Жетісу облысында цифрлық трансформацияны жүйелі түрде жүзеге асыру, өңірдің цифрлық инфрақұрылымын дамыту және халықтың өмір сүру сапасын арттыру мақсатында « Жетісу облысының 2026–2030 жылдарға арналған Smart Region құру стратегиясы » әзірленді.
Аталған стратегиялық құжат өңірді цифрлық дамытудың негізгі бағыттарын, басым міндеттерін және оларды іске асыру тетіктерін айқындайды.
Стратегия шеңберінде мемлекеттік басқару тиімділігін арттыру, жасанды интеллект технологияларын енгізу, цифрлық мемлекеттік қызметтерді жетілдіру, ақпараттық жүйелердің интеграциясын қамтамасыз ету, деректерді басқару және талдау құралдарын дамыту, сондай-ақ қоғамдық қауіпсіздік, тұрғын үй-коммуналдық шаруашылық, көлік және басқа да әлеуметтік маңызды салаларды цифрландыру көзделген.
Стратегияны іске асыру өңірдің цифрлық жетілу деңгейін арттыруға, басқарушылық шешімдердің сапасын жақсартуға және халыққа көрсетілетін қызметтердің қолжетімділігі мен тиімділігін қамтамасыз етуге бағытталған.
Жетісу облысының 2026–2030 жылдарға арналған Smart Region құру стратегиясының толық мәтіні төменде мемлекеттік және орыс тілдерінде ұсынылған.