«Стандарттаушы», «Метролог» кәсіби стандарттарын бекіту туралы

«Кәсіптік біліктілік туралы» Қазақстан Республикасының Заңының 5-бабының 5-тармағына сәйкес БҰЙЫРАМЫН:

1. Мыналар:

1) осы бұйрыққа қосымшаға сәйкес «Стандарттаушы» кәсіптік стандарты;

2) осы бұйрыққа қосымшаға сәйкес «Метролог» кәсіптік стандарты бекітілсін.

2. Қазақстан Республикасы Сауда және интеграция министрлігінің Техникалық реттеу және метрология комитеті Қазақстан Республикасының заңнамасында белгіленген тәртіппен:

1) осы бұйрықтың көшірмесін ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберуді;

2) осы бұйрықты Қазақстан Республикасы Сауда және интеграция министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Сауда және интеграция вице-министріне жүктелсін.

4. Осы бұйрық қол қойылған күнінен бастап қолданысқа енгізіледі және ресми жариялануға тиіс.

Министрдің міндетін атқарушы

А. Бижанова

«КЕЛІСІЛДІ»

Қазақстан Республикасы

Еңбек және халықты

әлеуметтік қорғау министрлігі

««Стандарттаушы» кәсіптік

стандартын бекіту туралы»

Қазақстан Республикасы Сауда

және интеграция министрінің

міндетін атқарушысының

2025 жылғы 23 шілдедегі

№ 214-НҚ бұйрығына

№ 1-қосымша

Кәсіптік стандарт: «Стандарттаушы»

1-тарау. Жалпы ережелер

1. Кәсіптік стандарттың қолданылу саласы: «Стандарттаушы» кәсіптік стандарты (бұдан әрі – кәсіптік стандарт) «Кәсіптік біліктілік туралы» Қазақстан Республикасы Заңының 5-бабына сәйкес әзірленді және стандарттау саласындағы қызметкерлер кәсіби қызметін жүзеге асыру, оның ішінде белгілі бір еңбек функцияларын орындауға қажетті біліктілік деңгейлерін айқындауға, сондай-ақ жоғары, жоғары оқу орнынан кейінгі, техникалық және кәсіптік білім беру ұйымдарының білім беру бағдарламаларын әзірлеу кезінде қолдануға арналған.

2. Осы кәсіптік стандартта мынадай терминдер мен анықтамалар қолданылады:

1) білім – кәсіптік міндет шеңберінде іс-әрекеттерді орындау үшін қажетті зерделенген және меңгерілген ақпарат;

2) дағды – кәсіптік міндетті толығымен орындауға мүмкіндік беретін білім мен машықты қолдану қабілеті;

3) машық – кәсіптік міндет шеңберінде жекелеген бірлі-жарым іс-әрекетті физикалық тұрғыдан және (немесе) ақыл-оймен орындау қабілеті;

4) құзырет – еңбек функциясын құрайтын бір немесе бірнеше кәсіптік міндетті орындауға мүмкіндік беретін дағдыны қолдану қабілеті;

5) кәсіп – жеке адам жүзеге асыратын және орындалуы үшін белгілі бір біліктілікті талап ететін қызмет түрі;

6) кәсіптік біліктілік – кәсіп бойынша еңбек функцияларын орындау үшін талап етілетін құзыреттерді меңгеруді сипаттайтын кәсіптік даярлық дәрежесі;

7) кәсіптік стандарт – формалды және (немесе) формалды емес, және (немесе) информалды білім беру ескеріле отырып, білімге, машыққа, дағдыға, жұмыс тәжірибесіне, біліктілік деңгейі мен құзыреттілікке, кәсіптік қызметтің нақты бір саласындағы еңбек мазмұнына, сапасына және жағдайларына қойылатын жалпы талаптарды белгілейтін жазбаша ресми құжат;

8) стандарттау жөніндегі құжаттарды жаңартып отыру – стандарттау жөніндегі құжаттарды оларға белгіленген тәртіппен қабылданған өзгерістерді, олардың қолданылу мерзімдері, қайта қарау туралы, шектеу немесе күшін жою туралы ақпаратты енгізу жолымен жаңартып отыратын күйде ұстау процесі;

