Ата-анасының қамқорлығынсыз қалған баланы қорғаншылыққа немесе қамқоршылыққа алу бойынша анықтама

Ата-анасының қамқорлығынсыз қалған баланы қорғаншылыққа немесе қамқоршылыққа алубойынша анықтама

Егер бала ата-анасының қамқорлығынсыз қалған болса, оны туысы немесе басқа азамат қорғаншылыққа немесе қамқоршылыққа ала алады.

Қайда жүгіну керек?

Баланың тұратын жері бойынша бала құқығын қорғау басқармасына жүгіну қажет.

Сол жерде қорғаншылық және қамқоршылық мәселесіне жауапты маман кеңес береді және қажетті құжаттарды қабылдайды.

2. Қорғаншылық пен қамқоршылықтың айырмашылығы қандай?

• 14 жасқа дейінгі балаға – қорғаншылық белгіленеді.
• 14 жастан 18 жасқа дейінгі балаға – қамқоршылық белгіленеді.

Қорғаншы немесе қамқоршы баланың тәрбиесіне, денсаулығына, біліміне және құқықтары мен заңды мүдделерін қорғауға жауап береді.

3. Қандай құжаттар қажет?

Қорғаншы немесе қамқоршы болғысы келетін адамнан, негізінен, мына құжаттар сұралады:

• жеке куәлік;
• қорғаншылық немесе қамқоршылық белгілеу туралы өтініш;
• некеде тұрған жағдайда жұбайының келісімі;
• денсаулық жағдайы туралы медициналық анықтама;
• психиатриялық және наркологиялық есепте тұрмайтыны туралы мәлімет;
• табысы туралы мәлімет;
• тұрғын үй жағдайы туралы мәлімет;
• баланың туу туралы куәлігі;
• баланың ата-анасының қамқорлығынсыз қалғанын растайтын құжат.

4. Баланың ата-анасының қамқорлығынсыз қалғанын қалай растайды?

Бұл жағдайды растайтын құжаттар жағдайға байланысты әртүрлі болады. Мысалы:

• ата-анасының қайтыс болғаны туралы куәлік;
• ата-ана құқығынан айырылғаны туралы сот шешімі;
• ата-анасының хабарсыз кеткенін растайтын сот шешімі;
• ата-анасының бас бостандығынан айырылғанын растайтын құжат;

5. Құжат тапсырғаннан кейін не болады?
6. Құжаттар тексеріледі.
7. Қажет болған жағдайда мамандар сіздің тұрғын үй жағдайыңызды қарайды.
8. Баланың жағдайы мен оның мүддесі ескеріледі.
9. Құжаттар толық болған жағдайда қорғаншылық немесе қамқоршылық белгілеу туралы шешім қабылданады.
10. Шешім қабылданғаннан кейін бала заң талаптарына сәйкес сіздің қамқорлығыңызға беріледі.
11. Қайда нақты кеңес алуға болады?

Егер қандай құжат керектігін немесе қайда бару қажеттігін білмесеңіз, баланың тұрғылықты жері бойынша бала құқығын қорғау басқармасына хабарласыңыз.

Маман сіздің жағдайыңызға қарай қандай құжаттар қажет екенін, қайда тапсыру керектігін және рәсімдеу тәртібін түсіндіреді.

Бала ата-анасының қамқорлығынсыз қалды → баланың тұрғылықты жері бойыншабала құқығын қорғау басқармасына жүгінесіз → құжаттарды тапсырасыз → тұрғын үй және басқа қажетті жағдайлар тексеріледі → шешім қабылданады → балаға қорғаншылық немесе қамқоршылық белгіленеді.