«Қостанай облысы бойынша тексеру комиссиясы» мемлекеттік мекемесі(бұдан әрі – Тексеру комиссия),110000, Қостанай қаласы, Әл-Фараби даңғылы, 112, анықтама телефоны: 8-714-2-56-88-30, электрондық мекенжайы:g.kaleyeva@esep-kst.gov.kz (максималды рұқсат етілген файл өлшемі – 10MB) «Б» корпусының бос мемлекеттік әкімшілік лауазымына орналасуға ішкі конкурс жариялайды:
Нақты сала секторының шығыстарын аудит бөлімінің бас маманы – мемлекеттік аудитордын ассистенті, D-4 санаты, блок B, 1 бірлік, лауазымдық еңбекақысы еңбек сiңiрген жылдарына байланысты 263131,00 теңгеден 302255,00 теңгеге дейін.
Функционалдық міндеттері:
Тиісті жылға арналған мемлекеттік аудит объектілерінің тізбесіне сәйкес сыртқы мемлекеттік аудитті жүргізуге қатысу;
Мемлекеттік аудит объектілері бойынша бұзушылықтарды талдау және жүйелеу;
Аудит жоспарын, бағдарламасын, аудиторлық тапсырманы, тапсырманы, бақылау өлшемін (қарау) актісін, анықталған бұзушылықтар тізілімін жасау;
Құзыретіне сәйкес ВАЖ-ге аудиторлық іс-шаралардың негізгі көрсеткіштерін енгізу;
Мемлекеттік аудит материалдарын уақтылы іске асыру;
Бөлімге келіп түскен жеке және заңды тұлғалардың өтініштерін уақытылы қарау;
Қазақстан Республикасының заңнамасын жетілдіру жөнінде ұсыныстар беру;
Бөлімге жүктелген міндеттер шегінде талдау жазбаларын, анықтамаларды, ақпаратты құру;
Тексеру комиссиясының отырысын дайындауға және өткізуге қатысу;
Жүргізілген аудиторлық іс-шара шеңберінде сот, мемлекеттік органдар мен өзге де ұйымдарда Тексеру комиссиясының мүдделерін білдіру;
Бөлімнің аудиторлық іс-шараларын талдау және ақпараттық сүйемелдеу, сұраныстарды, хаттар мен қызметтік жазбаларды дайындау;
Отырыс қорытындысы бойынша қабылданған тексеру комиссиясы шешімдерінің орындалуын мониторингілеу;
Өз құзыреті шегінде сыбайлас жемқорлыққа қарсы күрес туралы заңнама талаптарының орындалуын қамтамасыз ету, тексеру комиссиясы қызметкерлерінің тарапынан жол берілген, белгілі болған әрбір сыбайлас жемқорлық құқық бұзушылық жағдайы туралы, сондай-ақ сыбайлас жемқорлық құқық бұзушылықтар жасауға көндіру мақсатында оған және тексеру комиссиясының қызметкерлеріне жүгінудің барлық жағдайлары туралы тексеру комиссиясы төрағасының назарына жеткізу;
Бекітілген жоспарға сәйкес тексеру комиссиясының қызметкерлеріне техникалық оқыту жүргізу;
Басшылықтың тапсырмаларын орындау.
Білімі бойынша талаптар:
Жоғары немесе жоғары оқу орнынан кейінгі: бизнес, басқару және құқық (экономика, менеджмент, есеп және аудит, мемлекеттік аудит, қаржы, мемлекеттік және жергілікті басқару, әлемдік экономика, құқықтану, халықаралық құқық); ақпараттық-коммуникациялық технологиялар (ақпараттық технологиялар).
Жұмыс тәжірибесі келесі талапқа сәйкес болуы тиіс: жұмыс өтілі бір жылдан кем емес.
Мынадай құзыреттердің бар болуы: күйзеліске төзімділік, бастамашылдық, жауапкершілік, қызметті тұтынушыға және оны ақпараттандыруға бағдарлану, адалдық, өзін-өзі дамыту, жеделділік, ынтымақтастық және әрекеттестік, қызметті басқару.
Конкурс Қазақстан Республикасы Мемлекеттік қызмет істері және сыбайлас жемқорлыққа қарсы іс – қимыл агенттігінің Төрағасы 2025 жылғы 08 желтоқсандағы № 196 бекіткен «Б» корпусының әкімшілік мемлекеттік лауазымына орналасуға конкурс өткізу қағидаларының (бұдан әрі-Қағидалар) негізінде өткізіледі.