9) үйлестіру – ғылым мен техникадағы жаңа жетістіктер көрініс табатын және стандарттау объектілерінің сапасы мен бәсекеге қабілеттігі деңгейіне қойылатын қазіргі заманғы талаптарды айқындайтын халықаралық және өңірлік стандарттарды ұлттық мүддеге орай енгізу және пайдалану үшін жағдайлар жасау жөніндегі қызмет;

10) стандарттау жөніндегі құжат – стандарттау саласындағы қызметтiң алуан түрiне немесе оның нәтижелерiне қатысты нормаларды, қағидаларды, сипаттамаларды, қағидаттарды белгiлейтiн құжат;

11) мемлекетаралық стандарт – стандарттау жөніндегі өңірлік ұйым – Тәуелсіз Мемлекеттер Достастығының Стандарттау, метрология және сертификаттау жөніндегі мемлекетаралық кеңесі қабылдаған өңірлік стандарт;

12) стандарттау жөніндегі мемлекетаралық техникалық комитет – бекітілген стандарттау объектілері немесе қызмет бағыттары бойынша мемлекетаралық стандарттау саласындағы қызметті жүзеге асыру үшін Тәуелсіз Мемлекеттер Достастығының Стандарттау, метрология және сертификаттау жөніндегі мемлекетаралық кеңесі шеңберінде құрылатын техникалық комитет;

13) Стандарттау жөніндегі халықаралық ұйым – мүше болуға кез келген ел үшін ашық стандарттау жөніндегі ұйым;

14) халықаралық стандарт – стандарттау жөніндегі халықаралық ұйым қабылдаған, пайдаланушылардың қалың тобына қолжетімді стандарттау жөніндегі құжат;

15) стандарттау жөніндегі ұлттық орган – Қазақстан Республикасының заңнамасына сәйкес стандарттау жөніндегі жұмыстарды үйлестіруді жүзеге асыратын мемлекеттік заңды тұлға;

16) ұлттық стандарт – уәкілетті орган бекіткен, пайдаланушылардың қалың тобына қолжетімді стандарттау жөніндегі құжат;

17) нормативтiк құқықтық акт – республикалық референдумда қабылданған не уәкiлеттi орган қабылдаған, құқық нормаларын белгiлейтiн, өзгертетiн, толықтыратын, олардың қолданысын тоқтататын немесе тоқтата тұратын, белгiленген нысандағы, қағаз жеткізгіштегі жазбаша ресми құжат және сонымен бірдей электрондық құжат;

18) нормативтік техникалық құжат – техникалық және технологиялық нормаларды қамтитын нормативтік құжат;

20) стандарттау объектісі – стандарттауға жататын немесе стандартталған өнім, процесс немесе көрсетілетін қызмет;

21) негізге алынатын ұлттық стандарт – ұлттық стандарттау жүйесінің жалпы ұйымдастырушылық-әдістемелік ережелерін белгілейтін және қолданылу саласы кең немесе белгілі бір стандарттау саласы үшін жалпы ережелерді қамтитын стандарттау жөніндегі құжат;

22) стандарттау жөніндегі өңiрлiк ұйым – қызметiне қатысуға бiр географиялық немесе экономикалық өңір үшін ашық стандарттау жөнiндегi ұйым;

23) өңірлік стандарт – стандарттау жөніндегі өңірлік ұйым қабылдаған стандарттау жөніндегі құжат;

24) шет мемлекет стандарты – шет мемлекеттің стандарттау жөніндегі ұлттық органы не шет мемлекеттің ұйымы қабылдаған стандарттау жөніндегі құжат;

25) ұйым стандарты – ұйым өз мақсаттарын іске асыру үшін дербес қабылдаған стандарттау жөніндегі құжат;

26) стандарттау – нақты қойылып отырған және әлеуетті міндеттерге қатысты жалпыға бірдей, көп рет пайдалану үшін ережелер белгілеу арқылы стандарттау объектілерінің қауіпсіздігі мен сапасын қамтамасыз етуге және стандарттау объектілеріне қойылатын талаптарды ретке келтірудің оңтайлы дәрежесіне қол жеткізуге бағытталған қызмет;

