«Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу қағидаларын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 24 желтоқсандағы № ҚР ДСМ-321/2020 бұйрығына өзгеріс енгізу туралы

БҰЙЫРАМЫН:

«Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу қағидаларын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 24 желтоқсандағы № ҚР ДСМ-321/2020 бұйрығына (Нормативтік құқықтық актілерді мемлекеттік тіркеу тізілімінде № 21904 болып тіркелген) мынадай өзгеріс енгізілсін:

көрсетілген бұйрықпен бекітілген Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу қағидалары осы бұйрыққа қосымшаға сәйкес жаңа редакцияда жазылсын.

2. Қазақстан Республикасы Денсаулық сақтау министрлігінің Экономика, қаржы және корпоративтік басқару департаменті Қазақстан Республикасы заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты ресми жариялағаннан кейін Қазақстан Республикасы Денсаулық сақтау министрлігінің интернет-ресурсына орналастыруды;

3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Денсаулық сақтау министрінің м.а.

Е. Нурлыбаев

Қазақстан Республикасы

Денсаулық сақтау

министрінің м.а.

2024 жылғы 4 желтоқсандағы

№ 103

Бұйрыққа қосымша

Қазақстан Республикасы

Денсаулық сақтау

министрінің міндетін

атқарушының

2020 жылғы 24 желтоқсандағы

№ ҚР ДСМ - 321/2020

бұйрығымен

бекітілген

Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу қағидалары

1-тарау. Жалпы ережелер

1. Осы Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу қағидалары (бұдан әрі – Қағидалар) «Халық денсаулығы және денсаулық сақтау жүйесі туралы» Қазақстан Республикасының Кодексі (бұдан әрі – Кодекс) 7-бабының 99) тармақшасына сәйкес әзірленді және тегін медициналық көмектің кепілдік берілген көлемі (бұдан әрі – ТМККК) шеңберінде және (немесе) міндетті әлеуметтік медициналық сақтандыру (бұдан әрі – МӘМС) жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу тәртібін айқындайды.

2. Осы Қағидаларда пайдаланылатын негізгі ұғымдар:

1) ағымдағы мониторинг – медициналық ақпараттық жүйелерде, оның ішінде форматтық-логикалық бақылауды пайдалана отырып және (немесе) денсаулық сақтау субъектісіне бару арқылы тұрақты негізде жүргізілетін медициналық қызметтерді (көмекті) бағалауды білдіретін медициналық қызметтердің (көмектің) сапасы мен көлемі бойынша шарттық міндеттемелердің мониторингін жүргізу түрі;

2) әлеуметтік медициналық сақтандыру қоры (бұдан әрі – қор) – аударымдар мен жарналарды жинақтауды жүргізетін, сондай-ақ медициналық көмек көрсететін денсаулық сақтау субъектілерінің көрсетілетін қызметтерін медициналық көрсетілетін қызметтерді сатып алу шартында көзделген көлемдерде және талаптармен сатып алу мен оларға ақы төлеуді және Қазақстан Республикасының заңдарында айқындалған өзге де функцияларды жүзеге асыратын коммерциялық емес ұйым;

3) бастапқы медициналық құжаттама – халықтың денсаулық жағдайы туралы деректерді жазуға арналған құжаттар жиынтығы;

4) бейінді маман – жоғары медициналық білімі, денсаулық сақтау саласында сертификаты бар медицина қызметкері;

5) денсаулық сақтау саласындағы уәкілетті орган (бұдан әрі – уәкілетті орган) – Қазақстан Республикасы азаматтарының денсаулығын сақтау, медицина және фармацевтика ғылымы, медициналық және фармацевтикалық білім беру, халықтың санитариялық-эпидемиологиялық саламаттылығы, дәрілік заттар мен медициналық бұйымдардың айналысы, медициналық қызметтер (көмек) көрсету сапасы саласында басшылықты және салааралық үйлестіруді жүзеге асыратын орталық атқарушы орган;

6) денсаулық сақтау субъектілері – денсаулық сақтау ұйымдары, сондай-ақ жекеше медициналық практикамен және фармацевтикалық қызметпен айналысатын жеке тұлғалар;

7) жоспардан тыс мониторинг – медициналық қызметтер (көмек) көрсету тәртібін бұзудың нақты фактілері мен мән-жайлары бойынша медициналық көрсетілетін қызметтердің (көмек) сапасы және (немесе) көлемі мониторингінің түрі;

8) көрсетілетін қызметтерді сатып алу шартының тиісінше орындалу мониторингі – медициналық ақпараттық жүйеде жоспарлы тәртіппен және (немесе) өнім берушіге бару арқылы жүргізілетін көрсетілетін қызметтерді сатып алу шарты тармақтарының орындалуы бойынша мониторинг жүргізу түрі;

9) қордың филиалы – қордың орналасқан жерінен тыс орналасқан және оның функцияларының бәрін немесе бір бөлігін, оның ішінде өкілдік функцияларын жүзеге асыратын оқшауланған бөлімшесі;

10) медициналық ақпарат – медициналық көмек көрсету процесінде туындайтын және медициналық құжаттар мен медициналық ақпараттық жүйелерде көрсетілген пациенттер мен аурулар туралы ақпарат, сондай-ақ денсаулық сақтау мәселелері жөніндегі ақпарат;

11) медициналық ақпараттық жүйе (бұдан әрі – МАЖ) – денсаулық сақтау субъектілерінің процестерін электрондық форматта жүргізуді қамтамасыз ететін ақпараттық жүйе;

12) медициналық көмек – дәрілік қамтамасыз етуді қоса алғанда, халықтың денсаулығын сақтауға және қалпына келтіруге бағытталған медициналық көрсетілетін қызметтер кешені;

13) медициналық көмек көрсету ақауы (бұдан әрі – ақау) – медициналық көмек көрсетуді ұйымдастыру стандарттарының сақталмағанынан және клиникалық хаттамалардан негізсіз ауытқуын көрсететін медициналық қызметтер (көмек) көрсету тәртібінің бұзылуы, сондай-ақ медициналық қызмет (көмек) көрсетудің расталмаған жағдайы және (немесе) медициналық қызметтер (көмек) құнын (шығын сыйымдылығы коэффициентін, тарифін) негізсіз жоғарылату фактісі, сондай-ақ медициналық қызмет (көмек) көрсету мерзімдерін сақтамау;

14) медициналық көрсетілетін қызметтер – денсаулық сақтау субъектілерінің нақты адамға қатысты профилактикалық, диагностикалық, емдеу, оңалту және паллиативтік бағыты бар іс-қимылдары;

