«Өнеркәсіп және қоршаған орта статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы» Қазақстан Республикасы Ұлттық экономика министрлігі Статистика комитеті төрағасының 2020 жылғы 21 ақпандағы № 24 бұйрығына өзгерістер енгізу туралы

БҰЙЫРАМЫН:

1. «Өнеркәсіп және қоршаған орта статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы» Қазақстан Республикасы Ұлттық экономика министрлігі Статистика комитеті төрағасының 2020 жылғы 21 ақпандағы № 24 бұйрығына (Нормативтік құқықтық актілерді мемлекеттік тіркеу тізілімінде № 20076 болып тіркелген) мынадай өзгерістер енгізілсін:

1-тармақта:

1) және 2) тармақшалары мынадай редакцияда жазылсын:

«1) «Өнім (тауарлар, көрсетілетін қызметтер) өндіру, жөнелту және өндірістік қуаттар теңгерімі туралы есебі» индексі 1-П, кезеңділігі жылдық) жалпымемлекеттік статистикалық байқаудың статистикалық нысаны осы бұйрыққа 1-қосымшаға сәйкес;

2) «Өнім (тауарлар, көрсетілетін қызметтер) өндіру, жөнелту және өндірістік қуаттар теңгерімі туралы есебі» (индексі 1-П, кезеңділігі жылдық) жалпымемлекеттік статистикалық байқаудың статистикалық нысанын толтыру жөніндегі нұсқаулық осы бұйрыққа 2-қосымшаға сәйкес;»;

7) және 8) тармақшалары алынып тасталсын;

жоғарыда көрсетілген бұйрыққа 1 және 2-қосымша лар осы бұйрыққа 1 және 2-қосымша ларға сәйкес жаңа редакцияда жазылсын;

жоғарыда көрсетілген бұйрыққа 9 және 10-қосымшалар осы бұйрыққа 3 және 4-қосымша ларға сәйкес жаңа редакцияда жазылсын.

2. Қазақстан Республикасы Стратегиялық жоспарлау және реформалар агенттігі Ұлттық статистика бюросының Стратегиялық жоспарлау және әдіснамалық үйлестірут департаменті Заң департаментімен бірлесіп заңнамада белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты Қазақстан Республикасы Стратегиялық жоспарлау және реформалар агенттігі Ұлттық статистика бюросының интернет-ресурсында оның ресми жарияланғаннан кейін орналастыруды қамтамасыз етсін.

3. Қазақстан Республикасы Стратегиялық жоспарлау және реформалар агенттігі Ұлттық статистика бюросының Стратегиялық жоспарлау және әдіснамалық үйлестірудепартаменті осы бұйрықты Қазақстан Республикасы Стратегиялық жоспарлау және реформалар агенттігі Ұлттық статистика бюросының құрылымдық және аумақтық бөлімшелеріне жұмыс бабында басшылыққа алу және пайдалану үшін жеткізсін.

4. Осы бұйрықтың орындалуын бақылау Қазақстан Республикасы Стратегиялық жоспарлау және реформалар агенттігінің Ұлттық статистика бюросы басшысының жетекшілік ететін орынбасарына жүктелсін.

5. Осы бұйрық 2026 жылғы 1 қаңтардан бастап қолданысқа енгізіледі және ресми жариялануға жатады.

Қазақстан Республикасы Стратегиялық жоспарлау және реформалар агенттігінің Ұлттық статистика бюросының басшысы

М. Турлубаев

«КЕЛІСІЛДІ»

Қазақстан Республикасы

Өнеркәсіп және құрылыс

министрлігі

«КЕЛІСІЛДІ»

Қазақстан Республикасы

Экология және

табиғи ресурстар министрлігі

«КЕЛІСІЛДІ»

Қазақстан Республикасы

Энергетика министрлігі

Қазақстан Республикасы

Стратегиялық жоспарлау

және реформалар агенттігінің

Ұлттық статистика

бюросының басшысы

2025 жылғы 2 маусымдағы

№ 10 бұйрығына 1-қосымша

«Өнім (тауарлар, көрсетілетін қызметтер) өндіру, жөнелту және өндірістік қуаттар теңгерімі туралы есебі» (индексі 1-П, кезеңділігі жылдық) статистикалық нысанына қосымша

