2025-2027 жылдарға арналған Қобда аудандық бюджетін бекіту туралы

Қазақстан Республикасының Бюджет кодексінің 9-бабының 2-тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына сәйкес, Қобда аудандық мәслихаты ШЕШТІ:

1. 2025-2027 жылдарға арналған Қобда аудандық бюджет тиісінше 1, 2 және 3 қосымшаларға сәйкес, оның ішінде 2025 жылға мынадай көлемде бекітілсін:

1) кірістер – 6 743 555,2 мың теңге, оның ішінде:

салықтық түсімдер – 1 318 491 мың теңге;

салықтық емес түсімдер – 46 783 мың теңге;

негiзгi капиталды сатудан түсетiн түсiмдер – 5 085 мың теңге;

арнаулы түсімдер – 0 теңге;

трансферттер түсімдері – 5 373 196,2 мың теңге;

2) шығындар – 7 610 534,1 мың теңге;

3) таза бюджеттік кредиттеу – 2 603 мың теңге, оның ішінде:

бюджеттік кредиттер – 72 742 мың теңге;

бюджеттік кредиттерді өтеу – 70 139 мың теңге;

4) қаржылық активтермен жасалатын операциялар бойынша сальдо - 0 теңге, оның ішінде:

қаржылық активтерді сатып алу - 0 теңге;

мемлекеттің қаржылық активтерін сатудан түсетін түсімдер – 0 теңге;

5) бюджет тапшылығы (профициті) – - 869 581,9 мың теңге;

6) бюджеттің мұнайға қатысты емес тапшылығы (профициті) – 0 теңге;

7) бюджет тапшылығын қаржыландыру (профицитін пайдалану) – 869 581,9 мың теңге, оның ішінде:

қарыздар түсімі – 644 248 мың теңге;

қарыздарды өтеу – 70 139 мың теңге;

бюджет қаражатының пайдаланылатын қалдықтары – 295 472,9 мың теңге.

2. Аудандық бюджеттің кірісіне мыналар есептелетін болып белгіленсін:

ірі кәсіпкерлік субъектілерінен және мұнай секторы ұйымдарынан түсетін түсімдерді қоспағанда, заңды тұлғалардан алынатын корпоративтік табыс салығы;

төлем көзінен салық салынатын табыстардан ұсталатын жеке табыс салығы;

төлем көзінен салық салынбайтын шетелдік азаматтар табыстарынан ұсталатын жеке табыс салығы;

әлеуметтік салық;

заңды тұлғалардың және жеке кәсіпкерлердің мүлкіне салынатын салық;

жекелеген қызмет түрлерімен айналысу құқығы үшін алым (жекелеген қызмет түрлерімен айналысуға арналған лицензияларды бергені үшін алым);

жергілікті бюджетке төленетін тіркелгені үшін алым;

қызметтің жекелеген түрлерiмен айналысуға лицензияларды пайдаланғаны үшін төлемақы;

жергілікті бюджетке төленетін мемлекеттік баж;

аудандық маңызы бар қала, ауыл, кент, ауылдық округ әкімдерінің басқаруындағы, ауданның (облыстық маңызы бар қаланың) коммуналдық меншігінің мүлкін жалға беруден түсетін кірістерді қоспағанда, ауданның (облыстық маңызы бар қаланың) коммуналдық меншігінің мүлкін жалға беруден түсетін кірістер;

аудандық маңызы бар қала, ауыл, кент, ауылдық округ әкімдерінің басқаруындағы мемлекеттік мүлікті жалға беруден түсетін кірістерді қоспағанда ауданның (облыстық маңызы бар қаланың) коммуналдық меншігіндегі тұрғын үй қорынан үйлердi жалға беруден түсетін кірістер;

жергіліктік бюджетке түсетін салықтық емес басқа да түсімдер;

жергілікті бюджеттен қаржыландырылатын мемлекеттік мекемелерге бекітілген мүлікті сатудан түсетін түсімдер;

жер учаскелерін сатудан түсетін түсімдер;

жер учаскелерін жалдау құқығын сатқаны үшін төлем.

3. Қазақстан Республикасының «2025-2027 жылдарға арналған республикалық бюджет туралы» Заңына сәйкес белгіленгені еске және басшылыққа алынсын:

2025 жылғы 1 қаңтардан бастап:

1) жалақының ең төменгі мөлшері – 85 000 теңге;

2) Қазақстан Республикасының заңнамасына сәйкес жәрдемақыларды және өзге де әлеуметтік төлемдерді есептеу үшін, сондай-ақ айыппұл санкцияларын, салықтар мен басқа да төлемдерді қолдану үшін айлық есептік көрсеткіш – 3 932 теңге.

4. 2025 жылға арналған аудандық бюджетте облыстық бюджеттен берілген субвенциялар көлемі 2 018 671 мың теңге сомасында көзделгені ескерілсін.

