2025–2027 жылдарға арналған Темір аудандық бюджетін бекіту туралы

Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына, Қазақстан Республикасы Бюджет кодексінің 85-бабының 2-тармағына, 91-бабының 3-тармағына, 94, 96-баптарына сәйкес, Темір аудандық мәслихаты ШЕШІМ ҚАБЫЛДАДЫ:

1. 2025–2027 жылдарға арналған Темір аудандық бюджеті осы шешімдегі 1, 2 және 3–қосымшаларға сәйкес, оның ішінде 2025 жылға мынадай көлемдерде бекітілсін:

1) кірістер – 9 870 804,2 мың теңге, оның ішінде:

салықтық түсімдер – 5 331 693 мың теңге;

салықтық емес түсімдер – 24 342 мың теңге;

негізгі капиталды сатудан түсетін түсімдер – 9 155 мың теңге;

трансферттер түсімдері – 4 505 614,2 мың теңге;

2) шығындар – 11 259 127,1 мың теңге;

3) таза бюджеттік кредиттеу – 73 890 мың теңге, оның ішінде:

бюджеттік кредиттер – 196 600 мың теңге;

бюджеттік кредиттерді өтеу – 122 710 мың теңге;

4) қаржы активтерiмен жасалатын операциялар бойынша сальдо – 0 теңге, оның ішінде:

қаржы активтерiн сатып алу – 0 теңге;

мемлекеттің қаржы активтерін сатудан түсетін түсімдер – 0 теңге;

5) бюджет тапшылығы (профициті) – -1 462 212,9 мың теңге;

6) бюджет тапшылығын қаржыландыру (профицитін пайдалану) – 1 462 212,9 мың теңге, оның ішінде:

қарыздар түсімі – 825 257 мың теңге;

қарыздарды өтеу – 122 738,3 мың теңге;

бюджет қаражатының пайдаланылатын қалдықтары – 759 694,2 мың теңге.

2. 2025 жылға арналған аудандық бюджетте салық түсімдерінің жалпы сомасын мынадай мөлшерлерде бөлу белгіленсін:

1) төлем көзінде кірістерге салынатын жеке табыс салығы бойынша – 100 пайыз;

2) әлеуметтік салық бойынша – 100 пайыз;

3) мұнай секторы ұйымдарынан түсетін түсімдерді қоспағанда, заңды тұлғалардан алынатын корпоративтік табыс салығы бойынша – 100 пайыз.

3. 2025 жылға арналған аудандық бюджетте аудандық бюджеттен облыстық бюджетке бюджеттік алып қоюлардың көлемі 1 144 017 мың теңге сомасында көзделсін.

4. Қазақстан Республикасының «2025–2027 жылдарға арналған республикалық бюджет туралы» Заңының 9-бабына сәйкес белгіленгені ескерілсін және басшылыққа алынсын:

2025 жылғы 1 қаңтардан бастап:

1) жалақының ең төменгі мөлшері – 85 000 теңге;

2) зейнетақының ең төмен мөлшері – 62 771 теңге;

3) айлық есептік көрсеткіш – 3 932 теңге;

4) базалық әлеуметтік төлемдердің мөлшерін есептеу үшін ең төмен күнкөріс деңгейінің шамасы – 46 228 теңге.

5. 2025 жылға арналған аудандық бюджетте функциялардың берілуіне байланысты республикалық және облыстық бюджеттің ысырабын өтеуге 92 788 мың теңге сомасында трансферттер көзделсін.

Аталған трансферттерінің сомасын бөлу аудан әкімдігі қаулысы негізінде айқындалады.

6. 2025 жылға арналған аудандық бюджетте аудандық бюджеттен қала және ауылдық округтер бюджеттеріне берілетін субвенциялардың көлемі 217 742 мың теңге сомасында көзделсін, оның ішінде:

Темір қаласына – 23 311 мың теңге;

Шұбарқұдық ауылдық округіне – 10 252 мың теңге;

Саркөл ауылдық округіне – 5 609 мың теңге;

Кеңестуы ауылдық округіне – 36 599 мың теңге;

Кеңкияқ ауылдық округіне – 545 мың теңге;

Ақсай ауылдық округіне – 35 804 мың теңге;

Алтықарасу ауылдық округіне – 29 882 мың теңге;

Қайыңды ауылдық округіне – 36 069 мың теңге;

Тасқопа ауылдық округіне – 34 055 мың теңге;

Жақсымай ауылдық округіне – 5 616 мың теңге.

