Қазақстан Республикасы Жер кодексінің 17, 69 баптарына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңына және «Сұнқар-Ақболат» жауапкершілігі шектеулі серіктестігінің пайдалы қатты қазбаларды барлауға арналған 2025 жылғы 11 желтоқсандағы №3891-EL лицензия негізінде, Жаңақорған ауданының әкімдігі ҚАУЛЫ ЕТЕДІ:
- Осы қаулының қосымшасына сәйкес «Сұнқар-Ақболат» жауапкершілігі шектеулі серіктестігіне пайдалы қатты қазбаларды барлау жөніндегі операцияларды жүргізу үшін меншік иелері мен жер пайдаланушылардан жер учаскелерін алып қоймастан 2031 жылдың желтоқсан айының 11-не дейінгі мерзімге жария сервитут белгіленсін.
- «Сұнқар-Ақболат» жауапкершілігі шектеулі серіктестігіне жер учаскелерінде жерге залал келтіретін жұмыстар жүргізу туындаған жағдайда меншiк иелерімен немесе жер пайдаланушылармен жекеше сервитутты белгілеу туралы шарт жасасу міндеттелсін.
- «Сұнқар-Ақболат» жауапкершілігі шектеулі серіктестігіне Қазақстан Республикасы заңнамасының талаптарын сақтау және операция аяқталғаннан кейін бүлінген жерлерді қалпына келтіру ұсынылсын.
- Осы қаулының орындалуын бақылау аудан әкімінің тиісті сала орынбасарына жүктелсін.
- Осы қаулы ресми жарияланған күнінен бастап қолданысқа енгізіледі.
| Аудан әкімі | Ғ. Жарқынбек |