Көрсетілетін қызметтердің еркін саудасы, инвестициялардың құрылуы, қызметі және жүзеге асырылуы туралы келісімді ратификациялау туралы

2023 жылғы 8 маусымда Сочиде жасалған Көрсетілетін қызметтердің еркін саудасы, инвестициялардың құрылуы, қызметі және жүзеге асырылуы туралы келісім мынадай ескертпемен ратификациялансын:

«Қазақстан Республикасына осы Келісімнің V тарауын болжамды бұзудан туындайтын талап қойылған жағдайда осы Келісімнің «Тарап пен екінші Тараптың инвесторы арасындағы дауларды шешу» деген 36-бабының 5-тармағы а) тармақшасының тәртібімен дауды аралық соттың орнына «Астана» халықаралық қаржы орталығының соты (АХҚО Соты) қарауға тиіс.».

Қазақстан Республикасының Президенті

Қ. ТОҚАЕВ

Ескерту. Нормативтік

құқықтық актіге қоса тіркелген

халықаралық Келісімнің мәтіні ресми

болып табылмайды. ҚР халықаралық Келісімінің

жасасқан тілдердегі ресми куәландырылған көшірмесін ҚР

халықаралық Келісімдерін тіркеуге, есептеуге

және сақтауға жауапты ҚР Сыртқы

істер министрлігінен

алуға болады

Бейресми аударма

Көрсетілетін қызметтердің еркін саудасы, инвестициялардың құрылуы, қызметі және жүзеге асырылуы туралы КЕЛІСІМ

Бұдан әрі Тараптар деп аталатын Тәуелсіз Мемлекеттер Достастығына қатысушы мемлекеттер

2011 жылғы 18 қазандағы Еркін сауда аймағы туралы келісімді назарға ала отырып,

экономикалық интеграция ауқымын одан әрі кеңейту қажеттігін мойындай отырып,

экономиканы дамыту үшін көрсетілетін қызметтер саласының артып келе жатқан маңызын ескере отырып,

көрсетілетін қызметтердің өзара саудасын кеңейту және оны ырықтандыру деңгейін арттыру үшін жағдай жасауға ниет білдіре отырып,

бір Тарап тұлғаларының басқа Тараптардың аумақтарында инвестициялауы үшін қолайлы жағдай жасауға ниет білдіре отырып,

өз мемлекеттері халқының өмір сүру деңгейін үнемі арттыруға деген ұмтылысты басшылыққа ала отырып,

халықаралық құқықтың жалпыға бірдей танылған қағидаттары мен нормаларын басшылыққа ала отырып және 1994 жылғы 15 сәуірдегі Көрсетілетін қызметтер саудасы жөніндегі бас келісімнің (ГАТС) нормаларын, оның ішінде ГАТС-тың V бабын басшылыққа ала отырып,

осы Келісімнің ережелері көрсетілетін қызметтер саудасын, компаниялар құру мен олардың қызметін, сондай-ақ Тараптар арасындағы инвестициялық ынтымақтастықты дамытуға бағытталғанына сүйене отырып,

төмендегілер туралы уағдаласты:

1-бап Анықтамалар

Осы Келісімде пайдаланылатын ұғымдар мыналарды білдіреді:

ДСҰ – 1994 жылғы 15 сәуірдегі Дүниежүзілік сауда ұйымын құру туралы Марракеш келісіміне сәйкес құрылған Дүниежүзілік сауда ұйымы;

ГАТС – 1994 жылғы 15 сәуірдегі Дүниежүзілік сауда ұйымын құру туралы Марракеш келісіміне 1В қосымшасында қамтылған 1994 жылғы Көрсетілетін қызметтер саудасы жөніндегі бас келісім.

Осы Келісімде ГАТС немесе ДСҰ шеңберінде жасалған басқа да халықаралық шарттардың ережелеріне сілтемелерді пайдаланған кезде оларда қамтылған "уағдаласушы тарап/уағдаласушы тараптар" немесе "мүше/мүшелер" деген ұғымдар, осы Келісімнің кіріспесінде айқындалғандай тиісінше Тарапты/Тараптарды білдіреді;

қызмет – мемлекеттік билік функцияларын орындау кезінде жүзеге асырылатын қызметті қоспағанда, "а" – "в" тармақшаларында көрсетілген заңды тұлғалардың, филиалдардың, өкілдіктердің және (немесе) "құру" деген термин анықтамасының "г" тармақшасында көрсетілген жеке тұлғалардың коммерциялық немесе кәсіптік сипаттағы, оның ішінде көрсетілетін қызметтер саудасы және тауарлар және (немесе) көрсетілетін қызметтер өндірісі бойынша қызметі;

кірістер – өзгелерден басқа пайданы, дивидендтерді, пайыздарды, капитал өсімінен түскен кірістерді, роялтиді және басқа да сыйақыларды қоса алғанда, инвестициялардан алынған қаражат;

Тараптың заңнамасы – Тараптың заңдары және өзге де нормативтік құқықтық актілері;

инвестициялар – мыналарды:

ақша қаражатын, бағалы қағаздарды, жылжымалы және жылжымайтын мүлікті;

атап айтқанда, табиғи ресурстарды барлау, игеру, өндіру және пайдалану құқықтарын қоса алғанда, Тараптардың заңнамасы негізінде немесе шарт бойынша ұсынылатын кәсіпкерлік қызметті жүзеге асыру құқықтарын;

зияткерлік меншік объектілеріне құқықтарды қоса алғанда, ақшалай бағасы бар мүліктік және өзге де құқықтарды қоса алғанда, бірақ олармен шектелмей, капиталға немесе өзге де ресурстарға, пайда күту мен тәуекелді өз мойнына алуға қатысты міндеттеме сияқты сипаттамаларды қоса алғанда, инвестициялар сипаттамалары бар, бір Тарап инвесторының екінші Тараптың заңнамасына сәйкес оның аумағында салған активтері.

"Инвестициялар" деген термин мыналарды:

а) Тарапқа берілетін немесе Тарапқа тиесілі немесе ол бақылайтын заңды тұлғаға берілетін несиелерді;

б) тауарларды немесе көрсетілетін қызметтерді сату немесе жалға беру бойынша коммерциялық келісімшарттардан ғана туындайтын ақша қаражаты жөніндегі талаптарды;

в) сауда-саттықты қаржыландыру сияқты коммерциялық транзакцияға байланысты кредиттің ұзартылуынан ғана туындайтын ақша қаражаты жөніндегі талаптарды қамтымайды.

Егер инвестициялар нысанының қандай да бір өзгеруі аумағында инвестициялар жүзеге асырылған Тараптың заңнамасына қайшы келмесе, мұндай өзгеріс олардың инвестициялар ретіндегі біліктілігіне әсер етпейді.

"Инвестициялар" деген термин осы Келісімнің "Құру және қызметі" деген ІІІ тарауында айқындалғандай және реттелетіндей, екінші Тараптың аумағында құру түрінде жүзеге асырылған бір Тарап инвесторларының инвестицияларын қамтиды;

Тарап инвесторы – Тараптардың бірінің екінші Тараптың аумағында инвестицияларды жүзеге асырған немесе жүзеге асырып жатқан кез келген тұлғасы.

"Тарап инвесторы" деген термин мыналарды:

а) аумағында инвестициялар жүзеге асырылатын немесе жүзеге асырылған Тараптың азаматы болып табылатын кез келген жеке тұлғаны;

б) осындай инвестициялар жүзеге асырылған күні аумағында инвестициялар жүзеге асырылған Тараптың азаматы болып табылған кез келген жеке тұлғаны;

в) басқа Тараптың тұлғасына тікелей немесе жанама түрде тиесілі немесе ол бақылайтын Тараптың кез келген заңды тұлғасын;

г) егер заңды тұлға екінші Тараптың аумағында елеулі іскерлік белсенділікті жүзеге асырмаса немесе егер мұндай заңды тұлға үшінші мемлекеттің тұлғаларына тікелей немесе жанама түрде тиесілі болса немесе олар оны бақыласа, Тараптың кез келген заңды тұлғасын қамтымайды;

үшінші мемлекеттің инвесторы – осы Келісімнің Тарапы болып табылмайтын үшінші мемлекеттің кез келген жеке немесе заңды тұлғасы;

дара кәсіпкер – ұлттық заңнамаға сәйкес дара кәсіпкер ретінде тіркелген Тараптың жеке тұлғасы;

көрсетілетін қызметтің айрықша өнім берушісі – Тараптың тиісті көрсетілетін қызмет нарығында осындай көрсетілетін қызметті берушілердің шағын саны қатарынан бір өнім беруші ретінде ресми түрде уәкілеттік берілген немесе іс жүзінде құрылған Тараптың кез келген мемлекеттік немесе жеке тұлғасы және Тарап аумағында осындай көрсетілетін қызметті берушілер арасындағы бәсекелестік айтарлықтай шектеледі;

лицензиялау – Тарап заңнамасында белгіленген құзыретті органдардың лицензияларды (рұқсат беру құжаттарын) беру, қайта ресімдеу және қолданыс мерзімін ұзарту, олардан бас тарту, оларды тоқтата тұру және күшін жою жөніндегі рәсімі мен қызметі;

тұлға – Тараптардың кез келген жеке немесе заңды тұлғасы;

Тараптың шарасы – Тараптың заңнамасы, сондай-ақ осы Тараптың мемлекеттік билігінің кез келген деңгейінде, оның жергілікті өзін-өзі басқару органдары немесе ұйымдары өздеріне осындай органдар берген өкілеттіктерді жүзеге асыруы кезінде қабылдаған осы Тарап органының немесе лауазымды адамының шешімі, әрекеті немесе әрекетсіздігі;

Тараптың көрсетілетін қызметтер саудасына ықпал ететін шарасы:

1) көрсетілетін қызметті сатып алуға, ақысын төлеуге және оны пайдалануға;

2) көрсетілетін қызметтерге қол жеткізуге және Тараптар оларға қатысты халыққа кеңінен ұсыну талаптарын белгілеген көрсетілетін қызметтерді беруге байланысты оларды пайдалануға қатысты шараларды қамтиды;

Тараптың құру мен қызметке ықпал ететін шарасы осы Келісімнің бір Тарапының заңды тұлғаларын, филиалдарын, өкілдіктерін және дара кәсіпкерлерін осы Келісімнің кез келген басқа Тараптарының аумағында құруға және олардың қызметіне қатысты шараларды қамтиды;

көрсетілетін қызметті монополиялық беруші – Тараптың тиісті көрсетілетін қызмет нарығында Тарап аумағында осындай көрсетілетін қызметтің жалғыз берушісі ретінде ресми түрде уәкілеттік берілген немесе іс жүзінде құрылған Тараптың кез келген мемлекеттік тұлғасы немесе жеке адамы;

көрсетілетін қызметтерді беруші – Тараптың көрсетілетін қызметті беретін кез келген тұлғасы;

көрсетілетін қызметті тұтынушы – Тараптың көрсетілетін қызметті алатын немесе пайдаланатын кез келген тұлғасы;

рұқсат – Тараптың заңнамасында көзделген, Тараптың құзыретті органының тұлғаның көрсетілетін қызметтер саудасына, оны құруға және қызметіне құқығын растауы;

еркін пайдаланылатын валюта – ХВҚ туралы келісімнің баптарына сәйкес Халықаралық валюта қорының айқындауы бойынша еркін пайдаланылатын валютаны білдіреді;

көрсетілетін қызмет секторы Біріккен Ұлттар Ұйымы Хатшылығының Статистикалық комиссиясы (Central Products Classification) 1991 жылы бекіткен Негізгі өнімдердің халықаралық сыныптауышы негізінде айқындалады және сыныпталады және ол мыналарды:

а) Тарап тізбесінде белгіленгендей, жеке міндеттемеге қатысты осы көрсетілетін қызметтің бір немесе бірнеше немесе барлық кіші секторларын;

б) басқа жағдайларда осы көрсетілетін қызметтің барлық кіші секторларын қоса алғанда, оның толықтай бүкіл секторын білдіреді;

ХВҚ келісімінің баптары – 1944 жылғы 22 шілдедегі Халықаралық валюта қоры келісімінің баптары;

Тараптың аумағы – Тараптың аумағы, сондай-ақ халықаралық құқыққа және өз заңнамасына сәйкес егеменді құқықтар мен юрисдикцияны өзі жүзеге асыратын оның кеңістіктері;

экономикалық орындылыққа тест – көрсетілетін қызметтерді беруші қызметінің тиімділігін нақты саланың экономикалық жоспарлау мақсаттарына немесе ұлттық еңбек нарығының мүдделеріне сәйкестігін экономикалық бағалау арқылы нарықтың қажеттігі мен қажеттілігінің болуына қарай көрсетілетін қызметтерді құруға, оның қызметіне не саудасына, егер бұл ұлттық заңнамада көзделген болса, рұқсат беру. Ұлттық еңбек нарығының мүдделеріне сәйкестік онда көрсетілетін қызметтерді берушінің талаптарын қанағаттандыратын Тараптың жеке тұлғаларының болмауын тексеру арқылы айқындалады;

көрсетілетін қызметтер саудасы – көрсетілетін қызметтерді өндіруді, бөлуді, олардың маркетингін, сатуды, жеткізуді қамтитын және мынадай тәсілдермен:

а) бір Тараптың аумағынан кез келген екінші Тараптың аумағына;

б) бір Тараптың аумағында кез келген басқа Тараптың көрсетілетін қызметтерді тұтынушысына;

в) Тараптың жеке тұлғаларының кез келген басқа Тараптың аумағында болуы арқылы бір Тараптың көрсетілетін қызметтерді берушісі жүзеге асыратын көрсетілетін қызметтерді беру;

мемлекеттік билік функцияларын орындау кезінде берілетін көрсетілетін қызмет – коммерциялық емес негізде және көрсетілетін қызметтердің бір немесе бірнеше берушісімен бәсекелес емес жағдайда берілетін кез келген көрсетілетін қызмет;

көрсетілетін қызметтер мемлекеттік билік функцияларын орындау кезінде көрсетілетін қызметтерді қоспағанда, кез келген сектордағы кез келген көрсетілетін қызметті қамтиды;

құру:

а) аумағында заңды тұлға құрылатын Тараптың заңнамасына сәйкес көзделген кез келген ұйымдық-құқықтық нысандағы және меншік нысанындағы мұндай заңды тұлғаны құру, ұйымдастыру және (немесе) иелену (ашылған немесе құрылған заңды тұлғаның капиталына қатысу);

б) тартыптың заңды тұлғасы қабылдайтын шешімдерді, оның ішінде дауыс беретін акцияларға (үлестерге) тиесілі дауыстарға билік ету арқылы, осындай заңды тұлғаның басқарушы органдарына (директорлар кеңесін, байқаушы кеңесті және өзге де басқару органдарын қоса алғанда) қатысу арқылы тікелей немесе үшінші тұлғалар арқылы айқындау және/немесе оларға ықпал ету мүмкіндігіне ие болуды білдіретін мұндай заңды тұлғаны бақылауды иелену; немесе

в) Тараптардың заңнамасына сәйкес филиал құру немесе өкілдік ашу;

г) Тараптардың заңнамасына сәйкес дара кәсіпкер ретінде тіркелу;

жеке тұлға – Тараптың заңнамасына сәйкес оның азаматы;

заңды тұлға – Тарап аумағында осы Тараптың заңнамасына сәйкес кез келген ұйымдық-құқықтық нысанда ашылған немесе құрылған ұйым.

Тараптардың жеке тізбелерінде пайдаланылатын өзге де терминдер мен анықтамалар тиісті Тараптың ұлттық заңнамасына сәйкес айқындалады.

I ТАРАУ Жалпы міндеттемелер

2-бап Ішкі реттеу

1. Осы баптың мақсаттары үшін секторлар мен қызмет түрлеріндегі көрсетілетін қызметтер саудасына, оларды құру мен қызметіне ықпал ететін Тараптардың шаралары деп лицензиялық талаптар мен рәсімдер, сондай-ақ біліктілік талаптары мен рәсімдер түсініледі.