8-10 бөлімдерге арналған өнеркәсіп салалары бойынша өнімдер тізбесі

Қазақстан Республикасы

Стратегиялық жоспарлау

және реформалар

агенттігінің Ұлттық статистика

бюросының басшысы

2025 жылғы 2 маусымдағы

№ 10 бұйрығына 2-қосымша

Қазақстан Республикасы

Ұлттық экономика

министрлігінің Статистика

комитеті төрағасының

2020 жылғы «21» ақпандағы

№ 24 бұйрығына 2-қосымша

«Өнім (тауарлар, көрсетілетін қызметтер) өндіру, жөнелту және өндірістік қуаттар теңгерімі туралы есебі» (индексі 1-П, кезеңділігі жылдық) жалпымемлекеттік статистикалық байқаудың статистикалық нысанын толтыру жөніндегі нұсқаулық

1. Осы «Өнім (тауарлар, көрсетілетін қызметтер) өндіру, жөнелту және өндірістік қуаттар теңгерімі туралы есебі (индексі 1-П, кезеңділігі жылдық) (бұдан әрі – статистикалық нысан) жалпымемлекеттік статистикалық байқаудың статистикалық нысанын толтыру жөніндегі нұсқаулық.

2. Осы нұсқаулықта келесі анықтамалар пайдаланылады:

1) кәсіпорынның орташа жылдық өндірістік қуаты жыл басындағы қуатқа қуаттың орташа жылдық өсуін қосу және қуаттың орташа жылдық (істен шығу) кемуін арқылы анықталады;

2) өндіруші кәсіпорын бағасы болып өнімнің өндірушіден сатып алушыға дейінгі қозғалысына байланысты қосымша құн салығы, акциздер, сауда және өткізу-үстеме бағасы, көлік және басқа да шығыстар есебінсіз, оның кәсіпорын «қақпасынан» шыққан сәтінде өткізілген өнім бірлігінің бағасы саналады;

3) өндірілген өнім көлеміне жататын өнеркәсіптік сипаттағы қызметтерге:

алыс-беріс шикізатты қайта өңдеу бойынша жұмыстар (мұнай өңдеу кәсіпорындағы мұнай; полиграфия өнеркәсібіндегі баспа; қант алу үшін қант құрағын, қант қызылшасын қайта өңдеу; металл сынықтарынан түсті металдар алу);

басқа кәсіпорындар дайындаған бұйымдарды толық дайындауға дейін жеткізу жөніндегі материалдарды, бөлшектер мен тораптарды жартылай өңдеу бойынша жекелеген операциялар (мысалы, тақтай, әйнек, қағаз, сымдарды стандартты өлемдегі бұйымдарға кесу, тегістеу, мырышпен қаптау, қалыптау және басқалар);

жабдықтарды, көлік құралдарын, механизмдерді, аспаптарды және басқа өнімдерді жөндеу, жаңғырту және техникалық қызмет көрсету;

мұнай және газ өндірумен байланысты қызметтер: бағытталған бұрғылау және қайта бұрғылау, қайтымды-ілгерілемелі бұрғылау, бұрғы мұнарасын салу, оны жөндеу және бөлектеу, мұнай және газ ұңғымаларының жағалау құбырларын цементтеу, ұңғымаларды тартып шығару, бітеу, жою;

электр энергиясын, газ тәріздес отынды құбырлармен тарату, (магистральды ққұбырлардан басқа), су, ыстық су және бумен жабдықтау бойынша қызметтері жатады. Электр энергиясы, жылу энергиясы, су және газдың құнын қоспағанда, қызмет көрсету көлеміне тек «таза қызмет көрсету» ғана (электр энергиясын беру, сату бойынша, электр энергиясын тарату бойынша, бумен және ыстық сумен жабдықтау бойынша, суды жинау және шығару бойынша, суды тазалау бойынша, суды тарату бойынша, газ тәріздес (құбырлық) отынды тарату және сату бойынша қызметтер) енгізілетінін ескеру қажет;

