Бөрлі ауданы бойынша 2025-2029 жылдарға арналған жайылымдарды басқару және оларды пайдалану жөніндегі жоспарын бекіту туралы

Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңына және Қазақстан Республикасының «Жайылымдар туралы» Заңына сәйкес Бөрлі аудандық мәслихаты ШЕШІМ ҚАБЫЛДАДЫ:

1. Осы шешімнің қосымшасына сәйкес Бөрлі ауданы бойынша 2025-2029 жылдарға арналған жайылымдарды басқару және оларды пайдалану жөніндегі жоспары бекітілсін.

2. Осы шешім алғашқы ресми жарияланған күнінен бастап қолданысқа енгізіледі.

Мәслихат төрағасы

К.Ермекбаев

Бөрлі аудандық мәслихатының

2025 жылғы «27» ақпандағы

№ 24-5 шешіміне қосымша

Бөрлі ауданы бойынша 2025-2029 жылдарға арналған жайылымдарды басқару және оларды пайдалану жөніндегі жоспары

Осы Бөрлі ауданы бойынша 2025-2029 жылдарға арналған жайылымдарды басқару және оларды пайдалану жөніндегі жоспары (бұдан әрі - Жоспар) Қазақстан Республикасының 2017 жылғы 20 ақпандағы «Жайылымдар туралы»Заңына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына, Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2017 жылғы 24 сәуірдегі №173 «Жайылымдарды ұтымды пайдалану қағидаларын бекіту туралы» бұйрығына (Нормативтік құқықтық актілерді мемлекеттік тіркеу тізілімінде №15090 тіркелген), Қазақстан Республикасы Ауыл шаруашылығы министрінің 2015 жылғы 14 сәуірдегі №3-3/332 «Жайылымдардың жалпы алаңына түсетін жүктеменің шекті рұқсат етілетін нормасын бекіту туралы» (Нормативтік құқықтық актілерді мемлекеттік тіркеу тізілімінде №11064 тіркелген) бұйрығына сәйкес әзірленді.

Жоспар жайылымдарды ұтымды пайдалану, жемшөпке қажеттілікті тұрақты қамтамасыз ету және жайылымдардың тозу процестерін болғызбау мақсатында қабылданады.

Жоспар мазмұны:

1) Өңірдің жер балансының және мемлекеттік жер кадастрының ақпараттық жүйесінің деректері

2) Жайылымдық инфрақұрылым объектілері туралы және ауыл шаруашылығы жануарларын айдап өтуге арналған сервитуттар туралы мәліметтер

3) ветеринариялық-санитариялық обьектілер туралы мәліметті осы Жоспардың 1-қосымшасына сәйкес;

4) ауыл шаруашылығы жануарларын жаюдың және айдаудың маусымдық маршруттарын белгілейтін жайылымдарды пайдалану жөніндегі күнтізбелік графигін осы Жоспардың 2-қосымшасына сәйкес;

5) құқық белгілейтін құжаттар негізінде жер санаттары, жер учаскелерінің меншік иелері және жер пайдаланушылар бөлінісінде әкімшілік-аумақтық бірлік аумағында жайылымдардың орналасу схемаларын (карталарын) осы Жоспардың 6,7, 8, 9, 10, 11, 12, 13, 14, 15, 16, 17, 18 -қосымшаларына сәйкес;

6) жайылымдардың, оның ішінде маусымдық жайылымдардың сыртқы және ішкі шекаралары мен алаңдары, жайылымдық инфрақұрылым объектілері белгіленген карталарын осы Жоспардың 19, 20, 21, 22, 23, 24, 25, 26, 27, 28, 29, 30, 31 -қосымшаларына сәйкес;

