«Қазақстан Республикасы Құрылтайының сайлауын тағайындау туралы» Қазақстан Республикасы Президентінің 2026 жылғы 1 шілдедегі № 1338 Жарлығына, «Қазақстан Республикасындағы сайлау туралы» Қазақстан Республикасының Конституциялық заңына, сондай-ақ Қазақстан Республикасы Орталық сайлау комиссиясының «2026 жылғы 23 тамызға тағайындалған Қазақстан Республикасы Құрылтайы депутаттарының сайлауын дайындау мен өткізу жөніндегі негізгі іс-шаралардың Күнтізбелік жоспарын бекіту туралы» 2026 жылғы 1 шілдедегі № 26/41 қаулысына сәйкес, сайлау алдындағы үгіт жүргізу кезеңінде «Сандықтауский край» аудандық газетінде сайлау алдындағы үгіт материалдарын орналастыру үшін баспа алаңының ұсынылатын ақы мөлшері, шарттары мен тәртібі туралы хабарлаймыз.
Жариялау үшін келісім шарттары 2026 жылдың 23 шілдеден бастап жасалады.
2026 жылдың 21 тамызы – үгіт насихат материалдарын жариялаудың соңғы күні.
Газет редакциясы үгіт материалдарын жариялаудың кезегін олардың редакцияға келіп түсуімен байланыстырады. «Сандықтауский край» газетінің жолақтарында үгіт материалдарының орналасқан жерін редакция дербес анықтайды. Үгіт материалдары «Сандықтауский край» газетінде «Құрылтай – 2026» айдарымен жарияланады.
Ұсынылған сайлау және үгіт материалдарының бір шаршы сантиметрі үшін құны 500 (бес жүз) теңгені құрайды.
«Сандықтауский край» газеті аптасына бір рет (жұма күні) А3 форматында шығады.