4) өндірістік қуат – жыл ішінде өнімді мүмкіндігіне қарай барынша шығару;

5) өндірістік қуат теңгерімі – қуаттың шамасын, оның өзгеру факторларын және есепті жылда пайдалану деңгейін сипаттайтын көрсеткіштер жүйесі;

6) өнеркәсіптік өнім (тауар, қызмет) өндірісінің көлемі – тараптарға, өзінің күрделі құрылысына және өнеркәсіптік емес бөлімшелеріне өткізуге, өзінің қызметкерлеріне еңбек ақы есебінде беруге, сондай-ақ тапсырыс берушінің тапсырысы бойынша орындалған өндірістік сипаттағы жұмыстар мен қызметтерге арналған, кәсіпорындардың өзі шығарған (өз шикізаты және материалдарымен қатар, тапсырыс берушінің шикізаты және материалдарынан дайындалған), барлық дайын бұйымдардың (өнімдердің), жартылай фабрикаттардың құны. Қосылған құнға салықсыз, акциздерсіз және зауытішілік айналымсыз, аяқталмаған өндіріссіз және алыс-беріс шикізатынсыз есептеледі;

7) режимдік уақыт – жоспарда қарастырылған жұмыс режиміне сәйкес жабдықтың жұмыс істеу уақыты аралығындағы сағат саны.

3. Статистикалық нысан өндірістің нақты орналасқан орны бойынша тапсырылады. Әртүрлi елдi мекендерде орналасқан бірнеше цех болған жағдайда 1-бөлімде өнеркәсіп өнімін өндіру жүзеге асырылатын әрбір елді мекенді (бөлек) көрсету қажет.

4. 2-бөлім бойынша:

1-бағанда өнеркәсіптік өнім (тауар, қызмет) өндірісінің көлемі ағымдағы жылы жұмыс істейтін және зауытішілік айналымсыз, аяқталмаған өндірісті және тапсырыс беруші жеткізген шикізат құнынсыз өндірістік кәсіпорынның нақты өткізу бағасымен анықталады;

1-бағанда тапсырыс беруші жеткізген шикізаттан жасалған өнім өңдеу құны бойынша өнеркәсіп өнімдерін (тауарларды, қызметтерді) өндіру көлеміне (тапсырыс беруші жеткізген шикізаттың құнын қоспағанда) енгізіледі;

2-бағанда жұмсалған меншік және қосалқы материалдар құнымен қоса, бірақ тапсырыс берушіден алынған материалдар мен бұйымдардың құнын есептеусіз өнеркәсіптік сипаттағы көрсетілген қызметтер көлемі көрсетіледі. Егер дайын өнімді өндіруші кәсіпорын төлемейтін, тапсырыс берушінің шикізаты мен материалдарынан (алыс-беріс шикізаты) бұйым болса, онда өнім көлеміне бұл шикізат пен материалдардың құны қосылмайды;

3-бағанда есепті жыл соңында аяқталмаған өндіріс көлемі бар кәсіпорындар толтырады. Аяқталмаған өндіріске технологиялық процесте көзделген барлық сатылардан өтпеген жартылай дайын өнім, сондай-ақ жинақталмаған, сынақтан және техникалық қабылдаудан өтпеген бұйымдар жатады;

4-бағанында басқа кәсіпорындарға қайта өңдеуге тапсырылған шикізаттың құнын өз өнімдерін басқа кәсіпорындарға одан өнім шығару үшін (алыс-беріс шикізат ретінде) өнеркәсіптік өңдеуге берген өнеркәсіп кәсіпорындары толтырады.

