«Қазақстан Республикасының жануарлар дүниесін қорғау, өсімін молайту және пайдалану саласындағы заңнамасын бұзумен келтірілген зиянның орнын толтыру мөлшерін бекіту туралы» Қазақстан Республикасы Ауыл шаруашылығы министрінің міндетін атқарушы 2015 жылғы 27 ақпандағы № 18-03/158 бұйрығына өзгеріс енгізу туралы

БҰЙЫРАМЫН:

1. «Қазақстан Республикасының жануарлар дүниесін қорғау, өсімін молайту және пайдалану саласындағы заңнамасын бұзумен келтірілген зиянның орнын толтыру мөлшерін бекіту туралы» Қазақстан Республикасы Ауыл шаруашылығы министрінің міндетін атқарушы 2015 жылғы 27 ақпандағы № 18-03/158 бұйрығына (Нормативтік құқықтық актілерді мемлекеттік тіркеу тізілімінде № 10929 болып тіркелген) мынадай өзгеріс енгізілсін:

Қазақстан Республикасының жануарлар дүниесін қорғау, өсімін молайту және пайдалану саласындағы заңнамасын бұзумен келтірілген зиянның орнын толтыру мөлшері осы бұйрыққа қосымшаға сәйкес жаңа редакцияда жазылсын.

2. Қазақстан Республикасы Экология және табиғи ресурстар министрлігінің Орман шаруашылығы және жануарлар дүниесі комитеті заңнамада белгіленген тәртіппен:

1) осы бұйрықты мемлекеттік және орыс тілдерінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберілуін;

2) осы бұйрықтың Қазақстан Республикасы Экология және табиғи ресурстар министрлігінің интернет-ресурсында орналастырылуын;

3) осы бұйрық ресми жарияланғаннан кейін он жұмыс күні ішінде Қазақстан Республикасы Экология және табиғи ресурстар министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтердің ұсынылуын қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Экология және табиғи ресурстар вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Экология және табиғи ресурстар министрі

Е. Нысанбаев

«КЕЛІСІЛДІ»

Қазақстан Республикасы

Қаржы министрлігі

«КЕЛІСІЛДІ»

Қазақстан Республикасы

Ішкі істер министрлігі

«КЕЛІСІЛДІ»

Қазақстан Республикасы

Ауыл шаруашылығы министрлігі

Бұйрығына қосымша

Қазақстан Республикасы

Ауыл шаруашылығы министрінің

міндетін атқарушысының

2015 жылғы 27 ақпандағы

№ 18-03/158 бұйрығымен

бекітілген

Қазақстан Республикасының жануарлар дүниесін қорғау, өсімін молайту және пайдалану саласындағы заңнамасын бұзумен келтірілген зиянның орнын толтыру мөлшері

