2025-2027 жылдарға арналған аудандық бюджет туралы

Қазақстан Республикасының Бюджет кодексінің 9-бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 6-бабының 1 тармағының 1) тармақшасына сәйкес және аудан әкімдігімен ұсынылған 2025-2027 жылдарға арналған аудандық бюджет жобасын қарап, Исатай аудандық мәслихаты ШЕШІМ ҚАБЫЛДАДЫ:

1. 2025-2027 жылдарға арналған аудандық бюджет тиісінше 1, 2, 3 қосымшаларға сәйкес, оның ішінде 2025 жылға келесідей көлемдерде бекітілсін:

1) кірістер – 9 927 252 мың теңге, оның ішінде:

салықтық түсімдер – 3 359 974 мың теңге;

салықтық емес түсімдер – 74 749 мың теңге;

негізгі капиталды сатудан түсетін түсімдер – 5 999 мың теңге;

трансферттердің түсімдері – 6 486 530 мың теңге;

2) шығыстар – 10 810 828 мың теңге;

3) таза бюджеттік кредит беру – 15 027 мың теңге;

бюджеттік кредиттер – 37 354 мың теңге;

қарыздарды өтеу – 22 327 мың теңге;

4) активтерімен жасалатын операциялар бойынша сальдо – 0 теңге, оның ішінде:

қаржы активтерін сатып алу - 0 теңге;

мемлекеттің қаржы активтерін сатудан түсетін түсімдер - 0 теңге;

5) бюджет тапшылығы (профициті) - - 37 354 мың теңге;

6) бюджет тапшылығын қаржыландыру (профицитін пайдалану) - 37 354 мың теңге, оның ішінде:

қарыздар түсімі – 37 354 мың теңге;

қарыздарды өтеу – 22 327 мың теңге;

бюджет қаражатының пайдаланылатын қалдықтары – 883 576 теңге.

2. Аудан бюджетіне жалпы мемлекеттік салықтар түсімінің жалпы сома нормативі 2025 жылға келесідей көлемдерде бекітілсін:

корпоративтік табыс салығы бойынша – 50%;

төлем көзінен салық салынатын табыстардан ұсталатын жеке табыс салығы бойынша – 50%;

әлеуметтік салық бойынша – 50%.

3. 2025 жылға облыстық бюджеттен аудандық бюджетке берілетін субвенция мөлшері 79 350 мың теңге сомасында белгіленсін.

4. Аудандық бюджеттен ауылдық округтер бюджеттерге берілетін субвенция көлемдері 2025 жылға 234 009 мың теңге сомасында, оның ішінде:

Аққыстау ауылдық округі 0 теңге;

Исатай ауылдық округі 49 888 мың теңге;

Зинеден ауылдық округі 31 813 мың теңге.

Нарын ауылдық округі 32 909 мың теңге

Жанбай ауылдық округі 55 944 мың теңге;

Тұщықұдық ауылдық округі 24 526 мың теңге;

Қамысқала ауылдық округі 38 929 мың теңге көзделсін.

5. Аудандық бюджеттен ауылдық округтер бюджеттерге берілетін трансферт көлемдері 2025 жылға 1 464 797 мың теңге сомасында, оның ішінде:

Аққыстау ауылдық округі 379 892 мың теңге;

Исатай ауылдық округі 98 997 мың теңге;

Зинеден ауылдық округі 126 764 мың теңге.

Нарын ауылдық округі 140 533 мың теңге

Жанбай ауылдық округі 175 645 мың теңге;

Тұщықұдық ауылдық округі 304 976 мың теңге;

Қамысқала ауылдық округі 237 990 мың теңге көзделсін.

6. 2025 жылға жергілікті атқарушы органның резерві 78 127 мың теңге сомасында бекітілсін.

7. 2025 жылға арналған аудандық бюджетте республикалық бюджеттен және Қазақстан Республикасының Ұлттық қоры есебінен 720 000 мың теңге сомасында нысаналы даму трансферттері көзделгені ескерілсін, оның ішінде:

«Ауыл-Ел бесігі» жобасы аясында ауылдық елді мекендердің әлеуметтік және инженерлік инфрақұрылымын дамытуға – 720 000 мың теңге.

8. 2025 жылға арналған аудандық бюджетте республикалық бюджеттен 421 234 мың теңге сомасында ағымдағы нысаналы трансферттері көзделгені ескерілсін, оның ішінде:

арнаулы әлеуметтік қызметтер көрсету орталықтарындағы медицина қызметкерлерінің жалақысын көтеруге – 2 422 мың теңге;

мүгедектігі бар адамдардың құқықтарын қамтамасыз ету және тұрмыс сапасын жақсартуға – 19 161 мың теңге;

азаматтық қызметшілердің жекелеген санаттарының, мемлекеттік бюджет қаражаты есебінен ұсталатын ұйымдар қызметкерлерінің, қазыналық кәсіпорындар қызметкерлерінің жалақысын арттыруға – 3 131 мың теңге;

халықтың әлеуметтік осал топтары үшін коммуналдық тұрғын үй қорынан тұрғын үй сатып алуға – 396 520 мың теңге.