3-бөлім бойынша:

1-бағанда заттай көріністегі өндірілген өнеркәсіптік өнім, яғни аталған кәсіпорын ішінде өнеркәсіптік-өндірістік қажеттіліктеріне жұмсалған және алыс-беріс шикізаттан өндірілген өнімдерін қоса алғандағы өнімнің нақты түрлерінің заттай көріністегі жалпы шығарылымы көрсетіледі;

2-бағанда қайталама шикізатынан өндірілген өнімдер өндірісі заттай көріністе көрсетіледі;

3-бағанда өнеркәсіптік өнімдердің (тауарлардың, көрсетілген қызметтердің) шығарылымы өндіруші кәсіпорын бағасымен алыс-беріс шикізатынан өндірілген өнімді есепке алумен, өз қажеттіліктеріне пайдаланған өнімдердің және аяқталмаған өндіріс құнысыз анықталады. Өндірілген өнеркәсіп өнімін шығару көлеміне сатуға арналған өнімнің, одан әрі қайта өңдеуге арналған тауарлардың (көрсетілген қызметтердің) өнеркәсіптік сипаттағы жұмыстардың (ағымдағы жөндеуден және меншікті негізгі құралдарға техникалық қызмет көрсетуден басқа) құны жатады;

4-бағанда қайталама шикізатынан өндірілген өнімдер өндірісі құндық көріністе көрсетіледі;

6-бағанда өзінің өндірістік және шаруашылық қажеттіліктеріне пайдаланылған өнімдер құны оның өзіндік құны бойынша көрсетіледі. Зауытішілік айналымға пайдаланылған өнім заттай және құндық көріністердегі, кәсіпорын өндірген дайын өнімдер және жартылай фабрикаттар жатады (осы кәсіпорынның негізгі құралдарының құрамына жататын өнімдерден басқа), оны кәсіпорын жеке өнеркәсіптік-өндірістік қажеттіліктеріне пайдаланады;

8-бағанында алыс-беріс шикізатынан өндірілген өнімдер құны тапсырыс беруші-кәсіпорынның өткізу бағасы бойынша көрсетіледі. Алыс-беріс шикізатына тапсырыс берушіге тиесілі, басқа кәсіпорындарға одан өнім өндіру үшін өнеркәсіптік өңдеуге берілген шикізаты жатады. Өткізу бағасы болмаған жағдайда өнім құнын аумақтық статистика бөлімшесінің қызметкерімен бірге өңір бойынша өнім бірлігінің орташа бағасына сүйене отырып есептеу керек. Егер өңір бойынша орташа баға болмаса, республика бойынша орташа бағаны есепке қабылдау керек;

9-бағанда ысыраптардың, түгендеу кезінде анықталған жетіспеушіліктердің, пайдалануға немесе жөнелтуге жарамсыз өнімдердің басқа қозғалысы көрсетіледі;

10-бағанда дайын өнім қалдықтары көрсетіледі. Дайын өнім қалдықтарына дайындаушы-кәсіпорынның қоймаларындағы өзі өндірген барлық өнімдер түрлерінің қалдықтары жатады;

1 және 11-бағандар бойынша заттай мәндегі өнім және 3-бағанда өлшем бірлігі мың теңгедегі өнімдердің кәсіпорындардың өзінің қажеттіліктеріне пайдаланған және алыс-беріс шикізатынан өндірілген өнімді есепке алумен жалпы шығарылымы көрсетіледі;

3-бөлімнің 1, 5, 7, 9 және 11-бағандары, 5-бөлімнің 1 және 3-бағандары Өнеркәсіптік өнімдердің (тауарлардың, көрсетілген қызметтердің) анықтамалығында (бұдан әрі – ӨӨСЖ) келтірілген өлшем бірліктерде толтырылады;

11-бағанда өткен жылдағы заттай көріністегі өндірілген өнім мынадай жағдайда толтырылады:

кәсіпорынның құрылымдық өзгерістері болған жағдайда;

ӨӨСЖ-да сәйкес өнім түрінде ішінара өзгеріс болғанда.

3.1-бөлімнің 1-бағанында экологиялық таза технологиялар мен жабдықтардың көмегімен өндірілген, құрамындағы зиянды заттар қоршаған ортаға және адамның денсаулығына залал келтірмейтін қолайлы қоршаған ортаға тасымалданған және сақталған, белгілі мерзімге берілген сәйкестендіру сертификатымен расталған өнімнен алынған экологиялық таза өнімнің заттай көрінісі көрсетіледі.