7) Жайылым пайдаланушылардың су тұтыну нормасына сәйкес жасалған су көздеріне (көлдерге, өзендерге, тоғандарға, апандарға, суару немесе суландыру каналдарына, құбырлы немесе шахталы құдықтарға) қол жеткізу схемасы және жайылымы жоқ жеке және (немесе) заңды тұлғалардың ауыл шаруашылығы жануарларының мал басын орналастыру үшін жайылымдарды қайта бөлу және оны берілетін жайылымдарға ауыстыру схемасы осы Жоспардың 32, 33, 34, 35, 36, 37, 38, 39, 40, 41, 42, 43, 44 -қосымшаларына сәйкес;

8) аудандық маңызы бар қала, кент, ауыл, ауылдық округ маңында орналасқан жайылымдармен қамтамасыз етілмеген жеке және (немесе) заңды тұлғалардың ауыл шаруашылығы жануарларының мал басын шалғайдағы жайылымдарға орналастыру схемалары осы Жоспардың 45, 46, 47, 48, 49, 50, 51, 52, 53, 54, 55, 56, 57-қосымшаларына сәйкес;

9) жергілікті жағдайлар мен ерекшеліктерге қарай жеке ауладағы ауыл шаруашылығы жануарларын жаюға халық мұқтажын қанағаттандыру үшін қажетті жайылымдардың сыртқы мен ішкі шекаралары және алаңдары белгіленген карталары осы жоспардың 58, 59, 60, 61, 62, 63, 64, 65, 66, 67, 68, 69, 70-қосымшаларына сәйкес;

10) тиісті әкімшілік-аумақтық бірлікте жайылымдарды ұтымды пайдалану үшін қажетті өзге де талаптарды қамтуға тиіс.

Жоспар жайылымдарды геоботаникалық зерттеп-қараудың жай-күйі туралы мәліметтер, ветеринариялық-санитариялық объектілер туралы мәліметтер, жайылым пайдаланушы, жеке және (немесе) заңды тұлғаларды көрсете отырып, ауыл шаруашылығы жануарлары мал басының саны туралы деректер, ауыл шаруашылығы жануарларының түрлері мен жыныстық жас топтары бойынша қалыптастырылған үйірлердің, отарлардың, табындардың саны туралы деректер, шалғайдағы жайылымдарда жаю үшін ауыл шаруашылығы жануарларының мал басын қалыптастыру туралы мәліметтер, екпе және аридтік жайылымдарда ауыл шаруашылығы жануарларын жаю ерекшеліктері, малды айдап өтуге арналған сервитуттар туралы мәліметтер, мемлекеттік органдар, жеке және (немесе) заңды тұлғалар берген өзге де деректер ескеріле отырып қабылданды.

Әкімшілік-аумақтық бөлініс бойынша ауданда 13 ауылдық округтер, 26 ауылдық елді - мекендер орналасқан.

Бөрлі ауданының жалпы көлемі 556634 га, оның ішінде жайылымдық жерлер-242786,1га.

Санаттар бойынша жерлер бөлінісі:

ауыл шаруашылығы мақсатындағы жерлер-290700 га;

елді мекендердiң жерлері-82545 га;

өнеркәсiп, көлiк, байланыс, ғарыш қызметі, қорғаныс, ұлттық қауіпсіздік мұқтажына арналған жерлер және ауыл шаруашылығына арналмаған өзге де жерлер - 9657 га;

ерекше қорғалатын табиғи аумақтардың жерi, сауықтыру мақсатындағы, рекреациялық және тарихи-мәдени мақсаттағы жер– 3950 га;

орман қорының жерлер – 17073 га

су қорының жерлері-941 га;

босалқы жерлер-147135 га;

басқа да жерлер – 1294 га.

Ауданның климаттық зонасы күртконтиненталды, қысы салыстырмалы салқын, жазы ыстық және құрғақ. Ауаның жылдық орташа температурасы қаңтар айында – -15, -35°С, шілде айында – +24, +38°С. Жауынның орташа түсімі 30 мм, ал жылдық түсімі 214 мм.

