«Мемлекеттік мекемелердің бухгалтерлік есепке алу шоттарының жоспарын бекіту туралы» Қазақстан Республикасы Қаржы министрінің 2025 жылғы 16 сәуірдегі № 170 бұйрығына өзгерiстер енгiзу туралы

БҰЙЫРАМЫН:

1. «Мемлекеттік мекемелердің бухгалтерлік есепке алу шоттарының жоспарын бекіту туралы» Қазақстан Республикасы Қаржы министрінің 2025 жылғы 16 сәуірдегі № 170 бұйрығына мынадай өзгерістер енгізілсін:

көрсетілген бұйрықпен бекітілген Мемлекеттік мекемелердің бухгалтерлік есепке алу шоттарының жоспарында:

7-тармақ мынадай редакцияда жазылсын:

«7. 1000 «Ақша қаражаты және олардың баламалары» кіші бөлімі – қолма-қол ақшаны бақылау шоттарында және мемлекеттік мекемелердің шоттарында ақша қаражатын және олардың баламаларын есепке алуға арналған.

Осы кіші бөлім мынадай шоттарды қамтиды:

1010 – «Кассадағы ақша қаражаты», мемлекеттік мекеме кассасындағы ақша қаражатының бар-жоғын және қозғалысын есепке алуға арналған;

1020 – «Мемлекеттік мекеменің ағымдағы шоты», мемлекеттік мекеме ағымдағы шотындағы ақша қаражатын есепке алуға арналған;

1030 – «Есеп айырысу шоты» Қазақстан Республикасы Сыртқы істер министрлігінен (бұдан әрі – СІМ) Қазақстан Республикасының елшіліктері және өзге де ұйымдар алған ақша қаражатын есепке алуға арналған;

1040 – «Түсімдер мен есеп айырысуларды есепке алу үшін қол ақшаны бақылау шоты» (бұдан әрі – ҚБШ) мемлекеттік мекеменің, жергілікті өзін-өзі басқарудың қайырымдылық көмектен алынатын, ақылы қызметтер, ақшаны уақытша орналастыру ақшасы бойынша, жергілікті өзін-өзі басқарудың ақша қаражатын, республикалық және жергілікті бюджеттерге, Жәбірленушілерге өтемақы қорына түсетін түсімдерді есепке алуға арналған.

Осы шот мынадай қосалқы шоттарды қамтиды:

1041 – «Қайырымдылық көмек ҚБШ», мұнда Қазақстан Республикасының заңнамалық актілеріне сәйкес мемлекеттік мекемелер алатын, олар үшін филантропиялық қызметтен және (немесе) демеушілік қызметтен және (немесе) меценаттық қызметтен және (немесе) кіші отанына қолдау көрсету жөніндегі қызметтен алынатын ақшаның түсімі мен оның жұмсалуы есепке алынады;

1042 – «Ақылы қызметтер ҚБШ», мұнда мемлекеттік мекемелердің иелігінде қалатын және Бюджет кодексіне сәйкес пайдаланылатын тауарларды (жұмыстарды, көрсетілетін қызметтерді) өткізуден алынатын ақшаның түсуі мен жұмсалуы есепке алынады;

1043 – «Ақшаны уақытша орналастыру ҚБШ», мұнда Қазақстан Республикасының заңнамалық актілеріне сәйкес жеке және (немесе) заңды тұлғалар оларды қайтару не белгілі бір жағдайлар туындаған кезде тиісті бюджетке немесе үшінші тұлғаларға аудару шарттарында мемлекеттік мекемеге берілетін ақшаның қозғалысы есепке алынады;

1045 – «Нысаналы қаржыландыру ҚБШ», мұнда есептелген бюджет қаражаты және оларды ерекше шығыстарды жүргізуге пайдалану (нысаналы қаржыландыру шоты) есепке алынады;

1046 – «Республикалық бюджеттің ҚБШ», мұнда бірыңғай қазынашылық шотынан республикалық бюджетке түсетін түсімдерді есепке жатқызу есепке алынады;

1047 – «Жергілікті бюджеттердің ҚБШ», мұнда бірыңғай қазынашылық шотынан жергілікті бюджеттерге түсетін түсімдерді есепке жатқызу есепке алынады;

1048 – «Жәбірленушілерге өтемақы қоры ҚБШ», мұнда «Жәбірленушілерге өтемақы қоры туралы» Қазақстан Республикасының Заңыңда (бұдан әрі – Қор туралы заң) көзделген тәртіппен ақша түсімдерін есепке жатқызу және жәбірленушілерге өтемақы төлемдерін жүргізу есепке алынады;

1049 – «Білім беру инфрақұрылымын қолдау қорының ҚБШ», мұнда «Білім туралы» Қазақстан Республикасының Заңына (бұдан әрі – Білім туралы заң) сәйкес ақша түсімдерін есепке алу және оларды жұмсау есепке алынады;