2. Осы Келісімге Б, В және Г қосымшаларындағы Тараптардың жеке тізбелеріне сәйкес міндеттемелер қабылданған немесе алып қоюлар жоқ секторлар мен қызмет түрлеріндегі көрсетілетін қызметтер саудасына, оларды құру мен қызметіне ықпал ететін Тараптардың шараларына қатысты:

а) әрбір Тарап осы Тараптың көрсетілетін қызметтер саудасына, оларды құру мен қызметіне ықпал ететін кез келген шараларының ақылға қонымды, объективті және бейтарап түрде қолданылуын қамтамасыз етеді;

б) көрсетілетін қызметтер саудасына, оларды құру мен қызметіне рұқсат талап етілетін жағдайда Тараптың құзыретті органдары осы Тарап заңнамасының талаптарына сәйкес ресімделген деп есептелген өтінімді ұсынғаннан кейін ақылға қонымды уақыт кезеңі ішінде өтінішке қатысты шешім туралы өтініш берушіні хабардар етеді. Өтініш берушінің сұрау салуы бойынша Тараптардың құзыретті органдары өтініштің қаралу барысы туралы ақпаратты ақылға қонымды мерзімде және ұлттық заңнамада көзделген мерзімнен кешіктірмей ұсынады;

в) Тараптар:

құзыреттілік және көрсетілетін қызметті беру қабілеті сияқты объективті әрі жария өлшемшарттарға негізделмейтін;

лицензиялау рәсімдері жағдайында көрсетілетін қызметті беруге өздігінен шектеу болмаған;

көрсетілетін қызмет сапасын қамтамасыз ету үшін қажет болғаннан артық ауыртпалық болмаған жолмен осы Келісімге Б және В қосымшаларына енгізілген шарттарға сәйкес ұсынылатын пайдаларды жоятын немесе қысқартатын лицензиялық немесе біліктілік талаптарын қолданбайды.

Егер Тараптардың жеке тізбелеріне сәйкес осы Келісімге Б және В қосымшаларында кәсіптік көрсетілетін қызметтер бөлігінде міндеттемелер (алып қоюлар жоқ) енгізілсе, әрбір Тарап кез келген басқа Тарап кәсіпқойларының құзыреттілігін тексеру үшін рәсімдерді өз заңнамасына сәйкес жүзеге асырады.

3. Тараптардың көрсетілетін қызметтер саудасына, оларды құру мен қызметіне ықпал ететін шараларына қатысты:

3.1. Егер Тарап лицензиялау рәсімдері мен талаптарын (рұқсат беру рәсімдерін) қолданса, онда мұндай Тарап:

а) қызметті жүзеге асыруға лицензиялар (рұқсаттар) беруге жауапты құзыретті билік органдары атауларының жариялануын немесе өзгеше түрде жалпы назарға жеткізілуін;

б) лицензиялық (рұқсат беру) рәсімдердің көрсетілетін қызметтер саудасына, оларды құру мен қызметіне өздігінен шектеу болып табылмауын және көрсетілетін қызметтер саудасына немесе қызметті жүзеге асыру құқығымен тікелей байланысты лицензиялық (рұқсат беру) талаптардың көрсетілетін қызметтер саудасы немесе қызмет үшін өздігінен негізсіз кедергі болып табылмауын;

в) барлық лицензиялық рәсімдер мен талаптардың заңнамада белгіленуін және лицензиялық рәсімдерді немесе талаптарды белгілейтін немесе қолданатын заңнаманың осы Келісімнің 4-бабының ережелеріне сәйкес алдын ала, бірақ ол күшіне енгеннен (қолданысқа енгізілгеннен) кешіктірілмей жариялануын;

г) құзыретті органдардың заңнаманың тиісті актісінде айқындалған уақыт кезеңі ішінде лицензия (рұқсат) беру (беруден бас тарту) туралы шешім қабылдауын, ал лицензия (рұқсат) беруге өтініш беруге және оны қарауға байланысты өндіріп алынатын кез келген алымдардың заңнамаға сәйкес келуін және көрсетілетін қызметтер саудасы, оларды құру мен қызметі үшін өздігінен шектеу болып табылмауын және мөлшері ұлттық заңнамада айқындалатын радиожиілік спектрін және нөмірлеу ресурстарын пайдаланғаны үшін лицензиялық төлемдерді қоспағанда, уәкілетті органның өтінішті қарауға және лицензияны (рұқсатты) беруге байланысты лицензияны (рұқсатты) беруге (беруден бас тартуға) арналған шығындарына негізделуін;

д) осы тармақтың "г" тармақшасында көрсетілген уақыт кезеңі өткеннен кейін және өтініш берушінің талабы бойынша Тараптың тиісті құзыретті органының өтініш берушіні өтінішінің қаралуының жай-күйі туралы, сондай-ақ бұл өтініштің тиісінше толтырылған болып есептелетіні туралы хабардар етуін қамтамасыз етеді. Кез келген жағдайда өтініш берушіге өтінішке техникалық түзетулер енгізу мүмкіндігі берілетін болады. Тарап заңнамасының тиісті актісінде көрсетілген барлық ақпарат пен құжаттар алынғанға дейін өтініш тиісінше толтырылған болып есептелмейді;

е) өтінішін қабылдаудан бас тартылған өтініш берушінің жазбаша талабы бойынша өтінішті қабылдаудан бас тартқан құзыретті органның өтініш берушіні мұндай бас тартудың себептері туралы жазбаша хабардар етуін қамтамасыз етеді. Алайда бұл жағдай құзыретті органнан ашылуы заңның орындалуына кедергі келтіретін немесе қоғамдық мүдделерге немесе қауіпсіздіктің елеулі мүдделеріне қайшы келетін ақпаратты ашуды талап ететін жағдай ретінде түсіндірілмеуге тиіс;

ж) өтінішті қабылдаудан бас тартылған жағдайда өтініш берушінің лицензия (рұқсат) беру туралы жаңа өтініш бере алуын немесе ескі өтінішке лицензия (рұқсат) беру үшін кез келген бар проблемаларды жоятын өзгерістер енгізуін қамтамасыз етеді.

3.2. Әрбір Тарап сот, төрелік немесе әкімшілік органдарды немесе көрсетілетін қызметті берушінің немесе мүдделері қозғалған тұлғаның сұрау салуы бойынша кідіртпей қарауды және негізделген жағдайда көрсетілетін қызметтер саудасын, оларды құру мен қызметін қозғайтын әкімшілік шешімдердің тиісті түрде түзетілуін қамтамасыз ететін рәсімдерді сақтайды немесе мүмкіндігінше жақын арада жасайды. Аталған рәсімдер осындай әкімшілік шешімдер қабылдауға уәкілетті органнан тәуелсіз болып табылмайтын жағдайларда Тарап осындай рәсімдер шеңберінде көрсетілген мәселелердің объективті әрі бейтарап қаралуын қамтамасыз етеді.

4. Қаржылық көрсетілетін қызметтер саласындағы реттеу ерекшеліктері осы Келісімге Д қосымшасында көзделген.

5. Телекоммуникациялық көрсетілетін қызметтер саласындағы реттеу ерекшеліктері осы Келісімге Е қосымшасында көзделген.

3-бап Тану

1. Көрсетілетін қызметтерді берушілердің рұқсаттарына, лицензиялануына немесе сертификатталуына, сондай-ақ оларды құру мен қызметіне қатысты өзінің тиісті стандарттарын немесе өлшемшарттарын орындау үшін әрбір Тарап екінші Тараптың алған білімін немесе тәжірибесін тану туралы, ұсынған лицензияларының (рұқсаттарының) немесе сертификаттарының талаптарға сәйкестігі туралы кез келген сұрау салуларын тиісті түрде қарауға міндетті. Мұндай тану екінші Тараппен келісім немесе уағдаластық негізінде жүзеге асырылуы немесе Тараптың шешімі бойынша біржақты тәртіппен берілуі мүмкін.

2. Тарап келісім немесе уағдаластық негізінде үшінші Тараптың аумағында алған білімін немесе тәжірибесін, талаптарға сәйкестігін немесе алған лицензиялары (рұқсаттары) мен сертификаттарын таныған жағдайда мұндай бірінші Тарап кез келген басқа Тарапқа оның осындай келісімге немесе уағдаластыққа қосылуы туралы келіссөздер жүргізу мүмкіндігін немесе салыстырмалы келісімдер немесе уағдаластықтар жасасу туралы келіссөздер жүргізу мүмкіндігін ұсынуға тиіс. Егер Тарап тануды біржақты тәртіппен жүзеге асырса, онда ол кез келген басқа Тарапқа өз аумағында алған білімі, тәжірибесі, лицензиялары (рұқсаттары) мен сертификаттары Тараптардың заңнамасына сәйкес танылуға тиіс екенін көрсетуге тиісті мүмкіндік береді.

3. Тану стандарттарды немесе рұқсаттар өлшемшарттарын қолдануда, көрсетілетін қызметтерді берушілерді лицензиялауда немесе сертификаттауда Тараптар арасындағы кемсітушілік құралына немесе көрсетілетін қызметтер саудасындағы, сондай-ақ оларды құру мен қызметіне қатысты жасырын шектеулерге айналмайтындай түрде ұсынылуға тиіс.

4-бап Транспаренттілік

1. Әрбір Тарап өзінің заңнамалық актілері мен өзі қатысушысы болып табылатын және осы Келісімде қамтылатын мәселелерді қозғайтын немесе қозғауы мүмкін халықаралық келісімдердің ресми дереккөзде және (немесе) Тарап айқындайтын интернет-сайтта құқықтары және (немесе) міндеттемелері Тараптың осындай заңнамалық актілерімен және халықаралық келісімдерімен қозғалуы мүмкін кез келген тұлғаның олармен танысуға мүмкіндігі болатындай түрде жариялануын қамтамасыз етеді.

2. Осы баптың 1-тармағында көрсетілген заңнамалық актілер құқықтары және (немесе) міндеттемелері осы заңнамамен қозғалуы мүмкін тұлғалардың құқықтық айқындалуын және негізделген күтулерін қамтамасыз ететін мерзімде, бірақ кез келген жағдайда ол күшіне енген (қолданысқа енгізілген) күннен кешіктірілмей кідіріссіз жариялануға тиіс.

Мұндай жарияланым іс жүзінде жүзеге асырылмайтын жағдайда осы баптың 1-тармағында көрсетілген заңнамалық актілер ұлттық заңнамада көзделген өзгеше түрде жалпы назарға жеткізіледі.

3. Әрбір Тарап кез келген тұлғаның осы Келісімде қамтылатын мәселелер бойынша қолданыстағы және (немесе) жоспарланып отырған заңнамалық актіге қатысы бар жазбаша сұрау салуларына жауап беруді қамтамасыз етеді. Сұрау салуларға жауаптар Тараптың ұлттық заңнамасына сәйкес, бірақ жазбаша сұрау салуды алған күннен бастап 30 жұмыс күнінен кешіктірілмей осындай мүдделі тұлғаға берілуге тиіс. Айрықша жағдайларда Тарап мүдделі тұлғаға белгіленген мерзімнің ұзартылғаны туралы хабар береді.

5-бап Құпия ақпаратты ашу

1. Осы Келісімде ешнәрсе де қандай да бір Тараптан ашылуы оның ұлттық заңнаманы қолдануына кедергі келтіруі немесе қоғамдық мүдделерге өзгеше түрде қайшы келуі немесе жекелеген заңды тұлғалар мен дара кәсіпкерлердің заңды коммерциялық мүдделеріне нұқсан келтіруі мүмкін құпия ақпарат беруді талап етпейді.

2. Қаржылық көрсетілетін қызметтер саласындағы құпия ақпаратты ашу осы Келісімге Д қосымшасымен реттеледі.

6-бап Көрсетілетін қызметтердің монополиялық және айрықша өнім берушілері

1. Әрбір Тарап көрсетілетін қызметті монополиялық беру және (немесе) тиісті нарықта өзге де монополиялық қызметті жүзеге асыру кезінде көрсетілетін қызметтің кез келген монополиялық өнім берушісінің осы Келісімнің II, III, IV тараулары бойынша осы Тараптың міндеттемелеріне сәйкес келмейтін түрде әрекет етпеуін қамтамасыз етеді.

2. Егер бір Тараптың аумағында көрсетілетін қызметтің монополиялық өнім берушісі болып табылатын заңды тұлға өзінің монополиялық құқықтары аясынан тыс басқа Тараптардың тұлғаларымен тікелей немесе өзі бақылайтын заңды тұлға арқылы бәсекелесетін болса, онда бірінші Тарап өзінің мұндай заңды тұлғасының осы Келісім бойынша осындай бірінші Тараптың міндеттемелеріне сәйкес келмейтін түрде бірінші Тарап аумағында әрекет ете отырып, өзінің монополиялық жағдайын теріс пайдаланбауын қамтамасыз етеді.

3. Осы баптың ережелері көрсетілетін қызметтердің айрықша өнім берушілеріне де қолданылады.

7-бап Теңдік қағидаты

1. Капиталына осы Тарап қатысатын немесе осы Тарап бақылайтын тұлғалар Тарап аумағында сақталған жағдайда, мұндай Тарап аталған тұлғалардың:

а) көрсетілетін қызметтің немесе тауардың бағасын, сапасын, қолжетімділігін, олардың өткізілуін, тасымалдау шарттарын және сатып алудың, сатудың немесе берудің басқа да шарттарын қоса алғанда, өз қызметін коммерциялық пайымдаулар негізінде жүзеге асыруын және осы Келісіммен реттелетін қатынастарда:

осы қатынастардың өзге де қатысушыларымен теңдік қағидаты негізінде;

азаматтығына, тіркелген (құрылған) жеріне, ұйымдық-құқықтық нысанына немесе меншік нысанына қарай осы қатынастардың өзге де қатысушыларын кемсітпеу қағидаты негізінде өкілдік етуін, сондай-ақ

б) капиталына мемлекет қатысатын немесе мемлекет бақылайтын осындай тұлғалардың қызметі әлеуметтік саясат міндеттерін шешуге бағытталған жағдайларды қоспағанда,

сондай-ақ осы Келісімге Б және В қосымшаларында Тараптардың жеке тізбелерінде көрсетілген жағдайларды қоспағанда,

осы Тараптың олардың капиталдарына қатысуына немесе осы Тараптың оларды бақылауына байланысты ғана құқықтар, артықшылықтар немесе міндеттер алмауын қамтамасыз етеді.

2. Осы баптың 1-тармағының ережелері айрықша құқықтар берілген және осы Келісімнің 21-бабы 1-тармағының "б" және "в" тармақшаларының негізінде осы Келісімге Б және В қосымшаларындағы Тараптардың жеке тізбелеріне енгізілген тұлғаларды және осы Келісімнің 6-бабының 1-тармағына сәйкес монополиялық құқықтарға ие тұлғаларды қоспағанда, формальды немесе іс жүзінде айрықша құқықтар берілген тұлғаларға да қолданылады.

3. Тараптардың әрқайсысы мемлекеттік биліктің немесе жергілікті өзін-өзі басқарудың кез келген деңгейіндегі өзінің барлық органдарының реттелуі тиісті органның құзыреті саласына кіретін экономика секторында шаруашылық қызметті жүзеге асыратын кез келген тұлғаға тәуелсіз, бақыланбайтын және есеп бермейтіндей болуын қамтамасыз етеді. Тараптың шаралары, оның ішінде осы тармақта көрсетілген органның шешімдері ол белгілейтін және қолданатын қағидалар мен рәсімдер шаруашылық қызметті жүзеге асыратын барлық тұлғаларға қатысты бейтарап әрі объективті болуға тиіс.

4. Осы баптың ережелері мемлекеттік сатып алуға және мемлекеттік билік функцияларын орындау кезінде көрсетілетін қызметтерге қолданылмайды.

8-бап Шектеулер немесе тыйымдар

1. Егер Тараптардың бірі үшінші мемлекетке қатысты құруға, қызметіне, көрсетілетін қызметтердің саудасына немесе инвестицияларды жүзеге асыруға қатысты шектеулерді немесе тыйымдарды сақтаса, осы Келісімде ешнәрсе де, егер мұндай тұлға көрсетілген үшінші мемлекеттің тұлғасына толық тиесілі болса немесе ол бақыласа, ал осы Келісім ережелерінің қолданылуы жоғарыда көрсетілген тыйымдар мен шектеулерді айналып өтуге немесе бұзуға алып келетін болса, мұндай Тараптың осы Келісімнің ережелерін екінші Тараптың тұлғаларына қолдануын міндеттейтін жағдай ретінде түсіндірілмеуге тиіс.