15) медициналық көрсетілетін қызметтердің (көмектің) көлемі – өнім беруші мен қор немесе бюджеттік бағдарламалар әкімшісінің арасындағы медициналық көрсетілетін қызметтерді сатып алу шартында көзделген медициналық көмек көрсетудің түрлері, нысандары мен шарттары бойынша медициналық көрсетілетін қызметтердің (көмектің) тізбесі;

16) медициналық көрсетілетін қызметтерді сатып алу шартының елеулі бұзушылықтары – Қазақстан Республикасының денсаулық сақтау саласындағы заңнамасы талаптарының, медициналық көмек көрсетуді ұйымдастыру стандарттарын, медициналық көмек көрсету қағидаларын, сондай-ақ клиникалық хаттамаларды сақтау жөніндегі медициналық көрсетілетін қызметтерді сатып алу шартының талаптарының бұзушылықтары;

17) медициналық көрсетілетін қызметтерді сатып алу шартының елеусіз бұзушылықтары – елеулі бұзушылықтарға жатпайтын, оның ішінде денсаулық сақтау саласындағы заңнаманың талаптарына, медициналық көрсетілетін қызметтерді сатып алу шартының талаптарына сәйкес келмейтін бұзушылықтары;

18) медициналық көрсетілетін қызметтерді (көмек) тұтынушы – Қазақстан Республикасының заңнамасына сәйкес ТМККК шеңберінде және (немесе) МӘМС жүйесінде медициналық көмек алуға құқығы бар жеке тұлға;

19) медициналық қызметтер (көмек) көрсету саласындағы мемлекеттік орган – медициналық көрсетілетін қызметтердің (көмек) көрсету саласындағы басшылықты, медициналық қызметтер (көмектің) сапасын бақылауды жүзеге асыратын мемлекеттік орган;

20) өнім беруші – онымен қор көрсетілетін қызметтерді сатып алу шартын жасасқан денсаулық сақтау субъектісі;

21) тәуелсіз сарапшы – уәкілетті орган айқындайтын талаптарға сәйкес келетін және тәуелсіз сарапшылар тізілімінде тұрған жеке тұлға;

22) ТМККК шеңберінде және МӘМС жүйесінде денсаулық сақтау субъектілерінен көрсетілетін қызметтерді сатып алу шарты (бұдан әрі – көрсетілетін қызметтерді сатып алу шарты) – қор мен денсаулық сақтау субъектілері арасындағы медициналық көрсетілетін қызметтерді тұтынушыларға медициналық көмек көрсетуді көздейтін жазбаша нысандағы келісім;

23) ТМККК шеңберінде және (немесе) МӘМС жүйесінде денсаулық сақтау субъектілерінен көрсетілетін қызметтерді сатып алу шарты талаптарының орындалу мониторингі – көрсетілетін қызметтерді сатып алу шартын және медициналық көрсетілетін қызметтердің (көмек) сапасы мен көлемі жөніндегі шарттық міндеттемелерді тиісінше орындау бойынша жүйелі бағалау;

24) форматтық-логикалық бақылау (бұдан әрі – ФЛБ) – МАЖ пайдаланушылардың Қазақстан Республикасының денсаулық сақтау саласындағы заңнамасын сақтауын қамтамасыз етуге бағытталған МАЖ-ға белгіленетін бағдарламалық шектеулер кешені.

2-тарау. Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көрсетілетін қызметтерді сатып алу шарты талаптарының орындалу мониторингін жүргізу тәртібі

1-параграф. Әлеуметтік медициналық сақтандыру қорының медициналық қызметтерді сатып алу шарты талаптарының орындалу мониторингін жүргізу тәртібі

3. Қор Қазақстан Республикасының азаматтарына медициналық қызметтер (көмек) көрсетуге шарт жасасқан шетелдік медициналық ұйымдардан басқа, ТМККК шеңберінде және (немесе) МӘМС жүйесінде өнім берушілерден көрсетілетін қызметтерді сатып алу шарты талаптарының орындалу мониторингін Қазақстан Республикасы Денсаулық сақтау министрінің 2021 жылғы 26 мамырдағы № ҚР ДСМ-45 бұйрығымен бекітілген (Нормативтік құқықтық актілерді мемлекеттік тіркеу тізілімінде № 22866 болып тіркелген) Тегін медициналық көмектің кепілдік берілген көлемі шеңберінде Қазақстан Республикасының азаматтарын шетелге емделуге жіберу және (немесе) емдеуді отандық медициналық ұйымдарда жүргізу үшін шетелдік мамандарды тарту қағидаларының 19-тармағына сәйкес жүзеге асырады.

4. ТМККК шеңберінде және МӘМС жүйесінде денсаулық сақтау субъектілерінен көрсетілетін қызметтерді сатып алу шарты талаптарының орындалу мониторингі МАЖ-да және (немесе) өнім берушіге барып, пациенттерге сұрау салу арқылы, оның ішінде телекоммуникация құралдарын (байланыс құралдарын) пайдалана отырып, сондай-ақ қолданыстағы заңнама шеңберінде өнім берушіден бастапқы медициналық құжаттаманы және бастапқы бухгалтерлік құжаттарды сұрату арқылы жүргізіледі.

Өнім берушіге барған кезде МАЖ-ға енгізілген ақпаратпен пациенттің медициналық ақпаратының дұрыстығына іріктеп бағалау жүргізіледі.

5. ТМККК шеңберінде және (немесе) МӘМС жүйесінде денсаулық сақтау субъектілерінен көрсетілетін қызметтерді сатып алу шарты талаптарының орындалу мониторингі мынадай түрлермен қамтамасыз етіледі:

1) ағымдағы;

2) жоспардан тыс;

3) көрсетілетін қызметтерді сатып алу шартының тиісінше орындалуы.

6. Алдағы мониторинг жүргізу туралы хабарлама өнім берушіге ағымдағы және жоспардан тыс мониторингтерден басқа кемінде 1 (бір) жұмыс күні бұрын беріледі.

Хабарламалар мынадай тәсілдердің бірімен жіберіледі:

1) МАЖ-да электрондық түрде;

2) электрондық түрде электрондық құжат айналымы арқылы немесе алғаны туралы хабарламасы бар электрондық пошта арқылы;

3) қағаз түрінде қолма-қол немесе өнім берушінің курьеріне;

4) хабарламасы бар тапсырыс хатпен пошта арқылы қағаз түрінде.