1050 – «Шетелдік валютадағы шот», мемлекеттік мекеме жүргізетін есепті кезеңнің соңғы күніне қолданылатын және Жаңартылған «Валюталарды айырбастаудың нарықтық бағамын айқындау және қолдану тәртібін белгілеу туралы» Қазақстан Республикасының Ұлттық Банкі Басқармасының 2013 жылғы 25 қаңтардағы № 15 қаулысы және Қазақстан Республикасы Қаржы министрінің 2013 жылғы 22 ақпандағы № 99 бұйрығымен (Нормативтік құқықтық актілерді мемлекеттік тіркеу тізілімінде № 8378 болып тіркелген) бірлесіп белгілеген тәртіпте анықталатын валюта айырбастаудың нарықтық бағамы бойынша шетелдік валютаны қайта есептеу жолымен алынған Қазақстан Республикасы валютасында валюталық операцияларды есепке алуға арналған;

1060 – «Арнайы шот», бюджеттік бағдарлама әкімшілігі қарызға алған (сыртқы қарыздар және байланысты гранттар) қаражаттың түсуі мен жұмсалуы бойынша қаржылық операцияларды есепке алуға арналған.

Осы шот мынадай қосалқы шоттарды қамтиды;

1061 – «Байланысты гранттың арнайы шоты», мұнда байланысты гранттар бойынша қаражаттың түсуі мен жұмсалуы бойынша қаржылық операциялар есепке алынады;

1062 – «Сыртқы қарыздың арнайы шоты», мұнда сыртқы қарыздар (қарызға алынған қаражат) бойынша қаражаттың түсуі мен жұмсалуы бойынша қаржылық операциялар есепке алынады;

1070 – «Өзге де ақша қаражаты» алдыңғы қосалқы шоттарда көрсетілмеген басқа да ақша қаражаттарын есепке алуға арналған.

Осы шот мынадай қосалқы шоттарды қамтиды:

1071 – «Аккредитивтер», мұнда өнім берушілер алдында активтерді жеткізу үшін ақы төлеу бойынша туындайтын мемлекеттік мекемелердің міндеттемелеріне сәйкес ашылған аккредитивтердің сомалары есепке алынады;

1072 – «Ақша құжаттары», мұнда банктік овердрафт және өзге ақша құжаттары есепке алынады;

1073 – «Жолдағы ақша қаражаты» мұнда шетел мекемелерінің шығыстарын қаржыландыруға аударылған, бірақ шетел мекемелерінің есеп айырысу шотына түспеген ақша қаражатының қозғалысы есепке алынады;

1074 – «Өзге де ақша қаражаты», мұнда алдыңғы қосалқы шоттарда көрсетілмеген өзге ақша қаражаты есепке алынады;

1075 – «Білім беру инфрақұрылымын қолдау жөніндегі жергілікті атқарушы органның ҚБШ», мұнда Білім беру инфрақұрылымын қолдау қорының ақша түсімдерін есепке жатқызу және олардың Білім туралы заңға сәйкес жұмсалуы есепке алынады;

1076 – «Арнаулы мемлекеттік қордың ҚБШ», мұнда «Заңсыз иемденілген активтерді мемлекетке қайтару туралы» Қазақстан Республикасының Заңына (бұдан әрі – Активтерді қайтару туралы заң) сәйкес Арнаулы мемлекеттік қорға ақша түсімдерін есепке жатқызу есепке алынады;

1077 – «Орталық уәкілетті органның Арнаулы мемлекеттік қорының ҚБШ», мұнда Активтерді қайтару туралы заңға сәйкес орталық уәкілетті органның Арнаулы мемлекеттік қорына ақша түсімдерін есепке жатқызу есепке алынады;

1078 – «Жергілікті уәкілетті органның Арнаулы мемлекеттік қорының ҚБШ», мұнда Активтерді қайтару туралы заңға сәйкес жергілікті уәкілетті органның Арнаулы мемлекеттік қорына ақша түсімдерін есепке жатқызу есепке алынады;

1080 – «Республикалық бюджеттен қаржыландырылатын мемлекеттік мекемелердің міндеттемелері бойынша жеке қаржыландыру жоспарына сәйкес міндеттемелерін қабылдауға арналған жоспарлы тағайындаулары» республикалық бюджеттен қаржыландырылатын мемлекеттік мекемелердің міндеттемелері бойынша жеке қаржыландыру жоспарына сәйкес міндеттемелер қабылдауға арналған жоспарлы тағайындаулары бойынша қаражат қозғалысын есепке алуға арналған.

Осы шот мынадай қосалқы шоттарды қамтиды:

1081 – «Жеке қаржыландыру жоспары бойынша міндеттемелер қабылдауға арналған жоспарлы тағайындаулары», мұнда мемлекеттік мекемелердің қызметін қаржыландыру, мемлекеттік мекемелердің міндеттемелері бойынша жеке қаржыландыру жоспарына сәйкес міндеттемелерді қаржыландыруды қабылдауға арналған жоспарлы тағайындаулар сомасы есепке алынады;

1082 – «Күрделі салымдар бойынша міндеттемелер қабылдауға арналған жоспарлы тағайындаулар», мұнда күрделі салымдарды қаржыландыру бойынша міндеттемелер қабылдауға арналған жоспарлы тағайындаулар есепке алынады;

1083 – «Басқа да бюджеттердің есебінен міндеттемелер қабылдауға арналған жоспарлы тағайындаулар», мұнда республикалық бюджет есебінен ұсталатын мемлекеттік мекемелерге олар жергілікті бюджет есебінен міндеттемелерді қабылдауға арналған жоспарлы тағайындаулар алу кезінде және керісінше жергілікті бюджеттердің есебінен ұсталатын мемлекеттік мекемелерге белгілі бір мақсаттарға республикалық бюджеттен міндеттемелерді қабылдауға арналған жоспарлы тағайындаулар алу кезінде мемлекеттік мекеменің міндеттемелерді қабылдауға арналған жоспарлы тағайындаулардың қозғалысы есепке алынады;

1084 – «Трансферттер бойынша міндеттемелер қабылдауға арналған жоспарлы тағайындаулар», мұнда трансферттер бойынша міндеттемелерді қабылдауға арналған жоспарлы тағайындаулар есепке алынады, олар жалпы сипаттағы трансферттер, нысаналы ағымдағы трансферттер, нысаналы даму трансферттері, мемлекеттік мекеменің қызметкері болып табылмайтын жеке тұлғаларға берілетін трансферттер, Ұлттық қорға берілетін трансферттер болып бөлінеді;

1085 – «Субсидиялар бойынша міндеттемелер қабылдауға арналған жоспарлы тағайындаулар», мұнда жеке және заңды тұлғаларға, оның ішінде шаруа және фермерлік қожалықтарға субсидиялар бойынша міндеттемелер қабылдауға арналған жоспарлы тағайындаулар есепке алынады;

1086 – «Республикалық бюджетке тауарлардың (жұмыстардың, көрсетілетін қызметтердің) құны түрінде түсетін түсімдермен және олардың жұмсалуымен байланысты операциялар бойынша міндеттемелер қабылдауға арналған жоспарлы тағайындаулар», мұнда республикалық бюджетке тауарлардың (жұмыстардың, көрсетілетін қызметтердің) құны түрінде түсетін түсімдер есебінен мемлекеттік мекеменің шығыстарына міндеттемелер қабылдауға арналған жоспарлы тағайындаулар сомасы есепке алынады;

1087 – «Сыртқы қарыздардың және байланысты гранттардың есебінен міндеттемелер қабылдауға арналған жоспарлы тағайындаулар», мұнда сыртқы қарыздардың және байланысты гранттардың есебінен қаржыландыруға міндеттемелер қабылдауға арналған жоспарлы тағайындаулар сомасы есепке алынады;

1088 – «Мемлекеттік-жекешелік әріптестік жобалары бойынша міндеттемелер қабылдауға арналған жоспарлы тағайындаулар», мұнда мемлекеттік-жекешелік әріптестік жобалары бойынша міндеттемелер қабылдауға арналған жоспарлы тағайындаулар есепке алынады;

1089 – «Әлеуметтік медициналық сақтандыру қорына берілетін нысаналы жарналары бойынша міндеттемелер қабылдауға арналған жоспарлы тағайындаулар», мұнда Әлеуметтік медициналық сақтандыру қорына (бұдан әрі – ӘМСҚ) берілетін нысаналы жарналар бойынша міндеттемелер қабылдауға арналған жоспарлы тағайындаулар сомасы есепке алынады;

1090 – «Жергілікті бюджеттен қаржыландырылатын мемлекеттік мекемелердің міндеттемелері бойынша жеке қаржыландыру жоспарына сәйкес міндеттемелер қабылдауға арналған жоспарлы тағайындаулары» жергілікті бюджеттен ұсталатын мемлекеттік мекеменің міндеттемелерін қабылдауға арналған жоспарлы тағайындауларды есепке алуға арналған.

Осы шот мынадай қосалқы шоттарды қамтиды:

1091 – «Жеке қаржыландыру жоспарына сәйкес міндеттемелер қабылдауға арналған жоспарлы тағайындаулар», мұнда міндеттемелер бойынша жеке қаржыландыру жоспарында көзделген мемлекеттік мекеменің міндеттемелер қабылдауға, мемлекеттік мекеменің қызметін ұстауға арналған жоспарлы тағайындаулар сомалары есепке алынады;

1092 – «Күрделі салымдар бойынша міндеттемелер қабылдауға арналған жоспарлы тағайындаулар», мұнда күрделі салымдарды қаржыландыру бойынша міндеттемелер қабылдауға арналған жоспарлы тағайындаулар есепке алынады;

1093 – «Трансферттер бойынша міндеттемелер қабылдауға арналған жоспарлы тағайындаулар», мұнда бюджеттік бағдарламалар әкімшісінің пайдалануы үшін субвенциялар мен трансферттер бойынша міндеттемелер қабылдауға арналған жоспарлы тағайындаулар есепке алынады, олар жалпы сипаттағы трансферттерге, нысаналы ағымдағы трансферттерге, нысаналы даму трансферттеріне, жергілікті өзін-өзі басқару трансферттеріне, жеке тұлғаларға берілетін трансферттерге бөлінеді;

