16 наурыз 2026 жылы Өңірлік IT-хаб SKO Hub алаңында «Digital Nauryz 2026» креатонының финалдық кезеңі өтеді. Қатысушылар байқау аясында әзірлеген авторлық стикерпактарын таныстырады. Бұл жұмыстар Наурыздың дәстүрлі символдарын заманауи digital-трендтермен ұштастырып, мәдени мұраның болашақтың визуалды форматтарында қалай жаңаша көрініс таба алатынын көрсетеді.
Финал бағдарламасында:
- қатысушылардың жұмыстарын сарапшылар алдында таныстыру;
- әрбір жобаны сарапшылардың бағалауы мен талдауы;
- қорытынды шығару және жеңімпаздарды салтанатты түрде марапаттау.
Байқау қорытындысы бойынша жеңімпаздар келесі орындар бойынша анықталады:
🏆 1 орын — 30 000 теңге көлемінде ақшалай сыйақы
🎁 2 және 3 орындар — креатон ұйымдастырушылары мен серіктестерінен бағалы сыйлықтар
«Digital Nauryz 2026» креатоны креативті индустриялар мен цифрлық дизайнды дамытуға, жас креаторларды қолдауға, сондай-ақ Наурыз мерекесінің мәдени мұрасын заманауи визуалды форматтар арқылы кеңінен насихаттауға бағытталған. Бұл жоба дәстүр мен цифрлық өнердің үйлесімді байланысын көрсетіп, дизайнерлер мен иллюстраторлардың жаңа буынын шабыттандыруға мүмкіндік береді.