Медициналық көрсетілетін қызметтердің (көмектің) сапасы мен көлемінің мониторингін тоқтата тұру немесе ұзарту туралы өнім берушіге хабарлама көрсетілетін қызметтерді сатып алу шарты жасалған денсаулық сақтау субъектісінің қызметін тоқтата тұру туралы сот шешімі заңды күшіне енген күннен бастап 3 (үш) жұмыс күні ішінде немесе Қазақстан Республикасының Бас мемлекеттік санитариялық дәрігерінің немесе тиісті әкімшілік-аумақтық бірліктің (көліктегі) бас мемлекеттік санитарлық дәрігерінің қаулысы, сондай-ақ өзге де мемлекеттік органдардың ведомстволық объектілерінде халықтың санитариялық-эпидемиологиялық саламаттылығы саласындағы мемлекеттік органның құрылымдық бөлімшелерінің бас мемлекеттік санитариялық дәрігерінің шектеу іс-шараларын, оның ішінде Қазақстан Республикасының аумағында және (немесе) өнім берушінің базасы орналасқан өңірде төтенше жағдайлар кезінде, төтенше жағдай режимін және басқа да шектеулерді енгізу туралы шешімімен еркін қозғалу, өнім берушінің базасына бара отырып, мониторинг жүргізу кезінде беріледі.

Жоспардан тыс мониторинг жүргізуді тоқтату туралы хабарлама өнім берушіге өтінішті кері қайтарып алу тіркелген күннен бастап 1 (бір) жұмыс күнінен кешіктірілмей ұсынылады.

7. Медициналық көрсетілетін қызметтер (көмек) сапасының мониторингі өнім берушінің медициналық көмек көрсетуді ұйымдастыру стандарттарының, медициналық көмек көрсету қағидаларының, сондай-ақ клиникалық хаттамалардың талаптарын сақтауы тұрғысынан жүргізіледі.

8. Медициналық көрсетілетін қызметтер (көмек) көлемінің мониторингі көрсетілетін қызметтерді сатып алу шартында көзделген талаптарға сәйкес медициналық көрсетілетін қызметтер (көмек) көлемінің орындалуын сақтау тұрғысынан жүргізіледі.

9. Медициналық көрсетілетін қызметтердің (көмектің) сапасы мен көлеміне мониторинг жүргізу үшін қор Қазақстан Республикасы Денсаулық сақтау министрінің 2020 жылғы 16 қыркүйектегі № ҚР ДСМ-103/2020 бұйрығымен (Нормативтік құқықтық актілерді мемлекеттік тіркеу тізілімінде № 21218 болып тіркелген) бекітілген Медициналық көрсетілетін қызметтердің (көмектің) сапасына сараптама жүргізу кезінде тәуелсіз сарапшыларды тарту қағидаларына сәйкес тәуелсіз сарапшыларды, сондай-ақ мынадай жағдайларда бейінді мамандарды тартады:

1) өлім жағдайларын, сирек кездесетін аурулармен емделіп шығу жағдайларын, арнайы мамандандырылған емделіп шығу жағдайларын (клиникалық жоспарда), асқынулармен емделіп шығу жағдайларын қарау кезінде, сондай-ақ нақты келтірілген шығыстар үшін көрсетілетін қызметтерді төлеу кезінде медициналық көмектің сапасын растау қажеттілігі;

2) көрсетілетін қызметтерді сатып алу шарты талаптарының орындалуына мониторинг жүргізу кезінде медициналық көрсетілетін қызметтердің (көмектің) сапасын растау қажеттілігі;

3) азаматтық процестің тарапы ретінде қатысу.

10. Көрсетілетін қызметтерді сатып алу шарты талаптарының орындалуына мониторинг жүргізу кезінде қор көрсетілетін қызметтерді сатып алу шарты талаптарының орындалмауы және (немесе) тиісінше орындалмауы және осы Қағидаларға 1-қосымшаға сәйкес ақаулардың бірыңғай сыныптамасына (бұдан әрі – АБС) сәйкес медициналық көмек көрсету ақауларын анықтау жөнінде іс-шаралар жүргізеді.

11. Медициналық көрсетілетін қызметтердің (көмектің) сапасы мен көлемінің мониторингі шарттық міндеттемелерге сәйкес тұрақты негізде жүргізіледі, оның нәтижелері бойынша Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінің көрсетілетін қызметтеріне ақы төлеу қағидаларына сәйкес (Нормативтік құқықтық актілерді мемлекеттік тіркеу тізілімінде № 21831 болып тіркелген) Қазақстан Республикасы Денсаулық сақтау министрінің 2020 жылғы 20 желтоқсанындағы № ҚР ДСМ-291/2020 бұйрығымен бекітілген өнім берушілерге ақы төлеу жүргізіледі.

12. Егер қордың жұмыскері мониторинг жүргізілетін медициналық көрсетілетін қызметтерді (көмекті) берушіге қатысты үлестес тұлға болып табылса, мониторинг жүргізуге қатыспайды.

13. Бару арқылы медициналық көрсетілетін қызметтердің (көмектің) сапасына және көлеміне мониторинг жүргізу кезінде қор жұмыскерінің өнім берушінің өндірістік базасында болуы он жұмыс күнінен аспайды.

14. Медициналық көрсетілетін қызметтердің (көмектің) сапасы мен көлемі мониторингінің нәтижелері бойынша медициналық қызметтің түрлері мен медициналық көмектің түрлері бойынша АБС-ға сәйкес өнім берушіге төленуге жататын соманы азайту үшін негіз болып табылатын медициналық көмек көрсетудің ақаулары анықталады.

15. Мониторинг кезінде анықталмаған ақаулар көрсетілген қызметтерге ақы төлегеннен кейін анықталған және көрсетілетін қызметтерді сатып алу шартының талаптары орындалмаған және (немесе) тиісінше орындалмаған кезде (жасырын кемшіліктер) қор бұл туралы өнім берушіге жасырын кемшілік анықталған күннен бастап бір айдың ішінде хабарлайды және АБС-ға және жоспардан тыс мониторинг шеңберінде көрсетілетін қызметтерді сатып алу шартының талаптарына сәйкес экономикалық ықпал ету шараларын қолданады.

16. Көрсетілетін қызметтерді сатып алу шартының қолданылу мерзімі өткеннен кейін немесе қолданыстағы көрсетілетін қызметтерді сатып алу шартының төленген кезеңінде анықталған республикалық бюджет туралы заңда тиісті қаржы жылына белгіленген айлық есептік көрсеткіштің 200 еселенген мөлшерінен асатын сомада кіші ақауы бар 5.0 ақау коды бойынша медициналық қызмет (көмек) көрсетудің тәртібінің бұзылуы анықталған кезде қор қорытындыға қол қойған күннен бастап он жұмыс күні ішінде ақпарат құқық қорғау органдарына жіберіледі.