1094 – «Субсидиялар бойынша міндеттемелер қабылдауға арналған жоспарлы тағайындаулар», мұнда республикалық бюджеттің, жергілікті бюджеттің қаражатынан немесе жеке және заңды тұлғаларға, жергілікті органдарға арнаулы қорлардан берілетін ақшалай жәрдемақылар түріндегі субсидиялар бойынша міндеттемелер қабылдауға арналған жоспарлы тағайындаулар есепке алынады;

1095 – «Жергілікті бюджетке тауарлардың (жұмыстардың, көрсетілетін қызметтердің) құны түрінде түсетін түсімдерге және олардың жұмсалуына байланысты операциялар бойынша міндеттемелер қабылдауға арналған жоспарлы тағайындаулар» мұнда жергілікті бюджетке тауарлардың (жұмыстардың, көрсетілетін қызметтердің) құны түрінде түсетін түсімдер есебінен мемлекеттік мекеменің шығыстарына міндеттемелер қабылдауға арналған жоспарлы тағайындаулар сомасы есепке алынады;

1096 – «Мемлекеттік-жекешелік әріптестік жобалары бойынша міндеттемелер қабылдауға арналған жоспарлы тағайындаулар», мұнда мемлекеттік-жекешелік әріптестік жобалары бойынша міндеттемелер қабылдауға арналған жоспарлы тағайындаулар есепке алынады.»;

10-тармақ мынадай редакцияда жазылсын:

«10. 1300 «Қорлар» кіші бөлімі шоттарында мемлекеттік мекемеге тиесілі құрылыс материалдарын, орнатуға құрал-жабдықтарды, материалдарды, тамақтану өнімдерін, отын және жағармайды, азық, жем, ыдыс, машиналар мен құрал-жабдықтарға қосалқы бөлшектерді, көмекші шаруашылық өнімдері мен бұйымдары, бордақыдағы малдар мен мал төлдерін, оқыту, ғылыми және басқа да мақсаттарға арналған материалдарды, сондай-ақ ұзақ қолдану және зертханалық сынақ материалдарын, шаруашылық-шарттық ғылыми-зерттеу жұмыстары үшін арнайы жабдықтарды есепке алуға арналған.

Осы кіші бөлім мынадай шоттарды біріктіреді:

1310 – «Материалдар» материалдарды олардың заттық сипаты бойынша есепке алуға арналған.

Осы шот мынадай қосалқы шоттарды қамтиды:

1311 – «Құрылыс материалдары», мұнда құрылыс және монтаждау жұмыстары процесінде пайдаланылатын құрылыс материалдары есепке алынады. Құрылыс материалдарына силикат материалдары (цемент, керамзит, әк, кірпіш, қыш), күйдірілетін материалдар (қожды, керамзиттік, қыш), құрғақ құрылыс қоспалары, құрылыс металы (темір, қаңылтыр, болат, табақталған мырыш), құм, қиыршық, тас, шығылым, елек, ұсақ тас, құрылыс металы (арматура, рабица торкөзі), металл бұйымдар (шегелер, гайкалар, болттар, құрсаулау бұйымдары), шыны, пластмасса, пластикалы металл, санитариялық-техникалық материалдар (крандар, муфталар, үштіктер), су жүргізу, кәріз, жылыту, газ үшін құбырлар және монтаждау және жөндеу-қалпына келтіру жұмыстары кезінде пайдаланылатын басқа да материалдар), электротехникалық материалдар (кабель, шамдар, патрондар, роликтер, сымдар, сақтандырғыш тетіктер, оқшаулағыштар), химиялық-малу (бояу, кендір май, қарақағаз), органикалық материалдар (битумды және қарамайлы созылмалы заттар, эмульсиялар) және басқа да құрылыс материалдары жатады;

1312 – «Оқу, ғылыми зерттеулерге және басқа да мақсаттарға арналған материалдар», мұнда реактивтер мен химикаттар, қара металдардың сынықтары мен қалдықтары, түсті металдардың сынықтары мен қалдықтары, арнаулы қор материалдары, әйнек және химиялық ыдыстар, металдар, электроматериалдар мен радиоматериалдар, радиошамдар, фотожарақтар, оқу бағдарламалары, оқулықтар мен ғылыми жұмыстарды шығаруға арналған қағаздар, тәжірибелік жануарлар мен оқу мақсаттарына және ғылыми-зерттеу жұмыстарына арналған материалдар, сондай-ақ протездеуге арналған қымбат бағалы және басқа металдар, ату жарақтары, белсенді өңдеу, арнайы өңдеу және газсыздандыру материалдары, ғылыми-зерттеу жұмыстарына арналған ұзақ мерзімді қолдану материалдары, және де шаруашылық-шарттық ғылыми-зерттеу жұмыстарын орындау үшін алынған арнайы жабдық есепке алынады;

