«QazTrade» Сауда саясатын дамыту орталығы» АҚ, Қазақстан Республикасының сауда саясатын дамыту саласындағы ұлттық даму институты және өңделген экспортты қолдау мен ілгерілету бойынша жетекші ұйым ретінде, 2026 жылға арналған Экспорттық акселерация бағдарламасына қазақстандық кәсіпорындардың өтінімдерін қабылдауды бастайтынын хабарлайды.
Өтінімдер 2026 жылғы 16 наурызынан 16 сәуірге дейін қабылданады.
Экспорттық акселерация бағдарламасы – өңделген экспортты дамытуға бағытталған мемлекеттік саясаттың негізгі құралдарының бірі болып табылады. Бағдарлама экспортқа бағдарланған тұрақты компанияларды қалыптастыруға бағытталған, олар халықаралық нарықтарға бәсекеге қабілетті өнімдер мен қызметтерді сәтті шығара алады.
Бағдарламаға қатысуға төмендегі салалардағы экспорттық әлеуеті бар кәсіпорындар шақырылады: тамақ өнеркәсібі, инжинирингтік қызметтер, тұтыну тауарларын өндіру, жеңіл өнеркәсіп, машина жасау, металлургия, құрылыс материалдарын өндіру, химия және мұнайхимия өндірісі, жиһаз өндірісі, ауыл шаруашылығы, IT қызметтері және басқа да басым салалар.
Бағдарлама аясында қатысушы компанияларға кешенді эксперттік қолдау көрсетіледі. Бұл қолдау экспорттық дайындық диагностикасын жүргізу, мақсатты сыртқы нарықтарды талдау және бағалау, өнім мен ораманы шетелдік нарық талаптарына бейімдеу, әлеуетті шетелдік серіктестерді іздеу және іскерлік келіссөздер ұйымдастыру, сондай-ақ экспорттық келісімдерді сүйемелдеу сияқты шараларды қамтиды.
Қатысушыларды іріктеу конкурс негізінде жүзеге асырылады. Өтінімдер қарастырылған кезде өнімнің экспорттық әлеуеті, кәсіпорындардың өндірістік мүмкіндіктері, қаржылық тұрақтылығы, сондай-ақ ұзақ мерзімді сыртқы нарыққа шығуға дайындығы ескеріледі.
Осыған орай, QazTrade қазақстандық кәсіпорындарды бағдарламаның мүмкіндіктерін пайдаланып, іріктеуге қатысуға шақырады.
Экспорттық акселерация бағдарламасына қатысу үшін өтінім беру сілтемесі: