы» Қазақстан Республикасы Ішкі істер министрінің 2017 жылғы 1 қаңтардағы № 1 және Қазақстан Республикасы Мәдениет және спорт министрінің 2017 жылғы 17 қаңтардағы № 9 бірлескен бұйрығына өзгерістер енгізу туралы

БҰЙЫРАМЫЗ:

1. «Спорттық және спорттық-бұқаралық, ойын-сауық мәдени-бұқаралық іс-шараларды өткізу қауіпсіздігін қамтамасыз ету жөніндегі нұсқаулықты бекіту туралы» Қазақстан Республикасы Ішкі істер министрінің 2017 жылғы 1 қаңтардағы № 1 және Қазақстан Республикасы Мәдениет және спорт министрінің 2017 жылғы 17 қаңтардағы № 9 бірлескен бұйрығына (Нормативтік құқықтық актілерді мемлекеттік тіркеу тізілімінде № 14845 болып тіркелген) мынадай өзгерістер енгізілсін:

кіріспе мынадай редакцияда жазылсын:

«Дене шынықтыру және спорт туралы» Қазақстан Республикасы Заңының 38-бабының 12-тармағына және « Мәдениет туралы » Қазақстан Республикасы Заңының 9-1-бабының 2-тармағына сәйкес БҰЙЫРАМЫЗ:»;

көрсетілген бұйрықпен бекітілген Спорттық және спорттық-бұқаралық, ойын-сауық мәдени-бұқаралық іс-шараларды өткізу қауіпсіздігін қамтамасыз ету жөніндегі нұсқаулықта:

1-тармақ мынадай редакцияда жазылсын:

«1. Осы Спорттық және спорттық-бұқаралық, ойын-сауық мәдени-бұқаралық іс-шаралар өткізу қауіпсіздігін қамтамасыз ету жөніндегі нұсқаулық (бұдан әрі – Нұсқаулық) «Дене шынықтыру және спорт туралы» және «Мәдениет туралы» Қазақстан Республикасының заңдарына сәйкес әзірленді және спортшылардың қатысуымен оқу-жаттығу жиындарын қоспағанда, спорттық және спорттық-бұқаралық, ойын-сауық мәдени-бұқаралық іс-шаралар (бұдан әрі – бұқаралық іс-шаралар) өткізу кезінде қауіпсіздікті қамтамасыз ету бойынша Қазақстан Республикасы заңнамасы нормаларын қолдануды нақтылайды.»;

7-тармақ мынадай редакцияда жазылсын:

«7. Бұқаралық іс-шараларды ұйымдастыру және өткізу үшін ЖАО ұйымдастырушылық комитеттерін (бұдан әрі - комитеттер) құрады, олар бұл іс-шараларды дайындау және өткізуге жұмылдырылған ұйымдардың қызметін үйлестіреді.

Комитет құрамына ІІО-ның және азаматтық қорғау органдарының өкілдері, бұқаралық іс-шараны ұйымдастырушы кіреді. Комитетті ЖАО-ның уәкілетті өкілі басқарады.».

2. Қазақстан Республикасы Ішкі істер министрлігінің Әкімшілік полиция комитеті заңнамада белгіленген тәртіпте:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрық ресми жарияланғаннан кейін оны Қазақстан Республикасы Ішкі істер министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау Қазақстан Республикасы Ішкі істер министрінің жетекшілік ететін орынбасарына және Қазақстан Республикасы Мәдениет және ақпарат, туризм және спорт вице-министрлеріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы туризм және спорт министрі

__________Е. Мырзабосынов

Қазақстан Республикасының Мәдениет және ақпарат министрі

__________А. Балаева

Қазақстан Республикасы ішкі істер министрі

__________Е. Саденов

«КЕЛІСІЛДІ»

Қазақстан Республикасының

Төтенше жағдайлар министрлігі