1313 – «Дәрі-дәрмектер және байлап-таңу құралдары», мұнда қаржыландыру жоспарында шығыстардың экономикалық сыныптамасының тиісті ерекшелігі бойынша қаражат көзделген емдеу-профилактикалық және емдеу-ветеринариялық және басқа да мемлекеттік мекемелердегі дәрі-дәрмектер, құрауыштар, бактериялық препараттар, сарысулар, екпелер, қан, байлап-таңу құралдары, термометрлер, тонометрлер, өзге де дәрілік құралдар мен медициналық мақсаттағы бұйымдар есепке алынады. Бұл қосалқы шотта сондай-ақ өз дәріханалары бар медициналық мекемелердегі қосалқы және дәрі жасайтын материалдар есепке алынады;

1314 – «Тамақ өнімдері», мұнда шығыстардың экономикалық сыныптамасының тиісті ерекшелігі бойынша қаржыландыру жоспарында қаражат көзделген мемлекеттік мекемелердің тамақ өнімдері есепке алынады;

1315 – «Отын, жанар-жағар май материалдары», мұнда қоймаларда немесе қорларда, сондай-ақ тікелей материалдық жауапты адамдарда сақталған отынның, жанар және жағар май материалдарының барлық түрлері (ағаш, көмір, шымтезек, бензин, керосин, мазут, дизель отыны, автол, тосол, нигрол, литол, антифриз, тежегіш сұйықтығы және басқа жанар және жағар май материалдары), оның ішінде жанар және жағар май материалдарына арналған төленген талондар және жағар май карталар есепке алынады;

1316 – «Шаруашылық материалдары және кеңсе керек-жарақтары», мұнда шаруашылық материалдары (электр желілік фильтрлер, ұзартқыштар, шыныдан немесе басқа сынатын материалдан жасалатын ыдыс, пышақтар, шанышқылар, қасықтар, гүл құмыралары, қысқаш, балға, балта, сынық, бұрағыш, қайрақ, кілттер, сыпырғыштар, тырмалар, күректер, швабралар (ағаштан, пластмассадан жасалған), ауаны дымқылдауыштар, электр шәйнектері, су қайнатқыштар, шелектер (пластмасса, алюминий, мырышталған, қаңылтыр, эмалдалған), балшықтан қорғайтын жол төсеніштер, портфельдер, қабырға сағаттары, үтіктейтін тақталар, маркерлі тақталар, диктофондар және басқа да шаруашылық материалдары), кеңсе жарақтары (резеңке кілемшелер, сондай-ақ қағаздарға арналған жайма, пластик қоржындар, органайзер, басшының үстел үсті жинағы, калькуляторлар, қағаз, қаламдар, сия, қаламсаптар және басқа да кеңсе керек-жарақтары) есепке алынады;

1317 – «Арнайы киімдер және басқа да жеке қолдану заттары», мұнда:

іш киім (жейделер, қысқа жеңді көйлектер, халаттар);

төсек орын жабдықтары мен жарақтары (матрацтар, жастықтар, көрпелер, ақ жаймалар, көрпе тыстар, жастық тыстар, жапқыштар, төсек-қапшықтар);

киім және нысанды киімдер, арнаулы киімдерді қоса (костюмдер, пальтолар, сулықтар, шолақ тондар, көйлектер, кофталар, юбкалар, күртелер, шалбарлар), бюджеттің есебінен ұсталатын денсаулық сақтау, оқу-ағарту, халықты әлеуметтік қорғау қызметкерлері және басқаларға арналған формалық киім және аяқ киім;

спорт киімдері және аяқ-киім, арнайы киімдер және өзге де жеке қолдану заттары есепке алынады;

1318 – «Қосалқы бөлшектер», мұнда машиналарда (медициналық, электронды есептеу), жабдықтарда, тракторларда, комбайндарда, көлік құралдарында тозған бөлшектерін ауыстыру және жөндеуге арналған қосалқы бөлшектер (моторлар, сыртқы қабатын қосатын автокөлік шиналары, камералар, жиек ленталары) есепке алынады;

1319 – «Өзге де материалдар», мұнда барлық жануарлар түрлерінің төлдері және бордақылаудағы малдар, құстар, қояндар, мамық терілі аңдар, малға және басқа жануарларға арналған шөп, пішен, сұлы және басқа да жем-шөп түрлері, тұқымдар, тыңайтқыштар, мемлекеттік мекемелерде жұмыс жылқылары және қызметтік иттер болса, төлі (құлындары, күшіктер), сондай-ақ қайтарылатын немесе ауыстырылатын ыдыс (күбілер, бидондар, жәшіктер, шыны банкілер, шөлмектер және басқа да ыдыс), ақпаратты техникалық тасығыштар (флеш-карталар, дискілер, дискеттер, токендер), компьютерлік тінтуірлер, клавиатуралар, спорт іс-шараларын жүргізуге арналған тауарлар (шайбалар, доптар, шахматтар, дойбылар, үстел үсті теннисіне арналған жинақтар, бадминтонға арналған жинақтар, арнаулы шаңғылар), қорек батареялары, балалар ойыншықтары, балалар ойындары, жалюздер, қызметтік иттерге арналған керек-жарақ, орны толтырылатын шығындары жүктеме шығыстардың құрамында құрылыс-монтаждау жұмыстарының өзіндік құнына жатқызылатын уақытша (атаусыз) құрылыстар, қосалқы жайлар мен қондырғылар, жүкқұжат шығыстары құрамында құрылыс-монтаждау жұмыстарының өзіндік құнына жататын өтеу бойынша шығындар, төленген тамақтануға арналған талондар мен алдыңғы қосалқы шоттарда қамтылмаған басқа да материалдар есепке алынады;

