Ауданның жергілікті мемлекеттік органдары мемлекеттік тізілімге енгізілген мемлекеттік қызметтердің 49 түрін көрсетеді. Есепті кезеңде барлығы 1130 мемлекеттік қызмет көрсетілді, оның ішінде баламалы негізде 117 қызмет, электрондық түрде –1013 қызмет, оның ішінде «электрондық үкімет» веб-порталы арқылы – 317 қызмет, «Е-лицензиялау» - 518 қызмет, көрсетілетін қызметті берушінің ақпараттық жүйелері арқылы - 178 қызмет.
Есепті кезеңде тұрғындармен 17 ақпараттық-түсіндіру шарасы өткізілді, аудандық «Ұлытау» газетіне 5 мақала жарияланып, 2 онлайн мемлекеттік қызметтер жәрмеңкесі өткізілді.
Ауданның мемлекеттік мекемелерінде азаматтарды қабылдау үшін жағдайлар жасалған, "электрондық үкімет" порталы арқылы мемлекеттік қызметтерді алуға практикалық көмек көрсету үшін өзіне-өзі қызмет көрсету бұрыштары ашылған Egov.kz.ақпараттық стендтер орналастырылды. Мемлекеттік қызметтер мәселелері бойынша БАҚ-та және әлеуметтік желілерде 2 жарияланым орналастырылды, 50-ден астам брошюралар таратылды.
Мемлекеттік қызметтер көрсетудің сапасы мен қолжетімділігін бақылауды жүзеге асыру мақсатында аудан әкімінің 2025 жылғы 12 желтоқсандағы №46ө өкімімен ауданның мемлекеттік мекемелерінде және олардың құрылымдық бөлімшелерінде 2026 жылға арналған ішкі бақылау жүргізу жөніндегі бақылау іс-шараларының жоспары бекітілді. Жоспарға сәйкес Алғабас, Аманкелді, Егінді село әкімдіктеріне ішкі бақылау жүргізілді.
Барлық мемлекеттік мекемелер жұмыста заңдар мен заңға тәуелді актілердегі барлық өзгерістерді ескере отырып, қолданыстағы заңнаманы басшылыққа алады. Мемлекеттік қызмет көрсетудің барлық процестері бекітілген ережелерге сәйкес жүзеге асырылады.
Мемлекеттік қызмет көрсету мәселелері бойынша шағымдар түскен жоқ.