3.1-бөлімнің 2-бағанында есепті жылдағы экологиялық таза өнімнің (тауардың, көрсетілген қызметтердің) шығарылымы қосылған құн салығынсыз, акциздерсіз ағымдағы жылы қолданыста болған кәсіпорындардың нақты босату бағасымен анықталады. Құндық көріністегі экологиялық таза өнімнің (тауар, қызмет) шығарылымы – кәсіпорындардың өзі шығарған (өз шикізаты және материалдарымен қатар, тапсырыс берушінің шикізаты және материалдарынан дайындалған), барлық дайын бұйымдардың (өнімдердің), жартылай фабрикаттардың экологиялық таза технологиялар мен жабдықтардың көмегімен өндірілген, құрамындағы зиянды заттары қоршаған ортаға және адамның денсаулығына залал келтірмейтін қолайлы қоршаған ортаға тасымалданған және сақталған, белгілі мерзімге берілген сәйкестендіру сертификатымен расталған өнім құны.

4-бөлімнің 1-бағаны қосалқы қызмет түрлері бойынша өндірілген өнім және көрсетілген қызметтер көлемі 05-33, 35-39 кодтарынан басқа Экономикалық қызмет түрлерінің жалпы жіктеуіші бойынша барлық қызмет түрлері бойынша негізгі қызмет түрі «Өнеркәсіп» болып тіркелген кәсіпорындармен толтырылады.

5-бөлімнің 1-жолы 2, 4-бағандарында жалпы кәсіпорын бойынша жөнелтілген өнімнің көлемі құндық көріністе көрсетіледі, ал 2-жолы 1, 3-бағандарында өнім түрлері бойынша заттай көріністе ӨӨСЖ бойынша көрсетіледі. 3, 4-бағанын Қазақстан Республикасы шегінде өнімді жөнелтуді жүзеге асыратын кәсіпорындар толтырады.

7-бөлім бойынша:

2-бағанда заңды тұлғалардан, дара кәсіпкерлерден және шаруалар мен фермерлер қожалықтарынан өңдеуге қабылданған сиырдың шикі сүтінің көлемін көрсету қажет;

5-бағанда ауылшаруашылығы өнімдерін сатып алуға және өткізуге қатысатын үшінші тұлғалардан өңдеуге қабылданған сиырдың шикі сүтінің көлемін көрсету қажет.

8-10-бөлімдер қосымшада көрсетілген өнімдер тізіміне сәйкес толтырылады.

Өнімнің кәсіпорын үшін негізгі, бейінді немесе бейінді емес екендігіне қарамастан, шығарылған өнімдердің Тізбесіне сәйкес өндірістік қуат балансын кәсіпорындар құрастырады.

Статистикалық нысанда қуаттар туралы деректер есепті жылда оларда өнім өндіру жүзеге асырылғанына немесе жүзеге асырылмағанына қарамастан көрсетіледі. Қуаттар теңгерімдері құрастырылатын өнім түрлерінің тізбесі статистикалық нысан қосымшасында келтірілген Тізбесіне сәйкес айқындалады. Кәсіпорын өнімді уақытша жалдаған жабдықта немесе алаңдарда өндірген жағдайда өндірістік қуаттар теңгерімдері өнім қандай жабдықтарда және алаңдарда өндірілгеніне: кәсіпорын есебінде тұрған, уақытша немесе жалға алынғандығына қарамастан құрастырылады. 8-бөлімнің 1-ден бастап 8-бағандары бойынша электр энергиясы, жылу энергиясы және табиғи су бойынша қуат келтірілген өлшем бірліктерге сәйкес, қуатты жылдағы сағаттар санына көбейту арқылы толтырылады.

8-бөлім бойынша:

8-бөлімде қосымшада және есепті жылғы өнім ассортиментінде өндірілген өнімнің мамандандырылған қуаттарын пайдалану туралы деректер, режимдік уақытта осы қуаттардағы өнім шығарылымы көрсетіледі;

2-бағанда барлық қуаттың арту көлемдері туралы деректер, ал 3-тен бастап 6-бағанға дейін көбею факторлары, жаңа қуаттарды іске қосу, жұмыс істеп тұрған қуаттарды жаңғырту және қайта құру, өзге де факторлар көрсетіледі;

Тізбеге сәйкес шығарылатын өнімнің өзгерісі; жалға алынған жабдық; ұйымдық-техникалық іс-шараларды өткізу, бұрын қолданыста болған жабдықты сатып алу «Өзге де факторлар» 6-бағанына енгізіледі;

