«Жоғары білімнің білім беру бағдарламаларын іске асыратын Қазақстан Республикасы Төтенше жағдайлар министрлігінің арнаулы оқу орнына оқуға қабылдау қағидаларын бекіту туралы» Қазақстан Республикасы Төтенше жағдайлар министрінің 2021 жылғы 14 қыркүйектегі № 445 бұйрығына өзгерістер мен толықтыру енгізу туралы

БҰЙЫРАМЫН:

1. «Жоғары білімнің білім беру бағдарламаларын іске асыратын Қазақстан Республикасы Төтенше жағдайлар министрлігінің арнаулы оқу орнына оқуға қабылдау қағидаларын бекіту туралы» Қазақстан Республикасы Төтенше жағдайлар министрінің 2021 жылғы 14 қыркүйектегі № 445 бұйрығына (Нормативтік құқықтық актілерді мемлекеттік тіркеу тізілімінде № 24401 болып тіркелген) мынадай өзгерістер мен толықтыру енгізілсін:

Аталған бұйрықпен бекітілген Қазақстан Республикасы Төтенше жағдайлар министрлігінің жоғары білім беру бағдарламаларын іске асыратын арнайы оқу орнына қабылдау қағидаларындағы:

10-тармақ мынадай редакцияда жазылсын:

«10. Қысқартылған оқу мерзімі бар білім беру бағдарламалары бойынша оқуға кандидаттың оқу істерін жұмыс орны бойынша кадр қызметі қалыптастырады және оқуға қабылдайтын жылдың 1 шілдесіне дейін ТЖМ-ның арнаулы оқу орнына жібереді.

Оқу істерінде, мыналар:

1) қызметкердің баянаты (еркін нысанда);

2) осы қағидаларға 1-қосымшаға сәйкес нысан бойынша, кадрларды есепке алу жөніндегі жеке парағы;

3) оқуға жіберу туралы ұсынымы бар қызметтік мінездеме (еркін нысанда);

4) жеке куәлігінің көшірмесі;

5) білімі туралы құжаттың көшірмесі;

6) мерзімді әскери қызмет өткерген және конкурстық іріктеуден өткен тұлғаларды қоспағанда, ҰБТ сертификаты;

7) өлшемі 3х4 см. алты фотосуреті болады.»;

13-тармақ мынадай редакцияда жазылсын:

«13. Қысқартылған оқу мерзімімен білім беру бағдарламалары бойынша оқуға кандидаттар әңгімелесуден өтеді.

Әңгімелесу Қазақстан Республикасының Конституциясын, «Құқық қорғау қызметі туралы», «Азаматтық қорғау туралы», «Қазақстан Республикасының мемлекеттік қызметі туралы», «Сыбайлас жемқорлыққа қарсы іс-қимыл туралы» Қазақстан Республикасының заңдарын, Қазақстан Республикасы Президентінің 2023 жылғы 2 қаңтардағы № 81 Жарлығымен бекітілген «Қазақстан Республикасының құқық қорғау органдары, азаматтық қорғау органдары және мемлекеттік фельдъегерлік қызметі қызметкерлерінің әдеп кодексін бекіту туралы» білуін тексеру үшін өткізіледі.

Қызметтегі АҚО қызметкерлері қатарынан оқуға кандидаттар медициналық куәландырудан және дене шынықтыру дайындығын тексеруден босатылады.

Мерзімді әскери қызмет өткерген және конкурстық іріктеуден өткен азаматтар қатарынан оқуға кандидаттар дене шынықтыру даярлығын тексеруден босатылады.»;

23-тармақ мынадай редакцияда жазылсын:

«23. Осы Қағидаларға 4-қосымшаға сәйкес спорттық жаттығулардың жекелеген түрлерін тапсыру жөніндегі ведомостердегі деректердің негізінде осы Қағидаларға 5-қосымшаға сәйкес нысан бойынша жиынтық ведомосі толтырылады, ол ТЖМ-ның арнаулы оқу орнының қабылдау комиссиясына ұсынылады.

Жиынтық ведомосте кандидаттың дене шынықтыру даярлығы жөніндегі нормативтерді тапсырғаны туралы мәліметтер қамтылады, олар кандидаттардың назарына жеткізіледі және ТЖМ арнаулы оқу орнының ақпараттық стендінде ілінеді, сондай-ақ кандидаттың соңғы норматив тапсырған күні ТЖМ арнаулы оқу орнының интернет-ресурсында орналастырылады.»;

30-тармақ мынадай редакцияда жазылсын:

«30. ТЖМ арнаулы оқу орнына қысқартылған мерзіммен білім беру бағдарламалары бойынша оқуға қабылдау әңгімелесу нәтижелері бойынша конкурс бойынша жүргізіледі.»;

2-қосымша осы бұйрыққа 1-қосымшаға сәйкес жаңа редакцияда жазылсын;

4-қосымша осы бұйрыққа 2-қосымшаға сәйкес жаңа редакцияда жазылсын;

6-қосымша осы бұйрыққа 3-қосымшаға сәйкес жаңа редакцияда жазылсын.

2. Қазақстан Республикасы Төтенше жағдайлар министрлігінің Кадр және тәрбие жұмысы департаменті Қазақстан Республикасының заңнамасында белгіленген тәртіпте:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Төтенше жағдайлар министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасы Төтенше жағдайлар вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Төтенше жағдайлар министрі

Ч. Аринов

Қазақстан Республикасының

Төтенше жағдайлар министрі

2025 жылғы 18 наурыздағы

№ 93

1 бұйрығына қосымша

Жоғары білімнің білім беру

бағдарламаларын іске асыратын

Қазақстан Республикасы

Төтенше жағдайлар министрлігінің

арнаулы оқу орнына оқуға

қабылдау қағидаларына

2-қосымша

Нысан

Қабылдау комиссиясының кандидаттарды курсанттар қатарына қабылдау туралы № ___ хаттамасы

Қазақстан Республикасының

Төтенше жағдайлар министрі

2025 жылғы 18 наурыздағы

№ 93

2 бұйрығына қосымша

Жоғары білімнің білім беру

бағдарламаларын іске асыратын

Қазақстан Республикасы

Төтенше жағдайлар министрлігінің

арнаулы оқу орнына оқуға

қабылдау қағидаларына

4-қосымша

Нысан

Спорттық жаттығулардың жекелеген түрлерін тапсыру жөніндегі ВЕДОМОСІ

Қазақстан Республикасының

Төтенше жағдайлар министрі

2025 жылғы 18 наурыздағы

№ 93

3 бұйрығына қосымша

Жоғары білімнің білім беру

бағдарламаларын іске асыратын

Қазақстан Республикасы

Төтенше жағдайлар министрлігінің

арнаулы оқу орнына оқуға

қабылдау қағидаларына

6-қосымша

Нысан

Апелляциялық комиссияның № ___ хаттамасы