Масаң күйді куәландыруға жiберу, масаң күйді куәландыру және оның нәтижелерiн ресімдеу қағидаларын бекіту туралы

«Жол жүрісі туралы» Қазақстан Республикасы Заңы 10-бабының 13) тармақшасына сәйкес БҰЙЫРАМЫН:

1. Қоса беріліп отырған Масаң күйді куәландыруға жiберу, масаң күйді куәландыру және оның нәтижелерiн ресімдеу қағидалары бекітілсін.

2. Қазақстан Республикасы Ішкі істер министрлігінің Әкімшілік полиция комитеті Қазақстан Республикасының заңнамасында белгіленген тәртіпте:

1) осы бұйрық Қазақстан Республикасының Әділет министрлігінде мемлекеттік тіркеуді;

2) осы бұйрықты ресми жарияланғаннан кейін оны Қазақстан Республикасы Ішкі істер министрлігінің интернет-ресурсында орналастыруды;

3) осы бұйрықты Қазақстан Республикасының Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Ішкі істер министрлігінің Заң мен норма шығармашылықты үйлестіру департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау Қазақстан Республикасы Ішкі істер министрінің жетекшілік ететін орынбасарына жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы ішкі істер министрі

Е. Саденов

«КЕЛІСІЛДІ»

Қазақстан Республикасының

Денсаулық сақтау министрлігі

Қазақстан Республикасы

ішкі істер министрі

2025 жылғы 29 тамыздағы

№ 650 Бұйрықпен бекітiлген

Масаң күйді куәландыруға жiберу, масаң күйді куәландыру және оның нәтижелерiн ресімдеу қағидалары

1-тарау. Жалпы ережелер

1. Осы Масаң күйді куәландыруға жiберу, масаң күйді куәландыру және оның нәтижелерiн ресiмдеу қағидалары (бұдан әрi - Қағидалар) «Жол жүрісі туралы» Қазақстан Республикасы Заңы 10-бабының 13) тармақшасына сәйкес әзірленді және жол жүрісіне қатысушылардың масаң күйін куәландыруға жіберу, жол жүрісіне қатысушылардың масаң күйін куәләндіру және оның нәтижелерін ресімдеу тәртібін айқындайды.

2. Жол жүрісіне қатысушылардың масаң күйін куәландыруға жiберудi, масаң күйін куәландыруды «Әкiмшiлiк құқық бұзушылық туралы» Қазақстан Республикасы кодексiнің (бұдан әрi - Кодекс) 796-бабына сәйкес масаң күйi Кодексте көзделген құқық бұзушылықтың құрамы болып табылғанда әкiмшiлiк құқық бұзушылық туралы iс бойынша iс жүргiзудi қамтамасыз ету шаралары ретiнде уәкiлеттi лауазымды тұлғалар жүргiзедi.

3. Көлiк құралдарын басқарудан шеттетiлген жүргiзушiлердiң жол жүрісіне қатысушыларды масаң күйін куәландыруды Кодекстің 796-бабында айқындалған уәкілетті лауазымды адамдар тікелей әкімшілік құқық бұзушылық жасалған жерде және (немесе) мемлекеттік медициналық ұйымдарда масаң күйдің бар-жоғын анықтайтын арнайы құрылғылар мен құралдарды (бұдан әрі – арнайы құрылғылар мен құралдар ) пайдалана отырып жүргізеді.

4. Әкiмшiлiк құқық бұзушылық туралы хаттамада куәландырудан өткiзу үшiн көлiк құралын басқарудан шеттетiлген күн, уақыт, орын, негiздер көрсетiледi. Хаттаманың көшiрмесi өзiне қатысты іс бойынша iс жүргiзiлiп жатқан адамға не оның заңды өкiлiне тапсырылады.

5. Масаң күйді куәландыру актісі тиісті хаттамаға қоса беріледі.

6. Жол жүрісіне қатысушылардың жол жүрісі саласындағы Қазақстан Республикасы заңнамасының талаптарын және олардың әрекеттерін бұзған жағдайда, егер бұл ретте олар жүргізушілерде масаң болу белгілерін, сондай-ақ жүргізушілердің алкоголь немесе психикаға белсенді заттарды пайдаланғаны туралы арыздарды, хабарламалар, оларды анықтаса, жол қозғалыс қауіпсіздігін қадағалауды жүзеге асыру кезінде лауазымды адамдар жолын кескен бұзушылықтар алкогольді немесе психикаға белсенді заттарды қолдануды тану жүргізушілерді масаң күйді куәландыруға жіберуге, масаң күйді куәландыруға жеткілікті негіздер болып табылады.

