Қандай жағдайда колледж студенттеріне стипендия төленбейді?
Техникалық және кәсіптік білім беру ұйымдарының студенттеріне стипендия «Білім беру ұйымдарында білім алушыларға мемлекеттік стипендияларды тағайындау, төлеу және мөлшерлеу қағидаларын бекіту туралы» № 116 қаулыға сәйкес төленеді.
Бірінші академиялық кезеңге арналған мемлекеттік стипендия мемлекеттік білім беру тапсырысы бойынша бірінші курсқа (бірінші оқу жылына) қабылданған барлық студенттерге тағайындалады және 1 қыркүйектен бастап бірінші академиялық кезең мен демалыс аяқталғанға дейін ай сайын төленеді.
Кейінгі академиялық кезеңдерде мемлекеттік стипендия студенттерге тағайындалады және осы Қағидалардың 4-тармағына сәйкес алдыңғы академиялық кезең үшін аралық аттестаттау (емтихан сессиясы) нәтижелері бойынша төленеді.