Көрсетілетін қызметтерді сатып алу шартының қолданылу кезеңінде мониторинг жүргізу кезінде кейінгі айлар ішінде анықталған республикалық бюджет туралы заңда тиісті қаржы жылына белгіленген айлық есептік көрсеткіштің 200 еселенген мөлшерінен асатын сомаға кіші ақауы бар 5.0 ақау коды бойынша медициналық қызмет (көмек) көрсету тәртібінің бұзылуын қайта анықтау осы әкімшілік-аумақтық бірлікте көрсетілетін қызметтердің жалғыз өнім берушісі болып табылатын денсаулық сақтау субъектілерімен жасалған шарттарды қоспағанда, қордың көрсетілетін қызметтерді сатып алу шартын мерзімінен бұрын бұзуы үшін негіз болып табылады.

17. Медициналық көрсетілетін қызметтердің (көмектің) сапасы мен көлемі бойынша шарттық міндеттемелер мониторингінің қорытындылары бойынша осы Қағидаларға 2-қосымшаға сәйкес нысан бойынша қорытынды қалыптастырылады.

Көрсетілетін қызметтерді сатып алу шартын тиісінше орындау бойынша жүйелі бағалау қорытындылары бойынша осы Қағидаларға 3-қосымшаға сәйкес нысан бойынша қорытынды қалыптастырылады.

АБС кіші ақаулары бар 5.0 ақау бойынша өнім берушілер көрсететін медициналық қызметтердің (көмектің) сапасының бұзылғаны анықталған жағдайда медициналық көрсетілетін қызметтердің (көмектің) сапасы мен көлемі бойынша шарттық міндеттемелердің мониторингінің қорытындылары бойынша осы Қағидаларға 2-қосымшамен қатар 4-қосымшаға сәйкес нысан бойынша қорытынды қалыптастырылады.

Қорытындыларға мониторинг жүргізген қордың жұмыскері (жұмыскерлері) қол қояды және мынадай тәсілдердің бірімен танысу үшін қол қойылған күннен бастап 2 (екі) жұмыс күні ішінде өнім берушіге жіберіледі:

1) МАЖ-да электрондық түрде;

2) электрондық түрде электрондық құжат айналымы арқылы немесе алғаны туралы хабарламасы бар электрондық пошта арқылы;

3) қағаз түрінде қолма-қол немесе өнім берушінің курьеріне;

4) хабарламасы бар тапсырыс хатпен пошта арқылы қағаз түрінде.

18. Мониторинг жүргізу кезінде АБС-ға сәйкес медициналық қызметтер (көмек) көрсетудің анықталған ақаулары ағымдағы кезеңде ақы төлеу кезінде ескеріледі.

19. Көрсетілетін қызметтерді сатып алу шартының талаптары орындалмағаны және (немесе) тиісінше орындалмағаны кезде қор көрсетілетін қызметтерді сатып алу шартының талаптарына сәйкес өнім берушіге тұрақсыздық айыбын қолданады.

20. Медициналық көрсетілетін қызметтердің (көмектің) сапасы мен көлемі бойынша шарттық міндеттемелердің мониторингін жасасумен келіспеген кезде өнім беруші қарсылықпен қорытындыға қол қояды және қор филиалының мекенжайына мынадай тәсілдердің бірімен қорытындыға қол қойылған күннен кейін 3 (үш) жұмыс күнінен кешіктірмей қарсылықтар тізбесін жібереді:

1) электрондық түрде электрондық құжат айналымы арқылы немесе алғаны туралы хабарламасы бар электрондық пошта арқылы;

2) қағаз түрінде қолма-қол немесе өнім берушінің курьеріне;

3) хабарламасы бар тапсырыс хатпен пошта арқылы қағаз түрінде.

Қордың филиалы ұсынылған қарсылықтарды 3 (үш) жұмыс күні ішінде қарайды және өнім берушінің қарсылықтары қабылданған жағдайда медициналық қызметтердің (көмектің) сапасы мен көлемі бойынша шарттық міндеттемелер мониторингінің қорытындысына түзету енгізеді, содан кейін өнім берушіге дәлелді жауап жібереді.

Қор филиалы ұсынылған қарсылықтарды 3 (үш) жұмыс күні ішінде қарайды және өнім берушіге дәлелді жауап жібереді.

Өнім беруші қарсылықсыз қорытындыға қол қойған кезде қорытынды қабылданды деп есептеледі.

Өнім беруші дәлелді жауаппен келіспеген жағдайда, өнім беруші қор филиалын хабардар ете отырып, мониторинг нәтижелеріне медициналық қызметтер (көмек) көрсету саласындағы мемлекеттік органға шағымданады.

21. Өнім берушінің рұқсат беру және құқық белгілеу құжаттарының болуы бойынша ақпарат алу үшін қор мемлекеттік ақпараттық жүйелерде деректерді іздеуді жүзеге асырады және (немесе) өнім берушіден құжаттарға сұрау салуды жүргізеді.

Өнім беруші көрсететін қызметтердің тиісті объектіге арналған медициналық лицензияға қосымшаға және (немесе) иондаушы сәулеленуді генерациялайтын аспаптар мен қондырғыларды пайдалануға арналған тиісті объектіге арналған лицензияға қосымшаға сәйкестігіне мониторингті қор мониторинг жүргізу кезінде медициналық көмек көрсету шарттары және (немесе) медициналық көмек көрсету түрлері бойынша жүргізеді.

Бұл ретте қор тиісті мемлекеттік ақпараттық жүйелерден, «Электрондық үкімет» шлюзі (бұдан әрі – ЭҮШ) арқылы және цифрлық құжаттар сервисінен мынадай мәліметтер алады:

медициналық қызметке лицензияның (тиісті объектіге лицензияға қосымшаның) және (немесе) иондаушы сәулеленуді генерациялайтын аспаптар мен қондырғыларды пайдалануға лицензияның болуы туралы;

2015 жылдан кейін оқуын аяқтаған көрсетілетін қызметті алушылар үшін жоғары медициналық білімнің болуы туралы;

2015 жылдан кейін оқуын аяқтаған көрсетілетін қызметті алушылар үшін орта (техникалық және кәсіптік), орта білімнен кейінгі медициналық білімнің болуы туралы;

мәлімделген мамандық бойынша маманның қолданыстағы сертификатының болуы туралы;

Қазақстан Республикасы Еңбек кодексінің 35-бабына сәйкес мәлімделетін кіші қызмет түрлеріне сәйкес жұмыскердің еңбек қызметін растайтын құжат туралы (ЭҮШ-те жұмыскерлердің бейіндері және еңбек шарттарын есепке алу туралы мәліметтер болған жағдайда);

медициналық көрсетілетін қызметті жүзеге асыру жоспарланып отырған үй-жайға (ғимаратқа) санитариялық-эпидемиологиялық қорытындының болуы және сәйкестігі туралы (ЭҮШ болған жағдайда).

