Байзақ ауданы Сарыкемер ауылдық округінің Сарыкемер ауылының кейбір құрамдас бөліктерін қайта атау туралы

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 35-бабына, «Қазақстан Республикасының әкімшілік-аумақтық құрылысы туралы» Қазақстан Республикасы Заңының 14-бабының 4) тармақшасына сәйкес, Жамбыл облыстық ономастика комиссиясының 2021 жылғы 29 желтоқсандағы қорытындысы негізінде және халықтың пікірін ескере отырып, Сарыкемер ауылдық округінің әкімі ШЕШІМ ҚАБЫЛДАДЫ:

1. Байзақ ауданы Сарыкемер ауылдық округінің Сарыкемер ауылының келесі құрамдас бөліктері қайта аталсын:

К.Орынқұлов көшесінің 2-бұрылысы Жүсіп Баласағұн көшесіне;

К.Орынқұлов көшесінің 3-бұрылысы Махмуд Қашқари көшесіне;

К.Орынқұлов көшесінің 4-бұрылысы Қожа Ахмет Йассауи көшесіне;

К.Орынқұлов көшесінің 5-бұрылысы Әйтеке би көшесіне;

К.Орынқұлов көшесінің 6-бұрылысы Қазыбек би көшесіне;

Байзақ батыр бұрылысы Мәңгілік Ел көшесіне;

Сәкен Сейфуллин бұрылысы Ахмет Байтұрсынұлы көшесіне;

Көлқайнар бұрылысы Домалақ ана көшесіне;

Қаныш Сәтбаев бұрылысы Ыбырай Алтынсарин көшесіне;

Дінмұхамед Қонаев бұрылысы Томирис көшесіне;

Қайрат Рысқұлбеков бұрылысы Бейбарыс сұлтан көшесіне;

Бәйдібек баба бұрылысы Талас көшесіне;

2. Осы шешімнің орындалуын бақылауды өзіме қалдырамын.

3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Сарыкемер ауылдық округінің әкімі

Е. Заурбеков