№	Жабайы хайуанның атауы	Зиянды өтеу ставкасының мөлшері айлық есептік көрсеткішпен (әрбір дарағы/әрбір килограмы үшін/ұясы үшін)
1	2	3
Жердегі сүт қоректілер
1	Құлжа* (арғалы, арқар, үстірт қойы)	1500
2	Ілбіс*	2000
3	Борсық	10
4	Тиін	5
5	Құндыз	15
6	Қызыл қасқыр*	600
7	Орта азия кәмшаты*	400
8	Терістік кәмшаты	10
9	Сусары	10
10	Қабылан*	2000
11	Ақкіс	10
12	Қарақұйрық*	400
13	Үнді жайрасы*	200
14	Қара кірпі	5
15	Қоян (ақ қоян, толай, ор қоян)	5
16	Доңыз	250
17	Құдыр	250
18	Қарақал*	600
19	Құндыз жарғанаты	100
20	Сібір тау текесі	250
21	Сасық күзен	10
22	Қарсақ	5
23	Елік	250
24	Шағыл мысығы*	200
25	Ала аяқ мәлін	5
26	Түрікмен құланы*	2000
27	Ақтөс* және орман* сусарысы	200
28	Ақ құлақ	10
29	Түлкі	5
30	Бұлан	500
31	Сабаншы*	300
32	Қоңыр аю	200
33	Тян-шань қоңыр аюы*	700
34	Балжегіш аю*	600
35	Американ күзені	10
36	Еуропа күзені*	600
37	Теңбіл бұғы*	700
38	Бұғылар (теңбіл бұғыдан басқасы)	200
39	Су тышқан	5
40	Шұбар күзен*	200
41	Ала жертесер	5
42	Құну	100
43	Түркістан сілеусіні*	200
44	Сілеусін (Түркістан сілеусінінен басқа)	20
45	Жолман*	200
46	Серке киік	500
47	Ұрғашы киік, төлі	350
48	Бүрме ерінді жарқанат*	200
49	Үлкен көртышқан*	200
50	Жанат текті ит	10
51	Бұлғын	40
52	Саршұнақ	5
53	Суырлар (байбақ, қызғылт, сұр)	10
54	Мензбир суыры*	400
55	Балпақ-зорман	5
56	Сасық күзен	5
57	Жануарлардың сирек кездесетiн және құрып кету қаупi төнген түрлерiнiң тiзбесi енгізілген сүтқоректілердің басқа да түрлері	100
58	Сүтқоректілердің басқа да түрлері	5
Құстар
59	Қара ләйлек*	200
60	Үлкен, кіші суқұзғын	1
61	Ителгі*	700
62	Бүркіт*	400
63	Сақалтай*	400
64	Тарбақ шырғалақ*	200
65	Тарбақ (үлкен және кіші)	5
66	Үлкен және кіші әупілдек	5
67	Қызыл және қара мамыққаз	10
68	Саңырау құр	10
69	Құр	5
70	Күшіген (тазқара, ақбас, гималайлық күшіген)	10
71	Қаздар (қутұмсық қаздан өзгесі)	5
72	Қутұмсық қаз*	600
73	Тұрымтай	5
74	Жек дуадақ*	700
75	Дуадақ*	700
76	Ақбас тырна*	100
77	Сұр тырна*	200
78	Жыланжегіш қыран*	400
79	Қызыл жемсаулы қараша қаз*	200
80	Жамансары (кәдімгі, обалық, жүнаяқ қысқы, жамансары)	10
81	Қарабай*	100
82	Бақылдауық	5
83	Кекілік	5
84	Қалбағай*	200
85	Сұнқар*	200
86	Тарғақ*	400
87	Шалшықшы (кішісі және сүйір тұмсықтысы)*	200
88	Шалшықшы (ірі және орта)	5
89	Құмай*	100
90	Шіл	5
91	Сұңқылдақ аққу, кішісі	400
92	Сыбырлақ аққу	50
93	Құладын (батпақ құладынынан басқасы)	5
94	Қасқалдақ	5
95	Шыбыншы торғай*	100
96	Бақалтақ қыран*	100
97	Дала қыраны	20
98	Жыртқыш қыран	20
99	Аққұйрық субүркіт, кезқұйрық субүркіт	400
100	Қызғылт бірқазан, бұйра бірқазан	400
101	Бөдене	5
102	Ақ құйрық қызғыш*	200
103	Сұқсыр	5
104	Шаңқылдақ қыран	10
105	Көкқұс*	100
106	Ақбауыр бұлдырық, қарабауыр бұлдырық*	200
107	Қарабауыр шіл	5
108	Убақ*	100
109	Лашын*	600
110	Балықшы тұйғын*	600
111	Жапалақ, байғыз (үкіден басқа)	5
112	Ақ тырна*	700
113	Алтай ұлары*	200
114	Гималай ұлары	10
115	Үйректер (Жануарлардың сирек кездесетiн және құрып кету қаупi төнген түрлерiнiң тiзбесiне енгізілгенінен басқасы)	5
116	Қырғауыл	5
117	Үкі*	200
118	Қоқиқаз*	400
119	Дара шағала*	200
120	Бидайық*	700
121	Жануарлардың сирек кездесетiн және құрып кету қаупi төнген түрлерiнiң тiзбесiне енгізілген құстардың басқа да түрлері	100