МАЖ-дан (атап айтқанда, медициналық техниканы басқару жүйесінен (бұдан әрі – МТБЖ) мынадай мәліметтер алады:

медициналық техниканың атауы;

медициналық техниканы енгізу күні;

медициналық техниканың тозу пайызы;

жұмыс істейтін, жұмыс істемейтін, жөндеу қажет, резервте, жөндеуде, басқа;

медициналық техникаға паспорттың болуы (МТБЖ-да болған жағдайда);

медициналық техникаға сервистік қызмет көрсетуге арналған шарттың болуы немесе тиісті медициналық техникаға сервистік қызмет көрсетуге рұқсаты бар штатта медициналық техниктің болуы (МТБЖ-да болған кезде).

22. Қор көрсетілетін қызметтерді сатып алу шартының қолданылуы аяқталғаннан кейін медициналық көмектің сапасы мен көлемін мониторингі қорытындылары бойынша ТМККК шеңберінде және (немесе) МӘМС жүйесінде медициналық көмек көрсетуге үміткер денсаулық сақтау субъектілерінің дерекқорын өзектілендіру үшін, сондай-ақ мониторинг жүргізу үшін осы Қағидаларға 5-қосымшаға сәйкес көрсетілетін қызметтерді сатып алу шартының қолданылу кезеңінде әрбір өнім беруші бойынша жүргізілген барлық мониторингтер туралы ақпараты бар өнім берушілердің тізілімін қалыптастырады.

Көрсетілетін қызметтерді сатып алу шартының талаптарын орындау мониторингі өнім берушілер тізілімін талдау және көрсетілетін қызметтерді сатып алу шартының талаптарын орындамау немесе тиісінше орындамау тәуекелін айқындау нәтижесі бойынша:

1) МАЖ-да, ағымдағы мониторинг шеңберінде;

2) МАЖ-да және жоспардан тыс мониторинг шеңберінде өнім берушінің базасына бару арқылы;

3) МАЖ-да және (немесе) көрсетілетін қызметтерді сатып алу шартының тиісінше орындалу мониторингі шеңберінде тәуелсіз сарапшылардың және (немесе) бейінді мамандардың қатысуымен өнім берушінің базасына бару арқылы жүргізіледі.

23. Медициналық көрсетілетін қызметтердің (көмектің) сапасы мен көлеміне мониторинг жүргізу осы өтініш бойынша жоспардан тыс мониторинг жүргізу сәтінде өтініш берушінің өтінішін кері қайтарып алуды тіркеу кезінде тоқтатылады, бұл ретте сапа мен көлемнің анықталған ақаулары бойынша АБС-ның 8,0 – «Негізделген шағым» ақауын қоспағанда, өнім берушіге төленуге жататын соманы азайту қолданылады.

24. Медициналық көрсетілетін қызметтердің (көмектің) сапасы мен көлеміне мониторинг жүргізу тоқтатыла тұрады:

1) егер көрсетілетін қызметтерді сатып алу шарты жасалған денсаулық сақтау субъектісінің қызметін тоқтата тұру туралы заңды күшіне енген сот шешімі болса;

2) егер Қазақстан Республикасының Бас мемлекеттік санитариялық дәрігерінің немесе тиісті әкімшілік-аумақтық бірліктің (көлікте) бас мемлекеттік санитариялық дәрігерінің, сондай-ақ өзге де мемлекеттік органдардың ведомстволық объектілерінде халықтың санитариялық-эпидемиологиялық саламаттылығы саласындағы мемлекеттік органның құрылымдық бөлімшелерінің бас мемлекеттік санитариялық дәрігерінің республика аумағында шектеу іс-шараларын, оның ішінде карантинді енгізу туралы шешімімен қаулысы болса және (немесе) өнім берушінің базасы орналасқан өңірде, төтенше жағдайлар кезінде, төтенше жағдай режимін және еркін жүріп-тұруға шектеулерді енгізу кезінде, өнім берушінің базасына бару арқылы мониторинг жүргізу кезінде.

25. Медициналық қызметтердің (көмектің) сапасы мен көлеміне мониторинг жүргізу ұзартылады:

1) егер көрсетілетін қызметтерді сатып алу шарты жасалған денсаулық сақтау субъектісінің қызметін тоқтата тұрудың күшін жою туралы заңды күшіне енген сот шешімі болса;

2) егер Қазақстан Республикасының Бас мемлекеттік санитариялық дәрігерінің немесе тиісті әкімшілік-аумақтық бірліктің (көлікте) бас мемлекеттік санитариялық дәрігерінің, сондай-ақ өзге де мемлекеттік органдардың ведомстволық объектілерінде халықтың санитариялық-эпидемиологиялық саламаттылығы саласындағы мемлекеттік органның құрылымдық бөлімшелерінің бас мемлекеттік санитариялық дәрігерінің республика аумағында шектеу іс-шараларын, оның ішінде карантинді енгізу туралы шешімімен қаулысы болса Және (немесе) өнім берушінің базасы орналасқан өңірде, Төтенше жағдайлар кезінде, төтенше жағдай режимін және еркін жүріп-тұруға шектеулерді енгізу кезінде, өнім берушінің базасына бару арқылы мониторинг жүргізу кезінде.

26. Медициналық көрсетілетін қызметтердің (көмектің) сапасы мен көлеміне мониторинг жүргізу кезінде анықталған бұзушылықтар бойынша ақпарат құзыреті бойынша шаралар қабылдау үшін сондай-ақ медициналық көмек көрсету кезінде өнім берушілердің бұзушылықтарының профилактикасына бағытталған іс-шараларды орындау бойынша ұйымдастырушылық және басқарушылық шешімдер қабылдау үшін облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарына жіберіледі.

27. Медициналық көмек көрсету кезінде өнім берушілердің бұзушылықтарының профилактикасына бағытталған іс-шаралардың орындалуы бойынша ақпаратты облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдары қорға орындалуына қарай ұсынады.

28. Қор тоқсан сайын, есепті кезеңнен кейінгі 30-күнге дейін медициналық қызметтер (көмек) көрсету саласындағы мемлекеттік органға өнім берушіге әкімшілік ықпал ету шараларын талап ететін мамандандырылған, оның ішінде жоғары технологиялық медициналық көмек көрсетілгеннен кейін пациенттерде қолайсыз нәтижелерге әкеп соққан анықталған бұзушылықтар бойынша ақпарат жібереді.

