Созақ ауданының жайылымдарды басқару және оларды пайдалану жөніндегі 2025-2029 жылдарға арналған жоспарын бекіту туралы

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 6 бабының 1 тармағының 15) тармақшасына және «Жайылымдар туралы» Қазақстан Республикасының Заңының 8 бабының 1) тармақшасына сәйкес, Созақ аудандық мәслихаты ШЕШІМ ҚАБЫЛДАДЫ:

1. Созақ ауданының жайылымдарды басқару және оларды пайдалану жөніндегі 2025-2029 жылдарға арналған жоспары қосымшаға сәйкес бекітілсін.

2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Созақ аудандық мәслихатының төрағасы

О.Жәмиев

Созақ аудандық мәслихатының

2025 жылғы 22 сәуірдегі

№189 шешімімен бекітілген

Созақ ауданы бойынша жайылымдарды басқару және оларды пайдалану жөніндегі 2025-2029 жылдарға арналған жоспары

Осы Созақ ауданы бойынша жайылымдарды басқару және оларды пайдалану жөніндегі 2025-2029 жылдарға арналған жоспар (бұдан әрі-жоспар) Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы», 2017 жылғы 20 ақпандағы № 47-VІ «Жайылымдар туралы», Қазақстан Республикасының 2010 жылғы 19 наурыздағы № 257-IV «Мемлекеттік статистика туралы»Заңдарына және Қазақстан Республикасы Ауыл шаруашылығы министрінің 2024 жылғы 29 шілдедегі №263 «Жайылымдарды басқару және оларды пайдалану жөніндегі үлгілік жоспарды бекіту туралы» (Нормативтік құқықтық актілерді мемлекеттік тіркеу тізілімінде № 34831 болып тіркелген) бұйрығына, Қазақстан Республикасы Ауыл шаруашылығы министрінің 2015 жылғы 14 сәуірдегі №3-3/332 «Жайылымдардың жалпы алаңына түсетін жүктеменің шекті рұқсат етілетін нормасын бекіту туралы» (Нормативтік құқықтық актілерді мемлекеттік тіркеу тізілімінде 11064 нөмірімен тіркелген) бұйрығына сәйкес әзірленді.

Жоспар жайылымдарды ұтымды пайдалану, азыққа деген қажеттілікті орнықты қамтамасыз ету және жайылымдардың тозу процестерін болдырмау мақсатында қабылданады.

3. Жоспар мазмұны:

1)Созақ ауданының барлық жер көлемі 4 104940 гектарды құрайды. Барлық ауыл шаруашылығы алқаптарының жиынтығы 3 522 222 гектар, оның ішінде егістік жерлер 14576 гектар, суармалы егістік 8297 гектар, тәліми 6279 гектар, көп жылдық ағашты өсімдіктер 337 гектар, шабындық жерлер 11773 гектар, жайылымдық 3 493 657 гектар.

Жер санаттары бойынша:

ауыл шаруашылық мақсаттары бойынша пайдаланатын жерлері 831 581гектар;

елді мекендердің жерлері 261 296 гектар;

өнеркәсіп, көлік байланыс, қорғаныс және ауыл шаруашылық емес басқа мақсаттарда пайдаланатын жерлер 84157 гектар:

ерекше қорғаудағы табиғи аумақтардың жерлері 799 гектар;

орман қорының жерлері 1034898 гектар, оның ішінде жайылымы 649637 гектар;

су қорының жерлері 3245 гектар.

Ауыл шаруашылығы:1-қосымша нысанына сәйкес;

Ауданның ауыл шаруашылығы алқаптарының жиынтығы 3 522 222 гектар. Оның ішінде егістік жерлер 14576 гектар, суармалы егістік 8297 гектар, тәліми 6279 гектар, көп жылдық екпелер 337 гектар, шабындық жерлер 11773 гектар, тыңайған жерлер 1879 гектар жайылымдық 3 493 899 гектар.

Созақ ауданы бойынша ірі қара мал – 38946, қой-ешкі – 234817, жылқы – 31391, түйе- 12927, құс – 37501 басты құрайды.