27) стандарттау жөніндегі техникалық комитет – стандарттау саласындағы қызметті жүзеге асыру және бекітіп берілген стандарттау объектілері немесе қызмет бағыттары бойынша ұлттық, мемлекетаралық немесе халықаралық стандарттау жүйесін құруға қатысу үшін экономика салаларында ерікті негізде құрылатын консультативтік-кеңесші орган;

28) техникалық регламент – техникалық реттеу объектілеріне (өнімдерге, оның ішінде ғимараттарға, құрылыстар мен құрылысжайларға, процестерге) қолдануға және орындауға міндетті талаптарды белгілейтін құжат (нормативтік құқықтық акт);

29) стандарттау жөніндегі техникалық сарапшы – стандарттау саласындағы қызметке қатысатын, стандарттау объектісіне қатысты арнаулы білімі бар және «Стандарттау туралы» Қазақстан Республикасы Заңында белгіленген сипаттамаларға сай келетін жеке тұлға.

*Терминдер мен анықтамалар Қазақстан Республикасының техникалық реттеу және стандарттау саласындағы заңнамасына сәйкес қолданылуы мүмкін.

1. Осы кәсіптік стандартта мынадай қысқарған сөздер қолданылады:

НҚ – нормативтік құжаттама;

НҚА - Нормативтік құқықтық акт;

СБШ-Салалық біліктілік шеңбері;

СҰО - Стандарттау жөніндегі ұлттық орган;

ТК - Стандарттау жөніндегі техникалық комитет;

ТР - Техникалық регламент;

ҰБШ – Ұлттық біліктілік шеңбері.

2-тарау. Кәсіптік стандарттың паспорты

2. Кәсіптік стандарттың атауы: «Стандарттаушы».

3. Кәсіптік стандарттың коды:

4. ЭҚЖЖ сәйкес секцияны, бөлімді, топты, сыныпты және кіші сыныпты көрсету:

71.12.8 – Техникалық реттеу, стандарттау, метрология және сәйкестікті бағалау саласындағы қызмет.

«Стандарттаушы» кәсіптік стандартының қысқаша сипаттамасы: міндеттердің кең ауқымын шешу үшін кәсіптік қызметтер көрсету кезінде (Қазақстан Республикасының заңнамасына сәйкес кәсіпорындардың техникалық комитеттері мен құрылымдық бөлімшелері шеңберінде стандарттар мен ұсынымдарды әзірлеу, сараптау, енгізу) стандарттау саласындағы мамандардың біліктілік талаптары мен құзыреттерін айқындайды. Стандарттау жөніндегі техник, стандарттау жөніндегі маманның білімін, дағдыларын, іскерліктерін, еңбек функциялары мен міндеттерін сипаттайды.

Мамандардың біліктілік деңгейінің өсуімен әрбір келесі деңгей алдыңғы деңгейдің функцияларын орындауды және оларды жаңа құзыреттерге сәйкес кеңейтуді білдіреді.

5. Кәсіп карточкаларының тізбесі:

1) 2149-4-005 Стандарттау жөніндегі маман – СБШ 5-6 деңгейі;

2) 3129-4-002 стандарттау жөніндегі техник – СБШ 4 деңгейі.

3-тарау. Кәсіп карточкалары

4-тарау. Кәсіптік стандарттың техникалық деректері

13. Мемлекеттік органның атауы:

Қазақстан Республикасы Сауда және интеграция министрлігінің Техникалық реттеу және метрология комитеті

Орындаушы:

Қазбек Нұрбек Даниярұлы- ҚР СИМ ТРМК Стандарттау және тауардың шыққан елі басқармасының басшысы, 8 (7172) 74-92-24, [email protected]

14. Әзірлеуге қатысатын ұйымдар (кәсіпорындар):

15. Кәсіптік біліктілік жөніндегі салалық кеңес:

16. Кәсіптік біліктілік жөніндегі ұлттық орган:

17. Сараптамалық кеңес:

18. Нұсқа нөмірі және шығарылған жылы: 2-нұсқа, 2025 ж.

19. Болжалды қайта қарау күні: 31.10.2028 ж.

