«Қабылданған халықаралық міндеттемелер шеңберінде өңдеуші өнеркәсіптің отандық тауарлары мен көрсетілетін қызметтерін, сондай-ақ ақпараттық-коммуникациялық көрсетілетін қызметтерді сыртқы нарықтарға ілгерілету бойынша өнеркәсіптік-инновациялық қызмет субъектілері шығындарының бір бөлігін өтеу қағидаларын, өңдеуші өнеркәсіптің отандық тауарлары мен көрсетілетін қызметтерінің, сондай-ақ оларды сыртқы нарықтарға ілгерілету бойынша шығындары ішінара өтелетін ақпараттық-коммуникациялық көрсетілетін қызметтердің тізбесін бекіту туралы» Қазақстан Республикасы Сауда және интеграция министрінің міндетін атқарушының 2022 жылғы 1 тамыздағы № 314-НҚ бұйрығына өзгерістер енгізу туралы

БҰЙЫРАМЫН:

1. «Қабылданған халықаралық міндеттемелер шеңберінде өңдеуші өнеркәсіптің отандық тауарлары мен көрсетілетін қызметтерін, сондай-ақ ақпараттық-коммуникациялық көрсетілетін қызметтерді сыртқы нарықтарға ілгерілету бойынша өнеркәсіптік-инновациялық қызмет субъектілері шығындарының бір бөлігін өтеу қағидаларын, өңдеуші өнеркәсіптің отандық тауарлары мен көрсетілетін қызметтерінің, сондай-ақ оларды сыртқы нарықтарға ілгерілету бойынша шығындары ішінара өтелетін ақпараттық-коммуникациялық көрсетілетін қызметтердің тізбесін бекіту туралы» Қазақстан Республикасы Сауда және интеграция министрінің міндетін атқарушының 2022 жылғы 1 тамыздағы № 314-НҚ бұйрығына (нормативтік құқықтық актілерді мемлекеттік тіркеу тізілімінде № 28994 болып тіркелді) мынадай өзгерістер енгізілсін:

көрсетілген бұйрықпен бекітілген Отандық өңделген тауарларды және көрсетілетін қызметтерді, сондай-ақ ақпараттық-коммуникациялық қызметтерді сыртқы нарықтарға ілгерілету бойынша қабылданған халықаралық міндеттемелер аясында өнеркәсіптік-инновациялық қызмет субъектілері шығындарының бір бөлігін өтеу қағидаларында:

11-тармақ мынадай редакцияда жазылсын:

«11. Өтініш берушіге оператордың шешімі негізінде осы Қағидалардың 9-тармағында 1), 2), 4), 5) және 7) тармақшаларда, сондай-ақ 10-тармағында көрсетілген шығындар мынадай тәртіппен өтеледі:

1) ірі кәсіпкерлік субъектілеріне өтеуге ұсынылған соманың 30% мөлшерінде құжаттамалық расталған шығындар;

2) орта кәсіпкерлік субъектілеріне өтеуге ұсынылған соманың 50% мөлшерінде құжаттамалық расталған шығындар;

3) шағын кәсіпкерлік субъектілеріне өтеуге ұсынылған соманың 60% мөлшерінде құжаттамалық расталған шығындар жүзеге асырылады.

Осы Қағидалардың 9-тармағының 8) және 9) тармақшаларында көрсетілген өтініш берушінің құжаттамалық расталған шығындары оператордың шешімі негізінде мынадай тәртіппен өтеледі:

1) өтеуге ұсынылған құжаттамалық расталған шығындар соманың 80% мөлшерінде Жоғарғы қайта бөлу тауарлары;

2) өтеуге ұсынылған құжаттамалық расталған шығындар соманың 50% мөлшерінде орташа қайта бөлінген тауарлар;

3) өтеуге ұсынылған құжаттамалық расталған шығындар соманың 30% мөлшерінде төменгі қайта бөлу тауарлары.

Өтініш берушіге өтелетін шығындар сомасы отандық жүк тасымалдаушыларды тартқан кезде осы Қағидалардың 9-тармағының 9) тармақшасында көрсетілген құжаттамалық расталған шығындар сомасынан 5% - ға ұлғаяды.

Өтініш берушіге өтелетін шығындар сомасы тауарларды Қазақстан Республикасының теңіз порттары арқылы тасымалдау кезінде осы Қағидалардың 9-тармағының 9) тармақшасында көрсетілген құжатталған расталған шығындар сомасының 5% - на ұлғаяды.»;

12-тармақтың төртінші бөлігі мынадай редакцияда жазылсын:

«Осы Қағидалардың 9-тармағының 9) тармақшасында көрсетілген түрлер бойынша шығындардың бір бөлігін өтеу мөлшері өтінім берілген жылдың алдындағы жылы төленген салықтардың сомасынан аспауға тиіс.»;

17-тармақтың 8) тармақшасы мынадай редакцияда жазылсын:

«8) көлік түріне байланысты келесі құжаттар ұсынылады:

Автомобиль көлігімен тасымалдау кезінде – халықаралық тауар-көлік жүкқұжаты;

Теміржол көлігімен тасымалдау кезінде – темір жол көлік жүкқұжаты, және де тасымалдау туралы шартқа орындалған жұмыстардың, көрсетілген қызметтердің тізбесі (егер орындалған жұмыстар/көрсетілген қызметтер актісінде олар туралы толық ақпарат көрсетілмесе);

