Қазақстан Республикасы Жер кодексінің 43-бабына сәйкес, жер комиссиясының отырысы оның жалпы құрамының кемінде үштен екісі қатысқан жағдайда заңды болып есептеледі.
Бұл ретте қатысып отырған жер комиссиясы мүшелерінің жалпы санының кемінде елу пайызын қоғамдық кеңестердің, агроөнеркәсіптік кешен саласындағы үкіметтік емес ұйымдардың және өзге де салалық үкіметтік емес ұйымдардың, Қазақстан Республикасы Ұлттық кәсіпкерлер палатасының, сондай-ақ жергілікті өзін-өзі басқару органдарының өкілдері құрауға тиіс.
Жер комиссиясы тұрақты негізде жұмыс істейді. Жер комиссиясы мүшелерінің саны тақ болуы және кемінде тоғыз адамнан тұруы тиіс.
Сонымен қатар, осы Кодекстің 43-1-бабына сәйкес жер учаскелері берілген жағдайда аудан, облыстық маңызы бар қала деңгейінде құрылатын жер комиссиясының құрамына:
жер учаскесі орналасқан аудандық маңызы бар қаланың, кенттің, ауылдың немесе ауылдық округтің әкімі;
тиісті аудандық маңызы бар қаланың, кенттің, ауылдың немесе ауылдық округтің жергілікті қоғамдастық жиналысы ұсынған жергілікті тұрғындардың өкілдері енгізіледі.
Жоғарыда баяндалғандардың негізінде жер комиссиясы ШЕШІМ ҚАБЫЛДАДЫ:
Жер комиссиясы отырысында кворумның болмауына байланысты және Қазақстан Республикасы Жер кодексінің 43-бабын басшылыққа ала отырып, 2026 жылғы 4 шілдеде «Бұқар жырау жаршысы» аудандық газетінің №26 санында жарияланған конкурс қорытындылары шығарылмасын және конкурс өткізілмеді деп танылсын.
Жер комиссиясының 2026 жылғы 4 тамыздағы отырысында кворумның болмауына байланысты комиссияның қандай да бір рәсімдік әрекеттерді жүзеге асыруға құқықтық негізі жоқ болғандықтан, конкурсқа ұсынылған конверттер ашылмасын.
2026 жылғы 4 шілдеде «Бұқар жырау жаршысы» аудандық газетінің №26 санында жарияланған конкурс қорытындыларын шығару жер комиссиясының заң талаптарына сәйкес кворумы қамтамасыз етілген келесі отырысына дейін кейінге қалдырылсын.