««Метролог» кәсіптік стандартын

бекіту туралы» Қазақстан Республикасы

Сауда және интеграция министрінің

міндетін атқарушысының

2025 жылғы 23 шілдедегі № 214-НҚ

бұйрығына № 2 қосымша

Кәсіптік стандарт: «Метролог»

1-тарау. Жалпы ережелер

1. Кәсіптік стандарттың қолданылу саласы: «Метролог» кәсіптік стандарты (бұдан әрі – кәсіптік стандарт) «Кәсіптік біліктілік туралы» Қазақстан Республикасы Заңының 5-бабына сәйкес әзірленді және метрология саласында қызметкерлердің кәсіптік қызмет түрін жүзеге асыруы, оның ішінде белгілі бір еңбек функцияларын орындауы үшін қажетті біліктілік деңгейлерін айқындауға, сондай-ақ жоғары, жоғары оқу орнынан кейінгі, техникалық және кәсіптік білім беру ұйымдарының білім беру бағдарламаларын әзірлеу кезінде қолдануға арналған.

2. Осы кәсіптік стандартта мынадай терминдер мен анықтамалар қолданылады:

1) білім - кәсіптік міндет шеңберінде іс-әрекеттерді орындау үшін қажетті зерделенген және меңгерілген ақпарат;

2) дағды - кәсіптік міндетті толығымен орындауға мүмкіндік беретін білім мен машықты қолдану қабілеті;

3) машық – кәсіптік міндет шеңберінде жекелеген бірлі-жарым іс-әрекетті физикалық тұрғыдан және (немесе) ақыл-оймен орындау қабілеті;

4) құзырет – еңбек функциясын құрайтын бір немесе бірнеше кәсіптік міндетті орындауға мүмкіндік беретін дағдыны қолдану қабілеті;

5) кәсіп - жеке адам жүзеге асыратын және орындалуы үшін белгілі бір біліктілікті талап ететін қызмет түрі;

6) кәсіптік біліктілік – кәсіп бойынша еңбек функцияларын орындау үшін талап етілетін құзыреттерді меңгеруді сипаттайтын кәсіптік даярлық дәрежесі;

7) кәсіптік стандарт – формалды және (немесе) формалды емес, және (немесе) информалды білім беру ескеріле отырып, білімге, машыққа, дағдыға, жұмыс тәжірибесіне, біліктілік деңгейі мен құзыреттілікке, кәсіптік қызметтің нақты бір саласындағы еңбек мазмұнына, сапасына және жағдайларына қойылатын жалпы талаптарды белгілейтін жазбаша ресми құжат;

8) аккредиттеу - аккредиттеу жөніндегі орган өтініш берушінің белгілі бір салада сәйкестікті бағалау жұмыстарын орындау құзыретін ресми танитын рәсім;

9) шама бiрлiгi – бірлікке тең сандық мән шартты түрде берiлген тіркелген мөлшердiң шамасы және өзімен біртекті шамаларды сандық жағынан білдіру үшін қолданылатын шама;

10) өлшем бiрлiгi – өлшемнiң жай-күйi, бұл ретте осы өлшемнің нәтижелері қолдануға рұқсат етілген шама бірліктерінде көрсетіледі, ал өлшем дәлдігінің көрсеткіштері белгіленген шекаралардан шықпайды;

11) өлшем – шамаға негізделіп жазылуы мүмкін шаманың бір немесе одан көп сандық мәндерін эксперименттік алу процесі;

12) салыстырып тексеру/калибрлеу зертханасы – өлшем құралдарын салыстырып тексеруді/калибрлеуді жүзеге асыратын заңды тұлға немесе заңды тұлғаның атынан әрекет ететін оның құрылымдық бөлімшесі;

13) өлшем құралдарын сынау – сынау объектiлерiне түрлi сынау әсерлерiн қолдана отырып өлшем құралдарының белгiленген нормаларға сәйкестiк дәрежесiн анықтау үшiн өткiзiлетiн операциялар жиынтығы;

14) өлшем құралдарын калибрлеу – өлшем құралының метрологиялық сипаттамаларының шынайы мәндерiн айқындау мақсатында осы өлшем құралының көмегімен алынған шаманың мәнi мен анағұрлым жоғары дәлдіктегі шама бірлігі эталонының көмегiмен айқындалған тиісті шама мәні арасындағы арақатынасты белгiлейтiн операциялар жиынтығы;

15) зертханааралық салғастыру – алдын ала белгіленген шарттарға сәйкес екі немесе одан да көп зертханалардың бір немесе бірнеше ұқсас үлгілердің өлшемдерін немесе сынақтарын ұйымдастыруы, орындауы және бағалауы;

