Kazakhstan Startup Landscape 2026 - Қазақстан Республикасының Жасанды интеллект және цифрлық даму министрлігінің қолдауымен RISE Research & Advisory компаниясы Astana Hub және Sapa Group ұйымдарымен бірлесіп дайындаған Қазақстанның стартап-экожүйесіне арналған алғашқы ұлттық зерттеу.
Зерттеу 1 500-ден астам стартап туралы деректерді, 602 компания арасында жүргізілген сауалнаманы, стартап негізін қалаушыларымен және нарықтың басқа да қатысушыларымен өткізілген 35-тен астам сұхбатты, сондай-ақ сегіз жылдан астам уақытты қамтитын венчурлік мәмілелер базасын біріктіреді.
Есепте компаниялардың алғашқы сатылымдардан бастап халықаралық нарықтарға шығу және ауқымын кеңейтуге дейінгі даму жолы қарастырылған. Атап айтқанда, салалар, технологиялар, бизнес-модельдер, стартап негізін қалаушылардың бейіні және өсудің негізгі факторлары талданған.
Есеппен мына сілтеме арқылы танысуға болады: www.rise.com.kz