1320 – «Аяқталмаған өндiрiс» аяқталмаған өндіріс қалдықтарын есепке алуға арналған;

1330 – «Дайын өнім», өндiрiстiк (оқулық) шеберханаларының, көмекшi ауылшаруашылық және оқу-тәжiрибелiк шаруашылықтардың дайын бұйымдары мен өнiмдерiн, сондай-ақ дайын баспа өнiмдерiн есепке алуға арналған;

1340 – «Тауарлар» жекелеген негіздер бойынша мемлекеттік меншігіне айналдырылған (түскен) тауарлардың, мүліктің болуына және қозғалысына байланысты операцияларды есепке алуға арналған.

Осы шот мынадай қосалқы шоттарды қамтиды:

1341 – «Мемлекет меншігіне айналдырылған (түскен) мүлік» жекелеген негіздер бойынша мемлекет меншігіне айналдырылған (түскен) мүлікпен операцияларды есепке алуға арналған;

1342 – «Өзге де тауарлар» тауарлардың болуына және қозғалысына байланысты операцияларды есепке алуға арналған;

1350 – «Жолдағы қорлар» өзге де қалаларға жеткізулер бойынша мемлекеттік мекеме ақысын төлеген, бірақ есепті күні қоймаға түспеген материалдарды есепке алуға, сондай-ақ орталықтандырылған жарақтандыру және шаруашылық қызмет көрсету топтарының қоймаларына алынған және мемлекеттік мекемелер бойынша бөлінбеген материалдарды есепке алуға арналған;

1360 – «Қорлардың құнсыздануына резерв» қорлардың құнын бұзылуына немесе моральдық жағынан ескіруіне байланысты таза сату құнына дейін төмендетуге арналған резервтерді құруға және қозғаласына байланысты операцияларды есепке алуға арналған.»;

45-тармақ мынадай редакцияда жазылсын:

«45. 6300 «Өзге де кірістер» кіші бөлімі басқа кіші бөлімдерде көрсетілмеген кірістерді есепке алуға арналған.

Осы кіші бөлім мынадай шоттарды қамтиды:

6310 – «Әділ құнның өзгеруінен түсетін кірістер», ұзақ мерзімді активтердің әділ құнының өзгеруінен түсетін (биологиялық активтерді, инвестициялық жылжымайтын мүлікті және қаржы құралдарын) кірістерді есепке алуға арналған;

6320 – «Ұзақ мерзімді активтердің шығуынан түсетін кірістер», ұзақ мерзімді активтердің (негізгі құралдардың, биологиялық активтердің, инвестициялық жылжымайтын мүліктің және материалдық емес активтердің, ұзақ мерзімді қаржы инвестицияларының), негізгі капиталдың және мемлекеттің қаржы активтерінің шығуынан түсетін кірістерді есепке алуға арналған;

6330 – «Активтерді өтеусіз алудан түсетін кірістер» жеке және заңды тұлғалардан активтерді (негізгі құралдар, биологиялық активтер, инвестициялық жылжымайтын мүлік, аяқталмаған құрылыс пен күрделі салымдар, материалдық емес активтер, ұзақ мерзімді қаржы инвестициялары, қорлар мен ақшалай қаражат) өтеусіз алудан түсетін кірістерді тануға арналған;

6340 – «Бағамдық айырмадан түсетін кірістер» есептерде валюталардың әртүрлі айырбас бағамдарын пайдалана отырып, есептілік валютасында көрсетілген шетелдік валюта бірліктерінің бірдей санын көрсетудің нәтижесінде туындайтын бағамдық айырмадан түсетін кірістерді есепке алуға арналған;

6350 – «Шығындарды өтеуден түсетін кірістер» үшінші тараптардан өтемақы алу кезінде алынған (активтердің құнсыздануынан бұрын танылған шығындар) кірістерді есепке алуға арналған;

6360 – «Өзге де кірістер» талап ету мерзімі аяқталған кредиторлық берешекті есептен шығаруда, түгендеуде артық шыққан негізгі құралдарды, қорларды, жетіспеушіліктің орнын толтырудан, қысқа мерзімді қаржылық инвестицияларды сатудан, төлдердің салмағының артуынан және төлдеуінен, негізгі құралдарды жоюдан және шоттардың басқа топтарында көрсетілмеген басқа да кірістерді, сондай-ақ жекелеген негіздер бойынша мемлекет меншігіне айналдырылған (түскен) мүлікпен операцияларды есепке алу бойынша кірістерді есепке алуға арналған;

6370 – «Қорларға түсетін түсімдерден кірістер», Қорларға түсетін түсімдер бойынша кірісті тануға арналған.

