2025-2027 жылдарға арналған Ақжар ауданының Үлкен Қараой ауылдық округінің бюджетін бекіту туралы

Қазақстан Республикасының Бюджет кодексінің 7-бабы 1-тармағының 4) тармақшасына, 85-бабы 3-тармағына, 91-бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабы 1-тармағының 1) тармақшасына, « Құқықтық актілер туралы » Қазақстан Республикасы Заңының 27-бабы 2-тармағымен сәйкес, Солтүстік Қазақстан облысы Ақжар аудандық мәслихаты ШЕШІМ ҚАБЫЛДАДЫ:

2025-2027 жылдарға арналған Ақжар ауданының Үлкен Қараой ауылдық округінің бюджеті осы шешімге тиісінше 1 және 2 – қосымша ларға сәйкес, 2025 жылға келесі көлемде бекітілсін:

1) кірістер – 72 219 мың теңге:

салықтық түсімдер – 3 236 мың теңге;

салықтық емес түсімдер – 104 мың теңге;

трансферттер түсімі – 68 879 мың теңге;

2) шығындар – 79 536,6 мың теңге;

3) таза бюджеттік кредиттеу – 0 теңге:

бюджеттік кредиттер – 0 теңге;

бюджеттік кредиттерді өтеу – 0 теңге;

4) қаржы активтерімен операциялар бойынша сальдо – 0 теңге:

қаржы активтерін саты палу – 0 теңге;

мемлекеттің қаржы активтерін сатудан түсетін түсімдер - 0 теңге

5) бюджет тапшылығы (профициті) – -7 317,6 мың теңге;

6) бюджет тапшылығынқаржыландыру (профицитінпайдалану) – 7 317,6 мың теңге:

қарыздар түсімі – 0 теңге;

қарыздарды өтеу – 0 теңге;

бюджет қаражатының пайдаланылатын қалдықтары – 7 317,6 мың теңге.

2. 2025 жылға арналған ауылдық округ бюджетінің кірістері Қазақстан Республикасының Бюджет кодексіне сәйкес мынадай салық түсімдері есебінен қалыптастырылатыны белгіленсін:

1) ауылдық округтің аумағында мемлекеттік кіріс органдарында тіркеу есебіне қою кезінде мәлімделген:

дара кәсіпкер, жекеше нотариус, жеке сот орындаушысы, адвокат, кәсіпқой медиатор үшін – тұрған жері;

қалған жеке тұлғалар үшін – тұрғылықты жері орналасқан жеке тұлғалар дербес салық салуға жататын кірістер бойынша жеке табыс салығы;

2) ауылдық округ аумағындағы осы салық салу объектілері бойынша жеке тұлғаларға салынатын мүлік салығы;

3) ауылдық округтің аумағындағы жер учаскелері бойынша жеке және заңды тұлғалардан алынатын, елдi мекендер жерлерiне салынатын жер салығы;

4) мыналардан:

ауылдық округтің аумағындағы жеке тұлғалардан;

өздерінің құрылтай құжаттарында көрсетілетін тұрған жері ауылдық округтің аумағында орналасқан заңды тұлғалардан алынатын көлік құралдары салығы;

5) бірыңғай жер салығы;

6) жер учаскелерін пайдаланғаны үшін төлемақы;

7) сыртқы (көрнекі) жарнаманы:

ауылдық округтегі үй-жайлардың шегінен тыс ашық кеңістікте;

ауылдық округтің аумақтары арқылы өтетін жалпыға ортақ пайдаланылатын автомобиль жолдарының бөлiнген белдеуiнде;

елді мекендерден тыс жердегі үй-жайлардың шегінен тыс ашық кеңістікте және жалпыға ортақ пайдаланылатын автомобиль жолдарының бөлiнген белдеуiнен тыс жерде орналастырғаны үшін төлемақы.

8) ауылдық округ аумағындағы кең таралған пайдалы қазбаларға, жерасты суларына және емдік балшықтарға салынатын пайдалы қазбаларды өндіру салығы.

