Қарқаралы ауданы Темірші ауылдық округінің Татан ауылының аумағында белгіленген шектеу іс-шараларын алып тастау туралы
«Құқықтық актілер туралы» Қазақстан Республикасының Заңының 27-бабына, «Ветеринария туралы» Қазақстан Республикасының Заңының 10-1 бабының 8)-тармақшасына сәйкес, Қарқаралы ауданының Бас мемлекеттік ветеринариялық-санитариялық инспекторының 2024 жылғы 12 қыркүйектегі №15-4-1/446 ұсынысы негізінде ШЕШТІМ:
1. Қарқаралы ауданы, Темірші ауылдық округі, Татан ауылының аумағында белгіленген бруцеллез ауруын жою бойынша кешенді ветеринариялық-санитариялық іс-шаралардың жүргізілуіне байланысты, белгіленген шектеу іс-шаралары алынып тасталсын.
2. Қарқаралы ауданы, Темірші ауылдық округі әкімінің 2024 жылғы 23 мамырдағы №3 «Қарқаралы ауданы, Темірші ауылдық округі, Татан ауылының аумағында шектеу іс-шараларын белгілеу туралы» шешімі жойылсын.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі.
Темірші ауылдық округінің әкімі
Ж.Рахымбеков
Мәтін танысу мақсатында ұсынылған; ресми қолдану үшін Қазақстан Республикасы заңнамасының қолданыстағы редакциясымен салыстырыңыз.