7-бағанда «Қуаттың азаюы» Тізбесіне сәйкес шығарылатын өнімнің өзгеруі (еңбек сыйымдылығының өсуі), істен шығуы (қорлардың таусылуы, тозуы), жалға берілген жабдықтар мен өзге де факторлар есебінен қуаттарды азайту деректері келтіріледі;

8-бағанда сызықша тұрған жағдайда (1-бағанда жыл басындағы қуат көрсетілсе), 7-бағанында тиісті азаю көрсетіледі;

9-бағанда жаңа қуаттарды іске қосу, жұмыс істеп тұрған қуаттарды жаңғырту, қайта құру, ұйымдық-техникалық іс-шаралар өткізу есебінен қуаттың орташа жылдық өсуі келтірілген факторлардың әрқайсысының есебінен қуаттың орташа жылдық өсуін қуаттың жыл соңына дейінгі әрекетінің толық айлар санына көбейтіп, алынған нәтижені 12-ге бөлу арқылы анықталады. Қуаттың орташа жылдық азаюы жойылған қуатты жойылу мезетінен бастап жылдың соңына дейін қалған толық айлар санына көбейтіп, алынған нәтижені 12-ге бөлу арқылы анықталады. Өндірістік қуат теңгерімдерін құру бойынша есепті қалыптастыру кезінде электр энергиясы (мың киловатт) мен жылу энергиясы (мың гигакалорий сағатта) бойынша «Орташа жылдық қуат» көрсеткіші белгіленген орташа жылдық қуатты жылдағы сағат санына көбейту (жоспарлы тоқтап тұру сағаттары санын алып тастағанда) арқылы есептеледі. Табиғи су өндіру бойынша есеп осыған ұқсас жүзеге асырылады.

9-бөлім бойынша:

Мамандандырылмаған қуаттарда, жобада қарастырылмаған немесе техникалық құжаттарда көрсетілген қуаттарда өнім шығарылымы және іске қосу туралы актілері бекітілмеген өндірілген өнімнің қуаттарын пайдалану және осы қуаттарда өнім шығарылымы туралы деректер келтіріледі.

9-бөлімде келтірілген есепті жылы өнім шығару немесе қайта өңделген шикізат саны туралы деректер 8-бөлімнің 10-бағанына енгізілмейді.

5. Осы статистикалық нысанды ұсыну электрондық түрде немесе қағаз жеткізгіште жүзеге асырылады. Статистикалық нысанды электрондық түрде толтыру Қазақстан Республикасы Стратегиялық жоспарлау және реформалар агенттігі Ұлттық статистика бюросының интернет-ресурсында (https://cabinet.stat.gov.kz/) орналастырылған «Респонденттің кабинеті» арқылы он-лайн режимде жүзеге асырылады.

6. Арифметикалық-логикалық бақылау:

1) 2-бөлім: 1-баған ≥ 2-бағанға.

2) 3-бөлім: егер 1-баған = 5-бағанға, онда 3-баған = 0; 1-баған > 5, 7 және 9-бағандардың Ʃ;

1-баған ≥ 2-бағаннан, 3-баған ≥ 4-бағаннан;

3-баған ≥ 6 және 8-бағандардың ∑ (өлшем бірлігі мың теңге кодтары бойынша);

егер 5-баған > 0, онда 6-баған > 0; егер 6-баған > 0, онда 5-баған > 0 (өлшем бірлігі мың теңгедегі өнімдердің түрлерінен басқа);

егер 7-баған > 0, онда 8-баған > 0; егер 8-баған > 0, онда 7-баған > 0 (өлшем бірлігі мың теңгедегі өнімдердің түрлерінен басқа).

3.1-кіші бөлім:

1-баған ≤ 3-бөлімнің 1-бағанынан;

2-баған ≤ 3-бөлімнің 3-бағанынан;

егер 1-баған > 0, онда 2-баған > 0.

3) 5-бөлім: 1-баған ≥ 3-бағаннан; 2-баған ≥ 4-бағаннан.