2). «Қазақстан Республикасы табиғи жем-шөп алқаптарының ірі масштабты (1:1000 – 1:100000) геоботаникалық іздестірулерін жүргізу жөніндегі әдістемені бекіту туралы" Қазақстан Республикасы Ауыл шаруашылығы министрінің 2022 жылғы 3 қазандағы № 314 бұйрығына (Нормативтік құқықтық актілерді мемлекеттік тіркеу тізілімінде № 30043 болып тіркелген) геоботаникалық зерттеп-қараудың мәліметтері 2-қосымша нысанына сәйкес; ветеринариялық-санитариялық мекемелер туралы мәліметтер, иелерін-жайылым пайдаланушыларды, жеке және (немесе) заңды тұлғаларды көрсете отырып, ауыл шаруашылығы жануарлары мал басының саны туралы деректер, ауыл шаруашылығы жануарларының түрлері мен жыныстық жас топтары бойынша қалыптастырылған үйірлердің, отарлардың, табындардың саны туралы деректер, шалғайдағы жайылымдарда жаю үшін ауыл шаруашылығы жануарларының мал басын қалыптастыру туралы мәліметтер, екпе және аридтік жайылымдарда ауыл шаруашылығы жануарларын жаю ерекшеліктері, малды айдап өтуге арналған сервитуттар туралы деректер, мемлекеттік органдар, жеке және (немесе) заңды тұлғалар берген өзге де деректер ескеріле отырып қабылданды.

3). Қазақстан Республикасы Ауыл шаруашылығы министрінің 2020 жылғы 3 ақпандағы № 35 бұйрығымен (Нормативтік құқықтық актілерді мемлекеттік тіркеу тізілімінде № 19987 болып тіркелген) бекітілген Мал қорымдарының (биотермиялық шұңқырлардың) тізілімін жүргізу қағидаларына сәйкес қалыптастырылған мал қорымдары (биометриялық шұңқырлар) туралы мәліметтер:биотермиялық шұңқырлар саны-15, ауданы бойынша сібір жарасы көмінділері саны-9 олардың әк қайсысы координаттары бойынша шығысында және ауданның батыс бөлігінде орналасқан.

4).Жайылымдық инфрақұрылым объектілерін дамыту және реконструкциялау жөніндегі жоспар негізіндежайылымдық инфрақұрылым объектілері – құрылыстар, көпірлер, жолдар -120-150 километр, суландыру құрылыстары (ұңғымалар, құбырлы және шахталы құдықтар, апандар)- 253 ұзындығы 32000 километр, мал айдайтын жолдар, малды аялдатуға арналған алаңдар мен суат алаңдары-1 алаңы 2000 шаршы метр, қойларды тоғытуға арналған ыдыстар, қоралар және қоршалған жерлер, жайылымдардың қоршаулары, шарбақтар (оның ішінде электрлі шарбақтар), ауыл шаруашылығы жануарларын қоршап-бөлшектеп жаюға арналған қашалар-5 ұзындыңы 40-90 км алаңы 550000 шаршы метр, ауыл шаруашылығы жануарларын ветеринариялық емдеуге арналған өткелектер-19, электр және жылу энергиясымен қамтамасыз етуге арналған құрылыстар мен объектілер, жаңартылатын және баламалы энергия көздері пайдаланылатын объектілер, сумен жабдықтау объектілері және тіршілікті қамтамасыз етудің басқа да түрлері, персоналдың маусымдық тұруына арналған құрылыстар және жайылымдарды күтіп-ұстау мен пайдалану үшін қажетті өзге де мүлік бойынша жұртшылық шаруашылық малдарына қызмет көрсететін ұсақ малдарды шомылдыру орындары-20, жасанды ұрықтандыру пунктері-14;

4. Жоспардың қосымшалары:

1) құқық белгілейтін құжаттар негізінде жер санаттары, жер учаскелерінің меншік иелері және жер пайдаланушылар бөлінісінде әкімшілік-аумақтық бірлік аумағында жайылымдардың орналасу схемасы (картасы);

