«Тапсырыс берушінің (құрылыс салушының) қызметін ұйымдастырудың және функцияларын жүзеге асырудың қағидаларын бекіту туралы» Қазақстан Республикасы Ұлттық экономика министрінің 2015 жылғы 19 наурыздағы № 229 бұйрығына өзгеріс пен толықтыру енгізу туралы

БҰЙЫРАМЫН:

1. «Тапсырыс берушінің (құрылыс салушының) қызметін ұйымдастырудың және функцияларын жүзеге асырудың қағидаларын бекіту туралы» Қазақстан Республикасы Ұлттық экономика министрінің 2015 жылғы 19 наурыздағы № 229 бұйрығына (Нормативтік құқықтық актілерді мемлекеттік тіркеу тізілімінде № 10795 болып тіркелген) мынадай өзгеріс пен толықтыру енгізілсін:

көрсетілген бұйрықпен бекітілген Тапсырыс берушінің (құрылыс салушының) қызметін ұйымдастырудың және функцияларын жүзеге асырудың қағидалары:

мынадай мазмұндағы 8-1-тармақпен толықтырылсын:

«8-1. Тапсырыс беруші сәулет, қала құрылысы және құрылыс қызметі объектілерінің инженерлік-геодезиялық ізденістер (жобалау сатысындағы топографиялық түсірілімдер және объектіні пайдалануға қабылдау сатысындағы атқарушылық түсірілімдер) материалдарының мемлекеттік қала құрылысы кадастрының деректер қорына енгізілуін қамтамасыз етеді.»;

14-тармақтың 8) тармақшасы мынадай редакцияда жазылсын:

«8) объектіні пайдалануға қабылдау актісі бекітілген күннен бастап үш жұмыс күні ішінде «Азаматтарға арналған үкімет» мемлекеттік корпорациясы» коммерциялық емес акционерлік қоғамына объектінің техникалық сипаттамаларын, инженерлік желілердің және (немесе) ғимараттардың (құрылыстардың) нақты жағдайының атқарушылық геодезиялық түсірілімін және осы тармақтың 4) тармақшасында көзделген құжаттарды қоса бере отырып, объектіні пайдалануға қабылдаудың бекітілген актісін жібереді.».

3-1 және 4-1-қосымшалары осы бұйрықтың 1 және 2-қосымша ларына сәйкес жаңа редакцияда жазылсын.

2. Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен:

1) осы бұйрықтың Қазақстан Республикасының Әділет министрлігінде мемлекеттік тіркелуін;

2) осы бұйрықты Қазақстан Республикасы Өнеркәсіп және құрылыс министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Өнеркәсіп және құрылыс вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Өнеркәсіп және құрылыс министрінің міндетін атқарушы

А. Бейспеков

«КЕЛІСІЛДІ»

Қазақстан Республикасы

Ұлттық экономика министрлігі

Қазақстан Республикасы

Өнеркәсіп және құрылыс

министрінің міндетін

атқарушысының

2024 жылғы 26 қыркүйектегі

№ 336

Бұйрыққа

1-қосымша

Тапсырыс берушінің

(құрылыс салушының)

қызметін ұйымдастыру

және функцияларын жүзеге

асыру қағидаларына

3-1-қосымша

Тапсырыс беруші: __________________________________________________ (толық атауы, бизнес сәйкестендіру нөмірі немесе жеке сәйкестендіру нөмірі, мекенжайы, байланыс құралдары туралы деректер)

Мердігер: ___________________________________________________ (толық атауы, бизнес сәйкестендіру нөмірі немесе жеке сәйкестендіру нөмірі, мекенжайы, байланыс құралдары туралы деректер)

Құрылыс: ____________________________________________________ (атауы, мекенжайы)

Объект: _____________________________________________________ (атауы)

_____________ №_______ мердігерлік шарт (келісімшарт)

Орындалған жұмыстар актісі _____________ (жылы, айы)

__________________________________________ жұмыстары үшін

Негіздеме: 20__ жылғы бағада жасал(ды)ған, теңге

Техникалық қадағалау сарапшысы(лары): ___________________________ (лауазымы, тегі, аты, әкесінің аты (бар болған жағдайда), жеке сәйкестендіру нөмірі, аттестат №, қолы)

Мөр орны (бар болған жағдайда)

Құрылыс жобасын әзірлеушілер немесе авторлық қадағалау сарапшысы(лары)___________________________________________ (лауазымы, тегі, аты, әкесінің аты (бар болған жағдайда), жеке сәйкестендіру нөмірі, аттестат №, қолы)

Ескертпе: 1. Нысан ресурстық әдісті пайдалану арқылы құрылған сметалар бойынша орындалған жұмыстар актілері үшін қолданылады.

2. 9-бағанда, орындалған жұмыстардың актісінде бөлек жолақта ескерілген сол материалдық ресурстар және жабдықтардың мәліметі көрсетіледі.

Орындалған жұмыстар актісіне Материалдық ресурстар мен

жабдықтардың жиынтық ведомості _________________________

(ғимарттың,үйдің, объектінің, құрылыстың атауы)

Негіздеме: Орындалған жұмыстар актісі ________________________

Бұйрыққа

2-қосымша

Тапсырыс берушінің (құрылыс

салушының) қызметін ұйымдастыру

және функцияларын жүзеге асыру

қағидаларына 4-1-қосымша

Тапсырыс беруші:

Мердігер:

Құрылыстың атауы және оның мекенжайы:

Орындалған құрылыс жұмыстарының құны және шығындары туралы анықтама (ресурстық әдіс бойынша)

20___ жылғы __________

Тапсырыс беруші ______________________________________________ (лауазымы, аты-жөні, қолы, бизнес сәйкестендіру нөмірі немесе жеке сәйкестендіру нөмірі)

Мөр орны (бар болған жағдайда)

Мердігер __________________________________________________ (лауазымы, аты-жөні, қолы, бизнес сәйкестендіру нөмірі немесе жеке сәйкестендіру нөмірі)

Мөр орны (бар болған жағдайда)

Техникалық қадағалау сарапшысы (лары): _________________________ (лауазымы, аты-жөні, әкесінің аты (бар болған жағдайды), қолы, бизнес сәйкестендіру нөмірі немесе жеке сәйкестендіру нөмірі, аттестат №, қолы, мөрі)