2-параграф. Ағымдағы мониторинг

29. Медициналық көрсетілетін қызметтердің (көмектің) сапасы мен көлемінің мониторингі:

1) МАЖ-да көрсетілген медициналық қызметтердің (көмектің) АБС-дан ақаулар беріле отырып;

2) МАЖ-да өнім берушінің есепті кезеңде медициналық көрсетілетін қызметтер (көмек) көлемінің орындалуын мониторингтеу жолымен;

3) бастапқы медициналық құжаттаманы қағаз жеткізгіштерде зерделеу, МАЖ-ға енгізілген медициналық ақпаратты бастапқы медициналық құжаттамамен салыстырып-тексеруді және шарттық міндеттемелерді орындау жөніндегі шараларды қамтамасыз ету мақсатында өзге де іс-шараларды жүзеге асыру үшін өнім берушіге бару арқылы жүзеге асырылады.

30. Қор ағымдағы мониторинг кезінде МАЖ-да өнім беруші көрсеткен медициналық қызметтердің (көмектің) сапасы мен көлемін бағалауды ФЛБ белгілеген ақауларды растай немесе қабылдамай, сондай-ақ АБС-дан ақауларды бере отырып, сондай-ақ көрсетілетін қызметтерді сатып алу шартының тиісінше орындалуын бағалауды жүргізеді.

31. Есепті кезеңде медициналық көрсетілетін қызметтер (көмек) көлемінің орындалу мониторингі медициналық қызметтер (көмек) көрсетуге арналған сомаларды ай сайын бөлуге сәйкес жүргізіледі.

Көрсетілетін қызметтерді сатып алу шартының талаптары орындалмаған кезде мыналарды ескере отырып, тұжырым шығарылады:

1) денсаулық сақтауды дамытудың басым бағыттары;

2) халықтың медициналық көмекке қажеттілігін бағалау;

3) қордың нысаналы көрсеткіштері.

Тұжырымды орындау қорытындысы бойынша тұрақсыздық айыбын қолдану туралы шешім шығарылады.

Мониторингтің нәтижелері бойынша қор жылына 2 рет тиісті салыстырып-тексеру актісін қалыптастыра отырып, көрсетілетін қызметтерді сатып алу шарттары бойынша медициналық көрсетілетін қызметтер (көмек) және қаржылық міндеттемелер көлемдерінің орындалуын салыстырып-тексеруді жүзеге асырады.

32. Ағымдағы мониторингті жүргізу кезінде мыналарды қоспағанда, қорытынды қалыптастырылмайды:

1) қан мен оның компоненттерін дайындау, қайта өңдеу, сақтау және өткізу, қан препараттарын өндіру жөніндегі қызметтер;

2) АИТВ инфекциясын жұқтырғандарға медициналық-әлеуметтік көмек көрсету;

3) патологиялық-анатомиялық диагностика қызметтері;

4) өлім және қайтыс болу жағдайлары.

33. Медициналық көрсетілетін қызметтердің (көмектің) сапасы мен көлемі бойынша шарттық міндеттемелердің ағымдағы мониторингі тұрақты негізде жүргізіледі.

34. МАЖ-ға, оның ішінде ақпараттық жүйелердегі жаңартуларға байланысты қолжетімділік болмаған және (немесе) шектелген жағдайда ағымдағы мониторинг МАЖ-ға қолжетімділік қайта қалпына келтірілген сәттен бастап жүргізіледі.

35. Өлім мен қайтыс болу жағдайларының мониторингі ағымдағы мониторинг шеңберінде тұрақты негізде жүргізіледі.

36. Өлім мен қайтыс болу жағдайларының мониторингі МАЖ-да болмаған жағдайда қосымша медициналық құжаттаманы сұрату арқылы МАЖ-ды пайдалану арқылы жүзеге асырылады

37. Медициналық қызметтер (көмек) көрсету саласындағы мемлекеттік орган сараптамасын жүргізетін ана өлімі жағдайларын қоспағанда, стационарлық және стационарды алмастыратын жағдайларда өліммен аяқталған барлық жағдайлар өлім мен қайтыс болу жағдайларының мониторингіне жатады.

38. Кешенді жан басына шаққандағы нормативтің ынталандырушы компоненті қаражатының сомасын есептеуге көрсетілген жағдайлардың қатысуы үшін есепті кезең ішінде (жазатайым оқиғаларды қоспағанда) және МСАК деңгейінде алдын алуға болатын 5 (бес) жасқа дейінгі балалар жасындағы пациенттерінің өлімінің барлық жағдайлары өлім мен қайтыс болу жағдайларының мониторингіне жатады.

Бұл ретте денсаулық сақтау субъектілері пациенттің қайтыс болуы тіркелген күннен бастап 14 күнтізбелік күн ішінде кешенді жан басына шаққандағы нормативтің ынталандырушы компоненті қаражатының сомасын есептеуге қатысу үшін бастапқы құжаттаманы ұсынады.

39. Өлім мен қайтыс болу жағдайларына мониторинг жүргізу үшін қор ана өлімінен басқа, өлім жағдайларын МАЖ-дан жүктеуді пайдаланады.

40. 5 (бес) жасқа дейінгі балалардың өлімі мен қайтыс болу жағдайларының мониторинг нәтижелері МАЖ-ға енгізіледі және төлем жүргізу кезінде ескеріледі.

41. Өлім мен қайтыс болу жағдайларына мониторинг жүргізу кезінде патологиялық-анатомиялық диагностиканың және сот-медициналық сараптаманың нәтижелері ескеріледі.

42. Өлім мен қайтыс болу жағдайлары мониторингінің нәтижелері бойынша қор ана өлімі жағдайларын қоспағанда өлім мен қайтыс болу жағдайлары мониторингінің нәтижелері бойынша осы Қағидаларға 6-қосымшаға сәйкес нысан бойынша әрбір өлім мен қайтыс болу жағдайларына қорытынды қалыптастырады.

Осы Қағидаларға 6-қосымшаға сәйкес нысан бойынша қорытынды Қазақстан Республикасы Денсаулық сақтау министрінің 2020 жылғы 3 желтоқсандағы № ҚР ДСМ-230/2020 бұйрығымен (Нормативтік құқықтық актілерді мемлекеттік тіркеу тізілімінде № 21727 болып тіркелген) бекітілген Медициналық көрсетілетін қызметтер (көмек) сапасына ішкі және сыртқы сараптамаларды ұйымдастыру мен жүргізу қағидаларына (бұдан әрі – Сараптама қағидалары) 3-қосымшаға сәйкес сараптамалық қорытынды және (немесе) қорытынды болған кезде қалыптастырылады.

