Қай жерлерде газ баллондарды орнатуға тиым салынады?

«Газ және газбен жабдықтау туралы» ҚР Заңының 28-бабы 7-тармағының 1-тармақшасына сәйкес тұрғын көппәтерлі үйлердегі тұрмыстық баллондарда сұйытылған мұнай газын сақтауға және (немесе) пайдалануға тыйым салынады (Сұйытылған мұнай газ баллоны - бұл пропан газын немесе бутанды сығылған (сұйық) күйінде сақтайтын металлды баллоны. Егер үй көп пәтерлі болса және 2 қабаттан көп болса, онда мұндай газ баллондарын пәтерде сақтауға немесе пайдалануға тыйым салынады).
Газ тұтыну жүйелері мен газ жабдықтарын қауіпсіз пайдалану жөніндегі талаптардың 180 тармағына сәйкес: Сұйытылған мұнай газының баллондарын орнатуға жол берілмейді:
1) тұрғын бөлмелерде және дәліздерде;
2) жертөле және жертөле үй-жайлары мен шатырларда;
3) астында және үстінде орналасқан үй-жайларда: қоғамдық тамақтандыру кәсіпорындарының түскі және сауда залдарында, аудиториялар мен оқу сыныптарында, ғимараттардың көрермен (акт) залдарында, аурухана палаталарында, басқа да осыған ұқсас үй-жайларда;
4) табиғи жарығы жоқ үй-жайларда;
5) авариялық шығу жолдарында;
6) ғимараттардың негізгі қасбеттері жағынан.
Газбен жабдықтау жүйелері объектілерінің қауіпсіздігі жөніндегі талаптардың сақталмауы Қазақстан Республикасының 2014 жылғы 5 шілдедегі № 235-V ҚРЗ «Әкімшілік құқық бұзушылық туралы» Кодексіне сәйкес әкімшілік жауапкершілікке әкеп соғады.
Жауапкершілік: әр тұлға қауіпсіздік талаптарын сақтауға міндетті, газ баллондарын пайдалану ережелерін бұзу, әкімшілік жауапкершілікке әкеп соғуы мүмкін, олар:
- айыппұл;
- бұзушылықты жою туралы нұсқама;
- газ жабдықтарын пайдалануға тыйым салу.
Бұл әсіресе келесі жағдайларға қатысты:
- газ боллонды 2 қабаттан жоғары көпқабатты үйде қолданылған жағдайда;
- баллон тыйым салынған жерде орнатылған жағдайда;
- газ жабдықтарын қауіпсіздік ережелерін бұза отырып пайдаланылған жағдайда.
Негізгі қауіптер
Газ баллондарын ереже сақтамай пайдаланған сәтте төнетін қауіптер тұрі:
- Жарылыс-газ ағып, ұшқын түскен кезде.
- Өрт — егер газ баллоны отқа немесе жылуға жақын болса.
- Газбен улану-жабық бөлмеде ағып кету кезінде.
- Көршілерге төнетін қауіп — әсіресе көп пәтерлі үйлерде.
Пропан-бутан газы ауадан ауыр, сондықтан ағып кетсе, ол бөлменің төменгі жағында жиналып, жарылыс қаупін арттырады.
Газ баллондарын пайдалануға рұқсат етілеін жерлер:
- жеке тұрғын үйлерде (2 қабатқа дейін);
- көшеде арнайы шкафтарда немесе баллондарға арналған контейнерлерде;
- желдеткіші мен терезелері бар арнайы жабдықталған үй-жайларда;
- егер қауіпсіздік ережелері сақталса, саяжайларда және шаруашылық құрылыстарда.