2-тарау. Масаң күйді медициналық куәландыруға жiберу тәртiбi

7. Жол жүрісіне қатысушылардың масаң күйін медициналық куәландыру (бұдан әрi - медициналық куәландыру) осы Қағидаларға 1-қосымшаға сәйкес уәкiлеттi лауазымды адамдардың жазбаша немесе электрондық форматта жолдамасы бойынша жүргiзiледi.

8. Медициналық куәландыруға жіберуге арналған жолдамада күнi, уақыты, хаттаманың толтырылған жері, хаттаманы толтырған лауазымды тұлғаның лауазымы, атағы, тегі, аты әкесінің аты (ол болған жағдайда), жол жүрісіне қатысушының тегі, аты әкесінің аты (ол болған жағдайда), азаматтығы (ол болған жағдайда), туған жылы мен жері, жұмыс орны, тұрғылықты жері (ол болған жағдайда), жеке басын куәландыратын құжаттар (ол болған жағдайда), көлiк құралының үлгiсi, маркасы, моделi, мемлекеттік тiркеу нөмiрi, өзге де сәйкестендiру белгiлерi, медициналық куәландыру үшін жолдаманың негіздемесі және мақсаты көрсетiледi. Жолдамаға оны толтырған лауазымды тұлға, сондай-ақ куәландыруға жіберілген жол жүрісіне қатысушы қол қояды.

9. Жол жүрісіне қатысушының әкiмшiлiк құқық бұзушылық жасалған жерде жүргiзiлген куәландыру нәтижелерiмен келiспеген жағдайда медициналық куәландыру үшiн берiлетiн жолдамаға лауазымды тұлға жүргізген куәландыру актісi қоса берiледi.

10. Куәландыруға жiберiлген жол жүрісіне қатысушының жеке басын куәландыратын құжаттардың болмауы медициналық ұйымның куәландырудан бас тартуына негiз бола алмайды. Жеке басы туралы мәлiметтер куәландырушының сөзiнен жазылып алынады.

3-тарау. Уәкiлетті лауазымды адам жүргiзетiн масаң күйдi куәландыру және оның нәтижелерiн ресiмдеу тәртiбi

11. Жол жүрісіне қатысушылардың масаң күйін анықтау арнайы құрылғылар мен құралдарды қолдану арқылы жүзеге асырылады.

Арнайы құрылғылар мен құралдарды қолдану алдында олардың жарамдылығы, метрологиялық тексеру күнi тексеріледі.

12. Жол жүрісіне қатысушыларды арнайы құрылғылар мен құралдарды қолдану арқылы куәландыру әкiмшiлiк құқық бұзушылық туралы хаттаманы толтыру кезiнде қатысатын екi куәгердің қатысуымен уәкiлеттi лауазымды тұлға толтыратын актімен осы Қағидаларға 2-қосымшаға сәйкес рәсiмделедi.

Куәландырылатын жол жүрісіне қатысушылар және куәгерлер куәландыруды жүргiзу және арнайы құрылғылар мен құралдарды пайдалану тәртiбiмен таныстырылады.

13. Куәгерлер қатысуының мүмкіндігі болмаған кезде (елді мекеннен алыс жерлерде, түнгі уақытта, төтенше немесе соғыс жағдайы кезінде, тиісті қатынас құралдары болмаған немесе басқа объективті себептерге байланысты куәгер ретінде тартуға мүмкіндік болмаған кезде) жол жүрісіне қатысушылардың техникалық құралдардың барысы қолдана отырып, оның барысы мен нәтижелерін тіркеп көрсететін техникалық құралдар қолданыла отырып, олардың келісімімен куәландыруға жол беріледі. Мұндай куәландырудың нәтижелері куәландырылушының келісімі туралы белгісі бар куәландыру актісінде тіркеледі.

14. Жол жүрісіне қатысушылардың әкiмшілiк құқық бұзушылық жасалған жерде куәгерлердiң қатысуынсыз куәландыру жүргізуге немесе куәландыру нәтижелерiмен келiспеген жағдайда олар мемлекеттік медициналық мекемеге медициналық куәландыруға жiберiледi.

15. Жол жүрісіне қатысушы әкiмшiлiк құқық бұзушылық туралы хаттамада, масаң күйiн куәландыру актiсiнде немесе әкiмшiлiк құқық бұзушылық туралы хаттамаға қоса берiлетiн жекелеген түсiнiктемеде масаң күйiн куәландырудан өтуден өзiнiң бас тарту уәждерiн жазады.

16. Жол жүрісіне қатысушылардың масаң күйді куәландырудан жалтарған кезде әкiмшiлiк құқық бұзушылық жасалған жерде толтырылған әкiмшiлiк құқық бұзушылық туралы хаттамада, масаң күйiн куәландыру актiсiнде бұл туралы белгi жасалады.