4) 6-бөлім, 1-бөлімде көрсетілген саладан басқа:

егер 3-баған > 0, онда 4-баған > 0;

егер 4-баған > 0, онда 3-баған > 0 (өлшем бірлігі мың теңгедегі өнімдердің түрлерінен басқа);

егер 7-баған > 0, онда 8-баған > 0;

егер 8-баған > 0, онда 7-баған > 0 (өлшем бірлігі мың теңгедегі өнімдердің түрлерінен басқа).

5) 7-бөлім: 1-баған = 2, 3, 4 және 5-бағандардың ∑.

6) 8-бөлім: 1-баған = өткен жылғы 2-бөлімнің 8-бағанына әрбір жол үшін;

2-баған = 3-баған + 4-баған + 5-баған + 6-баған әрбір жол үшін;

8-баған = (1-баған + 2-баған) – 7-баған әрбір жол үшін.

7) 9-бөлім: 3-баған ≤ 1-баған әрбір жол үшін.

7. Статистикалық нысандар арасындағы бақылау:

8-бөлім: 3-баған = «Объектілерді пайдалануға беру туралы есеп» (индексі 2-КС, кезеңділігі жылдық) жалпымемлекеттік статистикалық байқаудың статистикалық нысанының (бұдан әрі – 2-КС) 3-бөлімінің 3.1-жолына;

4-баған = 2-КС нысанының 3-бөлімінің 3.3-жолына;

5-баған = 2-КС нысанының 3-бөлімінің 3.2-жолына;

8-бөлімнің 10-бағаны + 9-бөлімнің 2+3-бағандары = 3-бөлімнің 1-бағаны өнімдер түрлері бойынша.

Қазақстан Республикасы

Стратегиялық жоспарлау

және реформалар агенттігінің

Ұлттық статистика

бюросының басшысы

2025 жылғы 2 маусымдағы

№ 10 бұйрығына 3-қосымша

Қазақстан Республикасы

Стратегиялық жоспарлау

және реформалар

агенттігінің Ұлттық статистика

бюросының басшысы

2025 жылғы 2 маусымдағы

№ 10 бұйрығына 4-қосымша

Қазақстан Республикасы

Ұлттық экономика министрлігі

Статистика комитеті төрағасының

2020 жылғы 21 ақпандағы

№ 24 бұйрығына

10-қосымша

«Дара кәсіпкердің өнеркәсіп өнімін (тауарлар, көрсетілетін қызметтер) өндіру туралы есебі» (индексі 01-ИП (пром), кезеңділігі жылдық) жалпымемлекеттік статистикалық байқаудың статистикалық нысанын толтыру жөніндегі нұсқаулық

1. Осы нұсқаулық «Дара кәсіпкердің өнеркәсіп өнімін (тауарлар, көрсетілетін қызметтер) өндіру туралы есебі» (индексі 1-ИП (пром), кезеңділігі жылдық) жалпымемлекеттік статистикалық байқаудың статистикалық нысанын (бұдан әрі – статистикалық нысан) толтыруды нақтылайды.

2. Осы нұсқаулықта келесі анықтамалар пайдаланылады:

1) алыс-беріс шикізаты – бұл тапсырыс берушіге тиесілі, басқа кәсіпорындарға одан өнім өндіру үшін өнеркәсіптік өңдеуге берілген шикізат;

2) заттай көріністегі өнеркәсіп өнімін өндіру – дара кәсіпкердің (бұдан әрі – ДК) және шаруа немесе фермер қожалықтарының (бұдан әрі – ШФҚ) өнеркәсіптік-өндірістік қажеттіліктеріне жұмсалған, алыс-беріс шикізатынан өндірілген өнімді қоса алғанда заттай көріністегі өнімнің нақты түрлерінің жалпы шығарылымы;

3) өнеркәсіптік-өндірістік қажеттіліктер – бұл ДК және ШФҚ өндірген заттай және құндық көріністегі дайын өнімдер және жартылай фабрикаттар (осы ДК және ШФҚ негізгі құралдарының құрамына жататын өнімдерден басқа).

