Жеке тұрғын үй құрылысы үшін жерлерді резервке қою туралы

ЖАМБЫЛ ОБЛЫСЫ МЕРКІ АУДАНЫНЫҢ ӘКІМДІГІ

ҚАУЛЫ

№327

«20» «10» «2026» жыл

Жеке тұрғын үй құрылысы үшін жерлерді резервке қою туралы

Қазақстан Республикасының «Жер кодексінің» 49-2-бабы, Қазақстан Республикасы Ұлттық экономика министрінің 2015 жылғы 28 ақпандағы «Жерлерді резервте қалдыру қағидаларын бекіту туралы» №178 бұйрығына және Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабы негізінде, Меркі ауданы, Меркі, Сарымолдаев, Жамбыл, Ойтал елді мекендерінің егжей-тегжейлі жоспарлау жобасы мен бірлескен бас жоспар жобаларына және Екпінді, Плодовоягодный, Интернациональный елді мекендерінің оңайландырылған нұсқаларына түзетулер енгізу туралы бас жоспарына, Меркі ауданы әкімінің 08.11.2024 жылғы №384, Меркі аудандық мәслихатының 08.11.2024 жылғы №33-3 бірлескен қаулы мен шешімінің негізінде және 12.10.2026 жылғы жерлерді резервке қою жөніндегі комиссиясының оң қорытындысына сәйкес, Меркі ауданының әкімдігі ҚАУЛЫ ЕТЕДІ:

Осы қаулының 1-қосымшасына сәйкес Меркі ауданы, Меркі ауылдық округі аумағындағы жалпы көлемі 5 гектар ауыл шаруашылығы мақсатындағы жерлер жеке тұрғын үй құрылысын дамыту мақсатында резервке қойылсын.

Осы қаулының 2-қосымшасына сәйкес резервке қойылатын жерлердің орналасу схемасы белгіленсін.

Жерлерді резервке қою мерзімі осы қаулы қабылданған күннен бастап 10 (он) жыл болып белгіленсін.

Резервке қойылған жерлерді пайдалану кезінде:

1) жер пайдаланушылардың және сервитут иелерінің құқықтары Қазақстан Республикасының жер заңнамасына сәйкес сақтала отырып, жерлер олардың бастапқы нысаналы мақсатына сәйкес пайдаланылсын;

2) резервке қойылған жерлерде күрделі құрылыс объектілерін салуға тыйым салынатыны;

3) жерді резервте қалдыру жер учаскелері резервте қалдырылған жердің құрамына енгізілген жер пайдаланушылардың жер пайдалану құқығын тоқтатуға әкеп соқтырмайтындығы ескерілсін.

5. «Меркі ауданы әкімдігінің жер қатынастары бөлімі» коммуналдық мемлекеттік мекемесі:

1) осы қаулы қабылданған күннен бастап күнтізбелік отыз күн ішінде жер пайдаланушылар мен сервитут иелерін, жер учаскелері резервке қойылғаны туралы хабардар етсін;

2) осы қаулы қабылданған күннен бастап 7 (жеті) жұмыс күні ішінде мемлекеттік органдарға және Мемлекеттік корпорацияға оны 3 (үш) күні ішінде жылжымайтын мүліктің бірыңғай мемлекеттік кадастрының ақпараттық жүйесіне енгізу үшін жіберілуін;

3) жерлерді резервке қою туралы ақпараттың тиісті әкімшілік-аумақтық бірліктің аумағында таратылатын мерзімді баспасөз басылымдарында жариялануын және аудан әкімдігінің ресми интернет-ресурсында орналастырылуын қамтамасыз етсін.

6. Осы қаулының орындалуын бақылау аудан әкімінің жетекшілік ететін орынбасарына жүктелсін.
7. Осы қаулы қол қойылған күнінен бастап қолданысқа енгізіледі.

Аудан әкімі Е.Жиенқұлов

1-қосымша

Резервке қойылатын жерлердің тізбесі