2. Тарап құруға, қызметіне, көрсетілетін қызметтердің саудасына немесе инвестицияларды жүзеге асыруға қатысты екінші Тараптың тұлғаларына, егер екінші Тараптың мұндай тұлғасы осындай екінші Тараптың аумағында елеулі іскерлік операцияларды жүзеге асырмаса және ол бірінші Тараптың тұлғасына немесе осы Келісімнің Тарапы болып табылмайтын мемлекеттің тұлғасына тиесілі болса немесе олар бақылайтын болса, осы Келісімге сәйкес өзі қабылдайтын міндеттемелерді таратпауы мүмкін.

9-бап Жалпы ерекшеліктер

Мұндай шаралар мемлекеттер арасында ерікті немесе негізсіз кемсітушілік құралдарын немесе көрсетілетін қызметтер саудасы, құру мен қызметі, инвестицияларды жүзеге асыру үшін жасырын шектеулер туғызатын тәсілмен қолданылмайтын жағдайда осы Келісімде ешнәрсе де кез келген Тарапқа:

а) қоғамдық моральды қорғау немесе қоғамдық тәртіпті сақтап тұруға қажетті шаралар қабылдауға немесе қолдануға кедергі келтірмейді. Қоғамдық тәртіп тұрғысынан алғандағы ерекшеліктер қоғамның негіз қалаушы мүдделерінің біріне қатысты нақты және айтарлықтай елеулі қауіп төнген жағдайларда ғана қолданылуы мүмкін;

б) адамдардың өмірін немесе денсаулығын, жануарлардың немесе өсімдіктердің тіршілігін немесе саулығын қорғау үшін қажетті;

в) мыналарға:

азаматтық-құқықтық шарттарды сақтамаудың жаңылыстыратын және жосықсыз практикасын немесе салдарын болғызбауға;

жеке сипаттағы мәліметтерді өңдеу мен тарату және жеке өмірі мен банктік шоттары туралы мәліметтердің құпиялылығын қорғау кезінде жекелеген адамдардың жеке өміріне араласудан қорғауға;

қауіпсіздікке қатысы бар шараларды қоса алғанда, осы Келісімнің ережелеріне қайшы келмейтін Тараптардың заңнамасын сақтауға қажетті;

г) бұл шаралар көрсетілетін қызметтер саудасына, құру мен қызметіне қатысты екінші Тарап тұлғаларына кемсітусіз салық салуға бағытталған жағдайда, осы Келісімнің 15, 20, 25 және 30-бапта рымен үйлеспейтін шаралар қабылдауға немесе қолдануға кедергі келтірмейді.

10-бап Қауіпсіздік тұрғысынан алғандағы ерекшеліктер

1. Осы Келісімде ешнәрсе де кез келген Тарап үшін өзінің елдің қорғанысы немесе мемлекеттің қауіпсіздігі саласындағы:

а) қарулы күштерді жабдықтау мақсатында тікелей немесе жанама жүзеге асырылатын көрсетілетін қызметтерді немесе тауарларды беруге қатысты;

б) ядролық немесе термоядролық оқ-дәрілерге немесе олар алынған материалдарға қатысты;

в) соғыс уақытында немесе халықаралық қатынастардағы басқа да төтенше мән-жайларда қабылданған аса маңызды мүдделерін қорғау үшін өзі қажетті деп санайтын кез келген әрекет жасауына кедергі ретінде түсіндірілмеуге тиіс.

2. Осы Келісімде ешнәрсе де ашылуын Тарап өз қауіпсіздігінің аса маңызды мүдделеріне қайшы келеді деп санайтын қандай да бір ақпарат беру талабы ретінде түсіндірілмеуге тиіс.

3. Осы Келісімде ешнәрсе де халықаралық бейбітшілік пен қауіпсіздікті сақтау немесе қалпына келтіру мақсатында БҰҰ Жарғысына сәйкес өз міндеттемелерін орындау үшін кез келген Тарапқа кез келген әрекет жасауға кедергі ретінде түсіндірілмеуге тиіс.

11-бап Төлем балансын қорғау мақсатындағы шектеулер

1. Төлем балансының жай-күйі айтарлықтай нашарлаған, сыртқы қаржылық қиындықтар, алтын-валюта резервтерінің айтарлықтай қысқаруы, ұлттық валюта бағамының күрт ауытқуы немесе сондай қауіп төнген жағдайда Тарап аударымдар мен төлемдерге қатысты шектеулер қабылдап, қолдана алады.

2. Осы баптың 1-тармағында көрсетілген шектеулер:

а) Тараптар арасында кемсітушілік тудырмауға тиіс;

б) ХВҚ Келісімінің баптарына сәйкес келуге тиіс;

в) кез келген басқа Тараптың коммерциялық, экономикалық және қаржылық мүдделеріне артық залал келтірмеуге тиіс;

г) шектеулер осы баптың 1-тармағында көрсетілген мән-жайларды еңсеру үшін қажет болған шектеулерден аса ауыр болмауға тиіс;

д) уақытша болуға және осы баптың 1-тармағында көрсетілген мән-жайлардың жойылуына қарай біртіндеп алып тасталуға тиіс.

3. Мұндай шектеулердің қолданылу аясын айқындау кезінде Тараптар өздерінің экономикалық бағдарламалары немесе даму бағдарламалары үшін неғұрлым маңызды болып табылатын экономика секторларына артықшылық бере алады. Алайда мұндай шектеулер экономиканың белгілі бір секторын қорғау мақсатында белгіленбейді және сақталмайды.

4. Осы баптың 1-тармағына сәйкес Тарап енгізген кез келген шектеулер және олардың кез келген өзгерістері осындай шектеулер енгізілген/өзгерген күннен бастап күнтізбелік 15 күннен кешіктірмей басқа Тараптарға және ТМД Атқарушы комитетіне кідіріссіз хабар беру нысанасы болып табылады.

12-бап Төлемдер мен аударымдар

1. Осы Келісімнің 11-бабында көзделген мән-жайларды қоспағанда, Тараптар өз міндеттемелерінің жеке тізбелеріне қатысты ағымдағы операциялар бойынша халықаралық аударымдар мен төлемдерге қатысты шектеулер қолданбайды.

2. Осы Келісімнің 11-бабында көрсетілген жағдайларды қоспағанда немесе Халықаралық валюта қорының өтініші бойынша Тарап осындай операцияларға қатысты өзінің жеке міндеттемелерімен үйлеспейтін капиталмен қандай да бір операцияларға шектеулер белгілемеген жағдайда, ХВҚ Келісімінің баптарымен үйлесетін валюталық операциялар жүргізуді қоса алғанда, осы Келісімде ешнәрсе де ХВҚ Келісімінің баптарына сәйкес Халықаралық валюта қорына мүше Тараптардың құқықтары мен міндеттемелерін қозғамайды.

II ТАРАУ Көрсетілетін қызметтердің трансшекаралық саудасы

13-бап Қолданылу аясы

1. Осы тараудың ережелері Тараптардың:

а) бір Тараптың аумағынан кез келген басқа Тараптың аумағына;

б) бір Тараптың аумағында кез келген басқа Тараптың көрсетілетін қызметтерді тұтынушысына көрсетілетін қызметтердің трансшекаралық саудасына ықпал ететін шараларына қолданылады.

2. Осы тараудың ережелері:

а) әуе көлігімен тасымалдау құқықтарын қозғайтын шараларға, олар қандай нысанда ұсынылса да және (немесе) мыналардан:

әуе кемелеріне жөндеу және пайдалану (техникалық) қызметтерін көрсетуден;

көрсетілетін авиакөліктік қызметтерді сатудан және олардың маркетингінен;

компьютерлік резервтеу жүйесі көрсететін қызметтерден басқа, әуе көлігімен тасымалдау құқықтарына тікелей қатысы бар көрсетілетін қызметтерге;

б) ГАТС-тың XIII бабына сәйкес түсінілетін мемлекеттік сатып алуға;

в) мемлекеттік билік функцияларын орындау кезінде көрсетілетін қызметтерге;

г) субсидиялар мен мемлекеттік және муниципалдық қолдаудың өзге де түрлеріне қолданылмайды.

3. Қаржылық көрсетілетін қызметтер саласындағы реттеу ерекшеліктері осы Келісімге Д қосымшасында көзделген.

4. Телекоммуникациялық көрсетілетін қызметтер саласындағы реттеу ерекшеліктері осы Келісімге Е қосымшасында көзделген.

14-бап Барынша қолайлылық режимі

1. Осы Келісімге А қосымшасындағы осындай Тараптың жеке тізбесінде көзделген шараларды қоспағанда, осы Келісімнің әрбір Тарапы осы тарауда қамтылатын кез келген шараға қатысты осы Келісімнің кез келген басқа Тарапы көрсететін қызметтер мен оның көрсетілетін қызметтерді берушілеріне өзі осы Келісімге қатысушы болып табылмайтын кез келген мемлекеттің осыған ұқсас көрсетілетін қызметтері мен көрсетілетін қызметтерді берушілеріне ұсынатын режимнен қолайлылығы кем емес режим ұсынады.

2. Осы Келісімнің ережелері Тараптардың әрқайсысының шекараға іргелес аумақтарында жергілікті деңгейде өндірілетін және тұтынылатын көрсетілетін қызметтердің шекара маңындағы саудасын жеңілдету мақсатында Тараптардың шектес елдерге артықшылықтар беруіне кедергі келтірмейді.

3. Осы Келісімнің ешбір ережесі басқа Тараптар көрсететін қызметтерге және (немесе) олардың көрсетілетін қызметтерді берушілеріне осындай Тарап:

а) ГАТС-тың V бабының талаптарына сәйкес келетін экономикалық интеграция, көрсетілетін қызметтердің еркін саудасы, кеңейтілген әріптестік және ынтымақтастық және т.б. туралы осындай Тараптың келісімдеріне сәйкес; немесе

б) қосарланған салық салуға жол бермеу туралы келісімдер немесе салық мәселелері жөніндегі өзге де уағдаластықтар негізінде ұсынып жүрген немесе ұсынатын оның пайдалар немесе артықшылықтар беру міндеттемелерін білдірмейді.

15-бап Ұлттық режим

1. Осы Келісімге Б қосымшасындағы Тараптардың жеке тізбелерінде көзделген секторларда және оларда айтылған шарттар мен шектеулерге сәйкес әрбір Тарап көрсетілетін қызметтердің трансшекаралық саудасына ықпал ететін кез келген шараларға қатысты кез келген басқа Тарап көрсететін қызметтер мен оның көрсетілетін қызметтерді берушілеріне осыған ұқсас өзі көрсететін қызметтер мен көрсетілетін қызметтерді берушілеріне өзі ұсынатын режимнен қолайлылығы кем емес режим ұсынады.

2. Тараптар кез келген басқа Тарап көрсететін қызметтер мен оның көрсетілетін қызметтерді берушілеріне не өзінің осыған ұқсас көрсетілетін қызметтеріне немесе көрсетілетін қызметтерді берушілеріне қандай режим ұсынылатынына қатысты формальды түрде осындай (ұқсас) режимді не формальды түрде өзге (ерекшеленетін) режимді ұсыну арқылы осы баптың 1-тармағының талаптарын орындауы мүмкін.

3. Егер формальды түрдегі осындай (ұқсас) режим немесе формальды түрдегі әртүрлі режим бәсекелестік шарттарын кез келген басқа Тарап көрсететін осыған ұқсас қызметтер мен оның көрсетілетін қызметтерді берушілерімен салыстырғанда осы Тарап көрсететін қызметтердің немесе оның көрсетілетін қызметтерді берушілерінің пайдасына өзгертсе, онда ол онша қолайлы емес болып есептеледі.

16-бап Нарыққа қол жеткізу

Осы Келісімге Б қосымшасындағы Тараптардың жеке тізбелерінде көзделген секторларда және оларда айтылған шарттар мен шектеулерге сәйкес Тараптардың ешқайсысы да көрсетілетін қызметтердің трансшекаралық саудасына байланысты екінші Тарап көрсететін қызметтерге және (немесе) оның көрсетілетін қызметтерді берушілеріне қатысты:

а) сандық квоталар, монополиялар нысанындағы көрсетілетін қызметтерді берушілердің, көрсетілетін қызметтерді айрықша берушілердің санына немесе экономикалық орындылыққа тестіні растау талаптарына қатысты шектеулерді;

б) көрсетілетін қызметтерді кез келген берушісінің қызметтерді беру жөніндегі операцияларының жалпы санына немесе квота, экономикалық орындылыққа тест нысанында немесе кез келген өзге де сандық нысанда белгіленген сандық өлшем бірліктері түрінде көрсетілетін қызметтер өндірісінің жалпы көлеміне қатысты шектеулерді;

в) көрсетілетін қызметтер бойынша мәмілелердің немесе сандық квоталар немесе экономикалық орындылыққа тест талаптары нысанындағы активтердің жалпы құнын шектеулерді;

г) құруға, сондай-ақ құрудың ұйымдық-құқықтық нысанына қатысты талаптарды қолданбайды және енгізбейді.

Егер Тарап көрсетілетін қызметті бір Тараптың аумағынан екінші Тараптың аумағына беруге қатысты нарыққа қол жеткізу туралы міндеттеме алса және егер капиталдың трансшекаралық қозғалысы көрсетілетін қызметтің елеулі бөлігі болып табылса, онда мұндай Тарап осыған байланысты капиталдың көрсетілген қозғалысына рұқсат беруге міндеттенеді.

17-бап Қосымша міндеттемелер

Осы Келісімнің 15 және 16-бапта рына сәйкес міндеттемелер тізбелеріне енгізуге жатпайтын, оның ішінде біліктілік, стандарттар және лицензиялау мәселелеріне қатысы бар шаралар осы Келісімге Б қосымшасының "Қосымша міндеттемелер" деген бөліміне Тараптардың жеке тізбелеріне енгізіледі.

III ТАРАУ Құру және қызметі

18-бап Қолданылу аясы

1. Осы тараудың ережелері:

а) осы Тараптың аумағында екінші Тарап тұлғаларының құруына ықпал ететін Тараптың кез келген шараларына;

б) осы Тараптың аумағында екінші Тараптың тұлғалары құрған (жасаған, ашқан) заңды тұлғалардың, филиалдардың, өкілдіктердің, екінші Тараптың аумағында дара кәсіпкерлер ретінде тіркелген екінші Тараптың жеке тұлғаларының осы Келісім күшіне енген күнгі және одан кейінгі қызметіне ықпал ететін Тараптың кез келген шараларына қолданылады.

2. Осы тараудың ережелері Тараптың аумағында:

а) ГАТС-тың XIII бабына сәйкес түсінілетін мемлекеттік сатып алуға және осы Тараптың заңнамасына сәйкес мемлекеттік билік функцияларын орындаумен байланысты қызметке;

б) субсидиялар мен мемлекеттік және муниципалдық қолдаудың өзге де түрлеріне қолданылмайды.

3. Осы тараудың ережелері Тарап аумағында әуе көлігімен тасымалдау құқықтарын қозғайтын шараларға, олар қандай нысанда ұсынылса да және (немесе) мыналардан:

әуе кемелеріне жөндеу және пайдалану (техникалық) қызметтерін көрсетуден;

көрсетілетін авиакөліктік қызметтерді сатудан және олардың маркетингінен;

компьютерлік резервтеу жүйесі көрсететін қызметтерден басқа әуе көлігімен тасымалдау құқықтарына тікелей қатысты көрсетілетін қызметтерге қолданылмайды.

4. Қаржылық көрсетілетін қызметтер саласындағы реттеу ерекшеліктері осы Келісімге Д қосымшасында көзделген.

5. Телекоммуникациялық көрсетілетін қызметтер саласындағы реттеу ерекшеліктері осы Келісімге Е қосымшасында көзделген.

19-бап Барынша қолайлылық режимі

1. Әрбір Тарап осы Келісімге А қосымшасындағы Тараптардың әрқайсысының жеке тізбесінде көзделген шараларды қоспағанда, осы тарауда қамтылатын кез келген шараға қатысты кез келген басқа Тараптың тұлғаларына құру мен қызметке қатысты осы Келісімге қатысушы болып табылмайтын кез келген мемлекеттің тұлғаларына өзі ұсынатын режимнен қолайлылығы кем емес режимді дереу және сөзсіз ұсынады.

2. Осы Келісімнің ережелері шекара маңындағы аумақтар шегіндегі құруды және (немесе) осындай аумақтар шеңберіндегі қызметті жеңілдету мақсатында шектес елдерге қатысты Тараптардың артықшылықтар беруіне кедергі келтірмейді.