9. 2025 жылға арналған аудандық бюджетте облыстық бюджеттен 1 130 389 мың теңге сомасында ағымдағы нысаналы трансферттері көзделгені ескерілсін, оның ішінде:

аудандық мемлекеттік органдарға негізгі құрал жабдықтар сатып алуға және күрделі жөндеу жұмыстарына – 17 191 мың теңге;

мемлекеттік атаулы әлеуметтік көмек үшін – 29 998 мың теңге;

әлеуметтік қолдау орталықтарын ұстап тұру шығындары үшін – 50 046 мың теңге;

жергілікті өкілетті органдардың шешімі бойынша мұқтаж азаматтардың жекелеген топтарына әлеуметтік көмек үшін – 27 751 мың теңге;

мүгедектектігі бар адамды оңалтудың жеке бағдарламасына сәйкес мүгедектігі бар адамдардың техникалық көмекші (орын толтырушы) құралдарымен және (немесе) арнаулы жүріп-тұру құралдарымен қамтамасыз ету – 8 889 мың теңге;

төмен тұрған бюджеттерге берілетін нысаналы ағымдағы трансферттер - 5 678 мың теңге;

қысқы кезеңге дайындық жұмыстарын жүргізуге – 344 040 мың теңге;

азаматтардың жекелеген санаттары үшін тұрғын үй сатып алуға – 503 480 мың теңге;

топырақ зерттеу жұмыстарын жүргізуге, қатты тұрмыстық қалдықтарды жинайтын контейрнерлер сатып алу, жасыл желектерді қоршау, көшеттер сатып алу үшін – 56 131 мың теңге.

автомобиль жолдарын ағымдағы және күрделі жөндеу және жобалау сметалық құжаттамасын жасақтау жұмыстары үшін – 87 185 мың теңге.

10. 2025 жылға арналған аудандық бюджетте облыстық бюджеттен 4 135 556 мың теңге сомасында нысаналы даму трансферттері көзделгені ескерілсін, оның ішінде:

ауылдық елді мекендерде сумен жабдықтау және су бұру жүйесін дамытуға – 2 079 111 мың теңге.

ауылдық елді мекендердегі жарықтандыру жүйесін дамытуға – 249 389 мың теңге.

мемлекеттік органдардың объектілерін дамытуға – 114 012 мың теңге;

тұрғын үй құрылысын салуға – 33 485 мың теңге;

тұрғын үй құрылысы үшін инженерлік-коммуникациялық инфрақұрылым салуға және ЖСҚ әзірлеуге – 326 515 мың теңге;

дене шынықтыру және спорт саласындағы нысандарды дамытуға – 1 029 959 мың теңге;

көлік инфрақұрылымын дамытуға – 303 085 мың теңге.

11. 2025 жылға арналған аудандық бюджетте мамандарды әлеуметтік қолдау шараларын іске асыруға 37 354 мың теңге сомасында бюджеттік кредиттер көзделгені ескерілсін.

12. Исатай ауданының ауылдық елді мекендеріне жұмыс істеу және тұру үшін келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, ауылдық округтер әкімдері аппараттарының мемлекеттік қызметшілеріне 2025 жылға келесі әлеуметтік қолдау көрсетілсін:

1) көтерме жәрдемақы жүз еселенген айлық есептік көрсеткішке тең сомада;

2) тұрғын үй сатып алу немесе салу үшін әлеуметтік қолдау–бюджеттік кредит:

ауданның әкімшілік орталығы болып табылатын ауылдық елді мекендерге келген мамандар үшін айлық есептік көрсеткіштің екі мың бес жүз еселенген мөлшерінен аспайтын сомада;

ауылдық елді мекендерге келген мамандар үшін айлық есептік көрсеткіштің екі мың еселенген мөлшерінен аспайтын сомада.

13. Осы шешімнің орындалысына бақылау жасау Исатай аудандық мәслихатының бюджет, қаржы, экономика, кәсіпкерлікті дамыту, аграрлық және экология жөніндегі тұрақты комиссиясына (Н. Хайруллаева) жүктелсін.

14. Осы шешім 2025 жылдың 1 қаңтарынан бастап қолданысқа енгізіледі.

Аудандық мәслихаттың төрағасы

А. Рахметов

Исатай аудандық

мәслихатының 2024 жылғы

25 желтоқсандағы № 133-VIII

шешіміне 1 қосымша

2025 жылға арналған аудандық бюджет

Исатай аудандық мәслихатының

2024 жылғы 25 желтоқсандағы

№ 133-VIII шешіміне 2 қосымша

2026 жылға арналған аудандық бюджет

Исатай аудандық мәслихатының

2024 жылғы 25 желтоқсандағы

№ 133-VIII шешіміне 3 қосымша

2027 жылға арналған аудандық бюджет