әуе көлігімен тасымалдау кезінде – әуе жүк қоймасы;

теңіз көлігімен тасымалдау кезінде – коносамент немесе теңіз жүкқұжаты.»;

20-тармақтың 2) тармақшасы мынадай редакцияда жазылсын:

«2) өз тауарларын және АКҚ-ны ілгерілету жөніндегі шығындар туралы мәліметтерді қамтитын;

осы Қағидалардың 9 және 10-тармақтарында көрсетілген шығындар түрлеріне жатады;

өтінім беруші осы Қағидалардың 9 және 10-тармақтарында көрсетілген шығындар түрлері бойынша өтінім берген жылдың алдындағы жылы шеккен.»;

22-тармақтың үшінші бөлігінің 4) тармақшасы мынадай редакцияда жазылсын:

«4) осы Қағидалардың 9-тармағының 9) тармақшасында көрсетілген түрі бойынша бір өтініш берушіден бір қаржы (күнтізбелік) жылы келіп түскен өтінімдер бойынша мәлімделген шығындардың сомасы өтінім берілген жылдың алдындағы жылы төленген салықтардың сомасынан асады.»;

25-тармақ мынадай редакцияда жазылсын:

«25. Оператор шығындардың бір бөлігін өтеу мүмкіндігі туралы шешім қабылданған күннен бастап 7 (жеті) жұмыс күні ішінде өтініш берушімен келісім жасасады.

Өтініш беруші көрсетілген мерзім ішінде келісімге қол қоюдан немесе қол қоймаудан бас тартқан кезде оператор шығындардың бір бөлігін өтеуді өтініш берушіге жүргізбейді.»;

көрсетілген қағидаларға қосымша осы бұйрыққа қосымшаға сәйкес жаңа редакцияда жазылсын.

2. Қазақстан Республикасы Сауда және интеграция министрлігінің Экспортты ілгерілету департаменті заңнамада белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты Қазақстан Республикасы Сауда және интеграция министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Сауда және интеграция вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Сауда және интеграция министрі

А. Шаккалиев

«КЕЛІСІЛДІ»

Қазақстан Республикасының

Ауыл шаруашылығы министрлігі

«КЕЛІСІЛДІ»

Қазақстан Республикасының

Бәсекелестікті қорғау және

дамыту агенттігі

«КЕЛІСІЛДІ»

Қазақстан Республикасының

Қаржы министрлігі

«КЕЛІСІЛДІ»

Қазақстан Республикасының

Өнеркәсіп және құрылыс

министірлігі

«КЕЛІСІЛДІ»

Қазақстан Республикасының

Ұлттық экономика министрлігі

Қазақстан Республикасы

Сауда және интеграция министрі

2025 жылғы 20 мамырдағы

№ 162-НҚ Бұйрығына қосымша

Отандық өңделген тауарларды және көрсетілетін қызметтерді, сондай-ақ ақпараттық-коммуникациялық қызметтерді сыртқы нарықтарға ілгерілету бойынша қабылданған халықаралық міндеттемелер аясында өнеркәсіптік-инновациялық қызмет субъектілері шығындарының бір бөлігін өтеу қағидаларына

қосымша

Нысан

Өнеркәсіптік-инновациялық қызмет субъектілері шығындарының бір бөлігін өтеуді алуға өтінім

Кімге: ____________________________________________________________________

(Оператордың атауы)

Кімнен: ___________________________________________________________________ (ұйымдық-құқықтық нысанын көрсете отырып, өтініш берушінің толық атауы)

Мемлекеттік тіркеу / қайта тіркеу

__________________________________________________________________________ (дара кәсіпкер ретінде қызметтің басталғаны туралы куәліктің №/анықтаманың/ хабарламаның, кім және қашан берді)

Нақты мекенжайы: _________________________________________________________

БСН / ЖСН: _______________________________________________________________

Сала атауы: _______________________________________________________________

Қызмет түрі: ______________________________________________________________

Қызметкерлер саны: ________________________________________________________

Шаруашылық жүргізуші субъектінің санаты: ___________________________________ (шағын/орта/ірі кәсіпорын)

Өндірістік қуаты, ұлғайту мүмкіндігі: __________________________________________ (өлшем бірлігін міндетті түрде көрсету керек)

*Өндіруші: ______ Тауар: _______ Тауар көлемі: ________________________________

* (Трейдер толтырады)

Өтінім берілген күннің алдындағы жарты жылдағы нақты валюталық түсімнің көлемі

(ЕДБ анықтамасына сәйкес) _____________________________ теңге/шетел валютасы.

Өндірістің нақты жүктелуі: ________________________________________ (пайызбен)

Басшы: ___________________________________________________________________ (Тегі, Аты, Әкесінің аты( бар болса), лауазымы, телефон нөмірі)

Өтеуге өтінімді толтырған байланыс жасаушы тұлға:

__________________________________________________________________________ (Тегі, Аты, Әкесінің аты( бар болса) лауазымы, электронлдық мекенжайы, телефон, факс нөмірлері)

Өткізілетін отандық өңделген тауарлар және / немесе көрсетілетін АКҚ туралы мәліметтер: __________________________________________________________________________

ЕАЭО СЭҚ БТН 6 және одан да көп белгілері деңгейінде тауар позициясын және/немесе

ЭҚТЖЖ 4 белгісінен кем емес деңгейде көрсете отырып, тауарлардың атауы:

__________________________________________________________________________