3. Осы Келісімнің ешбір ережесі құру мен қызметке қатысты басқа Тараптардың тұлғаларына осындай Тарап:

а) ГАТС-тың V бабының талаптарына сәйкес келетін экономикалық интеграция, көрсетілетін қызметтердің еркін саудасы, кеңейтілген әріптестік және ынтымақтастық және т.б. туралы осындай Тараптың келісімдеріне сәйкес; немесе

б) қосарланған салық салуға жол бермеу туралы келісімдер немесе салық мәселелері жөніндегі өзге де уағдаластықтар негізінде ұсынып жүрген немесе ұсынатын оның пайдалар немесе артықшылықтар беру міндеттемелерін білдірмейді.

20-бап Ұлттық режим

1. Осы Келісімге В қосымшасындағы Тараптардың әрқайсысының жеке тізбесінде көзделген шектеулер мен шарттарды ескере отырып, әрбір Тарап құруға және (немесе) қызметке қатысты кез келген басқа Тараптың тұлғаларына өз аумағында өз тұлғаларына ұсынатын режимнен қолайлылығы кем емес режим ұсынады.

2. Тараптар өз тұлғаларына қандай режим ұсынылатынына қатысты формальды түрде сондай (ұқсас) режимді не формальды түрде өзге (ерекшеленетін) режимді кез келген басқа Тарап тұлғаларына ұсыну арқылы осы баптың 1-тармағының талаптарын орындауы мүмкін.

3. Егер формальды түрдегі осындай (ұқсас) режим немесе формальды түрдегі өзге (ерекшеленетін) режим бәсекелестік шарттарын кез келген басқа Тараптың тұлғаларымен салыстырғанда осы Тарап тұлғаларының пайдасына өзгертсе, онда ол онша қолайлы емес болып есептеледі.

21-бап Құру және қызмет кезінде нарыққа қол жеткізу бойынша шектеулер

Осы Келісімге В қосымшасындағы Тараптардың әрқайсысына арналған жеке тізбеде көзделген шектеулер мен шарттарды ескере отырып, құруға және (немесе) қызметке байланысты кез келген басқа Тараптың тұлғаларына қатысты Тараптардың ешқайсысы да:

а) заңды және жеке тұлғаны құру нысаны, оның ішінде ұйымдық-құқықтық нысаны;

б) құрылатын заңды тұлғалардың, филиалдардың немесе өкілдіктердің; тіркелетін дара кәсіпкерлердің саны;

в) заңды тұлға капиталындағы сатып алынатын көлем, үлес немесе заңды тұлғаны бақылау дәрежесі;

г) құрылған заңды тұлғаның, филиалдың, өкілдіктің, тіркелген дара кәсіпкердің квота, экономикалық орындылыққа тест нысанында немесе кез келген өзге де сандық нысанда өз қызметін жүзеге асыруы барысында олардың жасаған мәмілелері/операциялары;

д) құрылатын заңды тұлға жалдауы мүмкін немесе квота немесе экономикалық орындылыққа тест нысанындағы қызметке қажетті және тікелей қатысы бар жеке тұлғалардың жалпы санын шектеу бөлігінде шектеулерді қолданбайды және енгізбейді.

Егер Тарап екінші Тараптың аумағында құру арқылы бір Тараптың көрсетілетін қызметтерді берушісінің қызметті беруіне қатысты нарыққа қол жеткізу туралы міндеттеме алса, ол осыған байланысты өз аумағына капиталды тиісті аударуға рұқсат беруге міндеттенеді.

22-бап Құжаттарды заңдастыру

Тараптар кез келген басқа Тарап тұлғаларының қатысуымен заңды тұлғалар, филиалдар немесе өкілдіктер құру кезінде Тараптың мемлекеттік билігінің тіркеуші органына ұсынылатын құжаттарды заңдастыруды немесе оларға апостиль қоюды талап етпейді.

IV ТАРАУ Жеке тұлғалардың уақытша болу ерекшеліктері

23-бап Қолданылу аясы

1. Осы тарау көрсетілетін қызметтер саудасы, инвестициялардың құрылуы, қызметі және жүзеге асырылуы мақсаттары үшін осы Келісімге Г қосымшасындағы Тараптардың жеке тізбелерінде көрсетілген бір Тараптың жеке тұлғалары санаттарының басқа Тараптардың аумақтарына уақытша кіруіне және онда болуына ықпал ететін шараларға қолданылады.

2. Осы тараудың ережелері Тарап аумағында субсидиялар мен мемлекеттік және муниципалдық қолдаудың өзге де нысандарына қолданылмайды.

3. Осы Келісімнің ережелері Тарап шекараларының тұтастығын қорғау және жеке тұлғалардың шекара арқылы реттелген түрде жүріп-тұруын қамтамасыз ету үшін қажетті шаралар осы Келісімге Г қосымшасындағы жеке тізбеде белгіленген шарттарға сәйкес кез келген Тарап алатын пайданы жою немесе қысқарту тәсілімен қолданылмайтын жағдайда, осындай шараларды қоса алғанда, жеке тұлғалардың өз аумағына кіруін немесе олардың аумақта уақытша болуын реттеу үшін Тараптардың шараларды қолдануына кедергі келтірмейді.

4. Осы Келісімнің ережелері Тараптардың жеке тұлғаларының жұмыспен қамту нарығына қол жеткізу, тұрақты тұру, тұруға ықтиярхат немесе азаматтық алу мақсатында бір Тараптың жеке тұлғаларының екінші Тарап аумағына кіруіне немесе онда болуына, екінші Тараптың жеке тұлғаларына виза беру, сондай-ақ тұрақты негізде жалдау талаптарына немесе рәсімдеріне қолданылмайды.

24-бап Барынша қолайлылық режимі

1. Әрбір Тарап осы тарауда қамтылатын кез келген шараға қатысты осы Келісімнің 23-бабының 1-тармағында көрсетілген жеке тұлғалардың санаттарына осы Келісімге қатысушы болып табылмайтын кез келген мемлекеттің жеке тұлғаларының осыған ұқсас санаттарына өзі ұсынатын режимнен қолайлылығы кем емес режим ұсынады.

2. Егер мұндай шаралар осы Келісімге А қосымшасындағы осындай Тараптың жеке тізбесінде көзделген болса, Тарап осы баптың 1-тармағына сәйкес келмейтін шараларды қолдана алады.

3. Осы Келісімнің ережелері Тараптардың шекараға іргелес аумақтарында жергілікті деңгейде өндірілетін және тұтынылатын көрсетілетін қызметтердің шекара маңындағы саудасын жеңілдету мақсатында, сондай-ақ инвестицияларды жүзеге асыру үшін Тараптардың шектес елдерге артықшылықтар беруіне кедергі келтірмейді.

4. Осы баптың 1-тармағына сәйкес ұсынылатын режим:

а) осындай Тараптың экономикалық интеграция, көрсетілетін қызметтердің еркін саудасы туралы келісімдеріне және өзге де ұқсас уағдаластықтарға сәйкес, егер олар ГАТС-тың V бабының өлшемшарттары мен талаптарына сәйкес келген жағдайда; немесе

б) қосарланған салық салуға жол бермеу туралы келісімдер немесе салық салу мәселелері жөніндегі өзге де уағдаластықтар негізінде Тарап ұсынып жүрген немесе келешекте ұсынатын артықшылықтарға қолданылмайды.

25-бап Ұлттық режим

1. Осы Келісімге Г қосымшасындағы Тараптардың жеке тізбелерінде көзделген секторларда және оларда айтылған шарттар мен шектеулерге сәйкес әрбір Тарап осы тарауда қамтылатын кез келген шараға қатысты осы Келісімнің 23-бабының 1-тармағында көрсетілген басқа Тараптардың жеке тұлғаларының санаттарына өзінің жеке тұлғаларының осыған ұқсас санаттарына өзі ұсынатын режимнен қолайлылығы кем емес режим ұсынады.

2. Тараптар осындай Тарап өзінің жеке тұлғаларының ұқсас санаттарына ұсынатын режимге қатысты басқа Тараптардың жеке тұлғаларының тиісті санаттарына не формальды түрде осындай (ұқсас) режимді, не формальды түрде өзге режимді ұсыну арқылы осы баптың 1-тармағының талаптарын орындауы мүмкін.

3. Егер формальды түрдегі осындай (ұқсас) режим немесе формальды түрдегі әртүрлі режим бәсекелестік шарттарын, кез келген басқа Тараптың осыған ұқсас көрсететін қызметтерімен, көрсетілетін қызметтерді берушілерімен және инвесторларымен салыстырғанда осы Тарап көрсететін қызметтердің, оның көрсетілетін қызметтерді берушілері мен инвесторларының пайдасына өзгертсе, онда ол онша қолайлы емес болып есептеледі.

26-бап Нарыққа қол жеткізу

Осы Келісімге Г қосымшасындағы Тараптардың жеке тізбелерінде көзделген секторларда және оларда айтылған шарттар мен шектеулерге сәйкес осы Келісімнің 23-бабының 1-тармағында көрсетілген басқа Тараптардың жеке тұлғаларының санаттарына қатысты Тараптардың ешқайсысы да:

басқа Тараптың нақты секторда жұмыспен қамтылуы (тиісті секторда көрсетілетін қызметті беруді жүзеге асыру) мүмкін жеке тұлғаларының жалпы санын шектеуді;

экономикалық орындылығын растау талабын қолданбайды және енгізбейді.

27-бап Қосымша міндеттемелер

Осы Келісімнің 25 және 26-бапта рына сәйкес міндеттемелер тізбелеріне енгізуге жатпайтын шаралар, оның ішінде біліктілік, стандарттар және лицензиялау мәселелеріне қатысы бар шаралар осы Келісімге Г қосымшасының "Қосымша міндеттемелер" деген бөліміне Тараптардың жеке тізбелеріне енгізіледі.

V ТАРАУ Инвестициялар

28-бап Қолданылу саласы

1. Осы тарау осы Келісім күшіне енгеннен кейін бір Тараптың инвесторлары екінші Тараптың аумағында жүзеге асырған инвестицияларға қолданылады.

2. Осы тарау Тараптың субсидиялар беруіне немесе мемлекеттік және муниципалдық қолдауының өзге де нысандарына қолданылмайды.

29-бап Инвестицияларды көтермелеу және қорғау

1. Әрбір Тарап өзінің заңнамасына сәйкес өз аумағында инвестицияларды жүзеге асыру үшін екінші Тараптың инвесторларына қолайлы жағдайлар жасайды.

2. Әрбір Тарап өз аумағында өзінің заңнамасына сәйкес екінші Тарап инвесторларының инвестицияларына толық қауіпсіздік пен қорғауды ұсынады.

30-бап Ұлттық режим

1. Әрбір Тарап өз аумағында екінші Тарап инвесторларының инвестицияларына өз инвесторларының инвестицияларына өзі ұсынатын режимнен қолайлылығы кем емес режимді ұсынады.

2. Әрбір Тарап өзінің заңнамасына сәйкес осы баптың 1-тармағында көрсетілген ұлттық режимнен алып қоюларды қабылдау және қолдану құқығын сақтайды.

31-бап Барынша қолайлылық режимі

1. Әрбір Тарап өз аумағында екінші Тарап инвесторларының инвестицияларына кез келген үшінші мемлекет инвесторларының инвестицияларына өзі ұсынатын режимнен қолайлылығы кем емес режимді ұсынады.

2. Осы Келісімде ешнәрсе де Тараптың екінші Тарап инвесторларының инвестицияларына:

а) бірінші Тараптың еркін сауда туралы, кеден одақтарын құру туралы келісімдер немесе оларға алып келетін уағдаластықтар сияқты экономикалық интеграция туралы келісімдеріне сәйкес;

б) қосарланған салық салуға жол бермеу туралы келісімдер немесе салық салу мәселелері бойынша басқа да уағдаластықтар негізінде бірінші Тарап ұсынып жүрген немесе келешекте ұсынатын артықшылықтар немесе жеңілдіктер беру міндеті ретінде түсіндірілмейді.

32-бап Залалды өтеу

Әрбір Тарап екінші Тарап инвесторларының инвестицияларына өз аумағындағы осындай инвесторлардың инвестицияларына соғыс қимылдары, қарулы қақтығыс, азаматтық тәртіпсіздіктер, азаматтық толқулар, революция, төтенше ұлттық жағдай, бүлік, көтеріліс немесе өзге де осыған ұқсас мән-жайлар салдарынан осындай инвесторлардың инвестицияларына келтірілген залалды өтеу үшін өзі қабылдайтын немесе сақтайтын шараларға қатысты:

а) өз инвесторларының инвестицияларына; немесе

б) кез келген үшінші мемлекет инвесторларының инвестицияларына өзі ұсынатын режимнен қолайлылығы кем емес режимді ұсынады.

33-бап Экспроприация

1. Бір Тарап инвесторларының екінші Тарап аумағында жүзеге асырылған инвестициялары тікелей немесе жанама түрде экспроприациялауға, ұлт меншігіне алуға немесе осы инвестордың өз инвестицияларын пайдалануына, иеленуіне немесе билік етуіне кедергі келтіретін, ұқсас әсері бар (бұдан әрі "экспроприация" деп аталатын) шараларға ұшырамауға тиіс, бұған осындай шаралар:

қоғамдық мүдде үшін, атап айтқанда осы Келісімнің 9-бабы шеңберінде,

бірінші Тараптың заңнамасында белгіленген рәсімге сәйкес жүзеге асырылатын жағдай қосылмайды. Бұл ретте көрсетілген рәсім экспроприацияны жүзеге асыру күніне дейін ресми түрде жариялануға немесе өзге де жолмен жұртшылықтың танысуы үшін қолжетімді болуға тиіс;

кемсітусіз негізде және осы баптың 4-тармағына сәйкес уақтылы, барабар және тиімді өтемақы төлене отырып жүзеге асырылатын жағдай қосылмайды.

2. Тарап шарасының (шаралар кешенінің) экспроприация болып табылатынын анықтау әрбір жекелеген жағдайды мынадай фактілердің:

а) Тарап шарасының (шаралар кешенінің) екінші Тарап инвесторы инвестицияларының құндылығына теріс әсер ету фактісінің өзі экспроприацияның орын алғанын анықтау болып табылмаса да, осындай шараның (шаралар кешенінің) инвестор инвестицияларының нарықтық құнына әсер етуінің;

б) осындай шараның (шаралар кешенінің) ұзақтығын қоса алғанда, осындай шара (шаралар кешені) сипатының негізінде бағалауды талап етеді.

3. Мыналар:

а) аумағында инвестициялар жүзеге асырылған екінші Тараптың тергеу және сот органдарының Тарап инвесторының инвестицияларына қолданатын қамтамасыз ету шаралары;

б) салықтар мен алымдар ерікті болып табылмайтын және осындай Тарап қатысушысы болып табылатын салық салу мәселелері жөніндегі халықаралық келісімдер мен уағдаластықтарды ескере отырып, инвестордың немесе капиталдың шығу тегіне байланысты сараланған мөлшерлемені көздемейтін жағдайда, Тараптың осы салықтар мен алымдарды белгілеуге және алуға байланысты шаралары;

в) мұндай шаралар дүлей зілзалалар, авариялар, эпидемиялар, эпизоотиялық және төтенше сипатқа ие өзге де ұқсас мән-жайлар жағдайында қолданылатын, ал реквизициялауға ұшыраған мүлік төтенше жағдай тоқтағаннан кейін осындай мүліктің нарықтық құнына сәйкес оған келтірілген залал өтемақысы төлене отырып, негізсіз кідіріссіз екінші Тараптың инвесторына қайтарылған жағдайда, Тараптың инвестор инвестицияларын реквизициялауы;

г) кедендік реттеу шаралары;

д) ДСҰ келісімі, атап айтқанда Зияткерлік меншік құқықтарының сауда аспектілері жөніндегі келісім (ТРИПС) шеңберінде Тараптың міндеттемелеріне сәйкес берілген мәжбүрлеу лицензияларын беру экспроприация болып табылмайды.

4. Осы баптың 1-тармағында көрсетілген өтемақы экспроприацияланатын инвестициялардың іс жүзіндегі немесе алдағы экспроприация туралы жария түрде белгілі болған күнгі бағамен есептелетін нарықтық құнына баламалы болуға тиіс. Экспроприациялау күнінен бастап төлем күніне дейін өтемақы деңгейіне нарықтық негізде белгіленетін коммерциялық мөлшерлеме бойынша пайыздар есептелуге жатады. Өтемақы бастапқыда инвестициялар жүзеге асырылған валютамен кідіріссіз төленуге тиіс. Инвестордың мұндай өтемақыны өз таңдауы бойынша кез келген еркін пайдаланылатын валютаға айырбастауға құқығы болуға тиіс.