Конкурсқа қатысу үшін қажетті құжаттар:
1) осы Қағидаларға 2-қосымшаға сәйкес нысан бойынша өтініш (бұдан әрі-өтініш);
2) Қазақстан Республикасы Мемлекеттік қызмет істері агенттігі Төрағасының 2021 жылғы 10 қыркүйектегі № 158 бұйрығымен (Нормативтік құқықтық актілерді мемлекеттік тіркеу тізілімінде № 24350 болып тіркелген) бекітілген нысан бойынша тиісті персоналды басқару қызметімен құжаттарды тапсыру күніне дейін күнтізбелік отыз күн бұрын расталған мемлекеттік қызметшінің қызметтік тізімі.
Кандидаттар жарияланған лауазымның функционалдық бағыттарына сәйкес салаларда жұмыс өтілі барын растайтын құжаттарды ұсына алады.
құжаттарды қабылдау мерзімі (3 жұмыс күні), ол ішкі конкурс өткізу туралы хабарландыру уәкілетті органның интернет-ресурсында жарияланғаннан кейін келесі жұмыс күнінен бастап есептеледі. Персоналды басқару қызметі (кадр қызметі) құжаттарды мемлекеттік органның жұмыс уақытында сағат 09-00 бастап 18-00 ге дейін қабылдайды.
Ішкі конкурсқа қатысуға ниет білдірген азаматтар конкурс өткізетін мемлекеттік органға құжаттарын электронды түрде «Е-қызмет» интегралды ақпараттық жүйесі не «Е-gov» электронды Үкімет порталы арқылы не хабарландыруда көрсетілген электрондық почта мекенжайына құжаттарды қабылдау мерзімінде тапсырады.
Құжаттардың толық емес пакетін немесе дәйексіз мәліметтерді ұсыну не құжаттардың қойылатын талаптарға сәйкес келмеуі персоналды басқару қызметінің (кадр қызметінің) не персоналды басқару қызметінің (кадр қызметінің) міндеттерін атқару жүктелген адамның оларды қараудан бас тартуы үшін негіз болып табылады.
Азаматтар бiлiмiне, жұмыс тәжiрибесiне, кәсiби деңгейіне және беделіне қатысты (бiлiктiлiгiн арттыру, ғылыми дәрежелер мен атақтар берiлуi туралы құжаттардың көшiрмелерi, мiнездемелер, ұсынымдар, ғылыми жарияланымдар және өзге де олардың кәсіби қызметін, біліктілігін сипаттайтын мәліметтер) қосымша ақпараттарды бере алады.
Үміткерлермен әңгімелесу Тексеру комиссиясының ғимаратында, Қостанай қаласы, Әл-Фараби даңғылы, 112 мекен-жайында өтеді.
Конкурстық комиссияның хатшысы әңгімелесуге жіберілген кандидаттарға персоналды басқару қызметі (кадр қызметі) немесе персоналды басқару қызметінің (кадр қызметінің) міндеттерін атқару жүктелген адам шешім қабылдаған күннен кейін бір жұмыс күн ішінде және әңгімелесу өтетін күнге дейін бір жұмыс күннен кешіктірмей әңгімелесу және эссе, сондай-ақ қажет болған жағдайда кандидаттарды іріктеудің басқа құралдарын өткізу күні туралы хабарлайды.
Ішкі конкурсқа қатысатын және әңгімелесуге жіберілген кандидаттармен әңгімелесу қажет болған жағдайда қашықтықтан бейнебайланыс құралдары арқылы өткізілуі мүмкін.
Азаматтар конкурсқа қатысу шығындарын (әңгімелесу өтетін жерге келу және қайту, тұрғын жай жалдау, тұру, байланыс қызметінің барлық түрлерін пайдалану) өздерінің жеке қаражаттары есебінен жүргізеді.
Кандидаттардың ішкі конкурс қорытындыларына және/немесе кадр қызметінің әрекетіне (әрекетсіздігіне) уәкілетті органға немесе оның аумақтық бөлімшесіне Қазақстан Республикасы заңнамасында белгіленген тәртіпте шағымдануына жол беріледі.