Осы шот мынадай қосалқы шоттарды қамтиды:

6371 – «Білім беру инфрақұрылымын қолдау қорына түсімдерден түсетін кірістер», Білім туралы заңға сәйкес Білім беру инфрақұрылымын қолдау қорына түсімдер бойынша кірістерді тануға арналған;

6372 – «Білім беру инфрақұрылымын қолдау қорының түсімдерінен түсетін кірістер», Білім туралы заңға сәйкес білім беру инфрақұрылымын қолдау жөніндегі жергілікті атқарушы органның шотына түсімдер бойынша табысты тануға арналған;

6373 – «Арнаулы мемлекеттік қорға түсімдерден түсетін кірістер» Активтерді қайтару туралы заңға сәйкес Арнаулы мемлекеттік қорға түсімдер бойынша кірісті тануға арналған;

6374 – «Орталық уәкілетті органның Арнаулы мемлекеттік қорға түсімдерінен түсетін кірістер» Активтерді қайтару туралы заңға сәйкес орталық уәкілетті органның Арнайы мемлекеттік қорының түсімдері бойынша кірісті тануға арналған;

6375 – «Жергілікті уәкілетті органның Арнаулы мемлекеттік қорға түсімдерінен түсетін кірістер» Активтерді қайтару туралы заңға сәйкес жергілікті уәкілетті органның Арнаулы мемлекеттік қорының түсімдері бойынша кірісті тануға арналған;

6376 – «Жәбірленушілерге өтемақы қорына түсетін түсімдерден алынатын кірістер», Қор туралы заңға сәйкес Жәбірленушілерге өтемақы қорына түсетін түсімдер бойынша кірісті тануға арналған;

6380 – «Қаржылық инвестициялар мен міндеттемелерді бастапқы тану кезінде туындайтын кірістер» қаржылық инвестициялар мен міндеттемелерді бастапқы тану кезінде туындайтын кірістерді есепке алуға арналған.

Осы шот мынадай қосалқы шоттарды қамтиды:

6381 – «Бағалы қағаздарды орналастырудан түсетін кірістер» бағалы қағаздардың номиналды құны мен оларды іс жүзіндегі орналастыру құны арасындағы оң айырманы есепке алуға арналған;

6382 – «Алынған қарыздарды бастапқы танудан түсетін кірістер», алынған қарыздардың номиналды құны мен олардың әділ құны арасындағы оң айырма нәтижесінде алынған қарыздарды әділ құны бойынша бастапқы тану кезінде туындайтын кірістерді көрсетуге арналған;

6383 – «Берілген қарыздарды бастапқы танудан түсетін кірістер», берілген қарыздардың әділ құны мен олардың номиналды құны арасындағы оң айырма нәтижесінде әділ құн бойынша берілген қарыздарды бастапқы тану кезінде туындайтын кірістерді көрсетуге арналған.»;

51-тармақ мынадай редакцияда жазылсын:

«51. 7400 «Өзге де шығыстар» кіші бөлімі басқа кіші бөлімдерде көрсетілмеген өзге де шығыстарды есепке алуға арналған.

Осы кіші бөлім мынадай шоттарды қамтиды:

7410 – «Әділ құнының өзгеруі бойынша шығыстар» активтердің әділ құнының өзгеруінен болатын шығыстарды (қысқа мерзімді қаржы инвестицияларын, ұзақ мерзімді қаржы инвестицияларын, биологиялық активтерді, инвестициялық жылжымайтын мүлікті) есепке алуға арналған;

7420 – «Ұзақ мерзімді активтерді шығару бойынша шығыстар» ұзақ мерзімді активтерді (негізгі құралдарды, биологиялық активтерді, инвестициялық жылжымайтын мүлікті, материалдық емес активтерді, аяқталмаған құрылыс және күрделі салымдар объектілерін, ұзақ мерзімді қаржылық инвестицияларды) шығару жөніндегі шығыстарды есепке алуға арналған;

7430 – «Бағамдық айырма бойынша шығыстар» есептерде валюталардың әртүрлі айырбастау бағамдарын пайдалана отырып, есептілік валютасында көрсетілген шетел валютасының бірліктерінің бірдей санын көрсету нәтижесінде туындайтын бағамдық айырма бойынша шығыстарды есепке алуға арналған;

7440 – «Активтердің құнсыздануы бойынша шығыстар» активтердің құнсыздануына резервтер құру бойынша шығыстарды есепке алуға арналған;

7450 – «Резервтерді құру жөніндегі шығыстар» күмәнді борыштар жөніндегі резервтерді құру бойынша шығыстарды есепке алуға арналған.

Осы шот мынадай қосалқы шотты қамтиды:

7451 – «Салық берешегі бойынша резерв құру жөніндегі шығыстар» банкроттар мен өзге де мәжбүрлеп таратылатын, сондай-ақ оған қатысты мемлекеттік кірістер органдары мәжбүрлеп өндіріп алудың барлық шараларын қолданған тұлғалардың берешегін қоса алғанда, күмәнді салық берешегі бойынша резерв құру жөніндегі шығыстарды есепке алуға арналған;

7452 – «Резервтерді құру жөніндегі шығыстар», мемлекеттік кепілдік алушылардың күмәнді берешегі бойынша резервтер құру жөніндегі шығыстарды есепке алуға арналған;

7453 – «Мемлекеттік кепілдіктер алушылардың күмәнді берешегі бойынша резервті құру бойынша шығыстар» мемлекеттік кепілдіктер алушылардың күмәнді берешегі бойынша резервтерді құру бойынша шығыстарды есепке алуға арналған;

7460 – «Өзге шығыстар», шоттардың басқа топтарында көрсетілмеген шығыстарды есепке алуға арналған.