5. Тарап осы Келісімнің 12-бабының ережелерін ескере отырып, өз аумағынан екінші Тарап инвесторының осы баптың 1-тармағында көрсетілген өтемақыны еркін аударуына рұқсат береді.

34-бап Суброгация

1. Егер Тарап немесе ол уәкілеттік берген орган сақтандыру шарты бойынша кепілдік негізінде немесе Тарап пен инвестор арасындағы шартта көзделген коммерциялық емес тәуекелдерден кепілдіктердің өзге де нысанында инвестицияға қатысты өзі берген коммерциялық емес тәуекелдерден келтірілген залалдың өтемін осындай Тараптың инвесторына төлеуді жүзеге асырса, екінші Тарап инвестордың мұндай инвестицияға байланысты құқығының немесе талабының суброгация арқылы бірінші Тарапқа немесе ол уәкілеттік берген органға берілгенін таниды.

2. Осы баптың 1-тармағына сәйкес берілген құқықтар немесе талаптар инвестордың бастапқы құқықтарынан немесе талаптарынан артық болмауға тиіс. Мұндай құқықтар немесе талаптар аумағында инвестициялар жүзеге асырылған Тараптың заңнамасына сәйкес, бірақ осы тараудың 30 және 31-бапта рының және осы Келісімнің "Құру және қызметі" деген III тарауының 19 және 20-бапта рының ережелеріне нұқсан келтірілмей жүзеге асырылады.

3. Егер Тарап немесе ол уәкілеттік берген орган осындай Тараптың инвесторына төлемді жүзеге асырса және инвестордың құқықтары мен талаптарын алса, мұндай инвестор, егер оған Тараптың немесе ол уәкілеттік берген органның атынан әрекет етуге уәкілеттік берілмесе ғана, көрсетілген құқықтар мен талаптарды екінші Тарапқа қарсы пайдаланбайды.

35-бап Төлемдерді аудару

1. Осы Келісімнің 11-бабында көзделген жағдайларды қоспағанда, әрбір Тарап екінші Тараптың инвесторларына олар бірінші Тараптың заңнамасына сәйкес барлық салықтық және өзге де міндеттемелерді орындаған жағдайда олардың инвестицияларына байланысты төлемдердің, оның ішінде:

а) кірістердің;

б) әрбір Тарап инвестиция ретінде таныған қарыздар мен кредиттерді, сондай-ақ олар бойынша есепке жазылған пайыздарды өтеу есебіне төленетін қаражаттың;

в) пайданың, дивидендтердің, капиталға салынатын салымның, капитал өсімінің және барлық инвестицияларды немесе олардың бір бөлігін ішінара немесе толық сатудан немесе инвестицияларды ішінара немесе толық жоюдан алынған қаражаттың;

г) осы Келісімнің 32, 33 және 36-бапта рында көзделген өтемақының;

д) бірінші Тараптың аумағындағы инвестицияларға байланысты жұмыс істеуге рұқсат алған екінші Тараптың инвесторлары мен жеке тұлғалары алған жалақы мен басқа да сыйақылардың шетелге еркін аударылатынына кепілдік береді.

2. Осы баптың 1-тармағында аталған төлемдерді аудару өз аумағында инвестициялар жүзеге асырылған Тараптың валюталық заңнамасына сәйкес аударым күні қолданылатын бағам бойынша еркін пайдаланылатын валютамен негізсіз кідіріссіз жүзеге асырылады.

3. Осы Келісімнің 11-бабында көрсетілген жағдайларды немесе Халықаралық валюта қорының өтініші бойынша шектеулер қолдану жағдайларын қоспағанда, осы Келісімде ешнәрсе де Тараптың валюталық операцияларды реттеу шаралары ХВҚ Келісімінің баптарына сәйкес келген жағдайда және (немесе) Тарап осындай операцияларға қатысты осы Келісім бойынша өз міндеттемелерімен үйлеспейтін төлемдер мен аударымдарға шектеулер белгілемеген жағдайда, мұндай шараларға қатысты құқықтар мен міндеттемелерді қоса алғанда, кез келген Тараптың Халықаралық валюта қорына мүше болуынан туындайтын құқықтары мен міндеттемелерін қозғамайды.

36-бап Тарап пен екінші Тараптың инвесторы арасындағы дауларды шешу

1. Тарап пен екінші Тараптың инвесторы арасындағы оның осы Тараптың аумағындағы инвестицияларына қатысты дау келіссөздер арқылы шешіледі. Осы мақсатта бір Тараптың инвесторы екінші Тарапқа осындай келіссөздерге жазбаша сұрау салу жібереді.

2. Осы баптың 1-тармағында көрсетілген келіссөздерге жазбаша сұрау салу:

а) дау тарапы болып табылатын инвестордың толық атауын, нақты және заңды мекенжайын және инвестор өкілінің толық атауын, оның нақты және заңды мекенжайын, сондай-ақ өкілдің (өкіл болған жағдайда) дауға байланысты инвестордың атынан және оның пайдасына әрекеттер жасау құқығын растайтын құжаттарды;

б) барлық даулы шаралар мен жағдайларды қоса алғанда, сұрау салудың заңды және нақты негізін;

в) инвестордың пікірінше, Тараптың даулы шаралары сәйкес келмейтін осы Келісімнің ережелерін;

г) дауды ықтимал реттеу бойынша инвестордың ұсыныстарын қамтиды.

3. Осы баптың 1-тармағында көрсетілген келіссөздерге сұрау салу, егер ол осы баптың 2-тармағында көрсетілген ақпаратты қамтымаса немесе ол Тараптың уәкілетті органына жіберілмесе, тиісті түрде жіберілген болып есептелмейді.

4. Тараптардың әрқайсысы осы Келісім күшіне енгеннен кейін 30 күн ішінде депозитарийге осы баптың 3-тармағында көрсетілген уәкілетті органдардың тізбесі туралы хабарлайды. Тараптардың уәкілетті органдарының тізбесі депозитарийдің ресми сайтында орналастырылады. Уәкілетті органдар өзгерген жағдайда тиісті Тарап бұл туралы осы Келісімнің депозитарийін дереу хабардар етеді.

5. Егер осы баптың 1-тармағында көрсетілген келіссөздер осы баптың 3-тармағына сәйкес келіссөздерге сұрау салу жіберілген күннен бастап алты ай ішінде басталмаса немесе өзара тиімді реттеуге алып келмесе, осы Келісімді бұзуға байланысты дау даудың тараптарымен келісілуге тиіс дауды шешу рәсімдерінің шеңберінде қаралуға жатады. Егер мұндай рәсімдер осы тармақта көрсетілген алты ай мерзімі ішінде келісілмеген болса, даудың тарапы болып табылатын инвестор дауды аумағында инвестициялар жүзеге асырылған Тараптың сотының қарауына немесе мынадай төрелік органдардың (мекемелердің) біріне:

а) аумағында инвестициялар жүзеге асырылған Тараптың аралық сотына (ол қолданылатын жағдайда);

б) егер дау тараптары Біріккен Ұлттар Ұйымының Халықаралық сауда құқығы жөніндегі комиссиясы (ЮНСИТРАЛ) Төрелік регламентінің белгілі бір редакциясын қолдану туралы уағдаласпаса, көрсетілген регламентке сәйкес құрылатын, төрелік талқылау басталған күні жұмыс істейтін ad hoc төрелігіне;

в) дау тараптары келіскен, өзге де тұрақты жұмыс істейтін халықаралық төрелік органға (мекемеге) беруі мүмкін.

Инвестор дауды дау тарапы болып табылатын Тарап сотының, Тараптың аралық сотының, ad hoc төрелігінің немесе даудың тараптары келіскен өзге де төрелік органның (мекеменің) қарауына бергенде төрт рәсімнің біреуін таңдау түпкілікті болып табылады.

6. Дауды осы баптың 5-тармағының "а" – "в" тармақшаларында көрсетілген төрелік органдардың біреуіне (мекемеге) беру үшін осы даудың тарапы болып табылатын инвестор осы баптың 3 және 4-тармақтарында көрсетілген Тараптың уәкілетті органына дауды төрелік органның (мекеменің) қарауына беруге сұрау салу туралы жазбаша хабарлама жіберуге тиіс.

7. Дауды осы баптың 6-тармағында көрсетілген төрелік органның (мекеменің) қарауына беру туралы сұрау салуда дау тараптарының арасында келіссөздердің жүргізілгені не жүргізілмегені көрсетіледі. Осы баптың 1-тармағында көрсетілген келіссөздерге сұрау салуда көзделмеген шаралар немесе жағдайлар төреліктің қарауына берілмейді. Дауды осы баптың 6-тармағында көрсетілген төрелік органның (мекеменің) қарауына беру туралы сұрау салуда осы баптың 1-тармағында көрсетілген келіссөздер жүргізуге жазбаша сұрау салуда жазылған талап қою талаптары толықтырылмайды және өзгертілмейді.

Төрелік органның (мекеменің), егер шара немесе ережелер осы баптың 1-тармағында көрсетілген келіссөздер жүргізуге жазбаша сұрау салуда көрсетілмесе, дауды қарауға қабылдауға және Тараптың мұндай шарасының осы Келісімнің ережелеріне сәйкес келетіні туралы шешім шығаруға құқығы жоқ.

8. Осы Келісімде, оның ішінде осы Келісімнің 31-бабында ешнәрсе де осы Келісімге байланысты екінші Тараппен туындайтын дауларды шешу үшін осы бапта тікелей белгіленгендерден өзгеше тетіктерді, институттарды немесе рәсімдерді пайдалану құқығын бір Тараптың инвесторына беру ретінде түсіндірілмейді.

9. Тараптар кез келген уақытта осы Келісімнің ережелерін бірлесіп түсіндіру туралы уағдаласа алады. Даудың кез келген сатысында, оның ішінде келіссөздер немесе төрелік талқылау сатысында дау тарапы болып табылатын Тарап басқа Тараптарға осы Келісімнің екінші Тараптың инвесторымен арадағы даудың нысанасы болып табылатын ережесін түсіндіруге қатысты бірлескен консультациялар жүргізуге жазбаша сұрау салуды жібере алады. Егер дау осы баптың 5-тармағының "а" – "в" тармақшаларында көрсетілген төрелік органдардың біреуіне (мекемеге) қарауға берілген болса, бірінші Тарап мұндай консультацияларға сұрау салудың көшірмесін дау тарапы болып табылатын инвесторға және төрелік органға (мекемеге) бір мезгілде жібереді.

10. Осы баптың 1-тармағына сәйкес келіссөздердің нысанасы болып табылатын дауды осы баптың 9-тармағының шеңберінде консультацияларға сұрау салу алынған күннен бастап төрелік органға (мекемеге) беруге болмайды. Осы баптың 5-тармағының "а" – "в" тармақшаларында көрсетілген төрелік органдардың біреуіне (мекемеге) қарауға жіберілген дау жағдайында осы баптың 9-тармағына сәйкес консультацияларға сұрау салу алынған күннен бастап төрелік рәсімдер тоқтатыла тұрады.

11. Осы баптың 10-тармағына сәйкес тоқтатыла тұрған төрелік рәсімдер:

а) екінші Тарап дау тарапы болып табылатын Тараппен осы Келісімнің ережесін түсіндіруге қатысты консультацияларға бастамашы болмау ниеті туралы хабарламаны дау тараптарына жіберген күннен бастап;

б) Тараптардың кез келгені Келісімнің нақты ережесін түсіндіру жөніндегі бірлескен уағдаластық туралы хабарламаны басқа Тараптар мен инвесторға жіберген күннен бастап;

в) Тараптардың кез келгені Келісімнің тиісті нақты ережесін түсіндіру жөніндегі уағдаластыққа қол жеткізіле алмайтыны туралы хабарламаны басқа Тараптар мен инвесторға жіберген күннен бастап, бірақ Тарап осы Келісімнің ережесін түсіндіруге қатысты консультацияларға сұрау салуды басқа Тараптарға жіберген күннен кейін 60 күн өткен соң жалғасуы мүмкін.

12. Осы Келісімге сәйкес Тараптың инвесторы мен екінші Тарап арасындағы даулар жіберілетін Тараптар, Тараптардың инвесторлары және төрелік органдар (мекемелер) үшін Тараптардың осы Келісімнің ережелерін бірлесіп түсіндіруі міндетті болып табылады.

13. ЮНСИТРАЛ Регламентіне сәйкес жүргізілетін төрелік талқылаулар үшін:

а) ad hoc төрелік органының (мекемесінің) құрамына үш төреші тағайындалады;

б) төрелік талқылаудың тілі орыс тілі болып табылады;

в) төрелік талқылауды өткізу орны дау Тарапы болып табылатын Тараптың астанасы болып табылады;

г) ЮНСИТРАЛ Төрелік регламентінің 9-бабының 2 және 3-тармақтарында көзделген уақыт кезеңі 90 күнді құрайды;

д) ЮНСИТРАЛ Төрелік регламентінің 20-бабының 1-тармағында көзделген, өз ішінде дау тарапы болып табылатын инвестор өзінің талап қою арызын дау тарапы болып табылатын Тарапқа және төрешілердің әрқайсысына жазбаша түрде ұсынатын уақыт кезеңін төрелік орган (мекеме) айқындайды;

е) ЮНСИТРАЛ Төрелік регламентінің 21-бабының 1-тармағында көзделген, өз ішінде дау тарапы болып табылатын Тарап талап қоюға өз қарсылықтарын дау тарапы болып табылатын инвесторға және төрешілердің әрқайсысына жазбаша түрде жіберетін уақыт кезеңін төрелік орган (мекеме) айқындайды;

ж) дау тараптарының ешқайсысының, сондай-ақ төрелік органның (мекеменің) немесе оның мүшелерінің дауға қатысты кез келген ақпаратты, оған қоса төрелік органның (мекеменің) шешімін даудың екі тарапының да жазбаша келісімінсіз ашуға құқығы жоқ. Инвестор мен мемлекет арасындағы халықаралық келісімдер негізіндегі төрелік талқылаулар тұрғысында ЮНСИТРАЛ-дың ашықтық туралы қағидалары қолданылмайды;

з) төрелік органның (мекеменің) қажетті құзыреті жоқ екендігі туралы өтініш, дау тарапы болып табылатын Тараптың төрешіні тағайындауы немесе осындай Тараптың төрешіні тағайындауға қатысуы, мұндай Тараптың инвестордың талап қоюына өз қарсылығын жіберуі ешбір жағдайда да мұндай Тараптың төрелік органның (мекеменің) құзыретін тануы ретінде қаралмауға тиіс;

и) төрелік орган (мекеме) дауды мәні бойынша қарағанға дейін төрелік органның (мекеменің) құзыретіне қатысты қарсылық бойынша шешімді алдын ала сипаттағы мәселе ретінде қабылдайды.

14. Тараптың инвесторы мен екінші Тарап арасында қол жеткізілген өзге де уағдаластықтардан туындайтын осындай инвестор мен Тарап арасындағы даулар осындай уағдаластықтарда көзделген тәртіппен шешіледі.

15. Осы Келісімде ешнәрсе де дау тараптарының оны соттан тыс тәртіппен, оның ішінде егер даудың екі тарапы да оларды пайдалану туралы уағдаласса, татуласу, делдалдық рәсімдерін және өзге де ұқсас тетіктерді пайдалану арқылы реттеуіне кедергі келтірмейді.

16. Әрбір Тарап төрелік шешімді түпкілікті және міндетті күші бар деп таниды және егер:

а) дау тарапы болып табылатын Тарап дауға қолданылатын қағидалар мен рәсімдерге сәйкес осындай төрелік шешімге шағымдану, оны өзгерту, қайта қарау немесе оның күшін жою жөнінде жүгінбесе; немесе

б) өзіне қатысты төрелік шешімді тану немесе орындау туралы шешім шығарылған Тарап өзі тарапы болып табылатын осы саладағы халықаралық келісімнің ережелеріне сәйкес осындай төрелік шешімді танудан немесе орындаудан бас тарту туралы сұрау салу жіберсе ғана, шешімнің өз заңнамасына сәйкес өз аумағында орындалуын қамтамасыз етуге міндеттенеді.

Төрелік (сот) талқылау шеңберінде Тарап даудың екінші тарапына қатысты даудың нысанасы бойынша қарсы талап қоюмен жүгінуге құқылы.

