Қоғамдық денсаулық сақтау саласындағы төтенше жағдайларға дайындық және ден қою бойынша семинар
2026 жылғы 22–25 қыркүйек аралығында Санитариялық-эпидемиологиялық бақылау департаменті мен оның аумақтық бөлімшелерінің мамандары қоғамдық денсаулық сақтау саласындағы төтенше жағдайларға дайындық және оларға әрекет ету мәселелеріне арналған семинарға қатысты.Семинар екі тығыз байланысты өңір — Алматы қаласы мен Алматы облысының негізгі ведомствоаралық және шұғыл қызметтерін біріктірді. Шараға эпидемиологтармен қатар Денсаулық сақтау басқармаларының, Төтенше жағдайлар департаменттерінің, Ветеринариялық бақылау және қадағалау комитетінің, көпбейінді ауруханалардың, жедел медициналық жәрдем қызметінің, ветеринариялық инспекцияның, сондай-ақ экология бойынша бейінді басқармалар мен департаменттердің өкілдері қатысты.Семинардың басты мақсаты — ведомствоаралық және өңіраралық ынтымақтастықты нығайту, сондай-ақ бейінді қызметтердің қоғамдық денсаулық сақтау саласындағы кез келген төтенше жағдайларға жедел әрі келісімді әрекет ету дайындығын арттыру болып табылады