2026 жылғы 29 сәуірінде өткізілген Педагогикалық әдеп жөніндегі Кеңестің 2-ші отырысы Жаңа Конституцияны ілгерлетуге бағытталды.
Біртұтас Қазақстан халқының барлық мақсат-мүддесі қамтылған – халықтық Конституция еліміздің тыныштығы мен тұрақтылығын қамтамасыз етеді.
Бірлік пен әділдік, заң мен тәртіп сияқты құндылықтарды орнықтырып, еліміздің ұзақ мерзімді даму бағдарын айқындайды.
Адам капиталының, ғылым мен инновацияның, цифрлық ортаның сапалы дамуына, мәдениетіміздің жаңаша өсіп-өркендеуіне, экологиялық қауіпсіздіктің сақталуына кепілдік береді.
Білім беру жүйесінің басты тірегі – ұстаздар қауымы.
Педагог мәртебесін арттыру, олардың еңбегін құрметтеу және тұрақты қолдау көрсету – қоғамның дамуына тікелей әсер етеді.
Осы тұрғыдан алғанда, білім беру саласының Конституцияда нақты көрініс табуы ұстаз мамандығының маңызын арттырып, кадрлық тұрақтылықты нығайтуға ықпал етеді.
Сапалы білім алған ұрпақ – елдің интеллектуалдық әлеуетін арттырып, мемлекетіміздің тұрақты дамуына негіз болады.
Конституцияның 33-бабында әркімнің білім алуға құқығы, орта білім беру саласында барлық білім мекемелеріне (мемлекеттік және жекеменшік) бірыңғай талаптар қойылды.
Осы арқылы білім беру сапасын арттыру және орта білімді қолжетімді ету мәселелеріне ерекше назар аударылды.
Жаңа Конституцияға сәйкес, орта білім беру саласында барлық білім мекемелеріне (мемлекеттік және жекеменшік) бірыңғай талаптар қою, білім беру сапасын арттыру және орта білімді қолжетімді ету мәселелеріне ерекше назар аударылғандығын тағы да айта кету керек.Конституциялық деңгейде мемлекет білім беру саласын тұрақты қаржыландыру міндеттілігі бекітілді. Бұл осы саладағы стратегиялық бастамалар үшін берік құқықтық негіз қалыптастырады.
Қызылорда қаласы мен аудандық білім бөлімі басшылары:
- білім бөліміндегі жауапты қызметкерлердің өз саласы бойынша педагогтер туралы қажетті ақпараттарды толық жинақтап, білім беру ұйымдары бойынша деректер қорын жасақтауды, оны тұрақты жаңартып отыруды;
- меншік нысанына қарамастан, білім беру ұйымдарына түсіндірме жұмыстарын тұрақты түрде жүргізуді;
- академиялық адалдық принциптің меншік нысанына қарамастан, барлық білім беру ұйымдарында сақталуын қамтамасыз етуі тиіс.
Қармақшы ауданында барлық білім беру ұйымдарындағы, соның ішінде балабақша, мектеп, арнайы білім беру ұйымы, қосымша білім беру ұйымдарындағы Педагогикалық әдеп жөніндегі комиссия құрылады.
Осы комиссия құрамын «Педагогикалық әдептің кейбір мәселелері туралы» Қазақстан Республикасы Білім және ғылым министрінің
2020 жылғы 11 мамырдағы №190 бұйрығының 2-қосымшасымен бекітілген талаптарға сәйкестігін тағы бір зерделеп, жұмысын жандандыру қажет.
Педагогтерді жұмысқа қабылдау кезінде Қазақстан Республикасының бекітілген нормативтік - құқықтық актілерінің сақталуын, шешім қабылдау кезінде адалдық принциптерінің сақталуын қамтамасыз ету қажет.
Педагогтерді міндетіне кірмейтін жұмыстарға тарту фактілері барлық білім беру орындарында орын алмауы қажет.
Түрлі мәселелерге қатысты әлеуметтік желілерде азаматтар тарапынан посттар жарияланып, телеграмм чаттар мен түрлі ақпарат көздері арқылы Департаментке өтініштер мен шағымдар түсіп жатады.
Қармақшы ауданы бойынша резонансты мәселелер туындамау үшін, білім беру ұйымдарында орын алған проблемалық мәселелерге уақытылы ден беріп, шешілуін қамтамасыз