17. Дау тарапы болып табылатын инвестор осы баптың 1-тармағында көзделген бұзушылық туралы мәліметтерді алғаш алған немесе негізді түрде алғаш рет алуға тиіс болған күннен бастап осы баптың 1-тармағында көрсетілген келіссөздерге жазбаша сұрау салу жіберілген күнге дейін үш жылдан астам уақыт өткен соң бірде-бір талап қою төрелік органға (мекемеге) берілмейді.

18. Бір Тараптың инвесторы мен екінші Тараптың арасындағы осы Келісімнің 10-бабына сәйкес Тарап қолданатын шараға қатысты дау төрелік талқылаудың нысанасы болмайды.

19. Осы Келісім күшіне енгеннен кейін Тараптар, егер бір Тараптың инвесторы талап қоюды осы баптың 5-тармағының "в" тармақшасына сәйкес төрелік органға (мекемеге) беретін болса, Тараптардың келісуі бойынша төрешілерді тағайындау үшін міндетті болуға тиіс төрешілердің тізімі туралы уағдаласа алады.

VI ТАРАУ Қорытынды ережелер

37-бап Экономикалық интеграция

Осы Келісімнің ережелері өздерінің арасында осы Келісімнің ережелерімен салыстырғанда неғұрлым терең интеграция деңгейін көздейтін немесе өздерінің жеке және (немесе) заңды тұлғаларына қатысты қосымша артықшылықтар беретін екіжақты және (немесе) көпжақты халықаралық шарттары бар Тараптар арасында қолданылмайды.

38-бап Шектеулерді қысқарту

Көрсетілетін қызметтер саудасы, құру және қызмет бөлігінде осы Келісімде көзделген жағдайларды одан әрі жақсарту мақсатында Тараптар бес жылда бір реттен сиретпей секторлар тізбесін кеңейтуге және осы Келісімге Тараптардың жеке тізбелерінде көрсетілген шектеулер санын біртіндеп қысқартуға бағытталған келіссөздер жүргізеді.

Мұндай алғашқы келіссөздер осы Келісім күшіне енгеннен кейін бес жылдан кейін кешіктірілмей жүргізілуге тиіс.

39-бап Көрсетілетін қызметтердің жаңа секторлары және қызмет түрлері

Тараптар осы Келісім күшіне енген күні Тарап аумағында берілмейтін немесе жүзеге асырылмайтын қолданыстағы және жаңа өнімге немесе өнімді беру әдісіне байланысты көрсетілетін қызметтер мен қызмет түрлерін қоса алғанда, қызметтің жаңа секторлары мен түрлеріне қатысты кез келген шараны енгізу немесе сақтау құқығын сақтайды.

40-бап Даулы мәселелер

Тараптар арасындағы осы Келісімді түсіндіруге және (немесе) қолдануға байланысты даулар консультациялар мен келіссөздер жүргізу арқылы не 2011 жылғы 18 қазандағы Еркін сауда аймағы туралы шарттың 19-бабында көзделген рәсімдер арқылы шешіледі.

41-бап Өзгерістер

Тараптардың өзара келісуі бойынша осы Келісімге оның ажырамас бөлігі болып табылатын өзгерістер енгізілуі мүмкін, олар тиісті хаттамалармен ресімделеді.

42-бап Міндеттемелерді өзгерту

1. Осы Келісім Тарапының жазбаша сұрау салуына сәйкес Тараптар осы Келісім шеңберінде жеке тізбелерге өзгерістер енгізу туралы консультациялар жүргізуге тиіс. Консультациялар жүргізу кезінде Тараптар өзара тиімді міндеттемелердің жалпы деңгейінің осындай консультациялар басталғанға дейін сауда жүргізу үшін қолайлылығы осы Келісімге А, Б, В және Г қосымшаларындағы өздерінің жеке тізбелерінде көрсетілгеннен кем болмауына ұмтылуға тиіс.

2. Осы Келісім күшіне енген күні ДСҰ-ға мүше болып табылмайтын Тараптар ДСҰ-ға қосылғаннан кейін екі жыл ішінде осы Келісімге қатысушылар үшін өздерінің ДСҰ шеңберіндегі міндеттемелерінен кем емес шарттарда нарыққа қол жеткізу шарттарын қамтамасыз ету мақсатында осы Келісім шеңберінде жеке тізбелерді қайта қарауға міндеттенеді.

43-бап Келісімнің ережелерін іске асыру мониторингі

Тараптар осы Келісімнің ережелерін іске асыру мониторингін жүзеге асырады және оны қорыту және кейіннен Тәуелсіз Мемлекеттер Достастығының үкіметтер басшылары кеңесінің отырысында қарау үшін жыл сайын Тәуелсіз Мемлекеттер Достастығының Атқарушы комитетіне тиісті ақпарат береді.

44-бап Күшіне енуі

1. Осы Келісім оған қол қойған Тараптардың оның күшіне енуіне қажетті мемлекетішілік рәсімдерді орындағаны туралы үшінші хабарламаны депозитарий алған күннен бастап 30 күн өткен соң күшіне енеді.

2. Мемлекетішілік рәсімдерді кеш орындаған Тараптар үшін осы Келісім депозитарий тиісті құжаттарды алған күннен бастап 30 күн өткен соң күшіне енеді.

45-бап Қосылу

1. Осы Келісім күшіне енгенінен кейін кез келген мемлекеттің қосылуы үшін ашық.

2. ТМД-ға қатысушы мемлекет үшін осы Келісім, осы Келісімнің күшіне енуіне қажетті мемлекетішілік рәсімдерді орындаған барлық Тараптар оның міндеттемелерінің жеке тізбесін келіскен жағдайда, депозитарий қосылу туралы құжатты алған күннен бастап 30 күн өткен соң күшіне енеді.

3. ТМД-ға қатысушы мемлекет болып табылмайтын мемлекет үшін осы Келісім, осы Келісімнің күшіне енуіне және өздерінің осындай мемлекет міндеттемелерінің жеке тізбесін келісуіне қажетті мемлекетішілік рәсімдерді орындаған барлық Тараптар келіскен жағдайда, депозитарий қосылу туралы құжатты алған күннен бастап 30 күн өткен соң күшіне енеді.

46-бап Қолданылу мерзімі, шығу

1. Осы Келісім белгісіз мерзімге жасалады.

Тараптардың әрқайсысы депозитарийге өзінің шығу ниеті туралы жазбаша хабарламаны шыққанға дейін 12 айдан кешіктірмей жолдай отырып, осы Келісімнен шығуға құқылы.

2. Тарап осы Келісімнен шыққан күнге дейін жүзеге асырылған инвестицияларға қатысты осы Келісімнің ережелері тиісті Тарап үшін шыққан күнінен бастап 10 жыл бойы күшінде қалады.

2023 жылғы 8 маусымда Сочи қаласында орыс тіліндегі бір төлнұсқа данада жасалды. Төлнұсқа данасы Тәуелсіз Мемлекеттер Достастығының Атқарушы комитетінде сақталады, ол осы Келісімге қол қойған әрбір мемлекетке оның куәландырылған көшірмесін жібереді.

Қазақстан Республикасының Премьер-Министрі

А. Смаилов

А қосымшасы

АРМЕНИЯ РЕСПУБЛИКАСЫ

14, 19 және 24-баптарға қатысты барынша қолайлылық режимінен ерекшеліктер тізбесі

Түсіндірме жазба

1. 14, 19 және 24-бапта рға қатысты барынша қолайлылық режимінен ерекшеліктердің төменде келтірілген тізбесінде (бұдан әрі "осы Тізбе" деп аталатын) Армения Республикасы осы Тізбеде санамаланған көрсетілетін қызметтер секторларында немесе кіші секторларында, сондай-ақ экономикалық қызмет түрлерінде сақтайтын барынша қолайлылық режимінен ерекшеліктер көрсетілген.

2. Осы Тізбеде аталмаған көрсетілетін қызметтер секторларында немесе кіші секторларында, сондай-ақ экономикалық қызметтің өзге де түрлерінде Армения Республикасы барынша қолайлы режимді қолданады.

3. Осы Тізбе 14, 19 және 23-бапта рға сәйкес барынша қолайлылық режимді бұзудың салдары болып табылмайтын біліктілік талаптары мен рәсімдеріне, техникалық стандарттар мен лицензиялық талаптар мен рәсімдерге қатысты шараларды қамтымайды. Бұл шаралар (мысалы, inter alia, лицензия алу, реттелетін секторлардағы біліктілікті тану, тілге қатысты емтихандарды қоса алғанда, арнайы емтихандарды тапсыру және экономикалық қызмет жүзеге асырылатын аумақтан заңды мекенжай мен тұрғылықты жер алу қажеттігі), егер олар осы Тізбеде санамаланбаса да, кез келген жағдайда қолданылады.

Б қо­сым­ша­сы

АРМЕНИЯ РЕСПУБЛИКАСЫ

"Трансшекаралық көрсетілетін қызметтер саудасы" деген II тарауға сәйкес міндеттемелер тізбесі

Түсіндірме жазба

1. "Трансшекаралық көрсетілетін қызметтер саудасы" деген II тарауға сәйкес төменде келтірілген міндеттемелер тізбесінде (бұдан әрі "осы Тізбе" деп аталады) Армения Республикасы 15 (Ұлттық режим шектеулері) және 16-бапта рға (Нарыққа қол жеткізу шектеулері) ырықтандыру бойынша міндеттемелер, сондай-ақ осы көрсетілетін қызметтер секторларында немесе кіші секторларында қолданылатын тиісті шектеулер қабылдайтын көрсетілетін қызметтер секторлары немесе кіші секторлары көрсетілген.

2. Армения Республикасы осы Тізбеде аталмаған көрсетілетін қызметтер секторларына немесе кіші секторларына қатысты міндеттемелер қабылдамайды.

3. Осы Тізбе 15-бап (Ұлттық режимнің шектеулері) пен 16-бапқа (Нарыққа қол жеткізу шектеулері) сәйкес нарыққа қол жеткізуді шектеу болып табылмайтын біліктілік талаптары мен рәсімдерге, техникалық стандарттарға және лицензиялық талаптар мен рәсімдерге немесе ұлттық режимге қатысты шараларды қамтымайды. Бұл шаралар (мысалы, inter alia, лицензия алу, реттелетін секторлардағы біліктілікті тану, тілге қатысты емтихандарды қоса алғанда, арнайы емтихандарды тапсыру және экономикалық қызмет жүзеге асырылатын аумақтан заңды мекенжай мен тұрғылықты жер алу қажеттігі), егер олар тіпті төменде санамаланбаса да, кез-келген жағдайда осы Тізбеде көрсетілген көрсетілетін қызметтер секторларына немесе кіші секторларына қолданылады.

4. Осы Тізбеде ешнәрсе де 13-баптың (Қолданылу аясы) 2-тармағында көрсетілген шараларды Армения Республикасының қолдану құқығына кедергі келтірмейді.

5. Осы Тізбеде:

В қосымшасы

АРМЕНИЯ РЕСПУБЛИКАСЫ

"Құрылуы және қызметі" деген IІI тарауға қатысты ерекшеліктер тізбесі

Түсіндірме жазба

1. "Құрылуы және қызметі" деген IІI тарауға қатысты ерекшеліктер тізбесінде (бұдан әрі "осы Тізбе" деп аталады) Армения Республикасы осы Тізбеде санамаланған көрсетілетін қызметтер секторларында немесе кіші секторларында, сондай-ақ экономикалық қызмет түрлерінде сақтайтын 20-бап (Ұлттық режимнің шектеулері) пен 21-бапта (Нарыққа қол жеткізуді шектеулер) ерекшеліктер көрсетілген.

2. Армения Республикасы осы Тізбеде аталмаған көрсетілетін қызметтер секторларында немесе кіші секторларында, сондай-ақ экономикалық қызметтің өзге де түрлерінде құру мен қызметке қатысты нарыққа қол жеткізу мен ұлттық режимнің шектеулерін қолданбайды.

3. Осы Тізбе 20 (Ұлттық режим шектеулері) және 21-бапта рға (Нарыққа қол жеткізу шектеулер) сәйкес нарыққа қол жеткізуді шектеу болып табылмайтын біліктілік талаптары мен рәсімдерге, техникалық стандарттарға және лицензиялық талаптар мен рәсімдерге немесе ұлттық режимге қатысты шараларды қамтымайды. Бұл шаралар (мысалы, inter alia, лицензия алу, реттелетін секторлардағы біліктілікті тану, тілге қатысты емтихандарды қоса алғанда, арнайы емтихандарды тапсыру және экономикалық қызмет жүзеге асырылатын аумақтан заңды мекенжай мен тұрғылықты жер алу қажеттігі), егер олар тіпті осы Тізбеде санамаланбаса да, кез-келген жағдайда құру мен қызметке қатысты қолданылады.

4. Осы Тізбеде ешнәрсе де Армения Республикасының 18-баптың 2-тармағында (Қолданылу аясы) көрсетілген шараларды қолдану құқығына кедергі келтірмейді.

"Құрылуы және қызметі" деген IІI тарауға қатысты ерекшеліктер тізбесі

Г қо­сым­ша­сы

АРМЕНИЯ РЕСПУБЛИКАСЫ

"Қызметтер көрсету, инвестициялардың құрылуы, қызметі және жүзеге асырылуы үшін жеке тұлғалардың уақытша болу ерекшеліктері" деген iv тарауға сәйкес міндеттемелер тізбесі

Түсіндірме жазба

1. "Жеке тұлғалардың уақытша болу ерекшеліктері" деген IV тарауға сәйкес төменде келтірілген Міндеттемелер тізбесінде (бұдан әрі "осы Тізбе" деп аталады) Армения Республикасы 25 (Ұлттық режим шектеулері) және 26-бапта рға (Нарыққа қол жеткізу шектеулер) сәйкес міндеттемелер, сондай-ақ осы көрсетілетін қызметтер секторларында немесе кіші секторларында, сондай-ақ экономикалық қызметтің өзге де түрлерінде жеке тұлғалар санаттарына қолданылатын тиісті шектеулер қабылдайтын көрсетілетін қызметтер секторлары немесе кіші секторлары және жеке тұлғалар санаттары, сондай-ақ экономикалық қызметтің түрлері көрсетілген.

2. Армения Республикасы осы Тізбеде аталмаған көрсетілетін қызметтер секторларына немесе кіші секторларына, экономикалық қызметтің өзге де түрлеріне, сондай-ақ жеке тұлғалар санаттарына қатысты міндеттемелер қабылдамайды.

3. Осы Тізбе 25-бап (Ұлттық режим шектеулері) пен 26-бапқа (Нарыққа қол жеткізу шектеулер) сәйкес нарыққа қол жеткізуді шектеу болып табылмайтын біліктілік талаптары мен рәсімдерге, техникалық стандарттарға және лицензиялық талаптар мен рәсімдерге немесе ұлттық режимге қатысты шараларды қамтымайды. Бұл шаралар (мысалы, inter alia, лицензия алу, реттелетін секторлардағы біліктілікті тану, тілге қатысты емтихандарды қоса алғанда, арнайы емтихандарды тапсыру және экономикалық қызмет жүзеге асырылатын аумақтан заңды мекенжай мен тұрғылықты жер алу қажеттігі), егер олар тіпті төменде санамаланбаса да, кез-келген жағдайда осы Тізбеде көрсетілген жеке тұлғалар санаттарына қолданылады.

4. Осы Тізбеде ешнәрсе де Армения Республикасының "Қолданылу аясы" деген 23-баптың 2, 3 және 4-тармақтарында көрсетілген шараларды қолдану құқығына кедергі келтірмейді.

5. Визалық рәсімдерді қоса алғанда, келуге, уақытша болуға, еңбекке және әлеуметтік қамсыздандыру шараларына қатысты Армения Республикасының нормативтік құқықтық актілерінің барлық талаптары болу мерзіміне, ең төмен жалақыға, сондай-ақ жалақы туралы ұжымдық келісімдерге қатысты ережелерді қоса алғанда, егер олар төменде санамаланбаса да, бұрынғысынша қолданылады.

6. Осы Тізбеде:

көрсетілетін қызметтер секторларына/кіші секторларына қатысты жақшада көрсетілген СРС кодтары БҰҰ-ның Негізгі өнімнің алдын ала сыныптаушына сілтемелер болып табылады (Statistical Papers Series M No. 77, Provisional Central Product Classification, Department of International Economics and Social Affairs, Statistical Office of the United Nations, New York, 1991).