7. 2025 жылға арналған аудандық бюджетте мамандарды әлеуметтік қолдау шараларын іске асыруға республикалық бюджеттен кредиттер түсімдері ескерілсін.

Аталған кредиттердің сомаларын бөлу аудан әкімдігінің қаулысы негізінде айқындалады.

8. 2025 жылға арналған аудандық және облыстық бюджетте қала және ауылдық округтер бюджеттеріне ағымдағы нысаналы трансферттер көзделсін:

1) аудандық маңызы бар қала, ауыл, кент, ауылдық округ әкімінің қызметін қамтамасыз ету жөніндегі қызметтерге;

2) мемлекеттік органның күрделі шығыстарына;

3) елді мекендердегі көшелерді жарықтандыруға;

4) елді мекендердің санитариясын қамтамасыз етуге;

5) елді мекендерді абаттандыру мен көгалдандыруға;

6) өңірлерді дамытудың 2025 жылға дейінгі мемлекеттік бағдарламасы шеңберінде өңірлерді экономикалық дамытуға жәрдемдесу бойынша шараларды іске асыруға ауылдық елді мекендерді жайластыруды шешуге арналған іс-шараларды іске асыруға;

7) аудандық маңызы бар қалаларда, ауылдарда, кенттерде, ауылдық округтерде автомобиль жолдарын күрделі және орташа жөндеуге.

Аталған трансферттерінің сомасын бөлу аудан әкімдігі қаулысы негізінде айқындалады.

9. 2025 жылға арналған аудандық бюджетте Қазақстан Республикасының Ұлттық қорынан және республикалық бюджеттен ағымдағы нысаналы трансферттердің және даму трансферттердің түсімдері ескерілсін:

1) Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға;

2) мемлекеттік бюджет қаражаты есебінен ұсталатын азаматтық қызметшілердің жекелеген санаттарының, ұйымдар жұмыскерлерінің, қазыналық кәсіпорындар жұмыскерлерінің жалақысын арттыруға;

3) халықтың әлеуметтік осал топтары үшін коммуналдық тұрғын үй қорынан тұрғын үй сатып алуға;

4) «Ауыл-Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылымдарды дамытуға.

Аталған трансферттердің сомаларын бөлу аудан әкімдігінің қаулысы негізінде айқындалады.

10. 2025 жылға арналған аудандық бюджетте облыстық бюджеттен нысаналы ағымдағы трансферттер және даму трансферттердің түсімдері ескерілсін:

1) мемлекеттік атаулы әлеуметтік көмекті төлеуге;

2) Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға;

3) инженерлік-коммуникациялық инфрақұрылымды дамытуға және (немесе) жайластыруға;

4) спорт объектілерін дамытуға;

5) ауылдық елді мекендердегі сумен жабдықтау және су бұру жүйелерін дамытуға;

6) көлiк инфрақұрылымының басым жобаларын қаржыландыруға.

Аталған трансферттердің сомаларын бөлу аудан әкімдігінің қаулысы негізінде айқындалады.

11. 2025 жылға арналған ауданның жергілікті атқарушы органының резерві 127 000 мың теңге сомасында бекітілсін.

12. Осы шешім 2025 жылғы 1 қаңтардан бастап қолданысқа енгізіледі.

Темір аудандық мәслихатының төрағасы

Б. Шаимов

Темір аудандық мәслихатының

2024 жылғы 23 желтоқсандағы

№ 266 шешіміне

1-қосымша

2025 жылға арналған Темір аудандық бюджеті

Темір аудандық мәслихатының

2024 жылғы 23 желтоқсандағы № 266

шешіміне 2-қосымша

2026 жылға арналған Темір аудандық бюджеті

Темір аудандық мәслихатының

2024 жылғы 23 желтоқсандағы № 266

шешіміне 3-қосымша

2027 жылға арналған Темір аудандық бюджеті