Мемлекеттік театрлар мен концерттік ойын-сауық ұйымдарының сахналық қойылым құралдарын есепке алу, беру және есептен шығару нұсқаулығын бекiту туралы

«Мәдениет туралы» Қазақстан Республикасының Заңының 7-бабы 35-15) тармақшасына және «Қазақстан Республикасының Мәдениет және ақпарат министрлігінің кейбір мәселелері туралы» Қазақстан Республикасы Үкіметінің 2023 жылғы 4 қазандағы № 866 қаулысымен бекітілген Қазақстан Республикасының Мәдениет және ақпарат министрлігі туралы ереженің 15-тармағының 344) тармақшасына сәйкес, БҰЙЫРАМЫН:

1. Қоса беріліп отырған Мемлекеттік театрлар мен концерттік ойын-сауық ұйымдарының сахналық қойылым құралдарын есепке алу, беру және есептен шығару нұсқаулығы бекітілсін.

2. Мыналардың:

1) «Мемлекеттік театрлар мен концерттік ойын-сауық ұйымдарының сахналық қойылым құралдарын есепке алу, беру және есептен шығару нұсқаулығын бекiту туралы» Қазақстан Республикасы Мәдениет және спорт министрінің 2015 жылғы 10 желтоқсандағы № 388 бұйрығының (Нормативтік құқықтық актілерді мемлекеттік тіркеу тізілімінде № 12630 болып тіркелген);

2) «Мемлекеттік театрлар мен концерттік ойын-сауық ұйымдарының сахналық қойылым құралдарын есепке алу, беру және есептен шығару нұсқаулығын бекiту туралы» Қазақстан Республикасы Мәдениет және спорт министрінің 2015 жылғы 10 желтоқсандағы № 388 бұйрығына өзгерістер енгізу туралы» Қазақстан Республикасы Мәдениет және ақпарат министрінің 2025 жылғы 17 қаңтардағы № 15-НҚ бұйрығының (Нормативтік құқықтық актілерді мемлекеттік тіркеу тізілімінде № 35653 болып тіркелген) күші жойылды деп танылсын.

2. Қазақстан Республикасы Мәдениет және ақпарат министрлігінің Мәдениет комитеті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты ресми жарияланғаннан кейін Қазақстан Республикасы Мәдениет және ақпарат министрлігінің интернет-ресурсында орналастыруды;

3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Мәдениет және ақпарат министрлігінің Заң департаментіне ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Мәдениет және ақпарат вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Мәдениет және ақпарат министрі

А. Балаева

«КЕЛІСІЛДІ»

Қазақстан Республикасының

Қаржы министрлігі

Қазақстан Республикасының

Мәдениет және ақпарат министрі

2025 жылғы 11 сәуірдегі

№ 157-НҚ бұйрығымен

бекітілген

Мемлекеттік театрлар мен концерттік ойын-сауық ұйымдарының сахналық-қойылым құралдарын есепке алу, беру және есептен шығару нұсқаулығы

1-тарау. Жалпы ережелер

1. Осы мемлекеттік театрлар мен концерттік ойын-сауық ұйымдарының сахналық-қойылым құралдарын есепке алу, беру және есептен шығару нұсқаулығы (бұдан әрі – Нұсқаулық) «Мәдениет туралы» Қазақстан Республикасының Заңының 7-бабы 35-15) тармақшасына және «Қазақстан Республикасының Мәдениет және ақпарат министрлігінің кейбір мәселелері туралы» Қазақстан Республикасы Үкіметінің 2023 жылғы 4 қазандағы № 866 қаулысымен бекітілген Қазақстан Республикасының Мәдениет және ақпарат министрлігі туралы ереженің 15-тармағының 344) тармақшасына сәйкес әзірленді және мемлекеттік театрлар мен концерттік ойын-сауық ұйымдарының (бұдан әрі – мәдениет ұйымдары) сахналық-қойылым құралдарын (бұдан әрі – сахналық-қойылым құралдары) есепке алу, беру және есептен шығаруды нақтылайды.

2. Cахналық-қойылым құралдары спектакльдердердің, концерттік бағдарламалардың, көріністердің материалдық безендіру заттарынан тұрады.

2-тарау. Сахналық-қойылым құралдарын есепке алу

3. Сахналық-қойылым құралдарын есепке алу бірлікпен өлшенеді.

4. Сахналық-қойылым құралдарын есепке алу мәдениет ұйымының тиісті құрылымдық бөлімдеріндегі материалдық жауапты тұлғамен және бухгалтерлік қызметпен (бұдан әрі – материалдық жауапты тұлға) жүргізіледі.