А қосымшасы

БЕЛАРУСЬ РЕСПУБЛИКАСЫ

14, 19 және 24-баптарға қатысты барынша қолайлылық жасасу режимінен ерекшеліктер тізбесі

Түсіндірме жазба

1. 14, 19 және 24-бапта рға қатысты барынша қолайлылық жасасу режимінен ерекшеліктердің төменде келтірілген тізбесінде (бұдан әрі "осы Тізбе" деп аталады) Беларусь Республикасы осы Тізбеде санамаланған көрсетілетін қызметтер секторларында немесе кіші секторларында, сондай-ақ экономикалық қызмет түрлерінде сақтайтын барынша қолайлылық жасасу режимінен ерекшеліктер көрсетілген.

2. Осы Тізбеде аталмаған көрсетілетін қызметтер секторларында немесе кіші секторларында, сондай-ақ экономикалық қызметтің өзге де түрлерінде Беларусь Республикасы барынша қолайлылық жасасу режимін қолданады.

3. Осы Тізбе 14, 19 және 23-бапта рға сәйкес барынша қолайлылық жасау режимін бұзудың салдары болып табылмайтын біліктілік талаптары мен рәсімдеріне, техникалық стандарттарға және лицензиялық талаптар мен рәсімдерге қатысты шараларды қамтымайды. Бұл шаралар (мысалы, inter alia, лицензия алу, реттелетін секторлардағы біліктілікті тану, тілдік емтихандарды қоса алғанда арнайы емтихандарды тапсыру және экономикалық қызмет жүзеге асырылатын аумақтан заңды мекен-жай мен тұрғылықты жер алу қажеттігі), егер олар осы Тізбеде санамаланбаса да, кез келген жағдайда қолданылады.

Б қосымшасы

БЕЛАРУСЬ РЕСПУБЛИКАСЫ

"Трансшекаралық көрсетілетін қызметтер саудасы" деген II тарауға сәйкес міндеттемелер тізбесі

Түсіндірме жазба

1. "Трансшекаралық көрсетілетін қызметтер саудасы" деген II тарауға сәйкес төменде келтірілген Міндеттемелер тізбесінде (бұдан әрі "осы Тізбе" деп аталады) Беларусь Республикасы "Ұлттық режим" деген 15-бап пен "Нарыққа қол жеткізу" деген 16-бапқа сәйкес ырықтандыру бойынша міндеттемелер қабылдайтын көрсетілетін қызметтер секторлары немесе кіші секторлары, сондай-ақ осы көрсетілетін қызметтер секторларында немесе кіші секторларында қолданылатын тиісті шектеулер көрсетілген.

2. Беларусь Республикасы осы Тізбеде аталмаған көрсетілетін қызметтер секторларына немесе кіші секторларына қатысты міндеттемелер қабылдамайды.

3. Осы Тізбе "Ұлттық режим" деген 15-бап пен "Нарыққа қол жеткізу" деген 16-бапқа сәйкес нарыққа қол жеткізуді шектеу болып табылмайтын біліктілік талаптары мен рәсімдерге, техникалық стандарттарға және лицензиялық талаптар мен рәсімдерге немесе ұлттық режимге қатысты шараларды қамтымайды. Бұл шаралар (мысалы, inter alia, лицензия алу, реттелетін секторлардағы біліктілікті тану, тілдік емтихандарды қоса алғанда арнайы емтихандарды, тапсыру және экономикалық қызмет жүзеге асырылатын аумақтан заңды мекен жай мен тұрғылықты жер алу қажеттігі), егер олар төменде санамаланбаса да, кез келген жағдайда осы Тізбеде көрсетілген көрсетілетін қызметтер секторларына немесе кіші секторларына қолданылады.

4. Осы Тізбеде ешнәрсе де Беларусь Республикасының "Қолданылу аясы" деген 13-баптың 2-тармағында көрсетілген шараларды қолдану құқығына кедергі келтірмейді.

5. Осы Тізбеде:

жұлдызша (*) техникалық мүмкіндіктің болмауына байланысты міндеттемелердің жоқ екенін білдіреді;

көрсетілетін қызметтер секторларына/кіші секторларына қатысты жақшада көрсетілген СРС кодтары БҰҰ-ның Негізгі өнімнің алдын ала сыныптауышына сілтемелер болып табылады (Statistical Papers Series M No. 77, Provisional Central Product Classification, Department of International Economics and Social Affairs, Statistical Office of the United Nations, New York, 1991).

екі жұлдызша (**) аталған көрсетілетін қызметтің СРС кодына сәйкес көрсетілген қызметті толық қамтудың бір бөлігін ғана құрайтынын білдіреді.

В қосымшасы

БЕЛАРУСЬ РЕСПУБЛИКАСЫ

"Құрылуы және қызметі" деген IІI тарауға қатысты міндеттемелер мен ерекшліктер тізбесі

Түсіндірме жазба

1. "Құрылуы және қызметі" деген IІI тарауға қатысты төменде келтірілген Міндеттемелер ерекшеліктер тізбесінде (бұдан әрі "осы Тізбе" деп аталады) Беларусь Республикасы осы Тізбеде санамаланған көрсетілетін қызметтер секторларында немесе кіші секторларында, сондай-ақ экономикалық қызмет түрлерінде қабылдайтын "Ұлттық режим" деген 20-бап пен "Құру және қызмет кезінде нарыққа қол жеткізу жөніндегі шектеулер" деген 21-бап бойынша міндеттемелер көрсетілген. Осы Тізбе мынадай элементтерден тұрады:

а) бірінші баған – онда Беларусь Республикасы міндеттемелер қабылдайтын немесе ерекшеліктерсақтайтын сектор немесе кіші сектор, сондай-ақ экономикалық қызмет түрі көрсетіледі;

b) екінші баған – онда нарыққа қол жеткізу міндеттемелері немесе ерекшеліктерсипаттлады ( 21-бап);

c) үшінші баған – онда ұлттық режим міндеттемелері немесе ерекшеліктерісипаттайды ( 20-бап).

2. Осы Тізбе үш бөлімнен тұрады:

I. "Беларусь Республикасының көрсетілетін қызметтердің барлық секторына және экономикалық қызмет түрлеріне қатысты деңгейлесерекшеліктері" көрсетілетін қызметтер саласын қоса алғанда, экономикалық қызметтің барлық түр шеңберінде құру мен қызметке жататын нарыққа қол жеткізу және ұлттық режим ерекшеліктерінқамтиды. Беларусь Республикасы осы бөлімде көрсетілген шараларды қолдану құқығын сақтайды.

II. "Беларусь Республикасының көрсетілетін қызметтер нарығына қол жеткізу бойынша міндеттемелері", егер осы бөлімде өзгеше көрсетілмесе, Беларусь Республикасы құру мен қызметке қатысты нарыққа қол жеткізу және ұлттық режим бойынша міндеттемелер қабылдайтын көрсетілетін қызметтердің секторларын немесе кіші секторларын қамтиды. Беларусь Республикасы осы бөлімде санамаланбаған көрсетілетін қызметтер секторларындағы немесе кіші секторларындағы құру мен қызметке қатысты міндеттемелер қабылдамайды.

III. "Беларусь Республикасы экономикалық қызметтің өзге де түрлерінде сақтайтын ерекшеліктер" Беларусь Республикасы құру мен қызмет бөлігінде нарыққа қол жеткізу және ұлттық режим ерекшеліктерінсақтайтын экономикалық қызмет түрлерін (көрсетілетін қызметтер саласын қоспағанда) санамалауды қамтиды. Осы бөлімде аталмаған экономикалық қызмет түрлерін (көрсетілетін қызметтер саласын қоспағанда) жүзеге асыруға қатысты Беларусь Республикасы құру мен қызметке қатысты нарыққа қол жеткізуге және ұлттық режимге шектеулер қолданбайды.

3. Құру мен қызмет бөлігінде міндеттемелердің арақатынасы мен оларды түсіндіру мақсаттарында II және III бөлімдер бойынша келіспеушіліктер туындаған жағдайда, II бөлімде баяндалған міндеттемелердің басымдығы болады.

4. Осы Тізбе "Ұлттық режим" деген 20-бап пен "Құру мен қызмет кезінде нарыққа қол жеткізу жөніндегі шектеулер" деген 21-бапқа сәйкес нарыққа қол жеткізуді шектеу болып табылмайтын біліктілік талаптары мен рәсімдерге, техникалық стандарттарға және лицензиялық талаптар мен рәсімдерге немесе ұлттық режимге қатысты шараларды қамтымайды. Бұл шаралар (мысалы, inter alia, лицензия алу, реттелетін секторлардағы біліктілікті тану, тілдік емтихандарды қоса алғанда арнайы емтихандарды, оның ішінде тапсыру және экономикалық қызмет жүзеге асырылатын аумақтан заңды мекен жай мен тұрғылықты жер алу қажеттігі), егер олар осы Тізбеде санамаланбаса да, кез келген жағдайда құру мен қызметке қатысты қолданылады.

5. Осы Тізбеде ешнәрсе де Беларусь Республикасының "Қолданылу аясы" деген 18-баптың 2-тармағында көрсетілген шараларды қолдануы құқығына кедергі келтірмейді.

6. Экономикалық қызметтің барлық түрлеріне қатысты (көрсетілетін қызметтер секторын немесе кіші секторын қоса алғанда) Беларусь Республикасы, егер бұл осы Тізбеде көрсетілмесе де, тауарлардың сыртқы саудасын реттеуді қозғайтын шараларға, тауарлардың импортына және (немесе) экспортына қатысты кедендік шараларға, сондай-ақ зияткерлік меншік объектілерін күзетуді және оларға құқықтардың қорғалуын қозғайтын шараларға қатысты ешқандай міндеттеме алмайды.

7. Осы Тізбеде көрсетілетін қызметтер секторларына/кіші секторларына қатысты жақшада көрсетілген СРС кодтары БҰҰ-ның Негізгі өнімнің алдын ала сыныптауышына сілтемелер болып табылады (Statistical Papers Series M No. 77, Provisional Central Product Classification, Department of International Economics and Social Affairs, Statistical Office of the United Nations, New York, 1991).

екі жұлдызша (**) аталған көрсетілетін қызметтің СРС кодына сәйкес көрсетілген толық қамтылған қызметтің бір бөлігін ғана құрайтынын білдіреді.

Г қосымшасы

БЕЛАРУСЬ РЕСПУБЛИКАСЫ

"Жеке тұлғалардың уақытша болу ерекшеліктері" деген iv тарауға сәйкес міндеттемелер тізбесі

Түсіндірме жазба

1. "Жеке тұлғалардың уақытша болу ерекшеліктері" деген IV тарауға сәйкес төменде келтірілген Міндеттемелер тізбесінде (бұдан әрі "осы Тізбе" деп аталады) Беларусь Республикасы "Ұлттық режим шектеулері" деген 25-бап пен "Нарыққа қол жеткізу шектеулері" деген 26-бапқа сәйкес міндеттемелер, сондай-ақ осы көрсетілетін қызметтер секторларында немесе кіші секторларында, сондай-ақ экономикалық қызметтің өзге де түрлерінде жеке тұлғалар санаттарына қолданылатын тиісті шектеулер қабылдайтын көрсетілетін қызметтер секторлары немесе кіші секторлары және жеке тұлғалар санаттары, сондай-ақ экономикалық қызметтің түрлері көрсетілген.

2. Беларусь Республикасы осы Тізбеде аталмаған көрсетілетін қызметтер секторларына немесе кіші секторларына, экономикалық қызметтің өзге де түрлеріне, сондай-ақ жеке тұлғалар санаттарына қатысты міндеттемелер қабылдамайды.

3. Осы Тізбе "Ұлттық режим шектеулері" деген 25-бап пен "Нарыққа қол жеткізу шектеулері" деген 26-бапқа сәйкес нарыққа қол жеткізуді шектеу болып табылмайтын біліктілік талаптары мен рәсімдерге, техникалық стандарттарға және лицензиялық талаптар мен рәсімдерге немесе ұлттық режимге қатысты шараларды қамтымайды. Бұл шаралар (мысалы, inter alia, лицензия алу, реттелетін секторлардағы біліктілікті тану, тілдік емтихандарды қоса алғанда, арнайы емтихандарды, тапсыру және экономикалық қызмет жүзеге асырылатын аумақтан заңды мекен жай мен тұрғылықты жер алу қажеттігі), егер олар төменде санамаланбаса да, кез келген жағдайда осы Тізбеде көрсетілген жеке тұлғалар санаттарына қолданылады.

4. Осы Тізбеде ешнәрсе де Беларусь Республикасының "Қолданылу аясы" деген 23-баптың 2, 3 және 4-тармақтарында көрсетілген шараларды қолдану құқығына кедергі келтірмейді.

5. Визалық рәсімдерді қоса алғанда, келуге, уақытша болуға, еңбекке және әлеуметтік қамсыздандыру шараларына қатысты Беларусь Республикасының нормативтік құқықтық актілерінің барлық талабы болу мерзіміне, ең төмен жалақыға, сондай-ақ жалақы туралы ұжымдық келісімдерге қатысты ережелерді қоса алғанда, егер олар төменде санамаланбаса да, бұрынғысынша қолданылады.

6. Осы Тізбеде көрсетілетін қызметтер секторларына/кіші секторларына қатысты жақшада көрсетілген СРС кодтары БҰҰ-ның Негізгі өнімнің алдын ала сыныптауышына сілтемелер болып табылады (Statistical Papers Series M No. 77, Provisional Central Product Classification, Department of International Economics and Social Affairs, Statistical Office of the United Nations, New York, 1991).

А қосымшасы

ҚАЗАҚСТАН РЕСПУБЛИКАСЫ

14, 19 және 24-баптарға қатысты барынша қолайлылық жасау режимінен ерекшеліктер тізбесі

Б қосымшасы

ҚАЗАҚСТАН РЕСПУБЛИКАСЫ

Трансшекаралық көрсетілетін қызметтер саудасы бойынша міндеттемелер тізбесі

Түсіндірме жазба

1. Төменде келтірілген Трансшекаралық көрсетілетін қызметтер саудасы бойынша міндеттемелер тізбесінде (бұдан әрі "осы Тізбе" деп аталады) Қазақстан Республикасы "Ұлттық режим" деген 15-бап пен "Нарыққа қол жеткізу" деген 16-бапқа сәйкес ырықтандыру бойынша міндеттемелер, сондай-ақ осы көрсетілетін қызметтер секторларында немесе кіші секторларында қолданылатын тиісті шектеулер қабылдайтын көрсетілетін қызметтер секторлары немесе кіші секторлары көрсетілген.

2. Қазақстан Республикасы осы Тізбеде аталмаған көрсетілетін қызметтер секторларына немесе кіші секторларына қатысты міндеттемелер қабылдамайды.

3. Осы Тізбе "Ұлттық режим" деген 15-бап пен "Нарыққа қол жеткізу" деген 16-бапқа сәйкес нарыққа қол жеткізуді шектеу болып табылмайтын біліктілік талаптары мен рәсімдерге, техникалық стандарттарға және лицензиялық талаптар мен рәсімдерге немесе ұлттық режимге қатысты шараларды қамтымайды. Бұл шаралар (мысалы, inter alia, лицензия алу, реттелетін секторлардағы біліктілікті тану, арнайы емтихандарды, оның ішінде тілге қатысты емтихандарды тапсыру және экономикалық қызмет жүзеге асырылатын аумақтан заңды мекен-жай мен тұрғылықты жер алу қажеттігі), егер олар тіпті төменде санамаланбаса да, кез-келген жағдайда осы Тізбеде көрсетілген көрсетілетін қызметтер секторларына немесе кіші секторларына қолданылады.

4. Осы Тізбеде ешнәрсе де Қазақстан Республикасының осы Тізбеде аталған көрсетілетін қызметтер секторларына немесе кіші секторларына қатысты субсидиялар беру немесе кез келген мемлекеттік қолдау шараларын қолдану құқығына кедергі келтірмейді.

5. Осы Тізбе:

ГАТС-тың XIII бабына сәйкес түсінілетін мемлекеттік сатып алуға;

мемлекеттік билік функцияларын орындау үшін ұсынылатын қызметтер мен жүзеге асырылатын қызметке қолданылмайды.

6. Осы Тізбеде:

жұлдызша (*) "бөлік" дегенді білдіреді;

көрсетілетін қызметтер секторларына/кіші секторларына қатысты жақшада көрсетілген КОП кодтары БҰҰ-ның Негізгі өнімнің алдын ала жіктеуішіне сілтемелер болып табылады (Statistical Papers Series M No. 77, Provisional Central Product Classification, Department of International Economics and Social Affairs, Statistical Office of the United Nations, New York, 1991).