2) жайылым айналымдарының қолайлы схемалары;

3) жайылымдардың, оның ішінде маусымдық жайылымдардың сыртқы және ішкі шекаралары мен алаңдары, жайылымдық инфрақұрылым объектілері белгіленген картасы;

4) жайылым пайдаланушылардың су тұтыну нормасына сәйкес жасалған су көздерiне (көлдерге, өзендерге, тоғандарға, апандарға, суару немесе суландыру каналдарына, құбырлы немесе шахталы құдықтарға) қол жеткізу схемасы;

5) жайылымы жоқ жеке және (немесе) заңды тұлғалардың ауыл шаруашылығы жануарларының мал басын орналастыру үшін жайылымдарды қайта бөлу және оны берілетін жайылымдарға ауыстыру схемасы;

6) ауылдық округ маңында орналасқан жайылымдармен қамтамасыз етілмеген жеке және (немесе) заңды тұлғалардың ауыл шаруашылығы жануарларының мал басын шалғайдағы жайылымдарға орналастыру схемасы;

7) ауыл шаруашылығы жануарларын жаюдың және айдаудың маусымдық маршруттарын белгілейтін жайылымдарды пайдалану жөніндегі күнтізбелік графигі;

8) тиісті әкімшілік-аумақтық бірлікте жайылымдарды ұтымды пайдалану үшін қажетті өзге де талаптарды қамтуға тиіс. 

Әкімшілік-аумақтық бөлініс бойынша Созақ ауданында 10 ауылдық округтер мен 2 кенттер (Шолаққорған, Жартытөбе, Таукент, Сызған, Қарақұр, Қаратау, Тасты, Шу, Құмкент, Жуантөбе, Қыземшек, Созақ), 35 ауылдық елді-мекендер орналасқан.

Мазмұны:

1 Табиғаты

2 Климаты

3 Гидрографиясы

4 Ауыл шаруашылығы

Табиғаты:

Созақ ауданы, Түркістан облысының солтүстік аумағында орналасқан және территориялық аймақ бойынша 3 облыс, 2 ауданмен шектеседі. Шекарасының жалпы ұзындығы 1255 шақырымнан астам, оның барлығы құрлық арқылы өтеді. Солтүстігінде Қарағанды облысымен 95 шақырым, Оңтүстігінде Бәйдібек және Түркістан аудандарымен 220 шақырым, ал батысында Қызылорда облысымен 365 шақырым, шығысында Жамбыл облысымен шектеседі.

Климаты:

Климаты тым континенттік. Қысы солтүстігінде суық, оңтүстігінде біршама жылы. Жазы ыстық, қуаң аңызақты. Қаңтар айының жылдық орташа температурасы (7-12°С), шілдеде (24-27°С). Жауын шашынның жылдық орташа мөлшері 150-200 мм.

Гидрографиясы:

Созақ ауданында 14 су қоймасы, 22 канал бар. Созақ ауданындағы ауылдық және поселкелік округтері бойынша мал басының саны, табиғи жайылымының көлемі және табиғи жайылымды қажет ететін көлемі туралы мәлімет:

Қосымшада ауыл округтері мен кенттер бөлінісінде мәліметтер, схемалар мен карталар:

1-қосымша – Шолаққорған ауыл округі

2-қосымша – Жартытөбе ауыл округі

3-қосымша – Таукент кенті

4-қосымша – Сызған ауыл округі

5-қосымша – Қарақұр ауыл округі

6-қосымша – Қаратау ауыл округі

7-қосымша – Тасты ауыл округі

8-қосымша – Шу ауыл округі

9-қосымша – Құмкент ауыл округі

10- қосымша – Жуантөбе ауыл округі

11-қосымша – Қыземшек кенті

12-қосымша – Созақ ауыл округі

Жайылымдарды басқару және

оларды пайдалану жөніндегі

жоспардың 1-қосымшасының 1-кесте

Созақ ауданы жайылымдарын жерлердің санаттары бойынша бөлу, мың гектар