Осы шот мынадай қосалқы шоттарды қамтиды:

7461 – «Мемлекет меншігіне айналдырылған (түскен) мүлікке байланысты операциялар бойынша өзге де шығыстар» жекелеген негіздер бойынша мемлекет меншігіне айналдырылған (түскен) мүлікпен операциялар бойынша шығыстарды есепке алуға арналған;

7462 – «Өзге де шығыстар», шоттардың басқа топтарына енгізілмеген шығыстарды есепке алуға арналған;

7470 – «Республикалық және жергілікті бюджеттердің ҚБШ-лары бойынша шығыстар», республикалық және жергілікті бюджеттерден жүргізілген шығыстарды есепке алуға арналған;

7480 – «Қаржылық инвестициялар мен міндеттемелерді бастапқы тану кезінде туындайтын шығыстар» қаржылық инвестициялар мен міндеттемелерді бастапқы тану кезінде туындайтын шығыстарды есепке алуға арналған.

Осы шот мынадай қосалқы шоттарды қамтиды:

7481 – «Бағалы қағаздарды орналастырудан болатын шығыстар», бағалы қағаздардың номиналды құны мен оларды іс жүзіндегі орналастыру құны арасындағы теріс айырманы есепке алуға арналған;

7482 – «Алынған қарыздарды бастапқы тану кезінде туындайтын шығыстар» алынған қарыздардың номиналды құны мен олардың әділ құны арасындағы теріс айырма нәтижесінде алынған қарыздарды әділ құны бойынша бастапқы тану кезінде туындайтын шығыстарды көрсетуге арналған;

7483 – «Берілген қарыздарды бастапқы танудан болатын шығыстар», берілген қарыздардың әділ құны мен олардың номиналды құны арасындағы теріс айырма нәтижесінде әділ құн бойынша берілген қарыздарды бастапқы тану кезінде туындайтын шығыстарды көрсетуге арналған;

7490 – «Қорлар бойынша шығыстар», қорлар бойынша шығыстарды тануға арналған.

Осы шот мынадай қосалқы шоттарды қамтиды:

7491 – «Жәбірленушілерге өтемақы қоры бойынша шығыстар» Жәбірленушілерге өтемақы қорынан өтемақы төлеу бойынша шығыстарды есепке алуға арналған;

7492 – «Білім беру инфрақұрылымын қолдау қорының шығыстары» білім беру инфрақұрылымын қолдау қорының шығыстарын есепке алуға арналған;

7493 – «Арнаулы мемлекеттік қордың шығыстары» Арнаулы мемлекеттік қордың шығыстарын есепке алуға арналған;

7494 – «Орталық уәкілетті органның Арнаулы мемлекеттік қорының шығыстары» Арнаулы мемлекеттік қордың шығыстарын есепке алуға арналған (тиісті саланың орталық уәкілетті органының арнайы шоты);

7495 – «Жергілікті уәкілетті органның Арнаулы мемлекеттік қорының шығыстары» Арнаулы мемлекеттік қордың шығыстарын есепке алуға арналған (тиісті саланың жергілікті уәкілетті органының арнайы шоты).»;

көрсетілген Жоспарға 1, 2 және 3-қосымша лар осы бұйрыққа 1, 2 және 3-қосымша ларға сәйкес жаңа редакцияда жазылсын.

2. Қазақстан Республикасы Қаржы министрлігінің Бухгалтерлік есеп, аудит және бағалау әдіснамасы департаменті заңнамада белгіленген тәртіппен:

1) осы бұйрықтың көшірмелерін қазақ және орыс тілінде Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберілуін;

2) осы бұйрықтың Қазақстан Республикасы Қаржы министрлігінің интернет-ресурсында орналастырылуын қамтамасыз етсін.

3. Осы бұйрық алғашқы ресми жарияланған күнінен кейін он күнтізбелік күн өткен соң қолданысқа енгізіледі.

Қазақстан Республикасының Қаржы министрі

М. Такиев

Қазақстан Республикасы

Қаржы министрінің

2025 жылғы «__»_______

№ ___ бұйрығына

1-қосымша

Мемлекеттік мекемелердің

бухгалтерлік есеп шоттары

жоспарына 1-қосымша

Мемлекеттік мекемелердің бухгалтерлік есеп шоттары жоспары

Қазақстан Республикасы

Қаржы министрінің

2025 жылғы «__»_______

№ ___ бұйрығына

2-қосымша

Мемлекеттік мекемелердің

бухгалтерлік есеп

шоттары жоспарына

2-қосымша

Негізгі бухгалтерлік операциялар бойынша шоттар корреспонденциясы