(**) – белгілі бір көрсетілетін қызметтің КОП-тың тиісті кодымен қамтылған қызмет түрлерінің жалпы қатарының бір бөлігін ғана құрайтынын көрсетеді (MTN.GNS/W/120-да көрсетілгендей).

В қосымшасы

ҚАЗАҚСТАН РЕСПУБЛИКАСЫ

Міндеттемелер тізбесі

Түсіндірме жазба

1. Төменде келтірілген Міндеттемелер тізбесінде (бұдан әрі "осы Тізбе" деп аталады) Қазақстан Республикасы "Ұлттық режим" деген 20-бап пен "Құру және қызмет кезінде нарыққа қол жеткізу бойынша шектеулер" деген 21-бапқа сәйкес ерекшеліктер мен шектеулерді сақтайтын көрсетілетін қызметтер секторлары немесе кіші секторлары және экономикалық қызмет түрлері көрсетілген.

2. Осы Тізбе мынадай элементтерден тұрады:

"Деңгейлес шектеулер менерекшеліктер" деген I бөлімде:

Қазақстан Республикасы міндеттемелер қабылдайтын және осылайша осы Тізбеге енгізілген қызметтің барлық түрлеріне, сондай-ақ көрсетілетін қызметтердің секторлары мен кіші секторларына қатысты сақталатын деңгейлес шектеулер мен ерекшеліктертізбесі қамтылған.

"Көрсетілетін қызметтер саласындағы секторлық міндеттемелер" деген II бөлім, онда:

а) бірінші баған – Қазақстан Республикасы өзіне міндеттеме қабылдайтын көрсетілетін қызметтер секторын немесе кіші секторын көрсетеді;

b) екінші баған – 21-бапқа сәйкес нарыққа қол жеткізу бойынша шектеулерді сипаттайды;

c) үшінші баған – 20-бапқа сәйкес ұлттық режим бойынша шектеулерді сипаттайды;

d) төртінші баған ‒ қолданылатын жерінде шектеуді қолдану негіздерін көрсетеді.

3. Қазақстан Республикасы осы Тізбеде аталмаған көрсетілетін қызметтердің секторларындағы немесе кіші секторларындағы құру мен қызметке қатысты міндеттемелер қабылдамайды.

4. Осы Тізбе "Ұлттық режим" деген 20-бап пен "Құру және қызмет кезінде нарыққа қол жеткізу бойынша шектеулер" деген 21-бапқа сәйкес нарыққа қол жеткізуді шектеу болып табылмайтын біліктілік талаптары мен рәсімдерге, техникалық стандарттарға және лицензиялық талаптар мен рәсімдерге немесе ұлттық режимге қатысты шараларды қамтымайды. Бұл шаралар (мысалы, inter alia, лицензия алу, реттелетін секторлардағы біліктілікті тану, арнайы емтихандарды, оның ішінде тілге қатысты емтихандарды тапсыру және экономикалық қызмет жүзеге асырылатын аумақтан заңды мекенжай мен тұрғылықты жер алу қажеттігі), егер олар тіпті осы Тізбеде санамаланбаса да, кез келген жағдайда құру мен қызметке қатысты қолданылады.

5. Осы Тізбеде ешнәрсе де Қазақстан Республикасының осы Тізбеде аталған көрсетілетін қызметтер секторларында немесе кіші секторларында, сондай-ақ экономикалық қызмет түрлерінде субсидиялар беру немесе кез келген мемлекеттік қолдау шараларын қолдану құқығына кедергі келтірмейді.

6. "Қолдану аясы" деген 18-баптың 2-тармағына сәйкес осы Тізбе:

ГАТС-тың XIII бабына сәйкес түсінілетін мемлекеттік сатып алуға;

мемлекеттік билік функцияларын орындау үшін көрсетілетін қызметтер мен жүзеге асырылатын қызметке қолданылмайды.

8. Осы Тізбеде:

жұлдызша (*) "бөлік" дегенді білдіреді;

көрсетілетін қызметтер секторларына/кіші секторларына қатысты жақшада көрсетілген КОП кодтары БҰҰ-ның Негізгі өнімнің алдын ала жіктеуішіне сілтемелер болып табылады (Statistical Papers Series M No. 77, Provisional Central Product Classification, Department of International Economics and Social Affairs, Statistical Office of the United Nations, New York, 1991).

екі жұлдызша (**) – белгілі бір көрсетілетін қызметтің КОП-тың тиісті кодымен қамтылған қызмет түрлерінің жалпы қатарының бір бөлігін ғана құрайтынын көрсетеді (MTN.GNS/W/120-да көрсетілгендей).

Г қосымшасы

ҚАЗАҚСТАН РЕСПУБЛИКАСЫ

Жеке тұлғалардың кіруі және уақытша болуы бойынша міндеттемелер тізбесі

Түсіндірме жазба

1. Төменде келтірілген Жеке тұлғалардың кіру және уақытша болу бойынша міндеттемелер тізбесінде (бұдан әрі "осы Тізбе" деп аталатды) Қазақстан Республикасы "Ұлттық режим" деген 25-бап пен "Нарыққа қол жеткізу" деген 26-бапқа сәйкес ырықтандыру бойынша міндеттемелер, сондай-ақ осы көрсетілетін қызметтер секторларында немесе кіші секторларында жеке тұлғалардан санаттарына тиісті шектеулер қолданатын көрсетілетін қызметтер секторлары немесе кіші секторлары көрсетілген.

2. Қазақстан Республикасы осы Тізбеде аталмаған көрсетілетін қызметтер секторларына немесе кіші секторларына, сондай-ақ жеке тұлғалар санаттарына қатысты міндеттемелер қабылдамайды.

3. Қазақстан Республикасы осы Тізбеде көрсетілмегеніне қарамастан, тауарлар өндіруге байланысты экономикалық қызметтің барлық түріне қатысты міндеттемелер қабылдайды.

4. Осы Тізбе "Ұлттық режим" деген 25-бап пен "Нарыққа қол жеткізуді шектеулер" деген 26-бапқа сәйкес нарыққа қол жеткізуді шектеу болып табылмайтын біліктілік талаптары мен рәсімдерге, техникалық стандарттарға және лицензиялық талаптар мен рәсімдерге немесе ұлттық режимге қатысты шараларды қамтымайды. Бұл шаралар (мысалы, inter alia, лицензия алу, реттелетін секторлардағы біліктілікті тану, арнайы емтихандарды, оның ішінде тілге қатысты емтихандарды тапсыру және экономикалық қызмет жүзеге асырылатын аумақтан заңды мекенжай мен тұрғылықты жер алу қажеттігі), егер олар тіпті төменде санамаланбаса да, кез-келген жағдайда осы Тізбеде көрсетілген жеке тұлғалар санаттарына қолданылады.

5. Осы Тізбеде ешнәрсе де Қазақстан Республикасының осы Тізбеде аталған көрсетілетін қызметтер секторларына немесе кіші секторларына, сондай-ақ жеке тұлғалар санаттарына қатысты субсидиялар беру немесе кез келген мемлекеттік қолдау шараларын қолдану құқығына кедергі келтірмейді

6. Осы Тізбе:

ГАТС-тың XIII бабына сәйкес түсінілетін мемлекеттік сатып алуға;

мемлекеттік билік функцияларын орындау үшін ұсынылатын қызметтер мен жүзеге асырылатын қызметке қолданылмайды.

7. Визалық рәсімдерді қоса алғанда, кіруге, уақытша болуға, еңбекке және әлеуметтік қамсыздандыру шараларына қатысты Қазақстан Республикасының нормативтік құқықтық актілерінің барлық талаптары болу мерзіміне, ең төмен жалақыға, сондай-ақ жалақы туралы ұжымдық келісімдерге қатысты ережелерді қоса алғанда, егер олар төменде санамаланбаса да де, бұрынғысынша қолданылады.

8. Осы Тізбеде:

жұлдызша (*) "бөлік" дегенді білдіреді;

көрсетілетін қызметтер секторларына/кіші секторларына қатысты жақшада көрсетілген КОП кодтары БҰҰ-ның Негізгі өнімнің алдын ала жіктеуішіне сілтемелер болып табылады (Statistical Papers Series M No. 77, Provisional Central Product Classification, Department of International Economics and Social Affairs, Statistical Office of the United Nations, New York, 1991).(**) – белгілі бір көрсетілетін қызметтің КОП-тың тиісті кодымен қамтылған қызмет түрлерінің жалпы қатарының бір бөлігін ғана құрайтынын көрсетеді (MTN.GNS/W/120-да көрсетілгендей).

А қосымшасы

ҚЫРҒЫЗ РЕСПУБЛИКАСЫ

14, 19 және 24-баптарға қатысты барынша қолайлылық режимінен ерекшеліктер тізбесі

Түсіндірме жазба

1. 14, 19 және 24-бапта рға қатысты барынша қолайлылық режимінен ерекшеліктердің төменде келтірілген (бұдан әрі "осы Тізбе" деп аталатын) тізбесінде Қырғыз Республикасы осы Тізбеде санамаланған көрсетілетін қызметтер секторларында немесе кіші секторларында, сондай-ақ экономикалық қызмет түрлерінде сақталатын барынша қолайлы режимнен ерекшеліктер көрсетілген.

2. Осы Тізбеде аталмаған, көрсетілетін қызметтер секторларында немесе кіші секторларында, сондай-ақ экономикалық қызметтің өзге де түрлерінде Қырғыз Республикасы барынша қолайлы режимді қолданады.

3. Осы Тізбеде 14, 19 және 23-бапта рға сәйкес барынша қолайлылық режимді бұзудың салдары болып табылмайтын біліктілік талаптары мен рәсімдеріне, техникалық стандарттарға және лицензиялық талаптар мен рәсімдерге қатысты шаралар қамтылмайды. Бұл шаралар (мысалы, inter alia, лицензия алу, реттелетін секторлардағы біліктілікті тану, тілдік емтихандарды қоса алғанда арнайы емтихандарды тапсыру және экономикалық қызмет жүзеге асырылатын аумақтан заңды мекенжай мен тұрғылықты жерді алу қажеттігі), егер бұлар осы Тізбеде санамаланбаса да, кез келген жағдайда қолданылады.

Б қосымшасы

ҚЫРҒЫЗ РЕСПУБЛИКАСЫ

"Трансшекаралық көрсетілетін қызметтер саудасы" деген II тарауға сәйкес міндеттемелер тізбесі

Түсіндірме жазба

1. "Трансшекаралық көрсетілетін қызметтер саудасы" деген II тарауға сәйкес төменде келтірілген міндеттемелер тізбесінде (бұдан әрі "осы Тізбе" деп аталатын) Қырғыз Республикасы "Ұлттық режимнің шектеулері" деген 15-бап пен "Нарыққа қол жеткізуді шектеулер" деген 16-бапта рға сәйкес ырықтандыру бойынша міндеттемелер, сондай-ақ осы көрсетілетін қызметтер секторларында немесе кіші секторларында қолданылатын тиісті шектеулер қабылдайтын көрсетілетін қызметтер секторлары немесе кіші секторлары көрсетілген.

2. Қырғыз Республикасы осы Тізбеде аталмаған, көрсетілетін қызметтер секторларына немесе кіші секторларына қатысты міндеттемелерді қабылдамайды.

3. Осы Тізбеде "Ұлттық режимнің шектеулері" деген 15-бап пен "Нарыққа қол жеткізуді шектеулер" деген 16-бапта рға сәйкес нарыққа қол жеткізуді шектеу болып табылмайтын біліктілік талаптары мен рәсімдерге, техникалық стандарттарға және лицензиялық талаптар мен рәсімдерге немесе ұлттық режимге қатысты шаралар қамтылмайды. Бұл шаралар (мысалы, inter alia, лицензия алу, реттелетін секторлардағы біліктілікті тану, тілдік емтихандарды қоса алғанда арнайы емтихандарды тапсыру және экономикалық қызмет жүзеге асырылатын аумақтан заңды мекен-жай мен тұрғылықты жерді алу қажеттігі), егер олар төменде санамаланбаса да, кезкелген жағдайда осы Тізбеде көрсетілген көрсетілетін қызметтер секторларына немесе кіші секторларына қолданылады.

4. Осы Тізбеде ешнәрсе де Қырғыз Республикасының "Қолданылу аясы" деген 13-баптың 2-тармағында көрсетілген шараларды қолдану құқығына кедергі келтірмейді.

5. Осы Тізбеде көрсетілетін қызметтер секторларына/кіші секторларына қатысты жақшада көрсетілген СРС кодтары БҰҰ-ның Негізгі өнімнің алдын ала сыныптауышына (Statistical Papers Series M No. 77, Provisional Central Product Classification, Department of International Economics and Social Affairs, Statistical Office of the United Nations, New York, 1991) сілтемелер болып табылады.

"Трансшекаралық көрсетілетін қызметтер саудасы" деген II тарауға сәйкес міндеттемелер тізбесі

В қосымшасы

ҚЫРҒЫЗ РЕСПУБЛИКАСЫ

"Құрылуы және қызметі" деген IІI тарауға қатысты міндеттемелер тізбесі

1. Төменде келтірілген Міндеттемелер тізбесінде (бұдан әрі "осы Тізбе" деп аталатын) Қырғыз Республикасы "Ұлттық режим" деген 20-бапқа сәйкес ерекшеліктер мен шектеулерді және "Құрылуы және қызмет3 кезінде нарыққа қол жеткізу жөніндегі шектеулер" деген 21-бапқа сәйкес шектеулерді сақтайтын көрсетілетін қызметтер секторлары немесе кіші секторлары және экономикалық қызмет түрлері көрсетілген.

2. Осы Тізбе мынадай элементтерден тұрады:

I бөлім "Деңгейлес міндеттемелер", онда:

а) бірінші баған – "Секторлық міндеттемелер" деген бөлімде осы Тізбеге енгізілген көрсетілетін қызметтердің барлық секторлары мен кіші секторларына қатысты ерекшеліктер мен шектеулерді, сондай-ақ қызметтің барлық түрлеріне (экономиканың қызметтік емес секторларынан басқа) қатысты міндеттемелерден ерекшеліктер мен шектеулерді сипаттайды;

b) екінші баған – құру және қызмет кезінде нарыққа қол жеткізу жөніндегі шектеулерді сипаттайды;

c) үшінші баған – ұлттық режимнен шектеулер мен ерекшеліктер сипаттайды;

II бөлім "Секторлық міндеттемелер", онда:

а) бірінші баған – Қырғыз Республикасы нарыққа қол жеткізу немесе ұлттық режим бойынша өзіне міндеттемелер алатын көрсетілетін қызметтер секторын немесе кіші секторын көрсетеді;

b) екінші баған – құру және қызмет кезінде нарыққа қол жеткізу жөніндегі міндеттемелерді сипаттайды;

с) үшінші баған ұлттық режимді ұсыну жөніндегі міндеттемелерді сипаттайды.

3. Қырғыз Республикасы осы Тізбеде аталмаған көрсетілетін қызметтер секторларындағы немесе кіші секторларындағы құру мен қызметке қатысты міндеттемелер қабылдамайды.

4. Осы Тізбеде "Ұлттық режимнің шектеулері" деген 20 және "Нарыққа қол жеткізуді шектеулер" деген 21-бапта рға сәйкес нарыққа қол жеткізуді шектеу болып табылмайтын біліктілік талаптары мен рәсімдерге, техникалық стандарттарға және лицензиялық талаптар мен рәсімдерге немесе ұлттық режимге қатысты шаралар қамтылмайды. Бұл шаралар (мысалы, inter alia, лицензия алу, реттелетін секторлардағы біліктілікті тану, тілдік емтихандарды қоса алғанда арнайы емтихандарды тапсыру және экономикалық қызмет жүзеге асырылатын аумақтан заңды мекенжай мен тұрғылықты жерді алу қажеттігі), егер олар осы Тізбеде санамаланбаса да, кезкелген жағдайда құру мен қызметке қатысты қолданылады.

5. Осы Тізбеде ешнәрсе де Қырғыз Республикасының "Қолданылу аясы" деген 18-баптың 2-тармағында көрсетілген шараларды қолдануына кедергі келтірмейді.

"Құрылуы және қызметі" деген IІI тарауға қатысты міндеттемелер тізбесі