2025-2027 жылдарға арналған Қарғалы аудандық бюджетін бекіту туралы

Қазақстан Республикасының Бюджет кодексінің 85 бабының 2 тармағына, 91 бабының 3 тармағына, 94 және 96 баптарына және Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабының 1 тармағының 1) тармақшасына және Қазақстан Республикасының «2025-2027 жылдарға арналған республикалық бюджет туралы» Заңына сәйкес, Қарғалы аудандық мәслихат ШЕШІМ ҚАБЫЛДАДЫ:

1. 2025-2027 жылдарға арналған Қарғалы аудандық бюджеті тиісінше 1, 2 және 3 қосымшаларға сәйкес, оның ішінде 2025 жылға мынадай көлемдерде бекітілсін:

1) кірістер – 6 008 933 мың теңге, оның ішінде:

салықтық түсімдер – 1 427 794 мың теңге;

салықтық емес түсімдер – 108 602 мың теңге;

негізгі капиталды сатудан түсетін түсімдер – 16 869 мың теңге;

трансферттердің түсімдері – 4 455 668 мың теңге;

2) шығындар – 6 704 308,2 мың теңге;

3) таза бюджеттік кредит беру – -9 967 мың теңге, оның ішінде:

бюджеттік кредиттер – 76 338 мың теңге;

бюджеттік кредиттерді өтеу – 86 305 мың теңге;

4) қаржы активтерімен операциялар бойынша сальдо – 0 мың теңге, оның ішінде:

қаржы активтерін сатып алу – 0 мың теңге;

мемлекеттің қаржы активтерін сатудан түсетін түсімдер 0 мың теңге;

5) бюджет тапшылығы (профицитi) – -685 408,2 мың теңге;

6) бюджет тапшылығын қаржыландыру (профицитiн пайдалану) – 685 408,2 мың теңге, оның ішінде:

қарыздар түсімі – 647 845 мың теңге;

қарыздарды өтеу – 86 305,1 мың теңге;

бюджет қаражатының пайдаланылатын қалдықтары – 123 868,3 мың теңге.

2. Аудандық бюджеттің кірісіне келесідей түсімдер ескерілсін:

корпоративтік табыс салығы;

жеке табыс салығы;

әлеуметтік салық;

мүлiкке салынатын салықтар;

жер салығы;

акциздер;

кәсiпкерлiк және кәсiби қызметтi жүргiзгенi үшiн алынатын алымдар;

мемлекеттік баж;

мемлекет меншігіндегі мүлікті жалға беруден түсетін кірістер;

мемлекеттік бюджеттен берілген кредиттер бойынша сыйақылар;

мемлекет меншігінен түсетін басқа да кірістер;

мұнай секторы ұйымдарынан және Жәбірленушілерге өтемақы қорына түсетін түсімдерді қоспағанда, мемлекеттік бюджеттен қаржыландырылатын, сондай-ақ Қазақстан Республикасы Ұлттық Банкінің бюджетінен (шығыстар сметасынан) қамтылатын және қаржыландырылатын мемлекеттік мекемелер салатын айыппұлдар, өсімпұлдар, санкциялар, өндіріп алулар;

басқа да салықтық емес түсiмдер;

мемлекеттік мекемелерге бекітілген мемлекеттік мүлікті сату.

3. Қазақстан Республикасының «2025-2027 жылдарға арналған республикалық бюджет туралы» Заңының 9 - бабына сәйкес белгіленгені еске және басшылыққа алынсын:

2025 жылғы 1 қаңтардан бастап:

1) жалақының ең төменгі мөлшері – 85 000 теңге;

2) Қазақстан Республикасының заңнамасына сәйкес жәрдемақыларды және өзге де әлеуметтік төлемдерді есептеу үшін, сондай-ақ айыппұл санкцияларын, салықтар мен басқа да төлемдерді қолдану үшін айлық есептік көрсеткіш – 3 932 теңге;

3) базалық әлеуметтік төлемдердің мөлшерін есептеу үшін ең төменгі күнкөріс деңгейінің шамасы – 46 228 теңге.

4. Ақтөбе облыстық мәслихатының «2025-2027 жылдарға арналған облыстық бюджет туралы» шешімінің 8-тармағына сәйкес 2025 жылға облыстық бюджеттен аудандық бюджетке берілетін субвенция – 1 321 694 мың теңге сомасында көзделді.

5. 2025 жылға арналған аудандық бюджетте аудандық бюджеттен ауылдық округтерге және ауылға берілетін субвенциялар көлемі 332 952 мың теңге сомасында көзделсін, оның ішінде:

Бадамша ауылдық округіне – 44 494 мың теңге;

Желтау ауылдық округіне – 16 420 мың теңге;

Кемпірсай ауылдық округіне – 36 720 мың теңге;

Қосестек ауылдық округіне – 44 191 мың теңге;

Ащылысай ауылдық округіне – 51 503 мың теңге;

Степной ауылдық округіне – 42 570 мың теңге;

Велихов ауылдық округіне – 33 849 мың теңге;

Әлімбет ауылдық округіне – 42 689 мың теңге;

Шәмші Қалдаяқов ауылына– 20 516,0 мың теңге.

