Қазақстанда мүдделер қақтығысы болған жағдайда мемлекеттік қызметте бірлесіп жұмыс істеуге тыйым салынатын адамдардың тізімі кеңейтілді.
Бұл туралы Сенат отырысында депутат Андрей Лукин мәлімдеді.
Оның айтуынша, заңнамада «дос» немесе «серіктес» деген ұғымдар жоқ, сондықтан түзетулерде байланысты тұлғалардың нақты тізбесі айқындалды.
Оларға жақын туыстары: аға-інілері, апа-сіңлілері, ата-аналары, жұбайлары, сондай-ақ олардың балалары жатады.
Бұдан басқа, байланысты адамдардың тізіміне аға-інілер мен апа-сіңлілер, олардың жұбайлары, сондай-ақ бірлескен шаруашылық жүргізуші және азаматтық қатынастағы адамдар енгізілген.
Мемлекеттік қызмет істері агенттігі төрағасының орынбасары Салауат Мұқсімовтың айтуынша, жаңа шектеулер 2027 жылдың 1 қаңтарынан бастап күшіне енеді.
Бұл ретте нормалардың кері күші болмайды. Бұл дегеніңіз, қазірдің өзінде осындай мүдделер қақтығысы жағдайында жұмыс істеп жатқан мемлекеттік қызметкерлер өз қызметін жалғастырады деген сөз.
Жаңа талаптар 2027 жылдан бастап болашақ құқықтық қатынастарға ғана қолданылатын болады.
Еске салайық, сенаторлар сыбайлас жемқорлыққа қарсы іс-қимыл туралы заңға түзетулерді екі оқылымда қарап, қабылдады.
Басқа өзгерістердің ішінде - пара беруге уәде бергені үшін қылмыстық жауапкершілікті енгізу.