16) өлшемдердi орындау әдiстемесi – орындалуы өлшем жүргiзудiң осы әдiстемесiмен белгiленген дәлдiкпен өлшем нәтижелерiнiң алынуын қамтамасыз ететiн операциялар мен ережелер жиынтығы;

17) салыстырып тексеру әдістемесі – өлшем құралдарының белгіленген метрологиялық сипаттамаларға қойылатын талаптарға сәйкестігін айқындауға және растауға мүмкіндік беретін операциялар жиынтығының сипаты;

18) өлшемдердi орындау әдiстемесiн метрологиялық аттестаттау – өлшемдердi орындау әдiстемесiнiң оған қойылатын метрологиялық талаптарға сәйкестiгiн белгiлеу (растау);

19) өлшем құралдарын метрологиялық аттестаттау – айналымға шығарылатын өлшем құралдарының нормаланғандардан өзгеше жағдайлар мен режимдерде қолданылатын, сериялық шығарылымның санаулы данада сәйкестігін не конструкциясына метрологиялық сипаттамаларға әсер ететін немесе олар үшін жеке метрологиялық сипаттамалар белгіленетін өзгерістер енгізілгенін белгілеу (растау).

20) метрологиялық сараптама – метрологиялық талаптарды, өлшем бірлігімен байланысты қағидалар мен нормаларды қолдану дұрыстығын және толықтығын талдау және бағалау;

21) өлшем белгісіздігі – өлшем нәтижесімен байланысты және өлшенетін шамаға негізделіп жазылуы мүмкін мәндердің шашырап кетуін сипаттайтын параметр;

22) нормативтiк құқықтық акт – республикалық референдумда қабылданған не уәкiлеттi орган қабылдаған, құқық нормаларын белгiлейтiн, өзгертетiн, толықтыратын, олардың қолданысын тоқтататын немесе тоқтата тұратын, белгiленген нысандағы, қағаз жеткізгіштегі жазбаша ресми құжат және сонымен бірдей электрондық құжат;

23) өлшем бірлігін қамтамасыз ету саласындағы стандарттау жөніндегі құжаттар – өлшем бірлігін қамтамасыз ету саласындағы халықаралық стандарттар мен ұсынымдар, мемлекетаралық стандарттар, ұлттық стандарттар.

24)  өлшем құралдарын салыстырып тексеру – өлшем құралдарының міндетті метрологиялық талаптарға сәйкестiгiн растау мақсатында орындалатын операциялар жиынтығы;

25) өлшемдерді метрологиялық бақылап тексеру – өлшем нәтижесінің қасиеті, оған сәйкес нәтиже салыстырып тексеру мен калибрлеудің құжатталған үздіксіз тізбегі арқылы шама бірлігінің мемлекеттік эталонымен сәйкестендірілуі мүмкін;

26) өлшем бiрлiгiн қамтамасыз етудiң мемлекеттiк жүйесiнiң тiзiлiмi – өлшем бiрлiгiн қамтамасыз ету саласындағы объектiлердiң, жұмыстарға қатысушылар мен құжаттардың электрондық дерекқоры;

27) өлшем құралы – өлшемге арналған және метрологиялық сипаттамалары бар техникалық құрал;

28) метрологиялық сипаттама (өлшем құралдары) – өлшем нәтижесіне әсер ететін, өлшем құралы қасиеттерінің бірінің сипаттамасы;

29) стандартты үлгі – өлшем дәлдігінің және метрологиялық бақылап тексерудің белгіленген көрсеткіштері бар, болжанатын мақсатына сәйкес сапалық қасиеттерді өлшеу кезінде немесе бағалау кезінде пайдалану үшін белгілі бір қасиеттерге қатысты жеткілікті біртекті және тұрақты материал (зат);

30) техникалық реттеу – өнімге немесе өнім мен оған байланысты жобалау (іздестіруді қоса алғанда), өндіру, салу, монтаждау, баптау, пайдалану, сақтау, тасымалдау, өткізу және кәдеге жарату процестеріне қойылатын міндетті талаптарды белгілеу, қолдану және орындау саласындағы, сондай-ақ сәйкестікті бағалау саласындағы қатынастарды құқықтық реттеу;

