Қауымдық сервитут белгілеу туралы

Қазақстан Республикасының 2003 жылғы 20 маусымдағы Жер кодексінің 17-бабының 5-1) тармақшасына және 69-бабының 4-тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 31-бабының 1-тармағы 10) тармақшасына сәйкес, Шардара ауданының әкімдігі ҚАУЛЫ ЕТЕДІ:

1. Шардара ауданы әкімдігінің «Шардара аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі» мемлекеттік мекемесіне Шардара ауданы, Көксу ауылдық округі аумағынан «AGRIQA Азия» жауапкершілігі шектеулі серіктестігін су құбырымен қамтамасыз ету үшін осы қаулының қосымшасына сәйкес, жердің меншік иелері мен жер пайдаланушылардан алып қоймастан жер учаскелеріне уақытша өтеусіз қысқа 3 (үш) жыл мерзімге қауымдық сервитут белгіленсін.

2. Осы қаулының қабылдануына байланысты, қолданыстағы заңнамаға сәйкес тиісті жұмыстар жүргізу Шардара аудандық жер қатынастары бөліміне (К.Нурманов) жүктелсін.

3. Осы қаулының орындалуын бақылау аудан әкімінің орынбасары С.Ильясовқа жүктелсін.

4. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Аудан әкімі

А.Карсыбаев

Шардара ауданы әкімдігінің

2025 жылғы 28 қаңтардағы

№ 24 қаулысына қосымша

Шардара ауданы, Көксу ауылдық округі аумағынан «AGRIQA Азия» жауапкершілігі шектеулі серіктестігін су құбырымен қамтамасыз ету үшін қауымдық сервитут белгіленетін жер көлемі