5. 2025 жылға арналған аудандық бюджетте аудандық бюджеттен ауылдық округ бюджеттеріне берілетін субвенциялар көлемі 564 293 мың теңге сомасында көзделсін, оның ішінде:

Ақрап ауылдық округіне – 26 050 мың теңге;

Бегалы ауылдық округіне – 31 797 мың теңге;

Бестау ауылдық округіне – 25 838 мың теңге;

И. Білтабанов атындағы ауылдық округіне – 27 269 мың теңге;

Бұлақ ауылдық округіне – 31 806 мың теңге;

Жарсай ауылдық округіне – 30 738 мың теңге;

Жарық ауылдық округіне – 30 057 мың теңге;

Жиренқопа ауылдық округіне – 26 228 мың теңге;

Қобда ауылдық округіне – 111 522 мың теңге;

И. Құрманов атындағы ауылдық округіне – 35 238 мың теңге;

Қызылжар ауылдық округіне – 26 398 мың теңге;

Өтек ауылдық округіне – 32 312 мың теңге;

Сарбұлақ ауылдық округіне – 25 659 мың теңге;

Сөгәлі ауылдық округіне – 33 886 мың теңге;

Талдысай ауылдық округіне – 35 223 мың теңге;

Терісаққан ауылдық округіне – 34 272 мың теңге.

6. 2025 жылға арналған аудандық бюджетте республикалық бюджеттен нысаналы даму трансферттің түскені ескерілсін:

1) «Ауыл-Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылымдарды дамытуға.

Аталған нысаналы даму трансфертінің сомасын бөлу аудан әкімдігі қаулысы негізінде айқындалады.

7. 2025 жылға арналған аудандық бюджетте республикалық бюджеттен ағымдағы нысаналы трансферттердің түскені ескерілсін:

1) мемлекеттік бюджет қаражаты есебінен ұсталатын азаматтық қызметшілердің жекелеген санаттарының, ұйымдар жұмыскерлерінің, қазыналық кәсіпорындар жұмыскерлерінің жалақысын арттыруға;

2) халықтың әлеуметтік осал топтары үшін коммуналдық тұрғын үй қорынан тұрғын үй сатып алуға

3) Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға

Аталған ағымдағы нысаналы трансферттердің сомаларын бөлу аудан әкімдігі қаулысы негізінде айқындалады.

8. 2025 жылға арналған аудандық бюджетте облыстық бюджеттен нысаналы даму трансферттердің түскені ескерілсін:

1) «Ауыл-Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылымдарды дамытуға;

2) Ауылдық елді мекендердегі сумен жабдықтау және су бұру жүйелерін дамытуға;

3) Cпорт объектілерін дамытуға;

4) Кәсіпкерлік субъектілерін мемлекеттік қолдау шаралары шеңберінде индустриялық инфрақұрылымды дамытуға.

5) Аудандық маңызы бар қалаларда, ауылдарда, кенттерде, ауылдық округтерде автомобиль жолдарын салу және реконструкциялау.

5) Көлік инфрақұрылымын дамытуға.

Аталған нысаналы даму трансферттерінің сомаларын бөлу аудан әкімдігі қаулысы негізінде айқындалады.

9. 2025 жылға арналған аудандық бюджетте облыстық бюджеттен ағымдағы нысаналы трансферттер түскені ескерілсін:

1) «Ауыл-Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылым бойынша іс-шараларды іске асыруға;

2) Үкіметтік емес ұйымдарда мемлекеттік әлеуметтік тапсырысты орналастыруға;

3) Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға;

4) мемлекеттік атаулы әлеуметтік көмекті төлеуге.

5) Аудандық маңызы бар қалаларда, ауылдарда, кенттерде, ауылдық округтерде автомобиль жолдарын күрделі және орташа жөндеу;

6) Көлiк инфрақұрылымының басым жобаларын іске асыру;

7) Мәдениет объектілерін күрделі жөндеу.

Аталған ағымдағы нысаналы трансферттердің сомаларын бөлу аудан әкімдігі қаулысы негізінде айқындалады.

10. Ауданның жергілікті атқарушы органының 2025 жылға арналған резерві 25 507 мың теңге сомасында бекітілсін.

11. Осы шешім 2025 жылғы 1 қаңтардан бастап қолданысқа енгізіледі.

Қобда аудандық мәслихатының төрағасы

Ж. Ергалиев

Қобда аудандық мәслихатының

2024 жылғы 25 желтоқсандағы

№ 260 шешіміне

1 қосымша

2025 жылға арналған Қобда аудандық бюджеті

Қобда аудандық мәслихатының

2024 жылғы 25 желтоқсандағы № 260

шешіміне 2 қосымша

2026 жылға арналған Қобда аудандық бюджеті

Қобда аудандық мәслихатының

2024 жылғы 25 желтоқсандағы № 260

шешіміне 3 қосымша

2027 жылға арналған Қобда аудандық бюджеті