«Тау-Кен Самұрық» Ұлттық Тау-Кен компаниясы» акционерлік қоғамымен қауымдық сервитутты белгілеу туралы

Қазақстан Республикасы Жер кодексінің 17- бабының 5- 1) тармақшасына, 69, 71-1-баптарына, «Қазақстан Республикасындағы жергілікті мемлекеттік басқару және өзін- өзі басқару туралы» Қазақстан Республикасы Заңының 31- бабы 1-тармағының 10) тармақшасына сәйкес, Қарқаралы ауданының әкімдігі ҚАУЛЫ ЕТЕДІ:

1. Осы қаулының қосымшасына сәйкес «Тау-Кен Самұрық» Ұлттық Тау-Кен компаниясы» акционерлік қоғамы қатты пайдалы қазбаларды барлау жөніндегі операцияларды жүргізу үшін 2031 жылғы 21 тамызға дейінгі мерзімге жер учаскелерін алып қоймай, Қарағанды облысы Қарқаралы ауданының жерлерінде орналасқан жалпы ауданы - 6665,5391 гектар жер учаскелеріне қауымдық сервитут белгіленсін.

2. «Тау-Кен Самұрық» Ұлттық Тау-Кен компаниясы» акционерлік қоғамы қатты пайдалы қазбалар бойынша барлау жұмыстарын жүргізу кезінде, ауыл шаруашылығы мақсатында пайдаланылатын жер пайдаланушылардың жерлерінде (олар болған кезде), сондай-ақ зиян келтірілген жағдайда залалды өтеуге және жер учаскелерін нысаналы мақсаты бойынша одан әрі пайдалану үшін бастапқы қалпына келтіруге міндеттелсін.

3. Барлау жұмыстарын жүргізу мерзімін, олардың нақты орнын, шығындарды өтеу және жердің нысаналы мақсаты бойынша пайдалануға жарамды күйге келтіру жөніндегі міндеттерді айқындау мақсатында уәкілетті органдармен пайдаланған жер учаскелерін жарамды күйде тапсыруға міндетті.

4. «Қарқаралы ауданының жер қатынастары бөлімі» мемлекеттік мекемесі осы қаулыдан туындайтын басқа да шараларды қабылдасын.

5. Осы қаулының орындалысына бақылау жасау жетекшілік ететін аудан әкімінің орынбасарына жүктелсін.

6. Осы қаулы қол қойылған күнінен бастап күшіне енеді және қолданысқа енгізіледі.

Қарқаралы ауданы әкімінің м.а.

С.Мусин

Қарқаралы ауданы әкімдігінің

2025 жылғы «22» қыркүйек

№325 қаулысына

Қосымша

Қоғамдық сервитут белгіленетін жер учаскелерінің тізбесі