5. Сахналық-қойылым құралдарын есепке алу сахналық-қойылым құралдарының түсу есебін және түгендеу есебін алу жолымен жүргізіледі.

6. Сахналық-қойылым құралдарының түсуін есепке алуға келесі рәсімдер кіреді:

1) сахналық-қойылым құралдарын қабылдау. Қабылдау барысында ақаулардың, зақым келуінің бар-жоқтығы тексеріледі және осы Нұсқаулықтың 1-қосымшасы на сәйкес нысанда cахналық-қойылым құралдарын тұрақты қолдануға қабылдау актісі жасалады.

Cахналық-қойылым құралдарын тұрақты қолдануға қабылдау актісі екі данада жасалып, бір данасы сахналық-қойылым құралдарын жинақтайтын құрылымдық бөлімде қалады, басқа данасы мәдениет ұйымының бухгалтериясына беріледі;

2) осы Нұсқаулықтың 2-қосымшасына сәйкес жасалған нысанда сахналық-қойылым құралдарын түсім кітабына енгізу (бұдан әрі - түсім кітабы). Түсім кітабына жеке ерекшелігі көрсетілген әр сахналық-қойылым құралы туралы мәлімет енгізіледі және аталған сахналық-қойылым құралын пайдаланатын мәдениет ұйымының құрылымдық бөлімінің қысқартылған атауы (аббревиатура), реттік санынан тұратын шифр беріледі.

3) шифр беру.

7. Сахналық-қойылым құралдарын есепке алу осы Нұсқаулықтың 3-қосымшасына сәйкес жасалған нысанда cахналық-қойылым құралдарының есеп кітабын жүргізу (бұдан әрі – есеп кітабы) және әр сахналық-қойылым құралына түгендеу нөмірін беру кіреді.

Сахналық-қойылым құралына шифр және түгендеу нөмірі бояу қолданылып енгізіледі (жууға және химиялық әсерге төзімді) немесе сахналық-қойылым құралдарының көрермендерге көрінбейтін жеріне жіппен тігіледі.

8. Түсім кітабы мен есеп кітабы толтырылардың алдында бауланады, парақтары нөмірленеді, мәдениет ұйымының басшысымен және материалдық жауапты тұлғамен қол қойылады және мәдениет ұйымының мөрі басылады.

9. Уақытша пайдаланылғаннан кейін мәдениет ұйымына қайта түскен сахналық-қойылым құралдарына жаңа шифр мен түгендеу нөмірі берілмейді, түсім кітабына жазбалар енгізіледі (түскен күні, сахналық-қойылым құралының сақталу жағдайының сипаттамасы).

3-тарау. Сахналық-қойылым құралдарын беру және есептен шығару

10. Ағымдағы репертуарда пайданылмайтын сахналық-қойылым құралдары басқа мемлекеттік мәдениет ұйымдарына, мемлекеттік мекемелерге және оқу орындарына тегін беріледі.

11. Сахналық-қойылым құралдарын беру осы Нұсқаулықтың 4-қосымшасына сәйкес нысанда cахналық-қойылым құралдарын тұрақты қолдануға қабылдап алу-беру актісіне сәйкес ресімделеді.

12. Сахналық-қойылым құралдарын есептен шығару келесі жағдайда жүргізіледі:

1) осы Нұсқаулықтың 10-тармағына сәйкес тегін беру;

2) сахналық-қойылым құралдарының физикалық немесе моральдық тозуынан жарамсыз болуы, дүлей зілзалалар мен авариялар салдарынан оны қайта қалпына келтіру экономикалық тұрғыдан мақсатқа сай емес және (немесе) мүмкін болмауы.

Cахналық-қойылым құралдарын есептен шығару осы Нұсқаулықтың 5-қосымшасына сәйкес нысанда сахналық-қойылым құралдарын істен шығару (есептен шығару) актісіне сәйкес ресімделеді.

13. Дүлей зілзалалар мен авариялар салдарынан, физикалық немесе моральдық тозуынан жарамсыз болған сахналық-қойылым құралдарының бұзылуын және жойылуын ресімдеу «Дүлей зілзалалар мен авариялар салдарынан физикалық немесе моральдық тозуынан жарамсыз болған мемлекеттік мүліктің жекелеген түрлерінің бұзылуын және жойылуын ресімдеу қағидасын бекіту туралы» Қазақстан Республикасы Премьер-Министрінің орынбасары – Қаржы министрінің 2023 жылғы 29 маусымдағы № 721 бұйрығымен (Нормативтік құқықтық актілерді мемлекеттік тіркеу тізілімінде № 33019 болып тіркелген) бекітілген Дүлей зілзалалар мен авариялар салдарынан физикалық немесе моральдық тозуынан жарамсыз болған мемлекеттік мүліктің жекелеген түрлерінің бұзылуын және жойылуын ресімдеу қағидасына сәйкес жүзеге асырылады.

