«Қазақстан Республикасы Ауыл шаруашылығы министрлігінің кейбір мәселелері» туралы Қазақстан Республикасы Үкіметінің 2005 жылғы 6 сәуірдегі № 310 қаулысына өзгерістер мен толықтырулар енгізу туралы

Қазақстан Республикасы Үкіметі ҚАУЛЫ ЕТЕДІ:

1. «Қазақстан Республикасы Ауыл шаруашылығы министрлігінің кейбір мәселелері» туралы Қазақстан Республикасы Үкіметінің 2005 жылғы 6 сәуірдегі № 310 қаулысына мынадай өзгерістер мен толықтырулар енгізілсін:

көрсетілген қаулымен бекітілген Қазақстан Республикасы Ауыл шаруашылығы министрлігі туралы ережеде:

1-тармақ мынадай мазмұндағы 5-1) тармақшамен толықтырылсын:

«5-1) органикалық өнім өндірісі және айналымы;»;

15-тармақта:

4) тармақшаның он екінші абзацы мынадай редакцияда жазылсын:

«органикалық өнім өндірісі және айналымы;»;

52) тармақшаның оныншы абзацы мынадай редакцияда жазылсын:

«органикалық өнім өндіру сәйкестігін растау кезінде келтірілген шығыстардың бір бөлігін;»;

350) тармақша мынадай редакцияда жазылсын:

«350) органикалық өнім өндірісі және айналымы саласындағы салааралық үйлестіруді жүзеге асырады;»;

352) және 353) тармақшалар мынадай редакцияда жазылсын:

«352) халықтың санитариялық-эпидемиологиялық саламаттылығы саласындағы мемлекеттік органмен келісу бойынша органикалық өнім өндірісі және айналымы қағидаларын әзірлейді және бекітеді;

353) органикалық өнім өндіру кезінде халықтың санитариялық-эпидемиологиялық саламаттығы саласындағы мемлекеттік органмен келісу бойынша қолданылатын рұқсат етілген құралдар тізімін әзірлейді және бекітеді;

354) тармақша алып тасталсын;

мынадай мазмұндағы 354-1), 354-2), 354-3) және 354-4) тармақшалармен толықтырылсын:

«354-1) органикалық өнім өндіру үшін пайдаланылатын ауыл шаруашылығы өсімдіктері тұқымдары мен ауыл шаруашылығы жануарларының тізілімін жүргізеді;

354-2) органикалық өнім өндіру үшін пайдаланылатын ауыл шаруашылығы өсімдіктері тұқымдары мен ауыл шаруашылығы жануарларының тізілімін жүргізу қағидаларын әзірлейді және бекітеді;

354-3) органикалық өнімді есепке алу және қадағалау жүйесін жүргізеді;

354-4) органикалық өнім өндірушілерге ақпараттық, ұйымдастырушылық-әдістемелік және консультациялық қолдау көрсетуді ұйымдастырады;»;

508) тармақша мынадай редакцияда жазылсын:

«508) сәйкестікті растау жөніндегі органдар беретін деректер негізінде органикалық өнім өндірушілер тізілімін жүргізеді;».

2. Осы қаулы 2025 жылғы 1 қаңтардан бастап қолданысқа енгізілетін осы қаулының 1-тармағының тоғызыншы және он тоғызыншы абзацтарын қоспағанда, 2024 жылғы 12 желтоқсаннан бастап қолданысқа енгізіледі.

Қазақстан Республикасының Премьер-Министрі

О. Бектенов