Осы Қағидаларға 6-қосымшаға сәйкес нысан бойынша өлім мен қайтыс болу жағдайлары мониторингінің нәтижелері бойынша қорытындыға мониторинг жүргізген сарапшы (сарапшылар) қол қояды және танысу үшін мынадай тәсілдердің бірімен қол қойылған күннен бастап екі жұмыс күні ішінде өнім берушіге:

1) МАЖ-да электрондық түрде;

2) электрондық түрде электрондық құжат айналымы арқылы немесе алғаны туралы хабарламасы бар электрондық пошта арқылы;

3) қағаз түрінде қолма-қол немесе өнім берушінің курьеріне;

4) хабарламасы бар тапсырыс хатпен пошта арқылы қағаз түрінде жіберіледі.

43. Тәуелсіз сарапшы Сараптама қағидаларына 3-қосымшаға сәйкес әрбір емделіп шығу жағдайына екі данада сараптамалық қорытынды қалыптастырады, оның біреуі өнім берушінің басшысына беріледі.

3-параграф. Жоспардан тыс мониторинг

44. Медициналық көрсетілетін қызметтер (көмек) сапасының жоспардан тыс мониторингі:

1) медициналық қызметтер (көмек) көрсетудің расталмаған жағдайларының фактілері анықталған;

2) медициналық көрсетілетін қызметтерді (көмекті) және (немесе) заңды тұлғаларды тұтынушылардан өтініштердің түсуі;

3) өнім берушінің денсаулық сақтау саласындағы нормативтік құқықтық актілердің талаптарын, оның ішінде интернеттің қазақстандық сегментінің электрондық ақпараттық ресурстарының мониторингі нәтижесінде алынған ақпарат бойынша бұзу жағдайлары анықталған;

4) медициналық көрсетілетін қызметтердің (көмектің) сапасына мониторинг жүргізу қажеттілігіне қатысты уәкілетті органнан өтініш келіп түскен;

5) өнім берушілердің тізілімін талдау және көрсетілетін қызметтерді сатып алу шартының талаптарын орындамау немесе тиісінше орындамау тәуекелін айқындау нәтижесі бойынша;

6) көрсетілетін қызметтерді сатып алу шартының талаптарын бұзу фактілері анықталған жағдайларда жүргізіледі.

45. Медициналық көрсетілетін қызметтер (көмек) көлемінің жоспардан тыс мониторингі:

1) көрсетілетін қызметтерге ақы төлеудің қосымша көлемінің қажеттілігі туралы өнім берушіден өтініш келіп түскен;

2) медициналық көрсетілетін қызметтер (көмек) көлеміне мониторинг жүргізу қажеттілігіне қатысты уәкілетті органнан өтініш келіп түскен жағдайларда жүргізіледі.

46. Медициналық көрсетілетін қызметтерді (көмекті) тұтынушылардан және (немесе) заңды тұлғалардан түскен өтініштердің себебі бойынша жоспардан тыс мониторинг өтініш шеңберінде және медициналық қызметтер (көмек) көрсету тәртібін бұзу фактілері бойынша жүргізіледі. Медицина қызметкерінің құпиясын құрайтын мәліметтерді қамтитын мониторинг нәтижелері Кодекстің 273-бабына сәйкес өтініш берушіге беріледі.

47. Жоспардан тыс мониторинг мынадай жағдайларда жүргізілмейді:

1) анонимді өтініш;

2) мәселенің мәні баяндалмаған өтініш.

4-параграф. Көрсетілетін қызметтерді сатып алу шартының тиісінше орындалу мониторингі

48. Көрсетілетін қызметтерді сатып алу шартының тиісінше орындалуының мониторингі МАЖ-да, сондай-ақ қағаз тасымалдағыштағы бастапқы медициналық құжаттаманы зерделеу, МАЖ-ға енгізілген медициналық ақпаратты бастапқы медициналық құжаттамамен салыстырып-тексеру және шарттық міндеттемелерді орындау жөніндегі шараларды қамтамасыз ету мақсатында өзге де іс-шаралар үшін өнім берушіге бару арқылы жүргізіледі.

49. Көрсетілетін қызметтерді сатып алу шартының тиісінше орындалу мониторингі қордың сайтында орналастырылатын жоспарларға сәйкес жүргізіледі.

Өнім берушілерге бару жоспарлары өткен жылғы мониторинг қорытындылары бойынша және (немесе) медициналық ұйымдардың қызметін бағалау нәтижелері бойынша өнім берушілер тізілімін талдауды ескере отырып қалыптастырылады.

50. Көрсетілетін қызметтерді сатып алу шартының тиісінше орындалуы мониторингінің қорытындылары бойынша осы Қағидаларға 3-қосымшаға сәйкес нысан бойынша қорытынды қалыптастырылады.

Тегін медициналық көмектің

кепілдік берілген көлемі

шеңберінде және (немесе)

міндетті әлеуметтік медициналық

сақтандыру жүйесінде денсаулық

сақтау субъектілерінен

медициналық қызметтерді

сатып алу шарты талаптарының

орындалу мониторингін

жүргізу қағидаларына

1-қосымша

Ақаулардың бірыңғай сыныптамасы

Тегін медициналық көмектің

кепілдік берілген көлемі

шеңберінде және (немесе)

міндетті әлеуметтік

медициналық сақтандыру

жүйесінде денсаулық сақтау

субъектілерінен медициналық

қызметтерді сатып алу шарты

талаптарының орындалу

мониторингін жүргізу

қағидаларына

2-қосымша

Медициналық көрсетілетін қызметтердің сапасы мен көлемінің мониторингі бойынша 202_ жылғы «____» _________ № ____ / ____қорытынды

1. Қор филиалының атауы:

________________________________________________________________________

2. Өнім берушінің атауы: ______________________________________________ (өнім берушінің толық атауы)

3. Медициналық көмектің түрі:

____________________________________________________________________________

4. Мониторинг үшін негіздеме:

____________________________________________________________________________

5. Мониторинг түрі: ағымдағы/жоспардан тыс/көрсетілетін қызметті сатып алу шартының тиісінше орындалу

(керегінің астын сызу керек)

6. Қор маманының тегі, аты, әкесінің аты (бар болған жағдайда) /лауазымы:

___________________________________/________________________________________

7. Мониторинг жүргізу кезеңі: ____________________________________________ (қай кезең үшін көрсетілсін)

8. Мониторинг жүргізу мерзімдері: 202__ жылғы «____» ________ бастап 202__ жылғы «____» ________ дейін

9. Мониторинг нәтижелері:

