2025-2027 жылдарға арналған Әйтеке би аудандық бюджетін бекіту туралы

Қазақстан Республикасының Бюджет Кодексінің 9-бабының 2-тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына сәйкес, Әйтеке би аудандық мәслихаты ШЕШІМ ҚАБЫЛДАДЫ:

1. 2025-2027 жылдарға арналған аудандық бюджет тиісінше 1, 2 және 3 қосымшаларға сәйкес, оның ішінде, 2025 жылға келесідей көлемде бекітілсін:

1) кірістер – 8 477 007,6 мың теңге, оның ішінде:

салықтық түсімдер – 3 101 843 мың теңге;

салықтық емес түсімдер – 168 943 мың теңге;

негізгі капиталды сатудан түсетін түсімдер – 27 224 мың теңге;

трансферттер түсімдері – 5 178 997,6 мың теңге;

2) шығындар – 10 374 936 мың теңге;

3) таза бюджеттік кредит беру – - 6 620 мың теңге, оның ішінде:

бюджеттік кредиттер – 88 470 мың теңге;

бюджеттік кредиттерді өтеу – 95 090 мың теңге;

4) қаржы активтерiмен жасалатын операциялар бойынша сальдо – 0 теңге, оның ішінде:

қаржы активтерiн сатып алу – 0 теңге;

мемлекеттің қаржы активтерін сатудан түсетін түсімдер – 0 теңге;

5) бюджет тапшылығы (профициті) – - 1 891 308,4 мың теңге;

6) бюджет тапшылығын қаржыландыру (профицитін пайдалану) – 1 891 308,4 мың теңге, оның ішінде:

қарыздар түсімі – 983 830 мың теңге;

қарыздарды өтеу – 95 090,3 мың теңге;

7) бюджет қаражатының пайдаланылатын қалдықтары – 1 002 568,7 мың теңге.

2. 2025 жылға арналған аудандық бюджетте салық түсімдерінің жалпы сомасын мынадай мөлшерлерде бөлу белгіленсін:

1) төлем көзінде кірістерге салынатын жеке табыс салығы бойынша – 100 пайыз;

2) әлеуметтік салық бойынша – 100 пайыз;

3) мұнай секторы ұйымдарынан түсетін түсімдерді қоспағанда, заңды тұлғалардан алынатын корпоративтік табыс салығы бойынша – 100 пайыз.

3. Мәліметке және басшылыққа алып, «2025-2027 жылдарға арналған республикалық бюджет туралы» Қазақстан Республикасының Заңының 9 - бабына сәйкес, 2025 жылғы 1 қаңтардан бастап белгіленді:

1) жалақының ең төменгі мөлшері – 85 000 теңге;

2) зейнетақының ең төмен мөлшері – 62 771 теңге;

3) айлық есептік көрсеткіш – 3 932 теңге;

4) базалық әлеуметтік төлемдердің мөлшерін есептеу үшін ең төменгі күнкөріс деңгейінің шамасы – 46 228 теңге.

4. 2025 жылға арналған облыстық бюджеттен аудандық бюджетке берілетін субвенциялар көлемі 861 092 мың теңге мөлшерінде белгіленсін.

5. 2025 жылға арналған аудандық бюджетте функциялардың берілуіне байланысты республикалық және облыстық бюджеттердің шығындарын өтеуге 72 818 мың теңге трансферт көзделсін.

Көрсетілген трансферттер сомасын бөлу аудан әкімдігі қаулысы негізінде айқындалады.

6. 2025 жылға арналған аудандық бюджетте аудандық бюджеттен ауылдық округтер бюджеттеріне берілетін субвенциялар көлемі 186 015 мың теңге сомасында көзделсін, оның ішінде:

Әйке ауылдық округіне – 12 856 мың теңге;

Ақкөл ауылдық округіне – 15 212 мың теңге;

Ақтасты ауылдық округіне – 9 625 мың теңге;

Аралтоғай ауылдық округіне – 15 310 мың теңге;

Тұмабұлақ ауылдық округіне – 12 684 мың теңге;

Жабасақ ауылдық округіне – 12 093 мың теңге;

Жамбыл ауылдық округіне – 13 820 мың теңге;

Қайрақты ауылдық округіне – 9 960 мың теңге;

Қарабұтақ ауылдық округіне – 28 303 мың теңге;

Құмқұдық ауылдық округіне – 12 662 мың теңге;

Қызылжұлдыз ауылдық округіне – 13 293 мың теңге;

Сарат ауылдық округіне – 10 429 мың теңге;

Сұлукөл ауылдық округіне – 9 927 мың теңге;

Ұшқатты ауылдық округіне – 9 841 мың теңге.