122	Басқа да құс түрлері	5
Бауырымен жорғалаушылар
123	Сұр кесіртке	20
124	Сары қыран кесіртке	1
125	Шұбар батбат	1
126	Сары қыран әбжылан	1
127	Әбжыландар (қызылжолақты, жолақты және төртжолақтылар)	1
128	Қара шұбар жылан, сарыбас жыландар, құмжыландар	1
129	Улы сұр жыландар	1
130	Қалқантұмсық жылан	2
131	Тасбақалар	2
132	Бауырымен жорғалаушылардың ғылыми және ағартушылық маңызы бар басқа да түрлері	1
Қос мекенділер
133	Жетісу бақатісі	100
134	Қосмекенділердің ғылыми маңызы бар басқа да түрлері	1
Жәндіктер
135	Жануарлардың сирек кездесетiн және құрып кету қаупi төнген түрлерiнiң тiзбесiне енгізілген қоңыздар мен көбелектер	3
136	Ғылыми және коллекциялық маңызы бар басқа қоңыздар мен көбелектер	0,5
137	Жануарлардың сирек кездесетiн және құрып кету қаупi төнген түрлерiнiң тiзбесiне енгізілген жарғаққанаттылар	3
138	Жабайы аралар (ұясы үшін)	0,5
139	Жәндіктердің ғылыми және коллекциялық маңызы бар басқа да түрлері	0,5
Өрмекші тектілер
140	Қарақұрттар, шаяндар, эрезустер, тарантулдар, аргиопалар мен өрмекші тектілердің ғылыми және коллекциялық маңызы бар басқа да улы түрлері	0,2 Ескертпелер: *1. Жануарлардың сирек кездесетiн және құрып кету қаупi төнген түрлерiнiң тiзбесiне енгізілген түрлерге жататын жануарлар, сондай-ақ ғылыми мақсаттарда пайдаланудан басқа, пайдалануға тыйым салынған түрлер: әрбір заңсыз жойылған (бүлдірілген) жануарлардың мекен ететін ұясы, іні, апаны және басқа да баспаналары үшін келтірілген нұқсан он айлық есептік көрсеткіш мөлшерінде өндіріп алынады; әрбір заңсыз алынған (жойылған) жұмыртқа, сондай-ақ әрбір заңсыз алынған немесе жойылған сүт қоректілер аналығының ұрығы үшін жануарлардың осы түрінің ересек дарағы (аналығы) үшін келтірілген ңұқсанды өтеу мөлшерінің 50 пайызы (айлық есептік көрсеткіштермен) өндіріп алынады; Қазақстан Республикасы Ауыл шаруашылығы министрінің 2015 жылғы 16 ақпандағы № 18-03/105 бұйрығымен (Нормативтік құқықтық актілерді мемлекеттік тіркеу тізілімінде № 10482 болып тіркелген) бекітілген Дериваттар тізбесіне сәйкес, әрбір заңсыз алынған немесе сатып алынған дериват үшін жануарлардың осы түрінің ересек дарағы (аталығы немесе аналығы) үшін келтірілген ңұқсанды өтеу мөлшерінің 100 пайызы (айлық есептік көрсеткіштермен) өндіріп алынады. 2. Басқа жануарлар түрлері: Заңсыз алынған немесе сатып алынған әрбір дериват үшін, Қазақстан Республикасы Ауыл шаруашылығы министрінің 2015 жылғы 16 ақпандағы № 18-03/105 бұйрығымен бекітілген дериваттар тізбесіне сәйкес (нормативтік құқықтық актілерді мемлекеттік тіркеу тізілімінде № 10482 тіркелген), осы жануар түрінің ересек дарасы (еркегі немесе аналығы) үшін зиянды өтеу мөлшерінің 50 пайызы (айлық есептік көрсеткішпен) өтеледі. 3. Iрi мөлшер – экологиялық залалды жою немесе табиғи ресурстардың тұтынушылық қасиеттерін қалпына келтіру үшін қажетті шығындардың бір мың айлық есептік көрсеткіштен асатын мөлшердегі құндық мәні. 4. Аса ірі мөлшер – экологиялық залалды жою немесе табиғи ресурстардың тұтынушылық қасиеттерін қалпына келтіру үшін қажетті шығындардың жиырма мың айлық есептік көрсеткіштен асатын мөлшердегі құндық мәні.