Мемлекеттік театрлар мен концерттік

ойын-сауық ұйымдарының сахналық-

қойылым құралдарын есепке алу, беру

және есептен шығару нұсқаулығына

1-қосымша

Нысан

«Бекітемін»

Директор

_____________________________

(мәдениет ұйымының толық атауы)

20 жылғы «___»_________

САХНАЛЫҚ-ҚОЙЫЛЫМ ҚҰРАЛДАРЫН ТҰРАҚТЫ ҚОЛДАНУҒА ҚАБЫЛДАУ АКТІСІ №

Осы акт 20______ жылдың « » ______ екі данада жасалды.

__________________________________________________________________________ (мәдениет ұйымының атауы)

__________________________________________________________________________ (аты-жөні, әкесінің аты (бар болса) (бұдан әрі – аты-жөні), қызметі)

қабылдады,

__________________________________________________________________________ (құрылымдық бөлімнің атауы)

__________________________________________________________________________ (аты-жөні, қызметі)

келесі сахналық-қойылым құралдары тұрақты қолдануға берілді

Мемлекеттік театрлар мен концерттік

ойын-сауық ұйымдарының сахналық-

қойылым құралдарын есепке алу, беру

және есептен шығару нұсқаулығына

2-қосымша

Нысан

_____________________________

(мәдениет ұйымының толық атауы)

САХНАЛЫҚ-ҚОЙЫЛЫМ ҚҰРАЛДАРЫНЫҢ ТҮСІМ КІТАБЫ

Мемлекеттік театрлар мен концерттік

ойын-сауық ұйымдарының сахналық-

қойылым құралдарын есепке алу, беру

және есептен шығару нұсқаулығына

3-қосымша

Нысан

_____________________________

(мәдениет ұйымының толық атауы)

САХНАЛЫҚ-ҚОЙЫЛЫМ ҚҰРАЛДАРЫНЫҢ ЕСЕП КІТАБЫ

Мемлекеттік театрлар мен концерттік

ойын-сауық ұйымдарының сахналық-

қойылым құралдарын есепке алу, беру

және есептен шығару нұсқаулығына

4-қосымша

Нысан

«Бекітемін»

Директор

_____________________________

(мәдениет ұйымының толық атауы)

20___жылғы « » ____________

САХНАЛЫҚ-ҚОЙЫЛЫМ ҚҰРАЛДАРЫН ТҰРАҚТЫ ҚОЛДАНУҒА ҚАБЫЛДАП АЛУ-БЕРУ АКТІСІ №

Осы акт 20 _____ жылдың « » _____________________ екі данада жасалды

__________________________________________________________________________ (тапсырушы ұйым/бөлімнің атауы)

__________________________________________________________________________ (аты-жөні, әкесінің аты (бар болса) (бұдан әрі – аты-жөні), қызметі)

келесі сахналық-қойылым құралдары тұрақты қолдануға берілді

__________________________________________________________________________ (қабылдаушы ұйымның атауы)

__________________________________________________________________________ (аты-жөні, қызметі)

қабылдады.

Акт бойынша барлығы: ____________________________ дана сахналық-қойылым құралдары берілді

Негіз: (күні, комиссия отырысының хаттамасы) _________________________________

Қоса берілетін құжаттар тізімі (бар болса): _____________________________________

Осы актіні жасаған тұлғалардың қолдары ______________________________________

(Аты-жөні, құжаттарды тапсырған тұлғалардың қолдары)

Мемлекеттік театрлар мен концерттік

ойын-сауық ұйымдарының сахналық-

қойылым құралдарын есепке алу, беру

және есептен шығару нұсқаулығына

5-қосымша

Нысан

«Бекітемін»

Директор

_____________________________

(мәдениет ұйымының толық атауы)

20 жылғы « » ____________

САХНАЛЫҚ-ҚОЙЫЛЫМ ҚҰРАЛДАРЫН ІСТЕН ШЫҒАРУ (ЕСЕПТЕН ШЫҒАРУ) АКТІСІ

Комиссия төрағасы ____________/_____________/_________________________ лауазымы аты-жөні қолы

Комиссия мүшелері: _________/______________/__________________________ лауазымы аты-жөні қолы

_________/____________________/___________________ лауазымы аты-жөні қолы

Материалдық жауапты тұлға __________/__________/______________________ лауазымы аты-жөні қолы

Сахналық-қойылым құралдарын есептен шығаруға байланысты шығындар туралы және есептен шығарудан түсетін қорлардың түсуі туралы мәліметтер