Хабарландыру
Техникалық және кәсіптік, орта білімнен кейінгі білім беру ұйымдарының Қамқоршылық кеңестерінсайлау туралы
Қостанай облысы әкімдігінің білім басқармасы «Білім беру ұйымдарында қамқоршылық кеңестің жұмысын ұйымдастыру және оны сайлау тәртібінің үлгілік қағидаларын бекіту туралы» Қазақстан Республикасы Білім және ғылым министрінің 2017 жылғы 27 шілдедегі № 355 бұйрығына сәйкес Техникалық және кәсіптік, орта білімнен кейінгі білім беру ұйымдарының (бұдан әрі – ТжКОББ) Қамқоршылық кеңестерін сайлауды жариялайды.
Техникалық және кәсіптік, орта білімнен кейінгі білім беру ұйымдарының Қамқоршылық кеңестерініңқұрамына:
1) Білім алушылардың ата-аналары немесе өзге де заңды өкілдері;
2) Мемлекеттік органдардың өкілдері;
3) Өкілді органдар;
4) Жұмыс берушілер мен әлеуметтік әріптестер, меценаттар;
5) Үкіметтік емес ұйымдардың өкілдері.
Қамқоршылық кеңестің мүшелігіне кандидаттарды ата-аналар қоғамының жалпы жиналысында іріктеуден өткен ТжКБ ұйымдары ұсынады.
Ата-аналар жұртшылығынан кандидаттардың тізімі (әрбір курстан осы ТжКБ ұйымында білім алушылардың бір ата-анасынан немесе өзге де заңды өкілінен) қоса беріліп отырған құжаттармен бірге тиісті саланың уәкілетті органына немесе білім беру саласындағы жергілікті атқарушы органға жіберіледі.
Қамқоршылық кеңес мүшелерінің саны тақ болып табылады және әрбір техникалық және кәсіптік, орта білімнен кейінгі білім беру ұйымына кемінде тоғыз адамды құрайды. Қамқоршылық кеңестің құрамына бір-бірімен және осы білім беру ұйымының басшысымен жақын туыстық және тығыз қарым-қатынаста емес кандидаттар кіреді. Қамқоршылық кеңестің мүшелері осы білім беру ұйымы қызметкерлерінің штатына кірмейді.
Үміткерлер комиссияға келесі құжаттарды ұсынады:
1) өтініш (еркін нысанда);
2) кандидаттың жеке басын куәландыратын құжаттың көшірмесі;
3) қазақ немесе орыс тілдеріндегі түйіндеме;
4) білімі бар екендігі туралы құжаттың көшірмесі (бар болса);
5) Қазақстан Республикасы Бас прокуратурасының Құқықтық статистика және арнайы есепке алу комитетінің аумақтық бөлімшелері берген соттылығы мен сыбайлас жемқорлық құқық бұзушылықтарының жоқтығын растайтын құжаттар.
Кандидаттар кәсіптік (немесе) қоғамдық қызмет туралы қосымша мәліметтерді ұсынады.
Құжаттарды тапсыру мерзімі 2026 жылғы 10 қыркүйектен 29 қыркүйек арылығында.
Құжаттарды [email protected] электронды мекенжайына немесе Қостанай қ., Гоголь к-сі, 75, индекс: 110000 мекенжай бойынша «Қостанай облысы әкімдігінің білім басқармасы» ММ-не қағаз нұсқада жолдау қажет.