«QAZ Cuprum Group» жауапкершілігі шектеулі серіктестігімен қатты пайдалы қазбаларды барлау жөніндегі операцияларды жүргізу үшін жер учаскелеріне қауымдық сервитут белгілеу туралы

Қазақстан Республикасы Жер кодексінің 19-бабына, 69-бабының 4-тармағына, 71-1 бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 35, 37-баптарына сәйкес Осакаров ауданы Шідерті ауылдық округінің әкімі ШЕШІМ ҚАБЫЛДАДЫ:

1. Осы шешімнің қосымшасына сәйкес, «QAZ Cuprum Group» жауапкершілігі шектеулі серіктестігімен қатты пайдалы қазбаларды барлау жөніндегі операцияларды жүргізу үшін 2029 жылдың 06 тамызға дейінгі мерзімге Қарағанды облысы, Осакаров ауданы, Шідерті ауылының (елді мекен шегінде) аумағында орналасқан жалпы аумағы 271,5132 гектар жер учаскелеріне қауымдық сервитут белгіленсін.

2. «QAZ Cuprum Group» жауапкершілігі шектеулі серіктестігі (келісім бойынша) жер учаскелерінің меншік иелері мен жер пайдаланушылардың шығындарын толық көлемде өтеуі қажет, залалдардың мөлшері мен оларды өтеу тәртібі Қазақстан Республикасының қолданыстағы заңнамасына сәйкес тараптардың келісімімен айқындалсын.

3. «Қарағанды облысы Осакаров ауданы Шідерті ауылдық округі әкімінің аппараты» мемлекеттік мекемесі Қазақстан Республикасының заңнамалық актілерінде белгіленген тәртіппен осы шешімнен туындайтын шараларды қабылдасын.

4. Осы шешімнің орындалуын бақылауды өзіме қалдырамын.

5. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Шідерті ауылдық округінің әкімі

Алдаркина А.А.

Қосымша

Осакаров ауданы

Шідерті ауылдық округі

әкімінің шешіміне

2024 жылғы " " №

Оларға қатысты жария сервитут белгіленуге жататын қатты пайдалы қазбаларды барлауға арналған лицензияның 2023 жылғы 07 тамыздағы № 2088-EL шекарасындағы жер учаскелерінің тізбесі