3. Құндық көріністегі өнімнің (тауар, қызмет) шығарылымы алыс-беріс шикізатынан жасалған, басқа жаққа өткізуге арналған ДК және ШФҚ өндірген барлық дайын өнімдерді (бұйымдарды), өз өндірісінің жартылай фабрикаттарын (өз шикізаты және материалдарымен қатар, тапсырыс берушінің шикізаты және материалдарынан дайындалған) ескерумен ДК және ШФҚ акцизсіз және қосылған құн салығынсыз ағымдағы жылы қолданыстағы нақты босату бағасында анықталады.

4. Өнеркәсіптік сипаттағы қызметтерге:

алыс-беріс шикізатын қайта өңдеу бойынша жұмыстар (полиграфия өнеркәсібіндегі басып шығару; қант алу үшін қант құрағын, қант қызылшасын қайта өңдеу; металл сынығынан түсті металдар алу және тағы басқасы);

материалдарды, бөлшектер мен тораптарды жартылай өңдеу бойынша, басқа кәсіпорындар дайындаған бұйымдарды толық дайындауға жеткізу бойынша жекелеген операциялар (мысалы, тақтай, әйнек, қағаз, сымдарды стандартты көлемдегі бұйымдарға кесу, тегістеу, мырышпен қаптау, қалыптау және басқалар);

жабдықтарды, көлік құралдарын, тетіктерді, аспаптарды және басқа өнімдерді жөндеу, жаңғырту және техникалық қызмет көрсету;

бұрғы мұнарасын жөндеу және бөлшектеу, мұнай және газ ұңғымаларының шегендеу құбырларын цементтеу, ұңғымаларды сору, бітеу, жою;

электр энергиясын, газ тәріздес отынды құбырлармен тарату, (магистральдық құбырлардан басқа), су, ыстық су және бумен жабдықтау бойынша қызметтер жатады. Электр энергиясы, жылу энергиясы, су және газдың құнын қоспағанда, қызмет көрсету көлеміне тек «таза қызмет көрсету» ғана (электр энергиясын беру, сату бойынша, электр энергиясын тарату бойынша, бумен және ыстық сумен жабдықтау бойынша, суды жинау және шығару бойынша, суды тазалау бойынша, суды тарату бойынша, газ тәріздес (құбырлық) отынды тарату және сату бойынша қызметтер) енгізіледі.

5. 1 және 2-бағандар бойынша заттай мәндегі өнім және 3-бағанда өлшем бірлігі мың теңгедегі өнімдердің кәсіпорындардың өзінің қажеттіліктеріне пайдаланған және алыс-беріс шикізатынан өндірілген өнімді есепке алумен жалпы шығарылымы көрсетіледі.

6. Статистикалық нысан өндірістің нақты орналасқан орны бойынша тапсырылады. Әртүрлi елдiмекендерде орналасқан бірнеше цех болған жағдайда 1-бөлімде өнеркәсіп өнімін өндіру жүзеге асырылатын әрбір елдімекенді (бөлек) көрсету қажет.

7. А, Б және В бағандарында шығарылатын өнім түрінің атауы, коды және өлшем бірлігі Қазақстан Республикасы Стратегиялық жоспарлау және реформалар агенттігінің Ұлттық статистика бюросының интернет-ресурсында «Жіктеуіштер» бөлімінде орналастырылған Өнеркәсіптік өнімдердің (тауарлардың, қызметтердің) анықтамалығына сәйкес толтырылады.

8. Осы статистикалық нысанды ұсыну қағаз жеткізгіште немесе электрондық түрде жүзеге асырылады. Статистикалық нысанды электрондық түрде толтыру Қазақстан Республикасы Стратегиялық жоспарлау және реформалар агенттігінің Ұлттық статистика бюросының интернет-ресурсында (https://cabinet.stat.gov.kz/) орналастырылған «Деректерді он-лайн режимде жинау» ақпараттық жүйесін қолдану арқылы жүзеге асырылады.

9. Арифметикалық-логикалық бақылау:

1) егер 1-баған > 0 болса, онда 3-баған > 0, өлшем бірлігі мың теңгемен өлшенетін өнім түрлерінен басқа;

2) өлшем бірлігі мың теңге өнімдері бойынша 3-баған = 1-баған.