Ауданның өсімдік жамылғысы әртүрлі, шамамен қоса алғанда 118 түрлері. Олардың ішінде ең көп тараған түрі бидайлы және күрделі гүлділер шөптері.

Топырағы негізінен қоңыр және сортаң.

Ауданда 8 бордақылау алаңы, 11 мал көмінділері,16 сібір жарасы көмінділері,1 мал дәрігерлік пункті бар.

Қазіргі уақытта аудандағы барлық санаттағы шаруашылықтарда 25991 оның ішінде жеке аулада 7405 бас мүйізді ірі қара, 25239 оның ішінде жеке аулада 13496 бас ұсақ мүйізді мал (қой, ешкілер), 9444 оның ішінде жеке аулада 2811 бас жылқы бар.

«Жайылымдардың жалпы алаңына түсетін жүктеменің шекті рұқсат етілетін нормасын бекіту туралы» Қазақстан Республикасы Ауыл шаруашылығы министрінің 2015 жылғы 14 сәуірдегі № 3-3/332 бұйрығына сәйкес ауыл шаруашылығы жануарларының 1 басына арналған жайылым алаңының нормасы: ірі қара мал басына - 8,5 га; қой мен ешкі малына -1,7 га; жылқыға -10,2 га

Ауыл шаруашылығы жануарларын қамтамасыз ету үшін Бөрлі ауданы бойынша барлығы 242786 га жайылымдық алқаптары бар. Елді-мекен шегіндегі жайылымдары 70097 га жайылым саналады, босалқы қордағы жерлерде 36511 га жайылымдық алқаптар бар.

Ауданның кейбір ауылдық округтерінде мал басының өсуіне байланысты барлығы 17060 га жайылымдық алқаптардың жетіспеушілігі байқалады, атап айтқанда Ақсу ауылдық округінде 1527 га, Бөрлі ауылдық округінде 3783 га, Бумакөл ауылдық округінде 2832 га, Достық ауылдық округінде 874 га, Кеңтүбек ауылдық округінде 696 га, Жарсуат ауылдық округінде 1458 га, Қанай ауылдық округінде 3127,0 га, Успен ауылдық округінде 2763 га.

Бұл мәселелерді шешу үшін мемлекеттік қордан жайылымдық алқаптарды ұтымды бөлу және ауыл шаруашылық мақсатындағы қордағы жерлерінен бөлу есебінен ұлғайту қажет. Күні бүгін мемлекеттік босалқы қорда 36511 га жайылымдық жер учаскелері бар.

Ескерту: аббревиатуралардың шешуі:

С – Цельсия көрсеткіші;

га – гектар;

мм – миллиметр.

Бөрлі ауданы бойынша

2025-2029 жылдарға арналған жайылымдарды басқару және

оларды пайдалану жөніндегі

Жоспарға 1-қосымша

1-кесте. Бөрлі ауданы жайылымдарын жерлердің санаттары бойынша

Бөрлі ауданы бойынша

2025-2029 жылдарға арналған

Жайылымдарды басқару және

оларды пайдалану жөніндегі

үлгілік жоспарға 2-қосымша

Жайылымдық инфрақұрылым объектілері туралы және ауыл шаруашылығы жануарларын айдап өтуге арналған сервитуттар туралы мәліметтер

Бөрлі ауданы бойынша

2025-2029 жылдарға арналған

Жайылымдарды басқару және

оларды пайдалану жөніндегі

үлгілік жоспарға

3-қосымша

1-кесте. Ауыл шаруашылығы жануарларының иелерін көрсете отырып, олардың саны туралы деректер

2-кесте. Ауыл шаруашылығы жануарларының түрлері мен жыныстық жас топтары бойынша қалыптастырылған үйірлердің, отарлардың, табындардың саны туралы деректер

3- кесте. Шалғайдағы жайылымдарда жаю үшін ауыл шаруашылығы жануарлары басының саны туралы мәліметтер