Шектеу шараларын алу туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 35-бабына, «Ветеринария туралы» Қазақстан Республикасы Заңының 10-1-бабы 8) тармақшасына сәйкес, Қазақстан Республикасы Ауыл шаруашылығы министрлігі ветеринариялық бақылау және қадағалау комитетінің Ордабасы аудандық аумақтық инспекциясы басшысының 2024 жылғы 07 маусымдағы № 08-02-07/214 ұсынысы негізінде, ШЕШТІМ:
1. Ордабасы ауданы, Шұбарсу ауыл округіне қарасты «Цементник-2» алабы, Сарайшық, Пістелі, Орал және Жастабан көшелері бойында уақ мал арасында «құтыру» ошағын жою бойынша ветеринариялық іс-шаралар кешенін жүргізуге байланысты белгіленген шектеу шаралары алынып тасталсын.
2. Шұбарсу ауылдық округі әкімінің «Шектеу шараларын белгілеу туралы» 2024 жылғы 17 сәуірдегі № 116 шешімінің күші жойылды деп танылсын.
3. Осы шешімнің орындалуын бақылау Шұбарсу ауыл округі әкiмiнiң орынбасары А.Бердешовке жүктелсiн.
4. Осы шешім оның алғашқы ресми жарияланған күнінен бастап қолданысқа енгізіледі.
Ауыл округі әкімі
А.Турсунбаев
Мәтін танысу мақсатында ұсынылған; ресми қолдану үшін Қазақстан Республикасы заңнамасының қолданыстағы редакциясымен салыстырыңыз.