Масаң күйді куәландыруға жiберу, масаң күйді куәландыру және оның нәтижелерiн ресiмдеу қағидаларына

1-қосымша

Maсаң күйді анықтау үшiн медициналық куәландыруға ЖОЛДАМА

20__ жылғы «____»_________ ____ сағат___ минут____________________

(хаттаманың толтырылған жер)

__________________________________________________________________

(__________хаттаманы толтырған лауазымды тұлғаның лауазымы, атағы, тегі,

аты, әкесінің аты (ол болған жағдайда))

Масаң күйiн медициналық куәландыру үшiн ___________________________

__________________________________________________________________ (Тегі, аты, әкесiнiң аты (ол болған жағдайда))

Азаматтығы (ол болған жағдайда) ______________________

Туған жылы мен жерi _________________________________

Жұмыс орны, тұрғылықты жерi (ол болған жағдайда) ____________________

__________________________________________________________________

Жеке басын куәландыратын құжаттар (құжаттың сериясы, нөмiрi, күнi,

берiлген орны) (ол болған жағдайда) __________________________________

__________________________________________________________________

жолдаймын.

Көлiк құралы туралы мәлiметтер (көлiк құралының үлгiсi, маркасы, моделi,

мемлекеттiк тiркеу нөмiрi, өзге де сәйкестендiру белгiлерi)

__________________________________________________________________

________________________________________________________________

Медициналық куәландыру үшiн жолдаманың негiздемесi _______________

__________________________________________________________________

Куәландырудың мақсаты ___________________________________________

Лауазымды тұлғаның қолы: __________________________________________

______________________

(куәландырылушы)

Масаң күйді куәландыруға жiберу, масаң күйді куәландыру және оның нәтижелерiн ресiмдеу қағидаларына

2-қосымша

Масаң күйдi анықтау үшiн куәландырудың № ______ АКTIСI (арнайы құрылғылар мен құралдарды пайдалану арқылы)

__________________________________________________________________

(куәландыру күнi, уақыты және орны)

Мен, _____________________________________________________________

(уәкiлетті лауазымды адамның лауазымы, атағы, тегi, аты, әкесiнiң аты (ол

болған жағдайда))

__________________________________________________________________

__________________________________________________________________ (тегi, аты, әкесiнiң аты ол болған жағдайда), жеке басты куәландыратын құжаттар сериясы, нөмiрi, тұрғылықты жерiнiң мекенжайы, көлiк құралының, нөмiрлiк белгiсi)

__________________________________________________________________

________________________________________________________________

(куәландыру қажеттігiн тудыратын жағдайлар: алкоголь иiсi,

__________________________________________________________________

ағзаның дене және психикалық функциясының бұзылуы)

_______________________________________________________ байланысты

__________________________________________________________________

(арнайы құрылғының немесе құралдың атауы, нөмiрi, метрологиялық

__________________________________________________________________

тексеру нөмiрi, күнi, құрылғының немесе құралдың көрсеткiшi)

__________________________________________________________________

__________________________________________________________________

__________________________________________________________________

________________________________________________________ пайдалану

арқылы куәландыруды жүргiздiм.

__________________________________________________________________

Куәландыру құқықтарымен, мiндеттерiмен және тәртiбiмен танысты:

__________________ _______________

(куәландырылушы) (куәгер)

_______________

(куәгер)

(артқы бетi)

Куәландыру нәтижесi

__________________________________________________________________

(сынамасы - оң, терiс)

Адамның (жүргiзушiнiң) түсiнiктемесi _____________________________

__________________________________________________________________

__________________________________________________________________

__________________________________________________________________

Куәландыру нәтижесiмен ___________________________________________

(келiсемiн, келiспеймiн)

____________________________________

(қолы)

Куәлар*:

1. _______________________________________________________________ (тегi, аты, әкесiнiң аты (ол болған жағдайда)), жеке басты куәландыратын құжаттар, (сериясы, нөмiрi, тұрғылықты жерiнiң мекенжайы)

_________________________________________________________________

_________________________________________________________________

_____________________________________________________

(куәландыру фактiсi бойынша қысқаша түсiнiктеме)

__________________________________________________________________

__________________________________________________________________

__________________

(қолы)

2. _______________________________________________________________ (тегi, аты, әкесiнiң аты (ол болған жағдайда)), жеке басты куәландыратын құжаттар, (сериясы, нөмiрi, тұрғылықты жерiнiң мекенжайы)

_________________________________________________________________

_________________________________________________________________

_____________________________________________________

(куәландыру фактiсi бойынша қысқаша түсiнiктеме)

__________________________________________________________________

__________________________________________________________________

__________________

(қолы)

Хаттаманы толтырған лауазымды адамның қолы _______________________

__________________________________________________________________

* Куәгерлердiң болмау себептерi көрсетiледi.