Қар­сы­лық­сыз/қар­сы­лық­тар­мен та­ны­стым (ке­ре­гі­нің астын сызы­ңыз)

Өнім бе­ру­ші­нің бі­рін­ші бас­шы­сы/уәкі­лет­ті тұл­ға­сы:

Тегін медициналық көмектің

кепілдік берілген көлемі

шеңберінде және (немесе)

міндетті әлеуметтік медициналық

сақтандыру жүйесінде денсаулық

сақтау субъектілерінен

медициналық қызметтерді сатып

алу шарты талаптарының

орындалу мониторингін

жүргізу қағидаларына

3-қосымша

Көрсетілетін медициналық қызметтерді сатып алу шартының талаптарын тиісінше орындау бойынша 202__ жылғы «____» ___________ ____/____қорытынды

1. Қор филиалының атауы:__________________________________________________

2. Өнім берушінің атауы: _______________________________________________ (өнім берушінің толық атауы)

3. Медициналық көмектің түрі_________________________________________________

4. Мониторинг жүргізу үшін негіз: _____________________________________________

5. Қор маманының тегі, аты, әкесінің аты (бар болған жағдайда)/лауазымы:

6. Мониторинг жүргізу кезеңі: _________________________________________________

(қай кезең (жыл) үшін көрсетілсін)

7. Мониторинг жүргізу мерзімдері: 202__ жылғы «____» ________ бастап 202__ жылғы «____» ________ дейін

8. Келісімшарттық міндеттемелер мониторингінің нәтижелері:

Қарсылықсыз/қарсылықтармен таныстым (керегінің астын сызыңыз)

Өнім берушінің бірінші басшысы/уәкілетті тұлғасы:

Тегін медициналық көмектің

кепілдік берілген көлемі

шеңберінде және (немесе)

міндетті әлеуметтік медициналық

сақтандыру жүйесінде денсаулық

сақтау субъектілерінен

медициналық қызметтерді

сатып алу шарты талаптарының

орындалу мониторингін

жүргізу қағидаларына

4-қосымша

Ақаулардың бірыңғай сыныптамасына кіші ақаулармен 5.0-код бойынша өнім берушілер көрсететін медициналық қызметтер сапасының бұзылуы анықталған жағдайда медициналық көрсетілетін қызметтердің (көмектің) сапасы мен көлемінің мониторингі бойынша 202 _ жылғы «____» ____ № ____/ ______________қорытынды

1. Қор филиалының атауы:

__________________________________________________________________________

2. Өнім берушінің атауы: _________________________________________________________ (өнім берушінің толық атауы)

____________________________________________________________________________________

2.1 Заңды тұлғаны мемлекеттік тіркеу (қайта тіркеу) туралы анықтама немесе филиалды (өкілдікті) тіркеу (қайта тіркеу) туралы анықтама, нөмірі, берілген күні;

2.2 Басшының ТАӘ (бар болған жағдайда)_______________________________________________

2.3 Салық төлеушінің деректемелері;

____________________________________________________________________________________

____________________________________________________________________________________

2.4 Бизнес сәйкестендіру нөмірі (БСН);

____________________________________________________________________________________

2.5 Жеткізушінің және оның өндірістік базаларының пошталық мекенжайы.

____________________________________________________________________________________

2.6 Мониторинг жүргізілген медициналық көмектің түрі (қай көмек түрі екенін көрсету керек) бойынша медициналық лицензияның және оған қосымшаның нөмірі мен берілген күні.

____________________________________________________________________________________

____________________________________________________________________________________

2.7 Банктік шот нөмірлері.

____________________________________________________________________________________

2.8 Сомасын көрсете отырып, Қормен көрсетілетін қызметтерді сатып алу шартының нөмірі (көрсетілетін қызметтерді сатып алу шартына қосымша келісімдерді қоса алғанда).

____________________________________________________________________________________

3. Медициналық көмек түрі:

____________________________________________________________________________________

4. Мониторинг үшін негіз:

____________________________________________________________________________________

5. Мониторинг түрі: ағымдағы/жоспардан тыс/көрсетілетін қызметтерді сатып алу шартының тиісінше орындалу (керегінің астын сызу керек)

6. Қор маманының тегі, аты, әкесінің аты (бар болған жағдайда) / лауазымы

____________________________________________________________________________________

7. Мониторинг жүргізу кезеңі: _________________________________________________________

(мониторинг қай кезеңде жүргізілгенін көрсетіңіз)

8. Мониторинг жүргізу мерзімдері: 202__ жылғы «____» ________ бастап 202__ жылғы «____» ________ дейін.

9. Мониторинг нәтижелері:

Тегін медициналық көмектің

кепілдік берілген көлемі

шеңберінде және (немесе)

міндетті әлеуметтік медициналық

сақтандыру жүйесінде денсаулық

сақтау субъектілерінен медициналық қызметтерді сатып алу шарты

талаптарының орындалу

мониторингін жүргізу

қағидаларына

5-қосымша

Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық қызметтерді сатып алу туралы шарт талаптарының орындалуына жүргізілген мониторинг қорытындылары туралы өнім берушілердің тізілімі

Тегін медициналық көмектің

кепілдік берілген көлемі шеңберінде

және (немесе) міндетті

әлеуметтік медициналық

сақтандыру жүйесінде денсаулық

сақтау субъектілерінен

медициналық қызметтерді

сатып алу шарты талаптарының

орындалу мониторингін

жүргізу қағидаларына

6-қосымша

Өлім және қайтыс болу жағдайлары мониторингінің нәтижелері бойынша қорытынды

1. Қор қызметкерінің тегі, аты, әкесінің аты (бар болған жағдайда), сараптама жүргізген, оның ішінде мамандығын, біліктілік санатын, ғылыми дәрежесін, аккредиттеу туралы куәліктің №, көрсете отырып тәуелсіз сарапшының, бейінді маманның лауазымы.

2. Сараптама жүргізілген денсаулық сақтау субъектісінің (объектісінің) атауы.

3. Өлім жағдайына мониторинг жүргізу кезеңі.

4. Өлім жағдайы мониторингінің мәні.

5. Мониторинг нәтижелері туралы, оның ішінде анықталған бұзушылықтар туралы, олардың сипаты туралы мәліметтер.

6. Қорытындылар.

7. Ұсынымдар:

____________________________________________________________________________

____________________________________________________________________________

____________________________________________________________________________

____________________________________________________________________________

____________________________________________________________________________

(Тегі, аты, әкесінің аты (бар болған жағдайда) (өлім жағдайының мониторингін жүргізген тұлғаның қолы)

Күні 202__жылғы «____» ___________