«Қазақтелеком» акционерлік қоғамына жер учаскесін шектеулі нысаналы пайдалану құқығымен қауымдық сервитут белгілеу туралы

Қазақстан Республикасының Жер Кодексінің 18,43,67,69 баптарына, Қазақстан Республикасының «Қазақстан Республикасының жергілікті мемлекеттік басқару және өзін-өзі басқару туралы» Заңының 31,37 баптарына, «Қазақтелеком» акционерлік қоғамының өтінішіне сәйкес, Арыс қаласының әкімдігі ҚАУЛЫ ЕТЕДІ:

1. «Қазақтелеком» акционерлік қоғамына талшықты-оптикалық байланыс желісі үшін Арыс қаласынан /ықшам сызбаларға сәйкес/ жалпы аумағы - 730,0 шаршы метр жер учаскесі шектеулі нысаналы пайдалану құқығымен қысқа мерзімге 3 /үш/ жылға жалға қауымдық сервитут болып белгіленсін.

Оның ішінде:

-А.Салықбаев көшесі бойынан аумағы - 680,0 шаршы метр;

-Ергөбек көшесі бойынан аумағы - 50,0 шаршы метр.

2. Арыс қаласының «Жер қатынастары бөлімі» мемлекеттік мекемесі заңнамада белгіленген тәртіппен:

1) осы қаулыны Қазақстан Республикасы нормативтік құқықтық актілерінің эталондық бақылау банкінде ресми жариялауға жіберуді;

2) осы қаулыны ресми жариялағаннан кейін Арыс қаласы әкімдігінің интернет – ресурсында орналастыруды қамтамасыз етсін.

3. Осы қаулының орындалуын бақылау қала әкімінің жетекшілік ететін орынбасарына жүктелсін.

4. Осы қаулы оның алғашқы ресми жарияланған күннен бастап қолданысқа енгізілсін.

Арыс қаласының әкімі

Г.Кұрманбекова