Мемлекеттік мұқтажы үшін жер телімдерін алып қоюға байланысты жер телімдерін және (немесе) өзге жылжымайтын мүлікті мәжбүрлеп иеліктен шығаруды бастау туралы

Қазақстан Республикасының 2003 жылғы 20 маусымдағы Жер Кодексінің 84,85,86,87,88 бабтарына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31 бабына, Қазақстан Республикасының 2011 жылғы 1 наурыздағы «Мемлекеттік мүлік туралы» Заңының 63 бабына сәйкес, «Қызылорда-Павлодар-Успенка-РФ шекарасы» республикалық маңызы бар автомобиль жолындағы «Жезқазған-Қарағанды» учаскесіндегі қайта жаңарту жобасын іске асыру мақсатында Жаңаарқа ауданының әкімдігі ҚАУЛЫ ЕТТІ:

1. Қосымшаға сәйкес,жер телімдерін мемлекет мұқтажы үшін мәжбүрлеп иеліктен шығару басталсын.

2. Осы қаулы ресми жарияланған күннен кейін 3 (үш) ай өткен соң мәжбүрлеп иеліктен шығару күнінің бастау күні болып белгіленсін.

3. «Жаңаарқа ауданының жер қатынастары бөлімі», «Жаңаарқа ауданының Бидайық ауылдық округі әкімінің аппарты», «Жаңаарқа ауданының Сейфуллин ауылдық округі әкімінің аппарты» мемлекеттік мекемелері Қазақстан Республикасының "Мемлекеттік мүлік туралы" Заңында қарастырылған осы қаулы жарияланғаннан кейін күнтізбелік 3 (үш) күннен кешіктірілмейтін мерзімде жер пайдаланушыларға мемлекеттік мұқтажы үшін жер телімдері алдағы уақытта мәжбүрлеп иеліктен шығарылатыны туралы жазбаша хабарлама жолдасын.

4. Келісу рәсімдерін жүзеге асыру үшін меншік иесі Ұлытау облысы, Жаңаарқа ауданы, Жаңаарқа кенті, Тәуелсіздік даңғылы № 5/1 мекенжайдағы «Жаңаарқа ауданы әкімінің аппараты» мемлекеттік мекемесіне хабарлассын.

5. «Жаңаарқа ауданы әкімінің аппараты» мемлекеттік мекемесі заңнамамен белгіленген тәртіпте осы қаулы шыққан уақыттан бастап 3 (үш) жұмыс күні ішінде осы қаулының әділет органдарында тіркелуін, ресми жариялануын қамтамасыз етсін және оның орындалуы бойынша қажетті басқа да шараларды қабылдасын.

6. «Жаңаарқа ауданының жер қатынастары бөлімі» мемлекеттік мекемесі барлық уәкілетті мемлекеттік органдармен бірлесіп, Қазақстан Республикасының қолданыстағы заңнамасына сәйкес осы қаулыдан туындайтын қажетті шараларды қабылдасын.

7. Осы қаулының орындалуын аудан әкімінің орынбасары А.Қ.Әбдіғожинға жүктелсін.

Аудан әкімі

Қ. Қожықаев

Жаңаарқа ауданы әкімдігінің

2024 жылғы 15 ақпандағы

№ 16/01 қаулысына қосымша