Павлодар облыстық мәслихатының 2024 жылғы 13 желтоқсандағы «2025 - 2027 жылдарға арналған облыстық бюджет туралы» № 175/18 шешіміне өзгерістер енгізу туралы

Қазақстан Республикасының Бюджет кодексінің 91-бабының 3-тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабы 1-тармағының 1)-тармақшасына, Қазақстан Республикасының «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Заңының 18-бабының 4-тармағына сәйкес Павлодар облыстық мәслихаты ШЕШІМ ҚАБЫЛДАДЫ:

1) көрсетілген шешімнің 1-тармағы келесі редакцияда жазылсын:

«1. 2025-2027 жылдарға арналған облыстық бюджет тиісінше 1, 2 және 3-қосымшаларға сәйкес, соның ішінде 2025 жылға арналған келесі көлемдерде бекітілсін:

1) кірістер – 459887769 мың теңге, соның ішінде:

салықтық түсімдер – 88973608 мың теңге;

салықтық емес түсімдер – 4758570 мың теңге;

негізгі капиталды сатудан түсетін түсімдер – нөлге тең;

трансферттер түсімі – 366155591 мың теңге;

2) шығындар – 461247935 мың теңге;

3) таза бюджеттік кредиттеу – 15107075 мың теңге, соның ішінде:

бюджеттік кредиттер – 23665973 мың теңге;

бюджеттік кредиттерді өтеу – 8548898 мың теңге;

4) қаржы активтерімен операциялар бойынша сальдо – 1282157 мың теңге, соның ішінде:

қаржы активтерін сатып алу – 1282157 мың теңге;

мемлекеттің қаржы активтерін сатудан түсетін түсімдер – нөлге тең;

5) бюджет тапшылығы (профициті) – -17749398 мың теңге;

6) бюджет тапшылығын қаржыландыру (профицитін пайдалану) – 17749398 мың теңге.»;

2) көрсетілген шешімнің 8-тармағы келесі редакцияда жазылсын:

«8. 2025 жылға арналған облыстық бюджетте аудандық (облыстық маңызы бар қалалар) бюджеттеріне нысаналы ағымдағы трансферттер келесі мөлшерлерде қарастырылғаны ескерілсін:

370933 мың теңге – үкіметтік емес ұйымдарда мемлекеттік әлеуметтік тапсырысты орналастыруға;

2503561 мың теңге – мүгедектігі бар тұлғалардың құқықтарын қамтамасыз етуге және өмір сүру сапасын жақсартуға;

1493775 мың теңге – мемлекеттік атаулы әлеуметтік көмекті төлеуге;

542096 мың теңге – мәдениет объектілерін жөндеуге және жарақтауға;

89716 мың теңге – спорт ғимараттарын жөндеуге және орнатуға;

3228339 мың теңге – «Ауыл-Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылым бойынша іс-шараларды іске асыруға;

9244166 мың теңге – аудандық маңызы бар автомобиль жолдарын, елді мекендердің көшелерін күрделі, орташа және ағымдағы жөндеуге;

825609 мың теңге – мектеп жасындағы балалардың қалалық қоғамдық көлікте тегін жол жүруін өтеуге;

9040554 мың теңге – әлеуметтік маңызы бар қалалық, қала маңындағы қатынастар бойынша жолаушылар тасымалын субсидиялауға;

123752 мың теңге – коммуналдық меншікке мамандандырылған техника және жабдық сатып алуға;

456522 мың теңге – жылу желілерін, қазандық жабдығын жөндеуге, жылыту қазандықтарын және жабдығын сатып алуға;

116335 мың теңге – сумен жабдықтау жүйелерін ұйымдастыруға және жұмыс істеуіне;

65238 мың теңге – жарықтандыру жүйелерін ұйымдастыруға және жұмыс істеуіне;

864617 мың теңге – балалар алаңын абаттандыруға;

1420357 мың теңге - аумақтарды абаттандыруға.»;

3) көрсетілген шешімнің 9-тармағы келесі редакцияда жазылсын:

«9. 2025 жылға арналған облыстық бюджетте аудандық (облыстық маңызы бар қалалар) бюджеттеріне нысаналы даму трансферттері келесі мөлшерлерде қарастырылғаны ескерілсін:

1345517 мың теңге – коммуналдық тұрғын үй қорының тұрғын үйін салуға және қайта жаңартуға;

242603 мың теңге – инженерлік-коммуникациялық инфрақұрылымды дамытуға немесе жайластыруға;

2404116 мың теңге – кәсіпкерлік субъектілерін мемлекеттік қолдау шаралары шеңберінде индустриялық инфрақұрылымды дамытуға;

1642830 мың теңге – «Ауыл-Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылымдарды дамытуға;

1346657 мың теңге – мәдениет объектілерін дамытуға;

1343913 мың теңге – спорт объектілерін дамытуға;

346424 мың теңге – коммуналдық шаруашылықты дамытуға;

2268665 мың теңге – қалаларда сумен жабдықтау және су бұру жүйесін дамытуға;

1216743 мың теңге – ауылдық елді мекендерде сумен жабдықтау жүйесін дамытуға;

8905841 мың теңге – жылу энергетикалық жүйені дамытуға;

428476 мың теңге – электрмен жабдықтауды дамытуға және жарықтандыруға;

961884 мың теңге – қалалар мен елді мекендерді абаттандыруды дамытуға;

325722 мың теңге – көлік инфрақұрылымын дамытуға.»;

4) көрсетілген шешімнің 15-тармағы келесі редакцияда жазылсын:

«15. Облыстың жергілікті атқарушы органының 2025 жылға арналған резерві 2806468 мың теңге сомасында бекітілсін.»;

5) көрсетілген шешімнің 1, 2, 3 қосымшалары осы шешімнің 1, 2, 3 қосымшаларына сәйкес жаңа редакцияда жазылсын.

2. Осы шешім 2025 жылғы 1 қаңтардан бастап қолданысқа енгізіледі.

Облыстық мәслихаттың төрағасы

И. Теренченко