31) эталон (шама бiрлiгi немесе өлшем шкаласы) - уәкiлеттi мемлекеттiк орган белгiлеген тәртiппен бекiтiлген, мөлшерiн осы шаманың басқа өлшем құралдарына беру мақсатында, шама бiрлiгiн (шама бiрлiгiнiң еселiк не үлестiк мәндерiн) жаңғыртуға және (немесе) сақтауға арналған өлшем құралы;

1. Осы кәсіптік стандартта мынадай қысқарған сөздер қолданылады:

ҚР МӨЖ – Қазақстан Республикасының мемлекеттік өлшем бірлігін қамтамасыз ету жүйесі;

ЕЭК – Еуразиялық экономикалық комиссия;

СЖ – сынақ жабдығы;

МА – метрологиялық аттестаттау;

ХӨСБ – Халықаралық өлшемдер мен салмақтар бюросы;

ӨОӘ – өлшемдерді орындау әдістемесі;

ЗАС – зертханааралық салыстыру;

НҚ – нормативтік құжаттама;

ҒЗЖ – ғылыми-зерттеу жұмысы;

ҰКЖ – Ұлттық кәсіп жіктеуіші;

ҰБШ – Ұлттық біліктілік шеңбері;

ҰАО – Ұлттық аккредиттеу орталығы;

ЭҚЖЖ – экономикалық қызмет түрлерінің жалпы жіктеуіші;

СБШ – салалық біліктілік шеңбері;

КС – кәсіптік стандарт;

ӨҚ – өлшем құралы;

СМЖ – сапа менеджменті жүйесі;

СҮ – стандартты үлгі.

2-тарау. Кәсіптік стандарттың паспорты

1. Кәсіптік стандарттың атауы: «Метролог».

2. Кәсіптік стандарттың коды:

3. ЭҚЖЖ сәйкес секцияны, бөлімді, топты, сыныпты және кіші сыныпты көрсету:

71.12.8 - Техникалық реттеу, стандарттау, метрология және сәйкестікті бағалау саласындағы қызмет.

4. «Метролог» кәсіптік стандартының қысқаша сипаттамасы: өлшем бірлігін (метрология) қамтамасыз ету саласындағы мамандардың біліктілік талаптары мен құзыреттерін айқындайды, техник-метрологтың, метрология жөніндегі маманның, инженер-метрологтың, бас метрологтың білімін, дағдыларын, машықтарын, еңбек функциялары мен міндеттерін сипаттайды. Мамандардың біліктілік деңгейінің өсуімен әрбір келесі деңгей алдыңғы деңгейдің функцияларын орындауды және оларды жаңа құзыреттерге сәйкес кеңейтуді білдіреді.

Экономиканың барлық салаларында өлшем бірлігін қамтамасыз ету өлшем құралдарының, сынақ жабдықтарының жай-күйін бақылауды, өлшем нәтижелерінің дұрыстығы мен қадағалануын қамтамасыз етуді, өлшем бірлігін қамтамасыз ету саласындағы стандарттау жөніндегі құжаттарды жетілдіруді, метрология саласындағы кадрларды даярлауды және қайта даярлауды қамтиды.

5. Кәсіп карточкаларының тізбесі:

1) Бас метролог – СБШ 7-деңгей;

2) Метрология жөніндегі инженер (Инженер-метролог) – СБШ 6-7-деңгей;

3) Метрология жөніндегі маман – СБШ 5-6-деңгей;

4) Техник-метролог – СБШ 4-деңгей.

3-тарау. Кәсіп карточкалары

4-тарау. Кәсіптік стандарттың техникалық деректері

13. Мемлекеттік органның атауы:

Қазақстан Республикасы Сауда және интеграция министрлігінің Техникалық реттеу және метрология комитеті

Орындаушы:

Устемиров М.М: +7 (717) 2749450, [email protected]

14. Әзірлеуге қатысатын ұйымдар (кәсіпорындар):

15. Кәсіптік біліктілік жөніндегі салалық кеңес:

16. Кәсіптік біліктілік жөніндегі ұлттық орган:

17. Сараптамалық кеңес:

18. Нұсқа нөмірі және шығарылған жылы: 2-нұсқа, 2025 ж

19. Болжалды қайта қарау күні: 31.10.2028 ж.