7. 2025 жылға арналған аудандық бюджетте мамандарды әлеуметтік қолдау шараларын іске асыруға республикалық бюджеттен кредиттер түсімдері ескерілсін.

Кредиттердің көрсетілген сомаларын бөлу аудан әкімдігінің қаулысы негізінде айқындалады.

8. 2025 жылға арналған аудандық және облыстық бюджетте ауылдық округтер бюджеттеріне ағымдағы нысаналы трансферттер көзделсін:

1) аудандық маңызы бар қала, ауыл, кент, ауылдық округ әкімінің қызметін қамтамасыз ету жөніндегі қызметтерге;

2) мемлекеттік органның күрделі шығыстарына;

3) мұқтаж азаматтарға үйде әлеуметтік көмек көрсетуге;

4) елді мекендердегі көшелерді жарықтандыруға;

5) елді мекендердің санитариясын қамтамасыз етуге;

6) елді мекендерді абаттандыру мен көгалдандыруға;

7) аудандық маңызы бар қалаларда, ауылдарда, кенттерде, ауылдық округтерде автомобиль жолдарының жұмыс істеуін қамтамасыз етуге;

8) аудандық маңызы бар қалаларда, ауылдарда, кенттерде, ауылдық округтерде автомобиль жолдарын күрделі және орташа жөндеуге;

9) «Ауыл-Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылымды дамытуға.

Көрсетілген трансферттер сомасын бөлу аудан әкімдігі қаулысы негізінде айқындалады.

9. 2025 жылға арналған аудандық бюджетте республикалық бюджеттен ағымдағы нысаналы трансферттердің және даму трансферттердің түсімдері ескерілсін:

1) мемлекеттік атаулы әлеуметтік көмекке;

2) Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға;

3) мемлекеттік бюджет қаражаты есебінен ұсталатын азаматтық қызметшілердің жекелеген санаттарының, ұйымдар жұмыскерлерінің, қазыналық кәсіпорындар жұмыскерлерінің жалақысын арттыруға;

4) халықтың әлеуметтік осал топтары үшін коммуналдық тұрғын үй қорынан тұрғын үй сатып алуға;

5) «Ауыл-Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылымдарды дамытуға;

6) елді мекендердегі сумен жабдықтау және су бұру жүйелерін дамытуға.

10. 2025 жылға арналған аудандық бюджетте облыстық бюджеттен нысаналы ағымдағы трансферттер және даму трансферттердің түсімі ескерілсін:

1) мемлекеттік атаулы әлеуметтік көмекті төлеуге;

2) Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға;

3) көлiк инфрақұрылымының басым жобаларын қаржыландыруға;

4) «Ауыл-Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылымдарды дамытуға.

Көрсетілген трансферттер сомасын бөлу аудан әкімдігінің қаулысы негізінде айқындалады.

11. 2025 жылға арналған ауданның жергілікті атқарушы органының резерві 37 511 мың теңге сомасында бекітілсін.

12. Осы шешім 2025 жылғы 1 қаңтардан бастап қолданысқа енгізіледі.

Әйтеке би аудандық мәслихаттың төрағасы:

Б. Д. Сейлханов

Әйтеке би аудандық мәслихаттың

2024 жылғы 26 желтоқсандағы

№ 291 шешіміне

1-қосымша

2025 жылға арналған Әйтеке би аудандық бюджеті

Әйтеке би аудандық мәслихаттың

2024 жылғы 26 желтоқсандағы

№ 291 шешіміне 2-қосымша

2026 жылға арналған Әйтеке би аудандық бюджеті

Әйтеке би аудандық мәслихаттың

2024 жылғы 26 желтоқсандағы

№ 291 шешіміне 3-қосымша

2027 жылға арналған Әйтеке би аудандық бюджеті