2025 жылдың бірінші жартыжылдығы бойынша орталық мемлекеттік органдардың, жергілікті атқарушы органдардың және полиция департаменттердің ІАҚ-нің есептік мәліметтеріне сәйкес барлығы 253 аудиторлық іс-шара жүргізілді, оның ішінде сәйкестік аудиті – 136, тиімділік аудиті – 117.
Аудиторлық іс-шаралар аясында 916,8 млрд теңге бюджет қаражаты мен мемлекеттік активтер қамтылды.
Аудиторлық іс-шаралардың нәтижесінде Қазақстан Республикасының бюджет және өзге де заңнамаларының бұзылуы 119,1 млрд теңге сомасында анықталды, бұл қамтылған қаражаттың 12,9%-ын құрайды. Оның ішінде қаржылық бұзушылықтар – 14,2 млрд теңге, процедуралық бұзушылықтар – 104,8 млрд теңге.
Қабылданған шараларының нәтижесінде 10,3 млрд теңге сомасындағы заң бұзушылықтар жойылды.
Аудит объектілеріне анықталған бұзушылықтарды жою бойынша 225 шешім енгізілді.
Анықталған заң бұзушылықтары үшін 211 лауазымды тұлға тәртіптік жауапкершілікке, 82 адам әкімшілік жауапкершілікке тартылды, 21 аудит материалы құқық қорғау органдарына жолданды.
159 материал сапа бақылауымен қамтылды, оның нәтижелері бойынша МАҚБ стандарттарына сәйкес – 2 материал, МАҚБ стандарттарына сәйкес ескертпелермен – 147 материал, МАҚБ стандарттарға сәйкес емес – 10 материал деп танылды.