6. 2025 жылға арналған аудандық бюджетте республикалық бюджеттен мамандарды әлеуметтік қолдау шараларын іске асыруға кредиттер түскені ескерілсін.

Кредиттердің аталған сомаларын бөлу аудан әкімдігінің қаулысы негізінде айқындалады.

7. 2025 жылға арналған аудандық бюджетте республикалық бюджеттен ағымдағы нысаналы трансферттер және даму трансферттері көзделсін:

1) мемлекеттік бюджет қаражаты есебінен ұсталатын азаматтық қызметшілердің жекелеген санаттарының, ұйымдар жұмыскерлерінің, қазыналық кәсіпорындар жұмыскерлерінің жалақысын арттыруға;

2) Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға;

3) мемлекеттік атаулы әлеуметтік көмек төлеуге;

4) халықтың әлеуметтік жағынан осал топтарына коммуналдық тұрғын үй қорынан тұрғын үй сатып алуға;

5) «Ауыл-Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылымдарды дамыту.

Ағымдағы нысаналы трансферттердің және даму трансферттердің аталған сомаларын бөлу аудан әкімдігінің қаулысы негізінде айқындалады.

8. 2025 жылға арналған аудандық бюджетте облыстық бюджеттен ағымдағы нысаналы трансферттер және даму трансферттері көзделсін:

1) мемлекеттік атаулы әлеуметтік көмек төлеуге;

2) Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға;

3) "Ауыл-Ел бесігі" жобасы шеңберінде ауылдық елді мекендердегі әлеуметтік және инженерлік инфрақұрылым бойынша іс-шараларды іске асыру;

4) коммуналдық шаруашылығын дамытуға;

5) халықтың әлеуметтік осал топтары үшін коммуналдық тұрғын үй қорынан тұрғын үй сатып алуға;

6) көлiк инфрақұрылымының басым жобаларын қаржыландыруға;

7) көлік инфрақұрылымын дамытуға.

Ағымдағы нысаналы трансферттердің және даму трансферттердің аталған сомаларын бөлу аудан әкімдігінің қаулысы негізінде айқындалады.

9. 2025 жылға арналған аудандық бюджетте ауылдық округтерге ағымдағы нысаналы трансферттері мен даму трансферттері көзделсін:

1) аудандық маңызы бар қала, ауыл, кент, ауылдық округ әкімінің қызметін қамтамасыз ету жөніндегі қызметтерге;

2) елді мекендерді абаттандыру мен көгалдандыруға;

3) елді мекендердегі көшелерді жарықтандыруға;

4) елді мекендердің санитариясын қамтамасыз етуге;

5) аудандық маңызы бар қаланың, ауылдың, кенттің, ауылдық округтің мемлекеттік тұрғын үй қорының сақталуын ұйымдастыруға;

6) аудандық маңызы бар қалаларда, ауылдарда, кенттерде, ауылдық округтерде автомобиль жолдарын салу және реконструкциялауға;

7) аудандық маңызы бар қалаларда, ауылдарда, кенттерде, ауылдық округтерде автомобиль жолдарының жұмыс істеуін қамтамасыз етуге;

8) мемлекеттік органның күрделі шығыстарына.

Трансферттердің аталған сомаларын бөлу аудан әкімдігінің қаулысы негізінде айқындалады.

10. 2025 жылға арналған ауданның жергілікті атқарушы органының резерв сомасы – 0 мың теңге болып бекітілсін.

11. 2025 жылға арналған аудандық бюджетті атқару процесінде секвестрлеуге жатпайтын аудандық бюджеттің бюджеттік бағдарламаларының тізбесі 4 қосымшаға сәйкес бекітілсін.

12. Осы шешім 2025 жылғы 1 қаңтардан бастап қолданысқа енгізіледі.

Қарғалы аудандық мәслихатының төрағасы

С. Аманжолов

Қарғалы аудандық мәслихатының

2024 жылғы 20 желтоқсандағы

№ 253 шешіміне 1 қосымша

2025 жылға арналған Қарғалы аудандық бюджеті

Қарғалы аудандық мәслихаттың

2024 жылғы 20 желтоқсандағы

№ 253 шешіміне 2 қосымша

2026 жылға арналған Қарғалы аудандық бюджеті

Қарғалы аудандық мәслихаттың

2024 жылғы 20 желтоқсандағы

№ 253 шешіміне 3 қосымша

2027 жылға арналған Қарғалы аудандық бюджеті