3. 2025 жылға арналған ауылдық округ бюджетінің келесі салықтық емес түсімдер есебінен қалыптасуы белгіленсін:

1) ауылдық округтердің әкімдері әкімшілік құқық бұзушылықтар үшін салатын айыппұлдар;

2) жеке және заңды тұлғалардың ерікті түрдегі алымдары;

3) ауылдық округтің коммуналдық меншігінен (жергілікті өзін-өзі басқарудың коммуналдық меншігінен) түсетін кірістер:

ауылдық округ әкімі аппаратының шешімі бойынша құрылған коммуналдық мемлекеттік кәсіпорындардың таза кірісі бөлігінің түсімдері;

ауылдық округтің коммуналдық меншігіндегі (жергілікті өзін-өзі басқарудың коммуналдық меншігіндегі) заңды тұлғаларға қатысу үлесіне кірістер;

аудандық маңызы бар қаланың, ауылдың, кенттің, ауылдық округтің коммуналдық меншігінің (жергілікті өзін-өзі басқарудың коммуналдық меншігінің) мүлкін жалға беруден түсетін кірістер;

ауылдық округ бюджетінен берілген кредиттер бойынша сыйақылар;

ауылдық округтің коммуналдық меншігінен (жергілікті өзін-өзі басқарудың коммуналдық меншігінен) түсетін өзге де кірістер;

4) ауылдық округ бюджеттеріне түсетін өзге де салықтық емес түсімдер.

4. Мыналар ауылдық округ бюджеттеріне негізгі капиталды сатудан түсетін түсімдер болып табылады:

1) ауылдық округ бюджеттерінен қаржыландырылатын мемлекеттік мекемелерге бекітіп берілген мемлекеттік мүлікті сатудан түсетін ақша;

2) ауыл шаруашылығы мақсатындағы жер учаскелерін сатудан түсетін түсімдерді қоспағанда, жер учаскелерін сатудан түсетін түсімдер;

3) жер учаскелерін жалға беру құқығын сатқаны үшін төлемақы.

5. Аудандық бюджеттен берілетін трансферттер ауылдық округ бюджетіне түсетін трансферттер түсімдері болып табылады.

6. 2025 жылға арналған ауылдық округ бюджетінде аудандық бюджеттен округ бюджетіне берілетін субвенция көлемі 51 772 мың теңге сомасында көзделгендігі ескерілсін.

7. Осы шешімге 4 қосымшаға сәйкес 2025 жылы 1 қаңтарға қалыптасқан бюджет қаражатының бос қалдықтарынан ауылдық округ бюджетінің шығыстары көзделсін.

8. Солтүстік Қазақстан облысы Ақжар аудандық мәслихатының «2025-2027 жылдарға арналған Үлкен Қараой ауылдық округі бюджетін бекіту туралы» 2024 жылғы 30 желтоқсандағы № 27-23 шешімінің күші жойылды деп танылсын.

9. Осы шешім 2025 жылдың 1 қаңтарынан бастап қолданысқа еңгізіледі.

Солтүстік Қазақстан облысы Ақжар аудандық мәслихат төрағасы

М. Жүсіпбеков

Ақжар аудандық мәслихатының

2025 жылғы 12 мамыр №29-13 шешіміне

1-қосымша

Үлкен Қараой ауылдық округінің 2025 жылға арналған бюджеті

Солтүстік Қазақстан облысы

Ақжар аудандық мәслихатының

2025 жылғы 12 мамырдағы

№ 29-13 шешіміне 2-қосымша

Ақжар ауданы Үлкен Қараой ауылдық округінің 2026 жылға арналған бюджеті

Солтүстік Қазақстан облысы

Ақжар аудандық мәслихатының

2025 жылғы 12 мамырдағы

№ 29-13 шешіміне 3-қосымша

Ақжар ауданы Үлкен Қараой ауылдық округінің 2027 жылға арналған бюджеті

Солтүстік Қазақстан облысы

Ақжар аудандық мәслихатының

2025 жылғы 12 мамырдағы

№ 29-13 шешіміне 4 қосымша

2025 жылы 1 қаңтарға қалыптасқан бюджет қаражатының бос қалдықтары есебінен бюджетінің шығыстарын бөлу